ஶ்ரீமத்³வால்மீகீய ராமாயணே அரண்யகாண்ட³ம் ।
அத² சதுர்விம்ஶஸ்ஸர்க:³ ।
ஆஶ்ரமம் ப்ரதி யாதே து க²ரே க²ரபராக்ரமே ।
தானேவௌத்பாதிகான்ராமஸ்ஸஹ ப்⁴ராத்ரா த³த³ர்ஶ ஹ ॥ 1 ॥
தானுத்பாதான்மஹோகோ⁴ரானுத்தி²தான்ரோமஹர்ஷணான் ।
ப்ரஜானாமஹிதாந்த்³ருஷ்ட்வா ராமோ லக்ஷ்மணமப்³ரவீத் ॥ 2 ॥
இமான்பஶ்ய மஹாபா³ஹோ ஸர்வபூ⁴தாபஹாரிண: ।
ஸமுத்தி²தான்மஹோத்பாதான்ஸம்ஹர்தும் ஸர்வராக்ஷஸான் ॥ 3 ॥
அமீ ருதி⁴ரதா⁴ராஸ்து விஸ்ருஜந்த: க²ரஸ்வனா: ।
வ்யோம்னி மேகா⁴ விவர்தந்தே பருஷா க³ர்த³பா⁴ருணா: ॥ 4 ॥
ஸதூ⁴மாஶ்ச ஶராஸ்ஸர்வே மம யுத்³தா⁴பி⁴னந்தி³ன: ।
ருக்மப்ருஷ்டா²னி சாபானி விசேஷ்டந்தே ச லக்ஷ்மண ॥ 5 ॥
யாத்³ருஶா இஹ கூஜந்தி பக்ஷிண: வனசாரிண: ।
அக்³ரதோ நோ ப⁴யம் ப்ராப்தம் ஸம்ஶயோ ஜீவிதஸ்ய ச ॥ 6 ॥
ஸம்ப்ரஹாரஸ்து ஸுமஹான்ப⁴விஷ்யதி ந ஸம்ஶய: ।
அயமாக்²யாதி மே பா³ஹுஸ்ஸ்பு²ரமாணோ முஹுர்முஹு: ॥ 7 ॥
ஸன்னிகர்ஷே து ந ஶ்ஶூர ஜயம் ஶத்ரோ: பராஜயம் ।
ஸப்ரப⁴ம் ச ப்ரஸன்னம் ச தவ வக்த்ரம் ஹி லக்ஷ்யதே ॥ 8 ॥
உத்³யதானாம் ஹி யுத்³தா⁴ர்த²ம் யேஷாம் ப⁴வதி லக்ஷ்மண ।
நிஷ்ப்ரப⁴ம் வத³னம் தேஷாம் ப⁴வத்யாயு: பரிக்ஷய: ॥ 9 ॥
ரக்ஷஸாம் நர்த³தாம் கோ⁴ரஶ்ஶ்ரூயதே ச மஹாத்⁴வனி: ।
ஆஹதானாம் ச பே⁴ரீணாம் ராக்ஷஸை: க்ரூரகர்மபி⁴: ॥ 1௦ ॥
அனாக³தவிதா⁴னம் து கர்தவ்யம் ஶுப⁴மிச்ச²தா ।
ஆபத³ம் ஶங்கமானேன புருஷேண விபஶ்சிதா ॥ 11 ॥
தஸ்மாத்³க்³ருஹீத்வா வைதே³ஹீம் ஶரபாணிர்த⁴னுர்த⁴ர: ।
கு³ஹாமாஶ்ரய ஶைலஸ்ய து³ர்கா³ம் பாத³பஸங்குலாம் ॥ 12 ॥
ப்ரதிகூலிதுமிச்சா²மி ந ஹி வாக்யமித³ம் த்வயா ।
ஶாபிதோ மம பாதா³ப்⁴யாம் க³ம்யதாம் வத்ஸ மா சிரம் ॥ 13 ॥
த்வம் ஹி ஶூரஶ்ச ப³லவான்ஹன்யாஹ்யேதான்ன ஸம்ஶய: ।
ஸ்வயம் து ஹந்துமிச்சா²மி ஸர்வானேவ நிஶாசரான் ॥ 14 ॥
ஏவமுக்தஸ்து ராமேண லக்ஷ்மணஸ்ஸஹ ஸீதாயா ।
ஶரானாதா³ய சாபம் ச கு³ஹாம் து³ர்கா³ம் ஸமாஶ்ரயத் ॥ 15 ॥
தஸ்மின்ப்ரவிஷ்டே து கு³ஹாம் லக்ஷ்மணே ஸஹ ஸீதயா ।
ஹந்த நிர்யுக்தமித்யுக்த்வா ராம: கவசமாவிஶத் ॥ 16 ॥
ஸ தேனாக்³னி நிகாஶேன கவசேன விபூ⁴ஷித: ।
ப³பூ⁴வ ராம ஸ்திமிரே விதூ⁴மோக்³னிரிவோத்தி²த: ॥ 17 ॥
ஸ சாபமுத்³யம்ய மஹச்ச²ரானாதா³ய வீர்யவான் ।
ப³பூ⁴வாவஸ்தி²தஸ்தத்ர ஜ்யாஸ்வனை: பூரயந்தி³ஶ: ॥ 18 ॥
ததோ தே³வாஸ்ஸக³ந்த⁴ர்வாஸ்ஸித்³தா⁴ஶ்ச ஸஹ சாரணை: ।
ஸமேயுஶ்ச மஹாத்மானோ யுத்³த⁴த³ர்ஶனகாங்க்ஷிண: ॥ 19 ॥
ருஷயஶ்ச மஹாத்மானோ லோகே ப்³ரஹ்மர்ஷிஸத்தமா: ।
ஸமேத்ய சோசுஸ்ஸஹிதா அன்யோன்யம் புண்யகர்மண: ॥ 2௦ ॥
ஸ்வஸ்தி கோ³ப்³ராஹ்மணேப்⁴யோஸ்து லோகானாம் யேபி⁴ஸங்க³தா: ।
ஜயதாம் ராக⁴வோ யுத்³தே⁴ பௌலஸ்த்யான் ரஜனீசரான் ॥ 21 ॥
சக்ரஹஸ்தோ யதா² யுத்³தே⁴ ஸர்வானஸுர புங்க³வான் ।
ஏவமுக்த்வா புன: ப்ரோசுராலோக்ய ச பரஸ்பரம் ॥ 22 ॥
சதுர்த³ஶ ஸஹஸ்ராணி ரக்ஷஸாம் பீ⁴மகர்மணாம் ।
ஏகஶ்ச ராமோ த⁴ர்மாத்மா கத²ம் யுத்³த⁴ம் ப⁴விஷ்யதி ॥ 23 ॥
இதி ராஜர்ஷயஸ்ஸித்³தா⁴ஸ்ஸக³ணாஶ்ச த்³விஜர்ஷபா⁴: ।
ஜாதகௌதூஹலாஸ்தஸ்து²ர்விமானஸ்தா²ஶ்ச தே³வதா: ॥ 24 ॥
ஆவிஷ்டம் தேஜஸா ராமம் ஸங்க்³ராமஶிரஸி ஸ்தி²தம் ।
த்³ருஷ்ட்வா ஸர்வாணி பூ⁴தானி ப⁴யாத்³விவ்யதி²ரே ததா³ ॥ 25 ॥
ரூபமப்ரதிமம் தஸ்ய ராமஸ்யாக்லிஷ்டகர்மண: ।
ப³பூ⁴வ ரூபம் க்ருத்³த⁴ஸ்ய ருத்³ரஸ்யேவ பினாகின: ॥ 26 ॥
ததோ க³ம்பீ⁴ரனிர்ஹ்ராத³ம் கோ⁴ரவர்மாயுத⁴த்⁴வஜம் ।
அனீகம் யாதுதா⁴னானாம் ஸமந்தாத்ப்ரத்யத்³ருஶ்யத ॥ 27 ॥
ஸிம்ஹனாத³ம் விஸ்ருஜதாமன்யோன்யமபி⁴க³ர்ஜதாம் ।
சாபானி விஸ்பா²ரயதாம் ஜ்ரும்ப⁴தாமப்யபீ⁴க்ஷ்ணஶ: ॥ 28 ॥
விப்ரகு⁴ஷ்டஸ்வனானாம் ச து³ந்து⁴பீ⁴ம்ஶ்சாபி நிக்⁴னதாம் ।
தேஷாம் ஸுதுமுலஶ்ஶப்³த:³ பூரயாமாஸ தத்³வனம் ॥ 29 ॥
தேன ஶப்³தே³ன வித்ரஸ்தாஶ்வாபதா³ வனசாரிண: ।
து³த்³ருவுர்யத்ர நிஶ்ஶப்³த³ம் ப்ருஷ்ட²தோ ந வ்யலோகயன் ॥ 3௦ ॥
தத்த்வனீகம் மஹாகோ⁴ரம் ராமம் ஸமுபஸர்பத ।
த்⁴ருதனானாப்ரஹரணம் க³ம்பீ⁴ரம் ஸாக³ரோபமம் ॥ 31 ॥
ராமோபி சாரயம்ஶ்சக்ஷுஸ்ஸர்வதோ ரணபண்டி³த: ।
த³த³ர்ஶ க²ரஸைன்யம் தத்³யுத்³தா⁴பி⁴முக²முத்தி²தம் ॥ 32 ॥
விதத்ய ச த⁴னுர்பீ⁴மம் தூண்யாஶ்சோத்³த்⁴ருத்ய ஸாயகான் ।
க்ரோத⁴மாஹாரயத்தீவ்ரம் வதா⁴ர்த²ம் ஸர்வரக்ஷஸாம் ॥ 33 ॥
து³ஷ்ப்ரேக்ஷ்யஸ்ஸோப⁴வத்க்ருத்³தோ⁴ யுகா³ந்தாக்³னிரிவ ஜ்வலன் ।
தம் த்³ருஷ்ட்வா தேஜஸாவிஷ்டம் ப்ராத்³ரவன்வனதே³வதா: ॥ 34 ॥
தஸ்ய க்ருத்³த⁴ஸ்ய ரூபம் து ராமஸ்ய த³த்³ருஶே ததா³ ।
த³க்ஷஸ்யேவ க்ரதும் ஹந்துமுத்³யதஸ்ய பினாகின: ॥ 35 ॥
ஆவிஷ்டம் தேஜஸா ராமம் ஸங்க்³ராமஶிரஸி ஸ்தி²தம் ।
த்³ருஷ்ட்வா ஸர்வாணி பூ⁴தானி ப⁴யார்தானி ப்ரது³த்³ருவு: ॥ 36 ॥
தத்கார்முகைராப⁴ரணைர்த்⁴வஜைஶ்ச தைர்வர்மபி⁴ஶ்சாக்³னிஸமானவர்ணை: ।
ப³பூ⁴வ ஸைன்யம் பிஶிதாஶனானாம் ஸூர்யோத³யே நீலமிவாப்⁴ரப்³ருந்த³ம் ॥ 37 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ சதுர்விம்ஶஸ்ஸர்க:³ ॥
