ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² சது:பஞ்சாஶஸ்ஸர்க:³ ।
ததா² ப்³ருவதி தாரே து தாராதி⁴பதிவர்சஸி ।
அத² மேனே ஹ்ருதம் ராஜ்யம் ஹனூமானங்க³தே³ன தத் ॥ 1 ॥
பு³த்³த்⁴யா ஹ்யஷ்டாங்க³யா யுக்தம் சதுர்ப³லஸமன்விதம் ।
சதுர்த³ஶகு³ணம் மேனே ஹனூமான்வாலினஸ்ஸுதம் ॥ 2 ॥
ஆபூர்யமாணம் ஶஶ்வச்ச தேஜோப³லபராக்ரமை: ।
ஶஶினம் ஶுக்லபக்ஷாதௌ³ வர்த⁴மானமிவ ஶ்ரியா ॥ 3 ॥
ப்³ருஹஸ்பதிஸமம் பு³த்³த்⁴யா விக்ரமே ஸத்³ருஶம் பிது: ।
ஶுஶ்ரூஷமாணம் தாரஸ்ய ஶக்ரஸ்யேவ புரந்த³ரம் ॥ 4 ॥
ப⁴ர்துரர்தே² பரிஶ்ராந்தம் ஸர்வஶாஸ்த்ரவிதா³ம்வரம் ।
அபி⁴ஸந்தா⁴துமாரேபே⁴ ஹனூமானங்க³த³ம் தத: ॥ 5 ॥
ஸ சதுர்ணாமுபாயானாம் த்ருதீயமுபவர்ணயன் ।
பே⁴த³யாமாஸ தான்ஸர்வான் வானரான்வாக்யஸம்பதா³ ॥ 6 ॥
தேஷு ஸர்வேஷு பி⁴ன்னேஷு ததோபீ⁴ஷயத³ங்க³த³ம் ।
பீ⁴ஷணைர்ப⁴ஹுபி⁴ர்வாக்யை: கோபோபாயஸமன்விதை: ॥ 7 ॥
த்வம் ஸமர்த²தர: பித்ரா யுத்³தே⁴ தாரேய வை து⁴ரம் ।
த்³ருட⁴ம் தா⁴ரயிதும் ஶக்த: கபிராஜ்யம் யதா² பிதா ॥ 8 ॥
நித்யமஸ்தி²ரசித்தா ஹி கபயோ ஹரிபுங்க³வ ।
நாஜ்ஞாப்யம் விஷஹிஷ்யந்தி புத்ரதா³ரான்வினா த்வயா ॥ 9 ॥
த்வாம் நைதேஹ்யனுயுஞ்ஜேயு: ப்ரத்யக்ஷம் ப்ரவதா³மி தே ।
யதா²யம் ஜாம்ப³வான்னீலஸ்ஸுஹோத்ரஶ்ச மஹாகபி: ॥ 1௦ ॥
ந ஹ்யஹம் தே இமே ஸர்வே ஸாமதா³னாதி³பி⁴ர்கு³ணை: ।
த³ண்டே³ன வா த்வயா ஶக்யாஸ்ஸுக்³ரீவாத³பகர்ஷிதம் ॥ 11 ॥
விக்³ருஹ்யாஸனமப்யாஹுர்து³ர்ப³லேன ப³லீயஸ: ।
ஆத்மரக்ஷாகரஸ்தஸ்மான்ன விக்³ருஹ்ணீத து³ர்ப³ல: ॥ 12 ॥
யாம் சேமாம் மன்யஸே தா⁴த்ரீமேதத்³பி³லமிதி ஶ்ருதம் ।
ஏதல்லக்ஷ்மணபா³ணானாமீஷத்கார்யம் விதா³ரணே ॥ 13 ॥
ஸ்வல்பம் ஹி க்ருதமிந்த்³ரேண க்ஷிபதா ஹ்யஶனிம் புரா ।
லக்ஷ்மணோ நிஶிதைர்பா³ணைர்பி⁴ந்த்⁴யாத்பத்ரபுடம் யதா² ॥ 14 ॥
லக்ஷ்மணஸ்ய ச நாராசா ப³ஹவஸ்ஸந்தி தத்³விதா⁴: ।
வஜ்ராஶனிஸமஸ்பர்ஶா கி³ரீணாமபி தா³ரணா: ॥ 15 ॥
அவஸ்தா²னே யதை³வ த்வமாஸிஷ்யஸி பரந்தப ।
ததை³வ ஹரயஸ்ஸர்வே த்யக்ஷ்யந்தி க்ருதனிஶ்சயா: ॥ 16 ॥
ஸ்மரந்த: புத்ரதா³ராணாம் நித்யோத்³விக்³னா பு³பு⁴க்ஷிதா: ।
கே²தி³தா து³:க²ஶய்யாபி⁴ஸ்த்வாம் கரிஷ்யந்தி ப்ருஷ்ட²த: ॥ 17 ॥
ஸ த்வம் ஹீனஸ்ஸுஹ்ருத்³பி⁴ஶ்ச ஹிதகாமைஶ்ச ப³ந்து⁴பி⁴: ।
த்ருணாத³பி ப்⁴ருஶோத்³விக்³னஸ்ஸ்பந்த³மானாத்³ப⁴விஷ்யஸி ॥ 18 ॥
ந ச ஜாது ந ஹிம்ஸ்யுஸ்த்வாம் கோ⁴ரா லக்ஷ்மணஸாயகா: ।
அபவ்ருத்தம் ஜிகா⁴ம்ஸந்தோ மஹாவேகா³ து³ராஸதா³: ॥ 19 ॥
ந ச ஜாது ந ஹிம்ஸ்யுஸ்த்வா கோ⁴ரா லக்ஷ்மணஸாயகா: ।
அபாவ்ருத்தம் ஜிகா⁴ம்ஸந்தோ மஹாவேகா³ து³ராஸதா³: ॥ 2௦ ॥
அஸ்மாபி⁴ஸ்து க³தம் ஸார்த⁴ம் வினீதவது³பஸ்தி²தம் ।
ஆனுபூர்வ்யாத்து ஸுக்³ரீவோ ராஜ்யே த்வாம் ஸ்தா²பயிஷ்யதி ॥ 21 ॥
த⁴ர்மகாம: பித்ருவ்யஸ்தே ப்ரீதிகாமோ த்³ருட⁴வ்ரத: ।
ஶுசிஸ்ஸத்யப்ரதிஜ்ஞஶ்ச ந த்வாம் ஜாது ஜிகா⁴ம்ஸதி ॥ 22 ॥
ப்ரியகாமஶ்ச தே மாதுஸ்தத³ர்த²ம் சாஸ்ய ஜீவிதம் ।
தஸ்யாபத்யம் ச நாஸ்த்யன்யத்தஸ்மாத³ங்க³த³ க³ம்யதாம் ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ சது:பஞ்சாஶஸ்ஸர்க:³ ॥
