ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஶததமஸ்ஸர்க:³ ।
ஜடிலம் சீரவஸனம் ப்ராஞ்ஜலிம் பதிதம் பு⁴வி ।
த³த³ர்ஶ ராமோ து³ர்த³ர்ஶம் யுகா³ந்தே பா⁴ஸ்கரம்யதா² ॥ 1 ॥
கத²ஞ்சித³பி⁴விஜ்ஞாய விவர்ணவத³னம் க்ருஶம் ।
ப்⁴ராதரம் ப⁴ரதம் ராம: பரிஜக்³ராஹ பா³ஹுனா ॥ 2 ॥
ஆக்⁴ராய ராமஸ்தம் மூர்த்⁴னி பரிஷ்வஜ்ய ச ராக⁴வ: ।
அங்கே ப⁴ரதமாரோப்ய பர்யப்ருச்ச²த்ஸமாஹித: ॥ 3 ॥
க்வ நு தேபூ⁴த்பிதா தாத யத³ரண்யம் த்வமாக³த: ।
ந ஹி த்வம் ஜீவதஸ்தஸ்ய வனமாக³ந்துமர்ஹஸி ॥ 4 ॥
சிரஸ்ய ப³த பஶ்யாமி தூ³ராத்³ப⁴ரதமாக³தம் ।
து³ஷ்ப்ரதீகமரண்யேஸ்மின் கிம் தாத வனமாக³த: ॥ 5 ॥
கச்சித்³தா⁴ரயதே தாத ராஜா யத்த்வமிஹாக³த: ।
கச்சின்ன தீ³ன ஸ்ஸஹஸா ராஜா லோகாந்தரம் க³த: ॥ 6 ॥
கச்சித்ஸௌம்ய ந தே ராஜ்யம் ப்⁴ரஷ்டம் பா³லஸ்ய ஶாஶ்வதம் ।
கச்சிச்சு²ஶ்ரூஷஸே தாத பிதரம் ஸத்யவிக்ரமம் ॥ 7 ॥
கச்சித்³த⁴ஶரதோ² ராஜா குஶலீ ஸத்யஸம்ங்க³ர: ।
ராஜஸூயாஶ்வமேதா⁴னாமாஹர்தா த⁴ர்மனிஶ்சய: ॥ 8 ॥
ஸ கச்சித்³ப்³ராஹ்மணோ வித்³வான் த⁴ர்மனித்யோ மஹாத்³யுதி: ।
இக்ஷ்வாகூணாமுபாத்⁴யாயோ யதா²வத்தாத பூஜ்யதே ॥ 9 ॥
ஸா தாத கச்சித்கௌஸல்யா ஸுமித்ரா ச ப்ரஜாவதீ ।
ஸுகி²னீ கச்சிதா³ர்யா ச தே³வீ நந்த³தி கைகயீ ॥ 1௦ ॥
கச்சித்³வினயஸம்பன்ன: குலபுத்ரோ ப³ஹுஶ்ருத: ।
அனஸூயுரனுத்³ரஷ்டா ஸத்க்ருதஸ்தே புரோஹித: ॥ 11 ॥
கச்சித³க்³னிஷு தே யுக்தோ விதி⁴ஜ்ஞோ மதிமான்ருஜு: ।
ஹுதம் ச ஹோஷ்யமாணம் ச காலே வேத³யதே ஸதா³ ॥ 12 ॥
கச்சித்³தே³வான்பித்ரூன் மாத்ருர்கு³ரூன்பித்ருஸமானபி ।
வ்ருத்³தா⁴ம்ஶ்ச தாத வைத்³யாம்ஶ்ச ப்³ராஹ்மணாம்ஶ்சாபி⁴மன்யஸே ॥ 13 ॥
இஷ்வஸ்த்ரவரஸம்பன்னமர்த²ஶாஸ்த்ர விஶாரத³ம் ।
ஸுத⁴ன்வானமுபாத்⁴யாயம் கச்சித்த்வம் தாத மன்யஸே ॥ 14 ॥
கச்சிதா³த்மஸமா ஶ்ஶூரா ஶ்ஶ்ருதவந்தோ ஜிதேந்த்³ரியா: ।
குலீனாஶ்சேங்கி³தஜ்ஞாஶ்ச க்ருதாஸ்தே தாத மந்த்ரிண: ॥ 15 ॥
மந்த்ரோ விஜயமூலம் ஹி ராஜ்ஞாம் ப⁴வதி ராக⁴வ ।
ஸுஸம்வ்ருதோ மந்த்ரத⁴ரைரமாத்யை ஶ்ஶாஸ்த்ரகோவிதை³: ॥ 16 ॥
கச்சின்னித்³ராவஶம் நைஷீ: கச்சித் காலேவபு³த்⁴யஸே ।
கச்சிச்சாபரராத்ரேஷு சிந்தியஸ்யர்த²னைபுணம் ॥ 17 ॥
கச்சின்மந்த்ரயஸே நைக: கச்சின்ன ப³ஹுபி⁴ஸ்ஸஹ ।
கச்சித்தே மந்த்ரிதோ மந்த்ரோ ராஷ்ட்ரம் ந பரிதா⁴வதி ॥ 18 ॥
கச்சித³ர்த²ம் வினிஶ்சித்ய லகு⁴மூலம் மஹோத³யம் ।
க்ஷிப்ரமாரப⁴ஸே கர்தும் ந தீ³ர்க⁴யஸி ராக⁴வ ॥ 19 ॥
கச்சித்து ஸுக்ருதான்யேவ க்ருதரூபாணி வா புன: ।
விது³ஸ்தே ஸர்வகார்யாணி ந கர்தவ்யானி பார்தி²வா: ॥ 2௦ ॥
கச்சின்னதர்கைர்யுக்த்யா வா யே சாப்யபரிகீர்திதா: ।
த்வயா வா தவாமாத்யைர்பு³த்⁴யதே தாத மந்த்ரிதம் ॥ 21 ॥
கச்சித்ஸஹஸ்ரான்மூர்கா²ணாமேகமிச்ச²ஸி பண்டி³தம் ।
பண்டி³தோ ஹ்யர்த²க்ருச்ச்²ரேஷு குர்யான்னிஶ்ரேயஸம் மஹத் ॥ 22 ॥
ஸஹஸ்ராண்யபி மூர்கா²ணாம் யுத்³யுபாஸ்தே மஹீபதி: ।
அத²வாப்யயுதான்யேவ நாஸ்தி தேஷு ஸஹாயதா ॥ 23 ॥
ஏகோப்யமாத்யோ மேதா⁴வீ ஶூரோ த³க்ஷோ விசக்ஷண: ।
ராஜானம் ராஜபுத்ரம் வா ப்ராபயேன்மஹதீம் ஶ்ரியம் ॥ 24 ॥
கச்சின்முக்²யா மஹாத்ஸ்வேவ மத்⁴யமேஷு ச மத்⁴யமா: ।
ஜக⁴ன்யாஶ்ச ஜக⁴ன்யேஷு ப்⁴ருத்யா: கர்மஸு யோஜிதா: ॥ 25 ॥
அமாத்யானுபதா⁴தீதான்பித்ருபைதாமஹாஞ்சு²சீன் ।
ஶ்ரேஷ்டா²ஞ்ச்²ரேஷ்டே²ஷுகச்சித்வம் நியோஜயஸி கர்மஸு ॥ 26 ॥
கச்சின்னோக்³ரேண த³ண்டே³ன ப்⁴ருஶமுத்³வேஜிதப்ரஜம் ।
ராஷ்ட்ரம் தவானுஜானந்தி மந்த்ரிண: கைகயீஸுத ॥ 27 ॥
கச்சித்த்வாம் நாவஜானந்தி யாஜகா: பதிதம் யதா² ।
உக்³ரப்ரதிக்³ரஹீதாரம் காமயானமிவ ஸ்த்ரிய: ॥ 28 ॥
உபாயகுஶலம் வைத்³யம் ப்⁴ருத்யஸந்தூ³ஷணே ரதம் ।
ஶூரமைஶ்வர்யகாமம் ச யோ ந ஹந்தி ஸ ஹன்யதே ॥ 29 ॥
கச்சித்³த்⁴ருஷ்டஶ்ச ஶூரஶ்ச மதிமான் த்⁴ருதிமான் ஶுசி: ।
குலீனஶ்சானுரக்தஶ்ச த³க்ஷஸ்ஸேனாபதி: க்ருத: ॥ 3௦ ॥
ப³லவந்தஶ்ச கச்சித்தே முக்²யா யுத்⁴த³விஶாரதா³: ।
த்³ருஷ்டாபதா³னா விக்ராந்தாஸ்த்வயா ஸத்க்ருத்யமானிதா: ॥ 31 ॥
கச்சித்³ப³லஸ்ய ப⁴க்தம் ச வேதனம் ச யதோ²சிதம் ।
ஸம்ப்ராப்தகாலம் தா³தவ்யம் த³தா³ஸி ந விலம்ப³ஸே ॥ 32 ॥
காலாதிக்ரமணாச்சைவ ப⁴க்தவேதனயோர்ப்⁴ருதா: ।
ப⁴ர்து: குப்யந்தி து³ஷ்யந்தி ஸோனர்த² ஸ்ஸுமஹான் ஸ்ம்ருத: ॥ 33 ॥
கச்சித்ஸர்வேனுரக்தாஸ்த்வாம் குலபுத்ரா: ப்ரதா⁴னத: ।
கச்சித்ப்ராணாம் ஸ்தவார்தே²ஷு ஸந்த்யஜந்தி ஸமாஹிதா: ॥ 34 ॥
கச்சிஜ்ஜானபதோ³ வித்³வாந்த³க்ஷிண: ப்ரதிபா⁴னவான் ।
யதோ²க்தவாதீ³ தூ³தஸ்தே க்ருதோ ப⁴ரத பண்டி³த: ॥ 35 ॥
கச்சித³ஷ்டாத³ஶான்யேஷு ஸ்வபக்ஷே த³ஶ பஞ்ச ச ।
த்ரிபி⁴ஸ்த்ரிபி⁴ரவிஜ்ஞாதைர்வேத்ஸி தீர்தா²னி சாரகை: ॥ 36 ॥
கச்சித்³வ்யபாஸ்தானஹிதான்ப்ரதியாதாம்ஶ்ச ஸர்வதா³ ।
து³ர்ப³லானநவஜ்ஞாய வர்தஸே ரிபுஸூத³ன ॥ 37 ॥
கச்சின்ன லௌகாயதிகான்ப்³ராஹ்மணாம்ஸ்தாத ஸேவஸே ।
அனர்த²குஶலா ஹ்யேதே பா³லா: பண்டி³தமானின: ॥ 38 ॥
த⁴ர்மஶாஸ்த்ரேஷு முக்²யேஷு வித்³யமானேஷு து³ர்பு³தா⁴: ।
பு³த்³தி⁴மான்வீக்ஷிகீம் ப்ராப்ய நிரர்த²ம் ப்ரவத³ந்தி தே ॥ 39 ॥
வீரைரத்⁴யுஷிதாம் பூர்வமஸ்மாகம் தாத பூர்வகை: ।
ஸத்யனாமாம் த்³ருட⁴ த்³வாராம் ஹஸ்த்யஶ்வரத²ஸங்குலாம் ॥ 4௦ ॥
ப்³ராஹ்மணை: க்ஷத்ரியைர்வைஶ்யை ஸ்ஸ்வகர்மனிரதைஸ்ஸதா³ ।
ஜிதேந்த்³ரியைர்மஹோத்ஸாஹைர்வ்ருதாமார்யை ஸ்ஸஹஸ்ரஶ: ॥ 41 ॥
ப்ராஸாதை³ர்விவிதா⁴காரைர்வ்ருதாம் வைத்³யஜனாகுலாம் ।
கச்சித்ஸுமுதி³தாம் ஸ்பீ²தாமயோத்⁴யாம் பரிரக்ஷஸி ॥ 42 ॥
கச்சிச்சைத்யஶதைர்ஜுஷ்ட ஸ்ஸுனிவிஷ்டஜனாகுல: ।
தே³வஸ்தா²னை: ப்ரபாபி⁴ஶ்ச தடாகைஶ்சோபஶோபி⁴த: ॥ 43 ॥
ப்ரஹ்ருஷ்டனரனாரீகஸ்ஸமாஜோத்ஸவஶோபி⁴த: ।
ஸுக்ருஷ்டஸீமா பஶுமான்ஹிம்ஸாபி⁴: பரிவர்ஜித: ॥ 44 ॥
அதே³வமாத்ருகோ ரம்ய ஶ்ஶ்வாபதை³: பரிவர்ஜித: ।
பரித்யக்தோ ப⁴யைஸ்ஸர்வை: க²னிபி⁴ஶ்சோபஶோபி⁴த: ॥ 45 ॥
விவர்ஜிதோ நரை: பாபைர்மம பூர்வை ஸ்ஸுரக்ஷித: ।
கச்சிஜ்ஜனபத³ஸ்ஸ்பீ²த: ஸுக²ம் வஸதி ராக⁴வ ॥ 46 ॥
கச்சித்தே த³யிதாஸ்ஸர்வே க்ருஷிகோ³ரக்ஷஜீவின: ।
வார்தாயாம் ஸம்ஶ்ரிதஸ்தாத லோகோ ஹி ஸுக²மேத⁴தே ॥ 47 ॥
தேஷாம் கு³ப்திபரீஹாரை: கச்சித்தே ப⁴ரணம் க்ருதம் ।
ரக்ஷ்யா ஹி ராஜ்ஞா த⁴ர்மேண ஸர்வே விஷயவாஸின: ॥ 48 ॥
கச்சிஸ்த்ரிய ஸ்ஸாந்த்வயஸி கச்சித்தாஶ்ச ஸுரக்ஷிதா: ।
கச்சின்ன ஶ்ரத்³தா⁴ஸ்யாஸாம் கச்சித்³கு³ஹ்யம் ந பா⁴ஷஸே ॥ 49 ॥
கச்சின்னாக³வனம் கு³ப்தம் கச்சித்தே ஸந்தி தே⁴னுகா: ।
கச்சின்ன க³ணிகாஶ்வானாம் குஞ்ஜராணாம் ச த்ருப்யஸி ॥ 5௦ ॥
கச்சித்³த³ர்ஶயஸே நித்யம் மனுஷ்யாணாம் விபூ⁴ஷிதம் ।
உத்தா²யோத்தா²ய பூர்வாஹ்ணே ராஜபுத்ர மஹாபதே² ॥ 51 ॥
கச்சின்ன ஸர்வே கர்மாந்தா: ப்ரத்யக்ஷாஸ்தேவிஶங்கயா ।
ஸர்வே வா புனருத்ஸ்ருஷ்டா மத்⁴யமேவாத்ர காரணம் ॥ 52 ॥
கச்சித்ஸர்வாணி து³ர்கா³ணி த⁴னதா⁴ன்யாயுதோ⁴த³கை: ।
யந்த்ரைஶ்ச பரிபூர்ணானி ததா² ஶில்பித⁴னுர்த⁴ரை: ॥ 53 ॥
ஆயஸ்தே விபுல: கச்சித்கச்சித³ல்பதரோ வ்யய: ।
அபாத்ரேஷு ந தே கச்சித்கோஶோ க³ச்ச²தி ராக⁴வ ॥ 54 ॥
தே³வதார்தே² ச பித்ரர்தே²ப்³ராஹ்மணாப்⁴யாக³தேஷு ச ।
யோதே⁴ஷு மித்ரவர்கே³ஷு கச்சித்³க³ச்ச²தி தே வ்யய: ॥ 55 ॥
கச்சிதா³ர்யோ விஶுத்³தா⁴த்மா க்ஷாரித ஶ்சாபரகர்மணா ।
அப்ருஷ்ட ஶ்ஶாஸ்த்ரகுஶலைர்ன லோபா⁴த்³வத்⁴யதே ஶுசி: ॥ 56 ॥
க்³ருஹீதஶ்சைவ ப்ருஷ்டஶ்ச காலே த்³ருஷ்டஸ்ஸகாரண: ।
கச்சின்ன முச்யதே சோரோ த⁴னலோபா⁴ன்னரர்ஷப⁴ ॥ 57 ॥
வ்யஸனே கச்சிதா³ட்⁴யஸ்ய து³ர்க³தஸ்ய ச ராக⁴வ ।
அர்த²ம் விராகா³: பஶ்யந்தி தவாமாத்யா ப³ஹுஶ்ருதா: ॥ 58 ॥
யானி மித்²யாபி⁴ஶஸ்தானாம் பதந்த்யஶ்ரூணி ராக⁴வ ।
தானி புத்ரான்பஶூன்க்⁴னந்தி ப்ரீத்யர்த²மனுஶாஸத: ॥ 59 ॥
கச்சித்³வ்ருத்³தா⁴ம்ஶ்ச பா³லாம்ஶ்ச வைத்³யாமுக்²யாம்ஶ்ச ராக⁴வ ।
தா³னேன மனஸா வாசா த்ரிபி⁴ரேதைர்பு³பூ⁴ஷஸே ॥ 6௦ ॥
கச்சித்³கு³ரூம்ஶ்ச வ்ருத்³தா⁴ம்ஶ்ச தாபஸான் தே³வதாதிதீ²ன் ।
சைத்யாம்ஶ்ச ஸர்வான்ஸித்⁴தா³ர்தா²ன்ப்³ராஹ்மணாம்ஶ்ச நமஸ்யஸி ॥ 61 ॥
கச்சித³ர்தே²ன வா த⁴ர்மமர்த²ம் த⁴ர்மேண வா புன: ।
உபௌ⁴ வா ப்ரீதிலோபே⁴ன காமேன ச ந பா³த⁴ஸே ॥ 62 ॥
கச்சித³ர்த²ம் ச த⁴ர்மம் ச காமம் ச ஜயதாம் வர ।
விபஜ⁴்ய காலே காலஜ்ஞ ஸர்வான்வரத³ ஸேவஸே ॥ 63 ॥
கச்சித்தே ப்³ராஹ்மணா ஶ்ஶர்ம ஸர்வஶாஸ்த்ரார்த²கோவிதா³: ।
ஆஶம்ஸந்தே மஹாப்ராஜ்ஞ பௌரஜானபதை³ஸ்ஸஹ ॥ 64 ॥
நாஸ்திக்யமன்ருதம் க்ரோத⁴ம் ப்ரமாத³ம் தீ³ர்க⁴ஸூத்ரதாம் ।
அத³ர்ஶனம் ஜ்ஞானவதாமாலஸ்யம் பஞ்சவ்ருத்திதாம் ॥ 65 ॥
ஏகசிந்தனமர்தா²னாமனர்தஜ²்ஞைஶ்ச மந்த்ரணம் ।
நிஶ்சிதானாமனாரம்ப⁴ம் மந்த்ரஸ்யாபரிரக்ஷணம் ॥ 66 ॥
மங்க³லாத்³யப்ரயோக³ம் ச ப்ரத்யுத்தா²னம் ச ஸர்வத: ।
கச்சித்வம் வர்ஜயஸ்யேதான்ராஜதோ³ஷாம்ஶ்சதுர்த³ஶ ॥ 67 ॥
த³ஶபஞ்சசதுர்வர்கா³ன்ஸப்தவர்க³ம் ச தத்த்வத: ।
அஷ்டவர்க³ம் த்ரிவர்க³ம் ச வித்³யாஸ்திஸ்ரஶ்ச ராக⁴வ ॥ 68 ॥
இந்த்³ரியாணாம் ஜயம் பு³த்³த்⁴யா ஷாட்³கு³ண்யம் தை³வமானுஷம் ।
க்ருத்யம் விம்ஶதிவர்க³ம் ச ததா² ப்ரக்ருதிமண்ட³லம் ॥ 69 ॥
யாத்ராத³ண்ட³விதா⁴னம் ச த்³வியோனீ ஸந்தி⁴விக்³ரஹௌ ।
கச்சிதே³தான்மஹாப்ராஜ்ஞ யதா²வத³னுமன்யஸே ॥ 7௦ ॥
மந்த்ரிபி⁴ஸ்த்வம் யதோ²த்³தி³ஷ்டைஶ்சதுர்பி⁴ஸ்த்ரிபி⁴ரேவ வா ।
கச்சித்ஸமஸ்தைர்வ்யஸ்தைஶ்ச மந்த்ரம் மந்த்ரயஸே மித:² ॥ 71 ॥
கச்சித்தே ஸப²லா வேதா³: கச்சித்தே ஸப²லா: க்ரியா: ।
கச்சித்தே ஸப²லா தா³ரா: கச்சித்தே ஸப²லம் ஶ்ருதம் ॥ 72 ॥
கச்சிதே³ஷைவ தே பு³த்³தி⁴ர்யதோ²க்தா மம ராக⁴வ ।
ஆயுஷ்யா ச யஶஸ்யா ச த⁴ர்மகாமார்த² ஸம்ஹிதா ॥ 73 ॥
யாம் வ்ருத்திம் வர்ததே தாதோ யாம் ச ந: ப்ரபிதாமஹா: ।
தாம் வ்ருத்திம் வர்தஸே கச்சித்³யாச ஸத்பத²கா³ ஶுபா⁴ ॥ 74 ॥
கச்சித்ஸ்வாது³ க்ருதம் போ⁴ஜ்யமேகோ நாஶ்னாஸி ராக⁴வ ।
கச்சிதா³ஶம்ஸமானேப்⁴யோ மித்ரேப்⁴ய ஸ்ஸம்ப்ரயச்ச²ஸி ॥ 75 ॥
ராஜா து த⁴ர்மேண ஹி பாலயித்வா மஹாமதிர்த³ண்ட³த⁴ர: ப்ரஜானாம் ।
அவாப்ய க்ருத்ஸ்னாம் வஸுதா⁴ம் யதா²வதி³தஶ்ச்யுத ஸ்ஸ்வர்க³முபைதி வித்³வான் ॥ 76 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஶததமஸ்ஸர்க:³ ॥
