ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சாஶீதிதமஸ்ஸர்க:³ ।
ஏவமுக்தஸ்து ப⁴ரதோ நிஷாதா³தி⁴பதிம் கு³ஹம் ।
ப்ரத்யுவாச மஹாப்ராஜ்ஞோ வாக்யம் ஹேத்வர்த²ஸம்ஹிதம் ॥ 1 ॥
ஊர்ஜித: க²லு தே காம: க்ருதோ மம கு³ரோஸ்ஸகே² ।
யோ மே த்வமீத்³ருஶீம் ஸேனாமேகோப்⁴யர்சிதுமிச்ச²ஸி ॥ 2 ॥
இத்யுக்த்வா து மஹாதேஜா கு³ஹம் வசனமுத்தமம் ।
அப்³ரவீத்³ப⁴ரத ஶ்ஶ்ரீமானநிஷாதா³தி⁴பதிம் புன: ॥ 3 ॥
கதரேண க³மிஷ்யாமி ப⁴ரத்³வாஜாஶ்ரமம் கு³ஹ ।
க³ஹனோயம் ப்⁴ருஶம் தே³ஶோ க³ங்கா³னூபோ து³ரத்யய: ॥ 4 ॥
தஸ்ய தத்³வசனம் ஶ்ருத்வா ராஜபுத்ரஸ்ய தீ⁴மத: ।
அப்³ரவீத்ப்ராஞ்ஜலிர்வாக்யம் கு³ஹோ க³ஹனகோ³சர: ॥ 5 ॥
தா³ஶாஸ்த்வானுக³மிஷ்யந்தி த⁴ன்வினஸ்ஸுஸமாஹிதா: ।
அஹம் த்வானுக³மிஷ்யாமி ராஜபுத்ர மஹாயஶ: ॥ 6 ॥
கச்சி²ன்னது³ஷ்டோ வ்ரஜஸி ராமஸ்யாக்லிஷ்டகர்மண: ।
இயம் தே மஹதீ ஸேனா ஶங்காம் ஜனயதீவ மே ॥ 7 ॥
தமேவமபி⁴பா⁴ஷந்தமாகாஶ இவ நிர்மல: ।
ப⁴ரதஶ்ஶ்லக்ஷ்ணயா வாசா கு³ஹம் வசனமப்³ரவீத் ॥ 8 ॥
மாபூ⁴த்ஸ காலோ யத்கஷ்டம் ந மாம் ஶங்கிதுமர்ஹஸி ।
ராக⁴வ ஸ்ஸஹி மே ப்⁴ராதா ஜ்யேஷ்ட:² பிதுஸமோ மத: ॥ 9 ॥
தம் நிவர்தயிதும் யாமி காகுத்ஸ்த²ம் வனவாஸினம் ।
பு³த்³தி⁴ரன்யா ந தே கார்யா கு³ஹ ஸத்யம் ப்³ரவீமி தே ॥ 1௦ ॥
ஸ து ஸம்ஹ்ருஷ்டவத³ன ஶ்ஶ்ருத்வா ப⁴ரதபா⁴ஷிதம் ।
புனரேவாப்³ரவீத்³வாக்யம் ப⁴ரதம் ப்ரதி ஹர்ஷித: ॥ 11 ॥
த⁴ன்யஸ்த்வம் ந த்வயா துல்யம் பஶ்யாமி ஜக³தீதலே ।
அயத்னாதா³க³தம் ராஜ்யம் யஸ்த்வம் த்யக்துமிஹேச்ச²ஸி ॥ 12 ॥
ஶாஶ்வதீ க²லு தே கீர்திர்லோகானநுசரிஷ்யதி ।
யஸ்த்வம் க்ருச்ச்²ரக³தம் ராமம் ப்ரத்யானயிதுமிச்ச²ஸி ॥ 13 ॥
ஏவம் ஸம்பா⁴ஷமாணஸ்ய கு³ஹஸ்ய ப⁴ரதம் ததா³ ।
ப³பௌ⁴ நஷ்டப்ரப⁴ஸ்ஸூர்யோ ரஜனீ சாப்⁴யவர்தத ॥ 14 ॥
ஸன்னிவேஶ்ய ஸ தாம் ஸேனாம் கு³ஹேன பரிதோஷித: ।
ஶத்ருக்⁴னேன ஸஹ ஶ்ரீமாஞ்ச²யனம் ஸமுபாக³மத் ॥ 15 ॥
ராமசிந்தாமய ஶ்ஶோகோ ப⁴ரதஸ்ய மஹாத்மன: ।
உபஸ்தி²தோ ஹ்யனர்ஹஸ்ய த⁴ர்மப்ரேக்ஷஸ்ய தாத்³ருஶ: ॥ 16 ॥
அந்தர்தா³ஹேன த³ஹனஸ்ஸந்தாபயதி ராக⁴வம் ।
வனதா³ஹாபி⁴ஸந்தப்தம் கூ³டோ⁴க்³னிரிவ பாத³பம் ॥ 17 ॥
ப்ரஸ்ருதஸ்ஸர்வகா³த்ரேப்⁴யஸ்ஸ்வேத³ம் ஶோகாக்³னிஸம்ப⁴வம் ।
யதா² ஸூர்யாம்ஶுஸந்தப்தோ ஹிமவான் ப்ரஸ்ருதோஹிமம் ॥ 18 ॥
த்⁴யானநிர்த⁴ரஶைலேன வினிஶ்ஶ்வஸிததா⁴துனா ।
தை³ன்யபாத³பஸங்கே⁴ன ஶோகாயாஸாதி⁴ஶ்ருங்கி³ணா ॥ 19 ॥
ப்ரமோஹானந்தஸத்த்வேன ஸந்தாபௌஷதி⁴வேணுனா ।
ஆக்ராந்தோ து³:க²ஶைலேன மஹதா கைகயீஸுத: ॥ 2௦ ॥
வினிஶ்ஶ்வஸன்வை ப்⁴ருஶது³ர்மனாஸ்தத: ப்ரமூட⁴ஸஞ்ஜ்ஞ: பரமாபத³ம் க³த: ।
ஶமம் ந லேபே⁴ ஹ்ருத³யஜ்வரார்தி³தோ நரர்ஷபோ⁴ யூத²ஹதோ யத²ர்ஷப:⁴ ॥ 21 ॥
கு³ஹேன ஸார்த⁴ம் ப⁴ரதஸ்ஸமாக³தோ மஹானுபா⁴வஸ்ஸஜனஸ்ஸமாஹித: ।
ஸுது³ர்மனாஸ்தம் ப⁴ரதம் ததா³ புனர்கு³ஹ ஸ்ஸமாஶ்வாஸயத³க்³ரஜம் ப்ரதி ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சாஶீதிதமஸ்ஸர்க:³ ॥
