ஶ்ரீமத்³வால்மீகீய ராமாயணே பா³லகாண்ட³ம் ।
அத² சதுர்த²ஸ்ஸர்க:³ ।
ப்ராப்தராஜ்யஸ்ய ராமஸ்ய வால்மீகிர்ப⁴க³வான்ருஷி: ।
சகார சரிதம் க்ருத்ஸ்னம் விசித்ரபத³மாத்மவான் ॥ 1 ॥
சதுர்விம்ஶத்ஸஹஸ்ராணி ஶ்லோகானாமுக்தவான்ருஷி: ।
ததா² ஸர்க³ஶதான்பஞ்ச ஷட்காண்டா³னி ததோ²த்தரம் ॥ 2 ॥
க்ருத்வாபி தன்மஹாப்ராஜ்ஞஸ்ஸப⁴விஷ்யம் ஸஹோத்தரம் ।
சிந்தயாமாஸ கோன்வேதத்ப்ரயுஞ்ஜீயாதி³தி ப்ரபு⁴: ॥ 3 ॥
தஸ்ய சிந்தயமானஸ்ய மஹர்ஷேர்பா⁴விதாத்மன: ।
அக்³ருஹ்ணீதாம் தத: பாதௌ³ முனிவேஷௌ குஶீலவௌ ॥ 4 ॥
குஶீலவௌ து த⁴ர்மஜ்ஞௌ ராஜபுத்ரௌ யஶஸ்வினௌ ।
ப்⁴ராதரௌ ஸ்வரஸம்பன்னௌ த³த³ர்ஶாஶ்ரமவாஸினௌ ॥ 5 ॥
ஸ து மேதா⁴வினௌ த்³ருஷ்ட்வா வேதே³ஷு பரினிஷ்டி²தௌ ।
வேதோ³பப்³ரும்ஹணார்தா²ய தாவக்³ராஹயத ப்ரபு⁴: ॥ 6 ॥
காவ்யம் ராமாயணம் க்ருத்ஸ்னம் ஸீதாயாஶ்சரிதம் மஹத் ।
பௌலஸ்த்யவத⁴மித்யேவ சகார சரிதவ்ரத: ॥ 7 ॥
பாட்²யே கே³யே ச மது⁴ரம் ப்ரமாணைஸ்த்ரிபி⁴ரன்விதம் ।
ஜாதிபி⁴ஸ்ஸப்தபி⁴ர்ப³த்³த⁴ம் தந்த்ரீலயஸமன்விதம் ॥ 8 ॥
ரஸைஶ்ஶ்ருங்கா³ரகாருண்யஹாஸ்யவீரப⁴யானகை: ।
ரௌத்³ராதி³பி⁴ஶ்ச ஸம்யுக்தம் காவ்யமேதத³கா³யதாம் ॥ 9 ॥
தௌ து கா³ந்த⁴ர்வதத்த்வஜ்ஞௌ மூர்ச²னாஸ்தா²னகோவிதௌ³ ।
ப்⁴ராதரௌ ஸ்வரஸம்பன்னௌ க³ந்த⁴ர்வாவிவ ரூபிணௌ ॥ 1௦ ॥
ரூபலக்ஷணஸம்பன்னௌ மது⁴ரஸ்வரபா⁴ஷிணௌ ।
பி³ம்பா³தி³வோத்³த்⁴ருதௌ பி³ம்பௌ³ ராமதே³ஹாத்ததா²பரௌ ॥ 11 ॥
தௌ ராஜபுத்ரௌ கார்த்ஸ்ன்யேன த⁴ர்ம்யமாக்²யானமுத்தமம் ।
வாசோவிதே⁴யம் தத்ஸர்வம் க்ருத்வா காவ்யமனிந்தி³தௌ ॥ 12 ॥
ருஷீணாம் ச த்³விஜாதீனாம் ஸாதூ⁴னாம் ச ஸமாக³மே ।
யதோ²பதே³ஶம் தத்த்வஜ்ஞௌ ஜக³துஸ்ஸுஸமாஹிதௌ ॥ 13 ॥
மஹாத்மானௌ மஹாபா⁴கௌ³ ஸர்வலக்ஷணலக்ஷிதௌ ।
தௌ கதா³சித்ஸமேதானாம்ருஷீணாம் பா⁴விதாத்மனாம் ।
ஆஸீனானாம் ஸமீபஸ்தா²வித³ம் காவ்யமகா³யதாம் ॥ 14 ॥
தச்ச்²ருத்வா முனயஸ்ஸர்வே பா³ஷ்பபர்யாகுலேக்ஷணா: ।
ஸாது⁴ஸாத்⁴விதி தாவூசு: பரம் விஸ்மயமாக³தா: ॥ 15 ॥
தே ப்ரீதமனஸஸ்ஸர்வே முனயோ த⁴ர்மவத்ஸலா: ।
ப்ரஶஶம்ஸு: ப்ரஶஸ்தவ்யௌ கா³யமானௌ குஶீலவௌ ॥ 16 ॥
அஹோ கீ³தஸ்ய மாது⁴ர்யம் ஶ்லோகானாம் ச விஶேஷத: ।
சிரனிர்வ்ருத்தமப்யேதத்ப்ரத்யக்ஷமிவ த³ர்ஶிதம் ॥ 17 ॥
ப்ரவிஶ்ய தாவுபௌ⁴ ஸுஷ்டு² பா⁴வம் ஸம்யக³கா³யதாம் ।
ஸஹிதௌ மது⁴ரம் ரக்தம் ஸம்பன்னம் ஸ்வரஸம்பதா³ ॥ 18 ॥
ஏவம் ப்ரஶஸ்யமானௌ தௌ தபஶ்ஶ்லாக்⁴யைர்மஹாத்மபி⁴: ।
ஸம்ரக்ததரமத்யர்த²ம் மது⁴ரம் தாவகா³யதாம் ॥ 19 ॥
ப்ரீத: கஶ்சின்முனிஸ்தாப்⁴யாம் ஸம்ஸ்தி²த: கலஶம் த³தௌ³ ।
ப்ரஸன்னோ வல்கலம் கஶ்சித்³த³தௌ³ தாப்⁴யாம் மஹாயஶா: ॥ 2௦ ॥
ஆஶ்சர்யமித³மாக்²யானம் முனினா ஸம்ப்ரகீர்திதம் ।
பரம் கவீனாமாதா⁴ரம் ஸமாப்தம் ச யதா²க்ரமம் ॥ 21 ॥
அபி⁴கீ³தமித³ம் கீ³தம் ஸர்வகீ³தேஷு கோவிதௌ³ ।
ஆயுஷ்யம் புஷ்டிஜனகம் ஸர்வஶ்ருதிமனோஹரம் ॥ 22 ॥
ப்ரஶஸ்யமானௌ ஸர்வத்ர கதா³சித்தத்ர கா³யகௌ ।
ரத்²யாஸு ராஜமார்கே³ஷு த³த³ர்ஶ ப⁴ரதாக்³ரஜ: ॥ 23 ॥
ஸ்வவேஶ்ம சானீய ததா³ ப்⁴ராதரௌ ஸ குஶீலவௌ ।
பூஜயாமாஸ பூஜார்ஹௌ ராமஶ்ஶத்ருனிப³ர்ஹண: ॥ 24 ॥
ஆஸீன: காஞ்சனே தி³வ்யே ஸ ச ஸிம்ஹாஸனே ப்ரபு⁴: ।
உபோபவிஷ்டஸ்ஸசிவைர்ப்⁴ராத்ருபி⁴ஶ்ச பரந்தப: ॥ 25 ॥
த்³ருஷ்ட்வா து ரூபஸம்பன்னௌ தாவுபௌ⁴ நியதஸ்ததா² ।
உவாச லக்ஷ்மணம் ராமஶ்ஶத்ருக்⁴னம் ப⁴ரதம் ததா³ ॥ 26 ॥
ஶ்ரூயதாமித³மாக்²யானமனயோர்தே³வவர்சஸோ: ।
விசித்ரார்த²பத³ம் ஸம்யக்³கா³யகௌ தாவசோத³யத் ॥ 27 ॥
தௌ சாபி மது⁴ரம் ரக்தம் ஸ்வஞ்சிதாயதனிஸ்வனம் ।
தந்த்ரீலயவத³த்யர்த²ம் விஶ்ருதார்த²மகா³யதாம் ॥ 28 ॥
ஹ்லாத³யத்ஸர்வகா³த்ராணி மனாம்ஸி ஹ்ருத³யானி ச ।
ஶ்ரோத்ராஶ்ரயஸுக²ம் கே³யம் தத்³ப³பௌ⁴ ஜனஸம்ஸதி³ ॥ 29 ॥
இமௌ முனீ பார்தி²வலக்ஷணான்விதௌ குஶீலவௌ சைவ மஹாதபஸ்வினௌ ।
மமாபி தத்³பூ⁴திகரம் ப்ரவக்ஷ்யதே மஹானுபா⁴வம் சரிதம் நிபோ³த⁴த ॥ 3௦ ॥
ததஸ்து தௌ ராமவச:ப்ரசோதி³தாவகா³யதாம் மார்க³விதா⁴னஸம்பதா³ ।
ஸ சாபி ராம: பரிஷத்³க³த: ஶனைர்பு³பூ⁴ஷயாஸக்தமனா ப³பூ⁴வ ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ சதுர்த²ஸ்ஸர்க:³ ॥
