ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² பஞ்சபஞ்சாஶஸ்ஸர்க:³ ।
ஶ்ருத்வா ஹனுமதோ வாக்யம் ப்ரஶ்ரிதம் த⁴ர்மஸம்ஹிதம் ।
ஸ்வாமிஸத்காரஸம்யுக்தமங்க³தோ³ வாக்யமப்³ரவீத் ॥ 1 ॥
ஸ்தை²ர்யமாத்மமனஶ்ஶௌசமான்ருஶம்ஸ்யமதா²ர்ஜவம் ।
விக்ரமஶ்சைவ தை⁴ர்யம் ச ஸுக்³ரீவே நோபபத்³யதே ॥ 2 ॥
ப்⁴ராதுர்ஜ்யேஷ்ட²ஸ்ய யோ பா⁴ர்யாம் ஜீவதோ மஹிஷீம் ப்ரியாம் ।
த⁴ர்மேண மாதரம் யஸ்து ஸ்வீகரோதி ஜுகு³ப்ஸித: ॥ 3 ॥
கத²ம் ஸ த⁴ர்மம் ஜானீதே யேன ப்⁴ராத்ரா மஹாத்மனா ।
யுத்³தா⁴யாபி⁴னியுக்தேன பி³லஸ்ய பிஹிதம் முக²ம் ॥ 4 ॥
ஸத்யாத்பாணிக்³ருஹீதஶ்ச க்ருதகர்மா மஹாயஶா: ।
விஸ்ம்ருதோ ராக⁴வோ யேன ஸ கஸ்ய து க்ருதம் ஸ்மரேத் ॥ 5 ॥
லக்ஷ்மணஸ்ய ப⁴யாத்³யேன நாத⁴ர்மப⁴யபீ⁴ருணா ।
ஆதி³ஷ்டா மார்கி³தும் ஸீதாம் த⁴ர்மமஸ்மின்கத²ம் ப⁴வேத் ॥ 6 ॥
தஸ்மின்பாபே க்ருதக்⁴னே து ஸ்ம்ருதிஹீனே சலாத்மனி ।
ஆர்ய: கோ விஶ்வஸேஜ்ஜாது தத்குலீனோ ஜிஜீவிஷு: ॥ 7 ॥
ராஜ்யே புத்ர: ப்ரதிஷ்டா²ப்யஸ்ஸகு³ணோ விகு³ணோபி வா ।
கத²ம் ஶத்ருகுலீனம் மாம் ஸுக்³ரீவோ ஜீவயிஷ்யதி ॥ 8 ॥
பி⁴ன்னமந்த்ரோபராத்³த⁴ஶ்ச ஹீனஶக்தி: கத²ம் ஹ்யஹம் ।
கிஷ்கிந்தா⁴ம் ப்ராப்ய ஜீவேயமனாத² இவ து³ர்ப³ல: ॥ 9 ॥
பாம்ஶுத³ண்டே³ன ஹி மாம் ப³ந்த⁴னே நோபபாத³யேத் ।
ஶட:² க்ரூரோ ந்ருஶம்ஸஶ்ச ஸுக்³ரீவோ ராஜ்யகாரணாத் ॥ 1௦ ॥
ப³ந்த⁴னாத்³வாவஸாதா³ன்மே ஶ்ரேய: ப்ராயோபவேஶனம் ।
அனுஜானீத மாம் ஸர்வே க்³ருஹம் க³ச்ச²ந்து வானரா: ॥ 11 ॥
அஹம் வ: ப்ரதிஜானாமி நாக³மிஷ்யாம்யஹம் புரீம் ।
இஹைவ ப்ராயமாஸிஷ்யே ஶ்ரேயோ மரணமேவ மே ॥ 12 ॥
அபி⁴வாத³னபூர்வம் ஹி ராக⁴வௌ ப³லஶாலினௌ ।
அபி⁴வாத³னபூர்வம் து ராஜா குஶலமேவ ச ॥ 13 ॥
வாச்யஸ்தாதோ யவீயான்மே ஸுக்³ரீவோ வானரேஶ்வர: ।
ஆரோக்³யபூர்வம் குஶலம் வாச்யா மாதா ருமா ச மே ॥ 14 ॥
மாதரம் சைவ மே தாராமாஶ்வாஸயிதுமர்ஹத² ।
ப்ரக்ருத்யா ப்ரியபுத்ரா ஸா ஸானுக்ரோஶா தபஸ்வினீ ॥ 15 ॥
வினஷ்டமிஹ மாம் ஶ்ருத்வா வ்யக்தம் ஹாஸ்யதி ஜீவிதம் ।
ஏதாவது³க்த்வா வசனம் வ்ருத்³தா⁴ம்ஸ்தானபி⁴வாத்³ய ச ॥ 16 ॥
விவேஶ சாங்க³தோ³ பூ⁴மௌ ருத³ந்த³ர்பே⁴ஷு து³ர்மனா: ।
தஸ்ய ஸம்விஶதஸ்தத்ர ருத³ந்தோ வானரர்ஷபா⁴: ॥ 17 ॥
நயனேப்⁴ய: ப்ரமுமுசுருஷ்ணம் வை வாரி து³:கி²தா: ।
ஸுக்³ரீவம் சைவ நிந்த³ந்த: ப்ரஶம்ஸந்தஶ்ச வாலினம் ॥ 18 ॥
பரிவார்யாங்க³த³ம் ஸர்வே வ்யவஸன்ப்ராயமாஸிதும் ।
மதம் தத்³வாலிபுத்ரஸ்ய விஜ்ஞாய ப்லவக³ர்ஷபா⁴: ॥ 19 ॥
உபஸ்ப்ருஶ்யோத³கம் தத்ர ப்ராங்முகா²ஸ்ஸமுபாவிஶன் ।
த³க்ஷிணாக்³ரேஷு த³ர்பே⁴ஷு உத³க்தீரம் ஸமாஶ்ரிதா: ॥ 2௦ ॥
முமூர்ஷவோ ஹரிஶ்ரேஷ்டா² ஏதத் க்ஷமமிதி ஸ்ம ஹ ।
ராமஸ்ய வனவாஸம் ச க்ஷயம் த³ஶரத²ஸ்ய ச ॥ 21 ॥
ஜனஸ்தா²னவத⁴ம் சைவ வத⁴ம் சைவ ஜடாயுஷ: ।
ஹரணம் சைவ வைதே³ஹ்யா வாலினஶ்ச வத⁴ம் ரணே ॥ 22 ॥
ராமகோபம் ச வத³தாம் ஹரீணாம் ப⁴யமாக³தம் ।
ஸ ஸம்விஶத்³பி⁴ப³ஹுபி⁴ர்மஹீத⁴ரோ மஹாத்³ரிகூடப்ரதிமை: ப்லவங்க³மை: ।
ப³பூ⁴வ ஸன்னாதி³தனிர்த³ராந்தரோ ப்⁴ருஶம் நத³த்³பி⁴ர்ஜலதை³ரிவோல்ப³ணை: ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ பஞ்சபஞ்சாஶஸ்ஸர்க:³ ॥
