ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ரிஷஷ்டிதமஸ்ஸர்க:³ ।
ப்ரதிபு³த்³தோ⁴ முஹூர்தேன ஶோகோபஹதசேதன: ।
அத² ராஜா த³ஶரத²ஸ்ஸசிந்தாமப்⁴யபத்³யத ॥ 1 ॥
ராமலக்ஷ்மணயோஶ்சைவ விவாஸா த்³வாஸவோபமம் ।
ஆவிவேஶோபஸர்க³ஸ்தம் தம ஸ்ஸூர்யமிவாஸுரம் ॥ 2 ॥
ஸபா⁴ர்யே நிர்க³தே ராமே கௌஸல்யாம் கோஶலேஶ்வர: ।
விவக்ஷுரஸிதாபாங்கா³ம் ஸ்ம்ருத்வா து³ஷ்க்ருதமாத்மன: ॥ 3 ॥
ஸ ராஜா ரஜனீம் ஷஷ்டீ²ம் ராமே ப்ரவ்ராஜிதே வனம் ।
அர்த⁴ராத்ரே த³ஶரத² ஸ்ஸம்ஸ்மரன் து³ஷ்க்ருதம் க்ருதம் ॥ 4 ॥
ஸ ராஜா புத்ரஶோகார்த: ஸ்ம்ருத்வா து³ஷ்க்ருதமாத்மன: ।
கௌஸல்யாம் புத்ரஶோகார்தாமித³ம் வசனமப்³ரவீத் ॥ 5 ॥
யதா³சரதி கல்யாணி ஶுப⁴ம் வா யதி³ வாஶுப⁴ம் ।
ததே³வ லப⁴தே ப⁴த்³ரே கர்தா கர்மஜமாத்மன: ॥ 6 ॥
கு³ருலாக⁴வமர்தா²னாமாரம்பே⁴ கர்மணாம் ப²லம் ।
தோ³ஷம் வா யோ ந ஜானாதி ந பா³ல இதி ஹோச்யதே ॥ 7 ॥
கஶ்சிதா³ம்ரவணம் சி²த்த்வா பலாஶாம் ஶ்ச நிஷிஞ்சதி ।
புஷ்பம் த்³ருஷ்ட்வா ப²லே க்³ருத்⁴னு ஸ்ஸ ஶோசதி ப²லாக³மே ॥ 8 ॥
அவிஜ்ஞாய ப²லம் யோ ஹி கர்ம த்வேவானுதா⁴வதி ।
ஸ ஶோசேத்ப²லவேலாயாம் யதா² கிம்ஶுகஸேசக: ॥ 9 ॥
ஸோஹமாம்ரவணம் சி²த்வா பலாஶாம்ஶ்ச ந்யஷேசயம் ।
ராமம் ப²லாக³மே த்யக்த்வா பஶ்சாச்சோ²சாமி து³ர்மதி: ॥ 1௦ ॥
லப்³த⁴ஶப்³தே³ன கௌஸல்யே குமாரேண த⁴னுஷ்மதா ।
குமாரஶ்ஶப்³த³வேதீ⁴தி மயா பாபமித³ம் க்ருதம் ॥ 11 ॥
ததி³த³ம் மேனுஸம்ம்ப்ராப்தம் தே³வி து³:க²ம் ஸ்வயம் க்ருதம் ।
ஸம்மோஹாதி³ஹ பா³லேன யதா² ஸ்யாத்³ப⁴க்ஷிதம் விஷம் ॥ 12 ॥
யதா²ன்ய: புருஷ: கஶ்சித்பலாஶைர்மோஹிதோ ப⁴வேத் ।
ஏவம் மமாப்யவிஜ்ஞாதம் ஶப்³த³வேத்⁴யமயம் ப²லம் ॥ 13 ॥
தே³வ்யனூடா⁴ த்வமப⁴வோ யுவராஜோ ப⁴வாம்யஹம் ।
தத: ப்ராவ்ருட³னுப்ராப்தா மத³காமவிவர்தி⁴னீ ॥ 14 ॥
உபாஸ்ய ச ரஸான்பௌ⁴மாம் ஸ்தப்த்வா ச ஜக³த³ம்ஶுபி⁴: ।
பரேதாசரிதாம் பீ⁴மாம் ரவிராவிஶதே தி³ஶம் ॥ 15 ॥
உஷ்ணமந்தர்த³தே⁴ ஸத்³ய ஸ்ஸ்னிக்³தா⁴ த³த்³ருஶிரே க⁴னா: ।
ததோ ஜஹ்ருஷிரே ஸர்வே பே⁴கஸாரங்க³ப³ர்ஹிண: ॥ 16 ॥
க்லின்ன பக்ஷோத்தராஸ்ஸ்னாதா: க்ருச்ச்²ராதி³வ பதத்ரிண: ।
வ்ருஷ்டிவாதாவதூ⁴தாக்³ரான்பாத³பானபி⁴பேதி³ரே ॥ 17 ॥
பதிதேனாம்ப⁴ஸாச்ச²ன்ன: பதமானேன சாஸக்ருத் ।
ஆப³பௌ⁴ மத்தஸாரங்க³ஸ்தோயராஶிரிவாசல: ॥ 18 ॥
பாண்டு³ராருணவர்ணானி ஸ்ரோதாம்ஸி விமலான்யபி ।
ஸுஸ்ருவுர்கி³ரிதா⁴துப்⁴யஸ்ஸப⁴ஸ்மானி பு⁴ஜங்க³வத் ॥ 19 ॥
ஆகுலாருண தோயானி ஸ்ரோதாம்ஸி விமலான்யபி ।
உன்மார்கஜ³லவாஹினீ ப³பூ⁴வுர்ஜலதா³க³மே ॥ 2௦ ॥
தஸ்மின்னதிஸுகே² காலே த⁴னுஷ்மானிஷுமான்ரதீ² ।
வ்யாயாமக்ருதஸங்கல்பஸ்ஸரயூமன்வகா³ம் நதீ³ம் ॥ 21 ॥
நிபானே மஹிஷம் ராத்ரௌ கஜ³ம் வாப்⁴யாக³தம் நதீ³ம் ।
அன்யம் வா ஶ்வாபத³ம் கஞ்சிஜ்ஜிகா⁴ம்ஸு ரஜிதேந்த்³ரிய: ।
தஸ்மிம் ஸ்தத்ராஹமேகாந்தே ராத்ரௌ விவ்ருதகார்முக: ॥ 22 ॥
தத்ராஹம் ஸம்வ்ருதம் வன்யம் ஹதவாம்ஸ்தீரமாக³தம் ।
அன்யம் சாபி ம்ருக³ம் ஹிம்ஸ்ரம் ஶப்³த³ம் ஶ்ருத்வாப்⁴யுபாக³தம் ॥ 23 ॥
அதா²ந்த⁴காரே த்வஶ்ரௌஷம் ஜலே கும்ப⁴ஸ்ய பூர்யத: ।
அசக்ஷுர்விஷயே கோ⁴ஷம் வாரணஸ்யேவ நர்த³த: ॥ 24 ॥
ததோஹம் ஶரமுத்⁴ருத்ய தீ³ப்தமாஶீவிஷோபமம் ।
ஶப்³த³ம் ப்ரதி கஜ³ப்ரேப்ஸுரபி⁴லக்ஷ்ய த்வபாதயம் ॥ 25 ॥
அமுஞ்சம் நிஶிதம் பா³ணமஹமாஶீவிஷோபமம் ।
தத்ர வாகு³ஷஸி வ்யக்தா ப்ராது³ராஸீத்³வனௌகஸ: ॥ 26 ॥
ஹாஹேதி பததஸ்தோயே பா³ணாபி⁴ஹதமர்மண: ॥ 27 ॥
தஸ்மின்னிபதிதே பா³ணே வாக³பூ⁴த்தத்ர மானுஷீ ।
கத²மஸ்மத்³விதே⁴ ஶஸ்த்ரம் நிபதேத்து தபஸ்வினி ॥ 28 ॥
ப்ரவிவிக்தாம் நதீ³ம் ராத்ராவுதா³ஹாரோஹமாக³த: ।
இஷுணாபி⁴ஹத: கேன கஸ்ய வா கிம் க்ருதம் மயா ॥ 29 ॥
ருஷேர்ஹின்யஸ்தத³ண்ட³ஸ்ய வனே வன்யேன ஜீவத: ।
கத²ம் நு ஶஸ்ரேண வதோ⁴ மத்³வித⁴ஸ்ய விதீ⁴யதே ॥ 3௦ ॥
ஜடாபா⁴ரத⁴ரஸ்யைவ வல்கலாஜினவாஸஸ: ।
கோ வதே⁴ன மமர்தீ² ஸ்யாத்கிம்வாஸ்யாபக்ருதம் மயா ॥ 31 ॥
ஏவம் நிஷ்ப²லமாரப்³த⁴ம் கேவலானர்த²ஸம்ஹிதம் ।
ந கஶ்சித்ஸாது⁴ மன்யேத யதை²வ கு³ருதல்பக³ம் ॥ 32 ॥
நாஹம் ததா²னு ஶோசாமி ஜீவிதக்ஷயமாத்மன: ।
மாதரம் பிதரம் சோபா⁴வனுஶோசாமி மத்³வதே⁴ ॥ 33 ॥
ததே³தன்மிது²னம் வ்ருத்³த⁴ம் சிரகாலப்⁴ருதம் மயா ।
மயி பஞ்சத்வமாபன்னே காம் வ்ருத்திம் வர்தயிஷ்யதி ॥ 34 ॥
வ்ருத்³தை⁴ ச மதாபிதராவஹம் சைகேஷுணா ஹதா ।
கேன ஸ்மனிஹதா ஸ்ஸர்வே ஸுபா³லேனாக்ருதாத்மனா ॥ 35 ॥
தாம் கி³ரம் கருணாம் ஶ்ருத்வா மம த⁴ர்மானுகாங்க்ஷிண: ।
கராப்⁴யாம் ஸஶரம் சாபம் வ்யதி²தஸ்யாபதத்³பு⁴வி ॥ 36 ॥
தஸ்யாஹம் கருணம் ஶ்ருத்வா நிஶி லாலவதோ ப³ஹு ।
ஸம்ப்⁴ராந்த ஶ்ஶோகவேகே³ன ப்⁴ருஶமாஸம் விசேதன: ॥ 37 ॥
தம் தே³ஶமஹமாக³ம்ய தீ³னஸத்த்வஸ்ஸுது³ர்மனா: ।
அபஶ்யமிஷுணா தீரே ஸரய்வாஸ்தாபஸம் ஹதம் ॥ 38 ॥
அவகீர்ண ஜடாபா⁴ரம் ப்ரவித்³த⁴கலஶோத³கம் ।
பாம்ஸுஶோணிததி³க்³தா⁴ங்க³ம் ஶயானம் ஶல்யபீடி³தம் ॥ 39 ॥
ஸ மாமுத்³வீக்ஷ்ய நேத்ராப்⁴யாம் த்ரஸ்தமஸ்வஸ்த²சேதஸம் ।
இத்யுவாச தத: க்ரூரம் தி³த⁴க்ஷன்னிவ தேஜஸா ॥ 4௦ ॥
கிம் தவாபக்ருதம் ராஜன்வனே நிவஸதா மயா ।
ஜிஹீர்ஷுரம்போ⁴ கு³ர்வுர்த²ம் யத³ஹம் தாடி³தஸ்த்வயா ॥ 41 ॥
ஏகேன க²லு பா³ணேன மர்மண்யபி⁴ஹதே மயி ।
த்³வாவந்தௌ⁴ நிஹதௌ வ்ருத்³தௌ⁴ மாதா ஜனயிதா ச மே ॥ 42 ॥
தௌ கத²ம் து³ர்ப³லாவந்தௌ⁴ மத்ப்ரதீக்ஷௌ பிபாஸிதௌ ।
சிரமாஶாக்ருதாம் த்ருஷ்ணாம் கஷ்டாம் ஸந்தா⁴ரயிஷ்யத: ॥ 43 ॥
ந நூனம் தபஸோ வாஸ்தி ப²லயோக³ஶ்ஶ்ருதஸ்ய வா ।
பிதா யன்மாம் ந ஜானாதி ஶயானம் பதிதம் பு⁴வி ॥ 44 ॥
ஜானந்னபி ச கிம் குர்யாத³ஶக்திரபரிக்ரம: ।
பி⁴த்³யமானமிவாஶக்த ஸ்த்ரதுமன்யோ நகோ³ நக³ம் ॥ 45 ॥
பிதுஸ்த்வமேவ மே க³த்வா ஶீக்⁴ரமாசக்ஷ்ய ராக⁴வ ।
ந த்வாமனுத³ஹேத்க்ருத்³தோ⁴ வனம் வஹ்னிரிவைதி⁴த: ॥ 46 ॥
இயமேகபதீ³ ராஜன்யதோ மே பிதுராஶ்ரம: ।
தம் ப்ரஸாத³ய க³த்வா த்வம் ந த்வாம் ஸ குபிதஶ்ஶபேத் ॥ 47 ॥
விஶல்யம் குரு மாம் ராஜன்மர்ம மே நிஶிதஶ்ஶர: ।
ருணத்³தி⁴ ம்ருது³ஸோத்ஸேத⁴ம் தீரமம்பு³ரயோ யதா² ॥ 48 ॥
ஸஶல்ய: க்லிஶ்யதே ப்ராணைர்விஶல்யோ வினஶிஷ்யதி ।
இதி மாமவிஶச்சிந்தா தஸ்ய ஶல்யாபகர்ஷணே ॥ 49 ॥
து³:கி²தஸ்ய ச தீ³னஸ்ய மம ஶோகாதுரஸ்ய ச ।
லக்ஷயாமாஸ ஹ்ருத³யே சிந்தாம் முனிஸுதஸ்ததா³ ॥ 5௦ ॥
தாம்யமானஸ்ஸ மாம் க்ருச்ச்²ராது³வாச பரமார்தவத் ।
ஸீத³மானோ விவ்ருத்தாங்கோ³ வேஷ்டமானோ க³த: க்ஷயம் ॥ 51 ॥
ஸம்ஸ்தப்⁴ய ஶோகம் தை⁴ர்யேண ஸ்தி²ரசித்தோ ப⁴வாம்யஹம் ।
ப்³ரஹ்மஹத்யாக்ருதம் பாபம் ஹ்ருத³யாத³பனீயதாம் ॥ 52 ॥
ந த்³விஜாதிரஹம் ராஜன்மா பூ⁴த்தே மனஸோ வ்யதா² ।
ஶூத்³ராயாமஸ்மி வைஶ்யேன ஜாதோ ஜனபதா³தி⁴ப ॥ 53 ॥
இதீவ வத³த: க்ருச்ச்²ராத்³பா³ணாபி⁴ஹதமர்மண: விகூ⁴ர்ணதோ விசேஷ்டஸ்ய வேபமானஸ்ய பூ⁴தலே ।
தஸ்யத்வானம்யமானஸ்ய தம் பா³ணமஹமுத்³த⁴ரம் ஸ மாமுத்³வீக்ஷ்ய ஸந்த்ரஸ்தோ ஜஹௌ ப்ராணாம்ஸ்தபோத⁴ன: ॥ 54 ॥
ஜலார்த்³ரகா³த்ரந்து விலப்ய க்ருச்ச்²ரான்மர்மவ்ரணம் ஸந்ததமுச்ச²வஸந்தம் ।
தத ஸ்ஸரய்வாம் தமஹம் ஶயானம் ஸமீக்ஷ்ய ப⁴த்³ரேஸ்மி ப்⁴ருஶம் விஷண்ண: ॥ 55 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ரிஷஷ்டிதமஸ்ஸர்க:³ ॥
