ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்ரிம்ஶஸ்ஸர்க:³ ।
பி⁴த்த்வா து தாம் க³தா³ம் பா³ணை ராக⁴வோ த⁴ர்மவத்ஸல: ।
ஸ்மயமான: க²ரம் வாக்யம் ஸம்ரப்³த⁴மித³மப்³ரவீத் ॥ 1 ॥
ஏதத்தே ப³லஸர்வஸ்வம் த³ர்ஶிதம் ராக்ஷஸாத⁴ம ।
ஶக்திஹீனதரோ மத்தோ வ்ருதா² த்வமவக³ர்ஜஸி ॥ 2 ॥
ஏஷா பா³ணவினிர்பி⁴ன்னா க³தா³ பூ⁴மிதலம் க³தா ।
அபி⁴தா⁴னப்ரக³ல்ப⁴ஸ்ய தவ ப்ரத்யயகா⁴தினீ ॥ 3 ॥
யத்த்வயோக்தம் வினஷ்டானாமஹமஶ்ருப்ரமார்ஜனம் ।
ராக்ஷஸானாம் கரோமீதி மித்²யா தத³பி தே வச: ॥ 4 ॥
நீசஸ்ய க்ஷுத்³ரஶீலஸ்ய மித்²யாவ்ருத்தஸ்ய ரக்ஷஸ: ।
ப்ராணானஹம் ஹரிஷ்யாமி க³ருத்மானம்ருதம் யதா² ॥ 5 ॥
அத்³ய தே சி²ன்னகண்ட²ஸ்ய பே²னபு³த்³பு³த³பூ⁴ஷிதம் ।
விதா³ரிதஸ்ய மத்³பா³ணைர்மஹீ பாஸ்யதி ஶோணிதம் ॥ 6 ॥
பாம்ஸுரூஷிதஸர்வாங்க³ஸ்ஸ்ரஸ்தன்யஸ்த பு⁴ஜத்³வய: ।
ஸ்வப்ஸ்யஸே கா³ம் ஸமாலிங்க்³ய து³ர்லபா⁴ம் ப்ரமதா³மிவ ॥ 7 ॥
ப்ரப³த்³த⁴னித்³ரே ஶயிதே த்வயி ராக்ஷஸபாம்ஸனே ।
ப⁴விஷ்யந்திஶரண்யானாம் ஶரண்யா த³ண்ட³கா இமே ॥ 8 ॥
ஜனஸ்தா²னே ஹதஸ்தா²னே தவ ராக்ஷஸ மச்ச²ரை: ।
நிர்ப⁴யா விசரிஷ்யந்தி ஸர்வதோ முனயோ வனே ॥ 9 ॥
அத்³ய விப்ரஸரிஷ்யந்தி ராக்ஷஸ்யோ ஹதபா³ந்த⁴வா: ।
பா³ஷ்பார்த்³ரவத³னா தீ³னா ப⁴யாத³ன்யப⁴யாவஹா: ॥ 1௦ ॥
அத்³ய ஶோகரஸஜ்ஞாஸ்தா ப⁴விஷ்யந்தி நிரர்த²கா: ।
அனுரூபகுலா: பத்ன்யோ யாஸாம் த்வம் பதிரீத்³ருஶ: ॥ 11 ॥
ந்ருஶம்ஸ நீச க்ஷுத்³ராத்மன்னித்யம் ப்³ராஹ்மணகண்டக ।
யத்க்ருதே ஶங்கிதைரக்³னௌ முனிபி⁴: பாத்யதே ஹவி: ॥ 12 ॥
தமேவமபி⁴ஸம்ரப்³த⁴ம் ப்³ருவாணம் ராக⁴வம் ரணே ।
க²ரோ நிர்ப⁴ர்த்ஸயாமாஸ ரோஷாத்க²ரதரஸ்வர: ॥ 13 ॥
த்³ருட⁴ம் க²ல்வவலிப்தோஸி ப⁴யேஷ்வபி ச நிர்ப⁴ய: ।
வாச்யாவாச்யம் ததோ ஹி த்வம் ம்ருத்யுவஶ்யோ ந பு³த்⁴யஸே ॥ 14 ॥
காலபாஶபரிக்ஷிப்தா ப⁴வந்தி புருஷா ஹி யே ।
கார்யாகார்யம் ந ஜானந்தி தே நிரஸ்தஷடி³ந்த்³ரியா: ॥ 15 ॥
ஏவமுக்த்வா ததோ ராமம் ஸம்ருத்⁴ய ப்⁴ருகுடீம் தத: ।
ஸ த³த³ர்ஶ மஹாஸாலமவிதூ³ரே நிஶாசர: ॥ 16 ॥
ரணே ப்ரஹரணஸ்யார்தே² ஸர்வதோ ஹ்யவலோகயன் ।
ஸ தமுத்பாடயாமாஸ ஸந்த³ஶ்ய த³ஶனச்ச²த³ம் ॥ 17 ॥
தம் ஸமுத்க்ஷிப்ய பா³ஹுப்⁴யாம் வினத்³ய ச மஹாப³ல: ।
ராமமுத்³தி³ஶ்ய சிக்ஷேப ஹதஸ்த்வமிதி சாப்³ரவீத் ॥ 18 ॥
தமாபதந்தம் பா³ணௌகை⁴ச்சி²த்வா ராம: ப்ரதாபவான் ।
ரோஷமாஹாரயத்தீவ்ரம் நிஹந்தும் ஸமரே க²ரம் ॥ 19 ॥
ஜாதஸ்வேத³ஸ்ததோ ராமோ ரோஷாத்³ரக்தாந்தலோசன: ।
நிர்பி⁴பே⁴த³ ஸஹஸ்ரேண பா³ணானாம் ஸமரே க²ரம் ॥ 2௦ ॥
தஸ்ய பா³ணாந்தராத்³ரக்தம் ப³ஹு ஸுஸ்ராவ பே²னிலம் ।
கி³ரே: ப்ரஸ்ரவணஸ்யேவ தோயதா⁴ராபரிஸ்ரவ: ॥ 21 ॥
விஹ்வலஸ்ஸக்ருதோ பா³ணை: க²ரோ ராமேண ஸம்யுகே³ ।
மத்தோ ருதி⁴ரக³ந்தே⁴ன தமேவாப்⁴யத்³ரவத்³த்³ருதம் ॥ 22 ॥
தமாபதந்தம் ஸம்ரப்³த⁴ம் க்ருதாஸ்த்ரோ ருதி⁴ராப்லுதம் ।
அபாஸர்பத்ப்ரதிபத³ம் கிஞ்சித்வரிதவிக்ரம: ॥ 23 ॥
தத: பாவகஸங்காஶம் வதா⁴ய ஸமரே ஶரம் ।
க²ரஸ்ய ராமோ ஜக்³ராஹ ப்³ரஹ்மத³ண்ட³மிவாபரம் ॥ 24 ॥
ஸ தம் த³த்தம் மக⁴வதா ஸுரராஜேன தீ⁴மதா ।
ஸந்த³தே⁴ சாபி த⁴ர்மாத்மா முமோச ச க²ரம் ப்ரதி ॥ 25 ॥
ஸ விமுக்தோ மஹாபா³ணோ நிர்கா⁴தஸமனிஸ்வன: ।
ராமேண த⁴னுராயம்ய க²ரஸ்யோரஸிசாபதத் ॥ 26 ॥
ஸ பபாத க²ரோ பூ⁴மௌ த³ஹ்யமானஶ்ஶரானக்³னினா ।
ருத்³ரேணேவ வினிர்த³க்³த⁴ஶ்வேதாரண்யே யதா²ந்தக: ॥ 27 ॥
ஸ வ்ருத்ர இவ வஜ்ரேண பே²னேன நமுசிர்யதா² ।
ப³லோ வேந்த்³ராஶனிஹதோ நிபபாத ஹத: க²ர: ॥ 28 ॥
ததோ ராஜர்ஷயஸ்ஸர்வே ஸங்க³தா: பரமர்ஷய: ।
ஸபா⁴ஜ்ய முதி³தா ராமமித³ம் வசனமப்³ருவன் ॥ 29 ॥
ஏதத³ர்த²ம் மஹாதேஜா மஹேந்த்³ர: பாகஶாஸன: ।
ஶரப⁴ங்கா³ஶ்ரமம் புண்யமாஜகா³ம புரந்த³ர: ॥ 3௦ ॥
ஆனீதஸ்த்வமிமம் தே³ஶமுபாயேன மஹர்ஷிபி⁴: ।
ஏஷாம் வதா⁴ர்த²ம் க்ரூராணாம் ரக்ஷஸாம் பாபகர்மணாம் ॥ 31 ॥
ததி³த³ம் ந: க்ருதம் கார்யம் த்வயா த³ஶரதா²த்மஜ ।
ஸுக²ம் த⁴ர்மம் சரிஷ்யந்தி த³ண்ட³கேஷு மஹர்ஷய: ॥ 32 ॥
ஏதஸ்மிந்தரே தே³வாஶ்சாரணைஸ்ஸஹ ஸங்க³தா: ।
து³ந்து³பீ⁴ம்ஶ்சாபி⁴னிக்⁴னந்த: புஷ்பவர்ஷம் ஸமந்தத: ॥ 33 ॥
ராமஸ்யோபரி ஸம்ஹ்ருஷ்டா வவ்ருஷுர்விஸ்மிதாஸ்ததா³ ।
அர்தா⁴தி⁴கமுஹூர்தேன ராமேண நிஶிதைஶ்ஶரை: ॥ 34 ॥
சதுர்த³ஶஸஹஸ்ராணி ரக்ஷஸாம் பீ⁴மகர்மணாம் ।
க²ரதூ³ஷணமுக்²யானாம் நிஹதானி மஹாஹவே ॥ 35 ॥
அஹோ ப³த மஹத்கர்ம ராமஸ்ய விதி³தாத்மன: ।
அஹோ வீர்யமஹோ தா³க்ஷ்யம் விஷ்ணோரிவ ஹி த்³ருஶ்யதே ॥ 36 ॥
இத்யேவமுக்த்வா தே ஸர்வே யயுர்தே³வா யதா²க³தம் ।
தஸ்மின்னந்தரே வீரோ லக்ஷ்மணஸ்ஸஹ ஸீதயா ।
கி³ரிது³ர்கா³த்³வினிஷ்க்ரம்ய ஸம்விவேஶாஶ்ரமம் ஸுகீ² ॥ 37 ॥
ததோ ராமஸ்து விஜயீ பூஜ்யமானோ மஹர்ஷிபி⁴: ।
ப்ரவிவேஶாஶ்ரமம் வீரோ லக்ஷ்மணேனாபி⁴பூஜித: ॥ 38 ॥
தம் த்³ருஷ்ட்வா ஶத்ருஹந்தாரம் மஹர்ஷீணாம் ஸுகா²வஹம் ।
ப³பூ⁴வ ஹ்ருஷ்டா வைதே³ஹீ ப⁴ர்தாரம் பரிஷஸ்வஜே ॥ 39 ॥
முதா³ பரமயா யுக்தா த்³ருஷ்ட்வா ரக்ஷோக³ணான்ஹதான் ।
ராமம் சைவாவ்யத²ம் த்³ருஷ்ட்வா துதோஷ ஜனகாத்மஜா ॥ 4௦ ॥
ததஸ்து தம் ராக்ஷஸஸங்க⁴மர்த³னம் ஸபா⁴ஜ்யமானம் முதி³தைர்மஹர்ஷிபி⁴: ।
புன: பரிஷ்வஜ்ய ஶஶிப்ரபா⁴னநா ப³பூ⁴வ ஹ்ருஷ்டா ஜனகாத்மஜா ததா³ ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்ரிம்ஶஸ்ஸர்க:³ ॥
