ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகவிம்ஶஸ்ஸர்க:³ ।
தஸ்ய தத்³வசனம் ஶ்ருத்வா ஸீதா ரௌத்³ரஸ்ய ரக்ஷஸ: ।
ஆர்தா தீ³னஸ்வரா தீ³னம் ப்ரத்யுவாச ஶனைர்வச: ॥ 1 ॥
து³:கா²ர்தா ருத³தீ ஸீதா வேபமானா தபஸ்வினீ ।
சிந்தயந்தீ வராரோஹா பதிமேவ பதிவ்ரதா ॥ 2 ॥
த்ருணமந்தரத: க்ருத்வா ப்ரத்யுவாச ஶுசிஸ்மிதா ।
நிவர்தய மனோ மத்த: ஸ்வஜனே க்ரியதாம் மன: ॥ 3 ॥
ந மாம் ப்ரார்த²யிதும் யுக்தம் ஸுஸித்³தி⁴மிவ பாபக்ருத் ।
அகார்யம் ந மயா கார்யமேகபத்ன்யா விக³ர்ஹிதம் ॥ 4 ॥
குலம் ஸம்ப்ராப்தயா புண்யம் குலே மஹதி ஜாதயா ।
ஏவமுக்த்வா து வைதே³ஹீ ராவணம் தம் யஶஸ்வினீ ॥ 5 ॥
ராக்ஷஸம் ப்ருஷ்ட²த: க்ருத்வா பூ⁴யோ வசனமப்³ரவீத் ।
நாஹமௌபயிகீ பா⁴ர்யா பரபா⁴ர்யா ஸதீ தவ ॥ 6 ॥
ஸாது⁴ த⁴ர்மமவேக்ஷஸ்வ ஸாது⁴ ஸாது⁴வ்ரதம் சர ।
யதா² தவ ததா²ன்யேஷாம் தா³ரா ரக்ஷ்யா நிஶாசர ॥ 7 ॥
ஆத்மானமுபமாம் க்ருத்வா ஸ்வேஷு தா³ரேஷு ரம்யதாம் ।
அதுஷ்டம் ஸ்வேஷு தா³ரேஷு சபலம் சலிதேந்த்³ரியம் ॥ 8 ॥
நயந்தி நிக்ருதிப்ரஜ்ஞம் பரதா³ரா: பராப⁴வம் ।
இஹ ஸந்தோ ந வா ஸந்தி ஸதோ வா நானுவர்தஸே ॥ 9 ॥
ததா²ஹி விபரீதா தே பு³த்³தி⁴ராசாரவர்ஜிதா ।
வசோ மித்²யாப்ரணீதாத்மா பத்²யமுக்தம் விசக்ஷணை: ॥ 1௦ ॥
ராக்ஷஸானாமபா⁴வாய த்வம் வா ந ப்ரதிபத்³யஸே ।
அக்ருதாத்மானமாஸாத்³ய ராஜானமனயே ரதம் ॥ 11 ॥
ஸம்ருத்³தா⁴னி வினஶ்யந்தி ராஷ்ட்ராணி நக³ராணி ச ।
ததே²யம் த்வாம் ஸமாஸாத்³ய லங்கா ரத்னௌக⁴ஸங்குலா ॥ 12 ॥
அபராதா⁴த்தவைகஸ்ய நசிராத்³வினஶிஷ்யதி ।
ஸ்வக்ருதைர்ஹன்யமானஸ்ய ராவணாதீ³ர்க⁴த³ர்ஶின: ॥ 13 ॥
அபி⁴னந்த³ந்தி பூ⁴தானி வினாஶே பாபகர்மண: ।
ஏவம் த்வாம் பாபகர்மாணம் வக்ஷ்யந்தி நிக்ருதா ஜனா: ॥ 14 ॥
தி³ஷ்ட்யைதத்³வ்யஸனம் ப்ராப்தோ ரௌத்³ர இத்யேவ ஹர்ஷிதா: ।
ஶக்யா லோப⁴யிதும் நாஹமைஶ்வர்யேண த⁴னேன வா ॥ 15 ॥
அனந்யா ராக⁴வேணாஹம் பா⁴ஸ்கரேண ப்ரபா⁴ யதா² ।
உபதா⁴ய பு⁴ஜம் தஸ்ய லோகனாத²ஸ்ய ஸத்க்ருதம் ॥ 16 ॥
கத²ம் நாமோபதா⁴ஸ்யாமி பு⁴ஜமன்யஸ்ய கஸ்ய சித் ।
அஹமௌபயிகீ பா⁴ர்யா தஸ்யைவ வஸுதா⁴பதே: ॥ 17 ॥
வ்ரதஸ்னாதஸ்ய விப்ரஸ்ய வித்³யேவ விதி³தாத்மன: ।
ஸாது⁴ ராவண ராமேண மாம் ஸமானய து³:கி²தாம் ॥ 18 ॥
வனே வாஶிதயா ஸார்த⁴ம் கரேண்வேவ கஜ³ாதி⁴பம் ।
மித்ரமௌபயிகம் கர்தும் ராம: ஸ்தா²னம் பரீப்ஸதா ॥ 19 ॥
வத⁴ம் சானிச்ச²தா கோ⁴ரம் த்வயாஸௌ புருஷர்ஷப:⁴ ।
விதி³த: ஸ ஹி த⁴ர்மஜ்ஞ: ஶரணாக³தவத்ஸல: ॥ 2௦ ॥
தேன மைத்ரீ ப⁴வது தே யதி³ ஜீவிதுமிச்ச²ஸி ।
ப்ரஸாத³யஸ்வ த்வம் சைனம் ஶரணாக³தவத்ஸலம் ॥ 21 ॥
மாம் சாஸ்மை நியதோ பூ⁴த்வா நிர்யாதயிதுமர்ஹஸி ।
ஏவம் ஹி தே ப⁴வேத்ஸ்வஸ்தி ஸம்ப்ரதா³ய ரகூ⁴த்தமே ॥ 22 ॥
அன்யதா² த்வம் ஹி குர்வாணோ வத⁴ம் ப்ராப்ஸ்யஸி ராவண ।
வர்ஜயேத்³வஜ்ரமுத்ஸ்ருஷ்டம் வர்ஜயேத³ந்தகஶ்சிரம் ॥ 23 ॥
த்வத்³வித⁴ம் து ந ஸங்க்ருத்³தோ⁴ லோகனாத:² ஸ ராக⁴வ: ।
ராமஸ்ய த⁴னுஷ: ஶப்³த³ம் ஶ்ரோஷ்யஸி த்வம் மஹாஸ்வனம் ॥ 24 ॥
ஶதக்ரதுவிஸ்ருஷ்டஸ்ய நிர்கோ⁴ஷமஶனேரிவ ।
இஹ ஶீக்⁴ரம் ஸுபர்வாணோ ஜ்வலிதாஸ்யா இவோரகா³: ॥ 25 ॥
இஷவோ நிபதிஷ்யந்தி ராமலக்ஷ்மணலக்ஷணா: ।
ரக்ஷாம்ஸி பரினிக்⁴னந்த: புர்யாமஸ்யாம் ஸமந்தத: ॥ 26 ॥
அஸம்பாதம் கரிஷ்யந்தி பதந்த: கங்கவாஸஸ: ।
ராக்ஷஸேந்த்³ரமஹாஸர்பான் ஸ ராமக³ருடோ³ மஹான் ॥ 27 ॥
உத்³த⁴ரிஷ்யதி வேகே³ன வைனதேய இவோரகா³ன் ।
அபனேஷ்யதி மாம் ப⁴ர்தா த்வத்த: ஶீக்⁴ரமரிந்த³ம: ॥ 28 ॥
அஸுரேப்⁴ய: ஶ்ரியம் தீ³ப்தாம் விஷ்ணுஸ்த்ரிபி⁴ரிவ க்ரமை: ।
ஜனஸ்தா²னே ஹதஸ்தா²னே நிஹதே ரக்ஷஸாம் ப³லே ॥ 29 ॥
அஶக்தேன த்வயா ரக்ஷ: க்ருதமேதத³ஸாது⁴ வை ।
ஆஶ்ரமம் து தயோ: ஶூன்யம் ப்ரவிஶ்ய நரஸிம்ஹயோ: ॥ 3௦ ॥
கோ³சரம் க³தயோர்ப்⁴ராத்ரோரபனீதா த்வயாத⁴ம ।
ந ஹி க³ந்த⁴முபாக்⁴ராய ராமலக்ஷ்மணயோஸ்த்வயா ॥ 31 ॥
ஶக்யம் ஸந்த³ர்ஶனே ஸ்தா²தும் ஶுனா ஶார்தூ³லயோரிவ ।
தஸ்ய தே விக்³ரஹே தாப்⁴யாம் யுக³க்³ரஹணமஸ்தி²ரம் ॥ 32 ॥
வ்ருத்ரஸ்யேவேந்த்³ரபா³ஹுப்⁴யாம் பா³ஹோரேகஸ்ய விக்³ரஹே ।
க்ஷிப்ரம் தவ ஸ நாதோ² மே ராம: ஸௌமித்ரிணா ஸஹ ॥ 33 ॥
தோயமல்பமிவாதி³த்ய: ப்ராணானாதா³ஸ்யதே ஶரை: ।
கி³ரிம் குபே³ரஸ்ய க³தோத² வாலயம் ஸபா⁴ம் க³தோ வா வருணஸ்ய ராஜ்ஞ: ।
அஸம்ஶயம் தா³ஶரதே²ர்ன மோக்ஷ்யஸே மஹாத்³ரும: காலஹதோஶனேரிவ ॥ 34 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகவிம்ஶஸ்ஸர்க:³ ॥
