ஶ்ரீமத்³வால்மீகீய ராமாயணே அரண்யகாண்ட³ம் ।
அத² சது:ஸப்ததிதமஸ்ஸர்க:³ ।
தௌ கப³ந்தே⁴ன தம் மார்க³ம் பம்பாயா த³ர்ஶிதம் வனே ।
ப்ரதஸ்த²துர்தி³ஶம் க்³ருஹ்ய ப்ரதீசீம் ந்ருவராத்மஜௌ ॥ 1 ॥
தௌ ஶைலேஷ்வாசிதானேகான் க்ஷௌத்³ரகல்பப²லாந்த்³ருமான் ।
வீக்ஷந்தௌ ஜக்³மதுர்த்⁴ரஷ்டும் ஸுக்³ரீவம் ராமலக்ஷ்மணௌ ॥ 2 ॥
க்ருத்வா ச ஶைலப்ருஷ்டே² து தௌ வாஸம் ராமலக்ஷ்மணௌ ।
பம்பாயா: பஶ்சிமம் தீரம் ராக⁴வாவுபதஸ்த²து: ॥ 3 ॥
தௌ புஷ்கரிண்யா: பம்பாயாஸ்தீரமாஸாத்³ய பஶ்சிமம் ।
அபஶ்யதாம் ததஸ்தத்ர ஶப³ர்யா ரம்யமாஶ்ரமம் ॥ 4 ॥
தௌ தமாஶ்ரமமாஸாத்³ய த்³ருமைர்ப³ஹுபீ⁴ராவ்ருதம் ।
ஸுரம்யமபி⁴வீக்ஷந்தௌ ஶப³ரீமப்⁴யுபேயது: ॥ 5 ॥
தௌ ச த்³ருஷ்ட்வா ததா³ ஸித்³தா⁴ ஸமுத்தா²ய க்ருதாஞ்ஜலி: ।
ராமஸ்ய பாதௌ³ ஜக்³ராஹ லக்ஷ்மணஸ்ய ச தீ⁴மத: ॥ 6 ॥
பாத்³யமாசமனீயம் ச ஸர்வம் ப்ராதா³த்³யதா²விதி⁴ ।
தாமுவாச ததோ ராமஶ்ஶ்ரமணீம் ஸம்ஶிதவ்ரதாம் ॥ 7 ॥
கச்சித்தே நிர்ஜிதா விக்⁴னா: கச்சித்தே வர்த⁴தே தப: ।
கச்சித்தே நியத: க்ரோத⁴ ஆஹாரஶ்ச தபோத⁴னே ॥ 8 ॥
கச்சித்தே நியமா: ப்ராப்தா: கச்சித்தே மனஸ: ஸுக²ம் ।
கச்சித்தே கு³ருஶுஶ்ரூஷா ஸப²லா சாருபா⁴ஷிணி ॥ 9 ॥
ராமேண தாபஸீ ப்ருஷ்டா ஸா ஸித்³தா⁴ ஸித்³த⁴ஸம்மதா ।
ஶஶம்ஸ ஶப³ரீ வ்ருத்³தா⁴ ராமாய ப்ரத்யுபஸ்தி²தா ॥ 1௦ ॥
அத்³ய ப்ராப்தா தபஸ்ஸித்³தி⁴ஸ்தவ ஸந்த³ர்ஶனான்மயா ।
அத்³ய மே ஸப²லம் தப்தம் கு³ரவஶ்ச ஸுபூஜிதா: ॥ 11 ॥
அத்³ய மே ஸப²லம் ஜன்ம ஸ்வர்க³ஶ்சைவ ப⁴விஷ்யதி ।
த்வயி தே³வவரே ராம பூஜிதே புருஷர்ஷப⁴ ॥ 12 ॥
சக்ஷுஷா தவ ஸௌம்யேன பூதாஸ்மி ரகு⁴னந்த³ன ।
க³மிஷ்யாம்யக்ஷயான்லோகாம்ஸ்த்வத்ப்ரஸாதா³த³ரிந்த³ம ॥ 13 ॥
சித்ரகூடம் த்வயி ப்ராப்தே விமானைரதுலப்ரபை⁴: ।
இதஸ்தே தி³வமாரூடா⁴ யானஹம் பர்யசாரிஷம் ॥ 14 ॥
தைஶ்சாஹமுக்தா த⁴ர்மஜ்ஞைர்மஹாபா⁴கை³ர்மஹர்ஷிபி⁴: ।
ஆக³மிஷ்யதி தே ராமஸ்ஸுபுண்யமிமமாஶ்ரமம் ॥ 15 ॥
ஸ தே ப்ரதிக்³ரஹீதவ்யஸ்ஸௌமித்ரிஸஹிதோதிதி²: ।
தம் ச த்³ருஷ்ட்வா வரான்லோகானக்ஷயாம்ஸ்த்வம் க³மிஷ்யஸி ॥ 16 ॥
மயா து விவித⁴ம் வன்யம் ஸஞ்சிதம் புருஷர்ஷப⁴ ।
தவார்தே² புருஷவ்யாக்⁴ர பம்பாயாஸ்தீரஸம்ப⁴வம் ॥ 17 ॥
ஏவமுக்தஸ்ஸ த⁴ர்மாத்மா ஶப³ர்யா ஶப³ரீமித³ம் ।
ராக⁴வ: ப்ராஹ விஜ்ஞானே தாம் நித்யமப³ஹிஷ்க்ருதாம் ॥ 18 ॥
த³னோஸ்ஸகாஶாத்தத்த்வேன ப்ரபா⁴வம் தே மஹாத்மன: ।
ஶ்ருதம் ப்ரத்யக்ஷமிச்சா²மி ஸந்த்³ரஷ்டும் யதி³ மன்யஸே ॥ 19 ॥
ஏதத்து வசனம் ஶ்ருத்தா ராமவக்த்ராத்³வினிஸ்ஸ்ருதம் ।
ஶப³ரீ த³ர்ஶயாமாஸ தாவுபௌ⁴ தத்³வனம் மஹத் ॥ 2௦ ॥
பஶ்ய மேக⁴க⁴னப்ரக்²யம் ம்ருக³பக்ஷிஸமாகுலம் ।
மதங்க³வனமித்யேவ விஶ்ருதம் ரகு⁴னந்த³ன ॥ 21 ॥
இஹ தே பா⁴விதாத்மானோ கு³ரவோ மே மஹாவனே ।
ஜுஹவாஞ்சக்ரிரே தீர்த²ம் மந்த்ரவன்மந்த்ரபூஜிதம் ॥ 22 ॥
இயம் ப்ரத்யக்த்²ஸலீ வேதி³ர்யத்ர தே மே ஸுஸத்க்ருதா: ।
புஷ்போபஹாரம் குர்வந்தி ஶ்ரமாது³த்³வேபிபி⁴: கரை: ॥ 23 ॥
தேஷாம் தப:ப்ரபா⁴வேண பஶ்யாத்³யாபி ரகூ⁴த்³வஹ ।
த்³யோதயந்தி தி³ஶஸ்ஸர்வாஶ்ஶ்ரியா வேத்³யோதுலப்ரபா⁴: ॥ 24 ॥
அஶக்னுவத்³பி⁴ஸ்தைர்க³ந்துமுபவாஸஶ்ரமாலஸை: ।
சிந்திதேப்⁴யாக³தான்பஶ்ய ஸஹிதான்ஸப்தஸாக³ரான் ॥ 25 ॥
க்ருதாபி⁴ஷேகைஸ்தைர்ன்யஸ்தா வல்கலா: பாத³பேஷ்விஹ ।
அத்³யாபி நாவஶுஷ்யந்தி ப்ரதே³ஶே ரகு⁴னந்த³ன ॥ 26 ॥
தே³வகார்யாணி குர்வத்³பி⁴ர்யானீமானி க்ருதானி வை ।
புஷ்பை:குவலயைஸ்ஸார்த⁴ம் ம்லானத்வம் நோபயாந்திவை ॥ 27 ॥
க்ருத்ஸ்னம் வனமித³ம் த்³ருஷ்டம் ஶ்ரோதவ்யம் ச ஶ்ருதம் த்வயா ।
ததி³ச்சா²ம்யப்⁴யனுஜ்ஞாதா த்யக்துமேதத்கலேப³ரம் ॥ 28 ॥
தேஷாமிச்சா²ம்யஹம் க³ந்தும் ஸமீபம் பா⁴விதாத்மனாம் ।
முனீனாமாஶ்ரமோ யேஷாமஹம் ச பரிசாரிணீ ॥ 29 ॥
த⁴ர்மிஷ்ட²ம் து வசஶ்ஶ்ருத்வா ராக⁴வஸ்ஸஹலக்ஷ்மண: ।
ப்ரஹர்ஷமதுலம் லேபே⁴ ஆஶ்சர்யமிதி தத்த்வத: ॥ 3௦ ॥
தாமுவாச ததோ ராமஶ்ஶ்ரமணீம் ஸம்ஶிதவ்ரதாம் ।
அர்சிதோஹம் த்வயா ப⁴க்த்யா க³ச்ச²காமம் யதா²ஸுக²ம் ॥ 31 ॥
இத்யுக்தா ஜடிலா வ்ருத்³தா⁴ சீரக்ருஷ்ணாஜினாம்ப³ரா ।
தஸ்மின்முஹூர்தே ஶப³ரீ தே³ஹம் ஜீர்ணம் ஜிஹாஸதீ ॥ 32 ॥
அனுஜ்ஞாதா து ராமேண ஹுத்வாத்மானம் ஹுதாஶனே ।
ஜ்வலத்பாவகஸங்காஶா ஸ்வர்க³மேவ ஜகா³ம ஸா ॥ 33 ॥
தி³வ்யாப⁴ரணஸம்யுக்தா தி³வ்யமால்யானுலேபனா ।
தி³வ்யாம்ப³ரத⁴ரா தத்ர ப³பூ⁴வ ப்ரியத³ர்ஶனா ॥ 34 ॥
விராஜயந்தீ தம் தே³ஶம் வித்³யுத்ஸௌதா³மினீ யதா² ।
யத்ர தே ஸுக்ருதாத்மானோ விஹரந்தி மஹர்ஷய: ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ சது:ஸப்ததிதமஸ்ஸர்க:³ ॥
