ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகாத³ஶாதி⁴கஶததமஸ்ஸர்க:³ ।
வஸிஷ்ட²ஸ்து ததா³ ராமமுக்த்வா ராஜபுரோஹித: ।
அப்³ரவீத்³த⁴ர்மஸம்யுக்தம் புனரேவாபரம் வச: ॥ 1 ॥
புருஷஸ்யேஹ ஜாதஸ்ய ப⁴வந்தி கு³ரவஸ்த்ரய: ।
ஆசார்யஶ்சைவ காகுத்ஸ்த² பிதா மாதா ச ராக⁴வ ॥ 2 ॥
பிதா ஹ்யேவம் ஜனயதி புருஷம் புருஷர்ஷப⁴ ।
ப்ரஜ்ஞாம் த³தா³தி சாசார்யஸ்தஸ்மாத்ஸ கு³ருருச்யதே ॥ 3 ॥
ஸோஹம் தே பிதுராசார்யஸ்தவ சைவ பரந்தப ।
மம த்வம் வசனம் குர்வன்னாதிவர்தேஸ்ஸதாம் க³திம் ॥ 4 ॥
இமா ஹி தே பரிஷத³ ஶ்ஶ்ரேணயஶ்ச த்³விஜாஸ்ததா² ।
ஏஷு தாத சரந்த⁴ர்மம் நாதிவர்தே: ஸதாம் க³திம் ॥ 5 ॥
வ்ருத்³தா⁴யா த⁴ர்மஶீலாயா மாதுர்னார்ஹஸ்யவர்திதும் ।
அஸ்யா ஹி வசனம் குர்வன்னாதிவர்தேஸ்ஸதாம் க³திம் ॥ 6 ॥
ப⁴ரதஸ்ய வச: குர்வன்யாசமானஸ்ய ராக⁴வ ।
ஆத்மானம் நாதிவர்தேஸ்த்வம் ஸத்யத⁴ர்மபராக்ரம ॥ 7 ॥
ஏவம் மது⁴ரமுக்தஸ்ஸன் கு³ருணா ராக⁴வஸ்ஸ்வயம் ।
ப்ரத்யுவாச ஸமாஸீனம் வஸிஷ்ட²ம் புருஷர்ஷப:⁴ ॥ 8 ॥
யன்மாதாபிதரௌ வ்ருத்தம் தனயே குருத: ஸதா³ ।
ந ஸுப்ரதிகரம் தத் து மாத்ரா பித்ரா ச யத்க்ருதம் ॥ 9 ॥
யதா²ஶக்தி ப்ரதா³னேன ஸ்வாபனோச்சா²த³னேன ச ।
நித்யம் ச ப்ரியவாதே³ன ததா² ஸம்வர்த⁴னேன ச ॥ 1௦ ॥
யன்மாதாபிதரௌ வ்ருத்தம் தனயே குருதஸ்ஸதா³ ।
ந ஸுப்ரதிகரம் தத்து மாத்ரா பித்ரா ச யத்க்ருதம் ॥ 11 ॥
யதா²ஶக்திப்ரதா³னேன ஸ்வாபனோச்சா²த³னேன ச ।
நித்யம் ச ப்ரியவாதே³ன ததா² ஸம்வர்த⁴னேன ச ॥ 12 ॥
ஸ ஹி ராஜா ஜனயிதா பிதா த³ஶரதோ² மம ।
ஆஜ்ஞாதம் யன்மயா தஸ்ய ந தன்மித்²யா ப⁴விஷ்யதி ॥ 13 ॥
ஏவமுக்தஸ்து ராமேண ப⁴ரத: ப்ரத்யனந்தரம் ।
உவாச பரமோதா³ரஸ்ஸூதம் பரமது³ர்மனா: ॥ 14 ॥
இஹ மே ஸ்த²ண்டி³லே ஶீக்⁴ரம் குஶானாஸ்தர ஸாரதே² ।
ஆர்யம் ப்ரத்யுபவேக்ஷ்யாமி யாவன்மே ந ப்ரஸீத³தி ॥ 15 ॥
அனாஹாரோ நிராலோகோ த⁴னஹீனோ யதா² த்³விஜ: ।
ஶேஷ்யே புரஸ்தாச்சா²லாயா யாவன்ன ப்ரதியாஸ்யதி ॥ 16 ॥
ஸ து ராமமவேக்ஷந்தம் ஸுமந்த்ரம் பேக்ஷ்ய து³ர்மனா: ।
குஶோத்தரமுபஸ்தா²ப்ய பூ⁴மாவேவாஸ்தரத்ஸ்வயம் ॥ 17 ॥
தமுவாச மஹாதேஜா ராமோ ராஜர்ஷிஸத்தம: ।
கிம் மாம் ப⁴ரத குர்வாணம் தாத ப்ரத்யுபவேக்ஷ்யஸி ॥ 18 ॥
ப்³ராஹ்மணோ ஹ்யேகபார்ஶ்வேன நரான்ரோத்³து⁴மிஹார்ஹதி ।
ந து மூர்தா⁴பி⁴ஷிக்தானாம் விதி⁴: ப்ரத்யுபவேஶனே ॥ 19 ॥
உத்திஷ்ட² நரஶார்தூ³ல ஹித்வைதத்³தா³ருணம் வ்ரதம் ।
புரவர்யாமித: க்ஷிப்ரமயோத்⁴யாம் யாஹி ராக⁴வ ॥ 2௦ ॥
ஆஸீனஸ்த்வேவ ப⁴ரத: பௌரஜானபத³ம் ஜனம் ।
உவாச ஸர்வத: ப்ரேக்ஷ்ய கிமார்யம் நானுஶாஸத² ॥ 21 ॥
தே ததோ³சுர்மஹாத்மானம் பௌரஜானபதா³ ஜனா: ।
காகுத்ஸ்த²மபி⁴ஜானீம: ஸம்யக்³ வத³தி ராக⁴வ: ॥ 22 ॥
ஏஷோபி ஹி மஹாபா⁴க:³ பிதுர்வசஸி திஷ்ட²தி ।
அத ஏவ ந ஶக்தா: ஸ்மோ வ்யாவர்தயிதுமஞ்ஜஸா ॥ 23 ॥
தேஷாமாஜ்ஞாய வசனம் ராமோ வசனமப்³ரவீத் ।
ஏவம் நிபோ³த⁴ வசனம் ஸுஹ்ருதா³ம் த⁴ர்மசக்ஷுஷாம் ॥ 24 ॥
ஏதச்சைவோப⁴யம் ஶ்ருத்வா ஸம்யக்ஸம்பஶ்ய ராக⁴வ ।
உத்திஷ்ட² த்வம் மஹாபா³ஹோ மாம் ச ஸ்ப்ருஶ ததோ²த³கம் ॥ 25 ॥
அதோ²த்தா²ய ஜலம்ஸ்ப்ருஷ்ட்வா ப⁴ரதோ வாக்யமப்³ரவீத் ।
ஶ்ருண்வந்து மே பரிஷதோ³ மந்த்ரிண ஶ்ஶ்ரேணயஸ்ததா² ॥ 26 ॥
ந யாசே பிதரம் ராஜ்யம் நானுஶாஸாமி மாதரம் ।
ஆர்யம் பரமத⁴ர்மஜ்ஞம் நானுஜானாமி ராக⁴வம் ॥ 27 ॥
யதி³த்வவஶ்யம் வஸ்தவ்யம் கர்தவ்யம் ச பிதுர்வச: ।
அஹமேவ நிவத்ஸ்யாமி சதுர்த³ஶ ஸமா வனே ॥ 28 ॥
த⁴ர்மாத்மா தஸ்ய தத்²யேன ப்⁴ராதுர்வாக்யேன விஸ்மித: ।
உவாச ராம ஸ்ஸம்ப்ரேக்ஷ்ய பௌரஜானபத³ம் ஜனம் ॥ 29 ॥
விக்ரீதமாஹிதம் க்ரீதம் யத்பித்ரா ஜீவதா மம ।
ந தல்லோபயிதும் ஶக்யம் மயா வா ப⁴ரதேன வா ॥ 3௦ ॥
உபதி⁴ர்ன மயா கார்யோ வனவாஸே ஜுகு³ப்ஸித: ।
யுக்தமுக்தம் ச கைகேய்யா பித்ரா மே ஸுக்ருதம் க்ருதம் ॥ 31 ॥
ஜானாமி ப⁴ரதம் க்ஷாந்தம் கு³ருஸத்காரகாரிணம் ।
ஸர்வமேவாத்ர கல்யாணம் ஸத்யஸந்தே⁴ மஹாத்மனி ॥ 32 ॥
அனேன த⁴ர்மஶீலேன வனாத்ப்ரத்யாக³த: புன: ।
ப்⁴ராத்ரா ஸஹ ப⁴விஷ்யாமி ப்ருதி²வ்யா: பதிருத்தம: ॥ 33 ॥
வ்ருதோ ஹி ராஜா கைகேய்யா மயா தத்³வசனம் க்ருதம் ।
அன்ருதான்மோசயானேன பிதரம் தம் மஹீபதிம் ॥ 34 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகாத³ஶாதி⁴கஶததமஸ்ஸர்க:³ ॥
