ஶ்ரீமத்³வால்மீகீய ராமாயணே அரண்யகாண்ட³ம் ।
அத² சதுஸ்த்ரிம்ஶஸ்ஸர்க:³ ।
ததஶ்ஶூர்பணகா²ம் த்³ருஷ்ட்வா ப்³ருவந்தீம் பருஷம் வச: ।
அமாத்யமத்⁴யே ஸங்க்ருத்³த:⁴ பரிபப்ரச்ச² ராவண: ॥ 1 ॥
கஶ்ச ராம: கத²ம்வீர்ய: கிம்ரூப: கிம்பராக்ரம: ।
கிமர்த²ம் த³ண்ட³காரண்யம் ப்ரவிஷ்டஸ்ஸுது³ராஸத³ம் ॥ 2 ॥
ஆயுத⁴ம் கிஞ்ச ராமஸ்ய நிஹதா யேன ராக்ஷஸா: ।
க²ரஶ்ச நிஹதஸ்ஸங்க்³யே தூ³ஷணஸ்த்ரிஶிராஸ்ததா² ॥ 3 ॥
இத்யுக்தா ராக்ஷஸேந்த்³ரேண ராக்ஷஸீ க்ரோத⁴மூர்சி²தா ।
ததோ ராமம் யதா²தத்வமாக்²யாதுமுபசக்ரமே ॥ 4 ॥
தீ³ர்க⁴பா³ஹுர்விஶாலாக்ஷ ஶ்சீரக்ருஷ்ணாஜினாம்ப³ர: ।
கந்த³ர்பஸமரூபஶ்ச ராமோ த³ஶரதா²த்மஜ: ॥ 5 ॥
ஶக்ரசாபனிப⁴ம் சாபம் விக்ருஷ்ய கனகாங்க³த³ம் ।
தீ³ப்தான் க்ஷிபதி நாராசான்ஸர்பானிவ மஹாவிஷான் ॥ 6 ॥
நாத³தா³னம் ஶரான்கோ⁴ரான்னமுஞ்சந்தம் ஶிலீமுகா²ன் ।
ந கார்முகம் விகர்ஷந்தம் ராமம் பஶ்யாமி ஸம்யுகே³ ॥ 7 ॥
ஹன்யமானம் து தத்ஸைன்யம் பஶ்யாமி ஶரவ்ருஷ்டிபி⁴: ।
இந்த்³ரேணேவோத்தமம் ஸஸ்யமாஹதந்த்வஶ்மவ்ருஷ்டிபி⁴: ॥ 8 ॥
ரக்ஷஸாம் பீ⁴மரூபாணாம் ஸஹஸ்ராணி சதுர்த³ஶ ।
நிஹதானி ஶரை ஸ்தீக்ஷ்ணைஸ்தேனைகேன பதா³தினா ॥ 9 ॥
அர்தா⁴தி⁴கமுஹூர்தேன க²ரஶ்ச ஸஹதூ³ஷண: ।
ருஷீணாமப⁴யம் த³த்தம் க்ருதக்ஷேமாஶ்ச த³ண்ட³கா: ॥ 1௦ ॥
ஏகா கத²ஞ்சின்முக்தாஹம் பரிபூ⁴ய மஹாத்மனா ।
ஸ்த்ரீவத⁴ம் ஶங்கமானேன ராமேண விதி³தாத்மனா ॥ 11 ॥
ப்⁴ராதா சாஸ்ய மஹாதேஜா கு³ணதஸ்துல்யவிக்ரம: ।
அனுரக்தஶ்ச ப⁴க்தஶ்ச லக்ஷ்மணோ நாம வீர்யவான் ॥ 12 ॥
அமர்ஷீ து³ர்ஜயோ ஜேதா விக்ராந்தோ பு³த்³தி⁴மான்ப³லீ ।
ராமஸ்ய த³க்ஷிணோ பா³ஹுர்னித்யம் ப்ராணோ ப³ஹிஶ்சர: ॥ 13 ॥
ராமஸ்ய து விஶாலாக்ஷீ பூர்ணேந்து³ஸத்³ருஶானநா ।
த⁴ர்மபத்னீ ப்ரியா ப⁴ர்துர்னித்யம் ப்ரியஹிதே ரதா ॥ 14 ॥
ஸா ஸுகேஶீ ஸுனாஸோருஸ்ஸுரூபா ச யஶஸ்வினீ ।
தே³வதேவ வனஸ்யாஸ்ய ராஜதே ஶ்ரீரிவாபரா ॥ 15 ॥
தப்தகாஞ்சனவர்ணாபா⁴ ரக்ததுங்க³னகீ² ஶுபா⁴ ।
ஸீதா நாம வராரோஹா வைதே³ஹீ தனுமத்⁴யமா ॥ 16 ॥
நைவ தே³வீ ந க³ந்த⁴ர்வீ ந யக்ஷீ ந ச கின்னரீ ।
நைவம்ரூபா மயா நாரீ த்³ருஷ்டபூர்வா மஹீதலே ॥ 17 ॥
யஸ்ய ஸீதா ப⁴வேத்³பா⁴ர்யா யம் ச ஹ்ருஷ்டா பரிஷ்வஜேத் ।
அதிஜீவேத்ஸ ஸர்வேஷு லோகேஷ்வபி புரந்த³ராத் ॥ 18 ॥
ஸா ஸுஶீலா வபுஶ்ஶ்லாக்⁴யா ரூபேணாப்ரதிமா பு⁴வி ।
தவானுரூபா பா⁴ர்யா ஸ்யாத்த்வம் ச தஸ்யாஸ்ததா² பதி: ॥ 19 ॥
தாம் து விஸ்தீர்ணஜக⁴னாம் பீனஶ்ரோணிபயோத⁴ராம் ।
பா⁴ர்யார்தே² ச தவானேதுமுத்³யதாஹம் வரானநாம் ॥ 2௦ ॥
விரூபிதாஸ்மி க்ரூரேண லக்ஷ்மணேன மஹாபு⁴ஜ ।
தாம் து த்³ருஷ்ட்வாத்³ய வைதே³ஹீம் பூர்ணசந்த்³ரனிபா⁴னநாம் ।
மன்மத²ஸ்ய ஶராணாம் வை த்வம் விதே⁴யோ ப⁴விஷ்யஸி ॥ 21 ॥
யதி³ தஸ்யாமபி⁴ப்ராயோ பா⁴ர்யார்தே² தவ ஜாயதே ।
ஶீக்⁴ரமுத்³த்⁴ரியதாம் பாதோ³ ஜயார்த²மிஹ த³க்ஷிண: ॥ 22 ॥
குரு ப்ரியம் ததா² தேஷாம் ரக்ஷஸாம் ராக்ஷஸேஶ்வர ।
வதா⁴த்தஸ்ய ந்ருஶம்ஸஸ்ய ராமஸ்யாஶ்ரமவாஸின: ॥ 23 ॥
தம் ஶரைர்னிஶிதைர்ஹத்வா லக்ஷ்மணம் ச மஹாரத²ம் ।
ஹதனாதா²ம் ஸுக²ம் ஸீதாம் யதா²வது³பபோ⁴க்ஷ்யஸி ॥ 24 ॥
ரோசதே யதி தே வாக்யம் மமைதத்³ராக்ஷஸேஶ்வர ।
க்ரியதாம் நிர்விஶங்கேன வசனம் மம ராவண ॥ 25 ॥
விஜ்ஞாயேஹாத்மஶக்திம் ச ஹ்ரியதாமப³லா ப³லாத் ।
ஸீதா ஸர்வானவத்³யாங்கீ³ பா⁴ர்யார்தே² ராக்ஷஸேஶ்வர ॥ 26 ॥
நிஶம்ய ராமேண ஶரைரஜிஹ்மகை³ ர்ஹதான் ஜனஸ்தா²னக³தான்னிஶாசரான் ।
க²ரம் ச பு³த்³த்⁴வா நிஹதம் ச தூ³ஷணம் த்வமத்ர க்ருத்யம் ப்ரதிபத்துமர்ஹஸி ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ சதுஸ்த்ரிம்ஶஸ்ஸர்க:³ ॥
