ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² அஷ்டசத்வாரிம்ஶஸ்ஸர்க:³ ।
ஸஹ தாராங்க³தா³ப்⁴யாம் து க³த்வா ஸ ஹனுமான்கபி: ।
ஸுக்³ரீவேண யதோ²த்³தி³ஷ்டம் தம் தே³ஶமுபசக்ரமே ॥ 1 ॥
ஸ து தூ³ரமுபாக³ம்ய ஸர்வைஸ்தை: கபிஸத்தமை: ।
விசினோதி ஸ்ம விந்த்⁴யஸ்ய கு³ஹாஶ்ச க³ஹனானி ச ॥ 2 ॥
பர்வதாக்³ரான்னதீ³து³ர்கா³ன்ஸராம்ஸி விபுலாந்த்³ருமான் ।
வ்ருக்ஷஷண்டா³ம்ஶ்ச விவிதா⁴ன்பர்வதான்க⁴னபாத³பான் ॥ 3 ॥
அன்வேஷமாணாஸ்தே ஸர்வே வானராஸ்ஸர்வதோ தி³ஶம் ।
ந ஸீதாம் த³த்³ருஶுர்வீரா மைதி²லீம் ஜனகாத்மஜாம் ॥ 4 ॥
தே ப⁴க்ஷயந்தோ மூலானி ப²லானி விவிதா⁴னி ச ।
அன்வேஷமாணா து³ர்த⁴ர்ஷான்யவஸம் ஸ்தத்ர தத்ர ஹ ॥ 5 ॥
ஸ து தே³ஶோ து³ரன்வேஷோ கு³ஹாக³ஹனவான்மஹான் ।
நிர்ஜலம் நிர்ஜனம் ஶூன்யம் க³ஹனம் ரோமஹர்ஷணம் ॥ 6 ॥
த்யக்த்வா து தம் ததா³ தே³ஶம் ஸர்வே வை ஹரியூத²பா: ।
தாத்³ருஶான்யப்யரண்யானி விசித்ய ப்⁴ருஶபீடி³தா: ॥ 7 ॥
தே³ஶமன்யம் து³ராத⁴ர்ஷம் விவிஶு ஶ்சாகுதோ ப⁴யா: ।
யத்ர வந்த்⁴யப²லா வ்ருக்ஷா விபுஷ்பா: பர்ணவர்ஜிதா: ॥ 8 ॥
நிஸ்தோயாஸ்ஸரிதோ யத்ர மூலம் யத்ர ஸுது³ர்லப⁴ம் ।
ந ஸந்தி மஹிஷா யத்ர ந ம்ருகா³ ந ச ஹஸ்தின: ॥ 9 ॥
ஶார்தூ³லா: பக்ஷிணோ வாபி யே சான்யே வனகோ³சரா: ।
ந யத்ரவ்ருக்ஷா நௌஷத்⁴யோ ந வல்ல்யோ நாபி வீருத:⁴ ॥ 1௦ ॥
ஸ்னிக்³த⁴பத்ராஸ்ஸ்த²லே யத்ர பத்³மின்ய: பு²ல்லபங்கஜா: ।
ப்ரேக்ஷணீயாஸ்ஸுக³ந்தா⁴ஶ்ச ப்⁴ரமரைஶ்சாபிவர்ஜிதா: ॥ 11 ॥
கண்டு³ர்னாம மஹாபா⁴க³ஸ்ஸத்யவாதீ³ தபோத⁴ன: ।
மஹர்ஷி: பரமாமர்ஷீ நியமைர்து³ஷ்ப்ரத⁴ர்ஷண: ॥ 12 ॥
தஸ்ய தஸ்மின்வனே புத்ரோ பா³லஷ்ஷோட³ஶவார்ஷிக: ।
ப்ரணஷ்டோ ஜீவிதாந்தாய க்ருத்³த⁴ஸ்தத்ர மஹாமுனி: ॥ 13 ॥
தேன த⁴ர்மாத்மனா ஶப்தம் க்ருத்ஸ்னம் தத்ரமஹத்³வனம் ।
அஶரண்யம் து³ராத⁴ர்ஷம் ம்ருக³பக்ஷிவிவர்ஜிதம் ॥ 14 ॥
தஸ்ய தே கானநாந்தாஶ்ச கி³ரீணாம் கந்த³ராணி ச ।
ப்ரப⁴வனி நதீ³னாம் ச விசின்வந்தி ஸமாஹிதா: ॥ 15 ॥
தத்ர சாபி மஹாத்மானோ நாபஶ்யஞ்ஜனகாத்மஜாம் ।
ஹர்தாரம் ராவணம் வாபி ஸுக்³ரீவப்ரியகாரிண: ॥ 16 ॥
தே ப்ரவிஶ்யாஶு தம் பீ⁴மம் லதாகு³ல்மஸமாவ்ருதம் ।
த³த்³த்³ருஶு: க்ரூரகர்மாணமஸுரம் ஸுரனிர்ப⁴யம் ॥ 17 ॥
தம் த்³ருஷ்ட்வா வானரா கோ⁴ரம் ஸ்தி²தம் ஶைலமிவாபரம் ।
கா³ட⁴ம் பரிஹிதாஸ்ஸர்வே த்³ருஷ்ட்வா தான்பர்வதோபமமான் ॥ 18 ॥
ஸோபி தான்வானரான்ஸர்வான் நஷ்டா ஸ்ஸ்தே²த்யப்³ரவீத்³ப³லீ ।
அப்⁴யதா⁴வத ஸங்க்ருத்³தோ⁴ முஷ்டிமுத்³யம்ய ஸம்ஹிதம் ॥ 19 ॥
தமாபதந்தம் ஸஹஸா வாலிபுத்ரோங்க³த³ஸ்ததா³ ।
ராவணோயமிதி ஜ்ஞாத்வா தலேனாபி⁴ஜகா⁴ன ஹ ॥ 2௦ ॥
ஸ வாலிபுத்ராபி⁴ஹதோ வக்த்ராச்சோ²ணிதமுத்³வமன் ।
அஸுரோப்⁴யபதத்³பூ⁴மௌ பர்யஸ்த இவ பர்வத: ॥ 21 ॥
தேபி தஸ்மின்னிருச்ச²வாஸே வானரா ஜிதகாஶின: ।
வ்யசின்வன்ப்ராயஶஸ்தத்ர ஸர்வம் தத்³கி³ரிக³ஹ்வரம் ॥ 22 ॥
விசிதம் து தத: க்ருத்வா ஸர்வே தே கானநம் புன: ।
அன்யதே³வாபரம் கோ⁴ரம் விவிஶுர்கி³ரிக³ஹ்வரம் ॥ 23 ॥
தே விசித்ய புன: கி²ன்னா வினிஷ்பத்ய ஸமாக³தா: ।
ஏகாந்தே வ்ருக்ஷமூலே து நிஷேது³ர்தீ³னமானஸா: ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ அஷ்டசத்வாரிம்ஶஸ்ஸர்க:³ ॥
