ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஷஷ்டிதமஸ்ஸர்க:³ ।
தத: க்ருதோத³கம் ஸ்னாதம் தம் க்³ருத்⁴ரம் ஹரியூத²பா: ।
உபவிஷ்டா கி³ரௌ ரம்யே பரிவார்ய ஸமந்தத: ॥ 1 ॥
தமங்க³த³முபாஸீனம் தைஸ்ஸர்வைர்ஹரிபி⁴ர்வ்ருதம் ।
ஜனிதப்ரத்யயோ ஹர்ஷாத்ஸம்பாதி: புனரப்³ரவீத் ॥ 2 ॥
க்ருத்வா நிஶ்ஶப்³த³மேகாக்³ரா ஶ்ஶ்ருண்வந்து ஹரயோ மம ।
தத்வம் ஸங்கீர்தயிஷ்யாமி யதா² ஜானாமி மைதி²லீம் ॥ 3 ॥
அஸ்ய விந்த்⁴யஸ்ய ஶிக²ரே பதிதோஸ்மி புராவனே ।
ஸூர்யதபபரீதாங்கோ³ நிர்த³க்³த⁴ஸ்ஸூர்யரஶ்மிபி⁴: ॥ 4 ॥
லப்³த⁴ஸஞ்ஜ்ஞஸ்து ஷட்³ராத்ராத்³விவஶோ விஹ்வலன்னிவ ।
வீக்ஷமாணோ தி³ஶஸ்ஸர்வா நாபி⁴ஜானாமி கிஞ்சன ॥ 5 ॥
ததஸ்து ஸாக³ரான் ஶைலான்னதீ³ஸ்ஸர்வாஸ்ஸராம்ஸி ச ।
வனானி ச ப்ரதே³ஶாம்ஶ்ச நீரீக்ஷ்ய மதிராக³தா ॥ 6 ॥
ஹ்ருஷ்டபக்ஷிக³ணாகீர்ண: கந்த³ராந்தரகூடவான் ।
த³க்ஷிணஸ்யோத³தே⁴ஸ்தீரே விந்த்⁴யோயமிதி நிஶ்சித: ॥ 7 ॥
ஆஸீச்சாத்ராஶ்ரமம் புண்யம் ஸுரைரபி ஸுபூஜிதம் ।
ருஷிர்னிஶாகரோ நாம யஸ்மின்னுக்³ரதபாப⁴வத் ॥ 8 ॥
அஷ்டௌ வர்ஷஸஹஸ்ராணி தேனாஸ்மின்ன்ருஷிணா வினா ।
வஸதோ மம த⁴ர்மஜ்ஞா ஸ்வர்க³தே து நிஶாகரே ॥ 9 ॥
அவதீர்ய து விந்த்⁴யாக்³ராத்க்ருச்ச்²ரேண விஷமாச்ச²னை: ।
தீக்ஷ்ணத³ர்பா⁴ம் வஸுமதீம் து³:கே²ன புனராக³த: ॥ 1௦ ॥
தம்ருஷிம் த்³ரஷ்டுகாமோஸ்மி து³:கே²னாப்⁴யாக³தோ ப்⁴ருஶம் ।
ஜடாயுஷா மயா சைவ ப³ஹுஶோபி⁴க³தோ ஹி ஸ: ॥ 11 ॥
தஸ்யாஶ்ரமபதா³ப்⁴யாஶே வவுர்வாதாஸ்ஸுக³ந்தி⁴ன: ।
வ்ருக்ஷோ வாபுஷ்பித: கஶ்சித³ப²லோ வா ந வித்³யதே ॥ 12 ॥
உபேத்ய சாஶ்ரமம் புண்யம் வ்ருக்ஷமூலமுபாஶ்ரித: ।
த்³ரஷ்டுகாம: ப்ரதீக்ஷேஹம் ப⁴க³வந்தம் நிஶாகரம் ॥ 13 ॥
அதா²பஶ்யமதூ³ரஸ்த²ம்ருஷிம் ஜ்வலிததேஜஸம் ।
க்ருதாபி⁴ஷேகம் து³ர்த⁴ர்ஷமுபாவ்ருத்தமுத³ங்முக²ம் ॥ 14 ॥
தம்ருக்ஷாஸ்ஸ்ருமரா வ்யாக்⁴ராஸ்ஸிம்ஹா நாகா³ஸ்ஸரீஸ்ருபா: ।
பரிவார்யோபக³ச்ச²ந்தி தா⁴தாரம் ப்ராணினோ யதா² ॥ 15 ॥
தத: ப்ராப்தம்ருஷிம் ஜ்ஞாத்வா தானி ஸத்த்வானி வை யயு: ।
ப்ரவிஷ்டே ராஜனி யதா² ஸர்வம் ஸாமாத்யகம் ப³லம் ॥ 16 ॥
ருஷிஸ்து த்³ருஷ்ட்வா மாம் ப்ரீத: ப்ரவிஷ்டஶ்சாஶ்ரமம் புன: ।
முஹூர்தமாத்ரான்னிஷ்க்ரம்ய தத: கார்யமப்ருச்ச²த ॥ 17 ॥
ஸௌம்ய வைகல்யதாம் த்³ருஷ்ட்வா ரோம்ணாம் தே நாவக³ம்யதே ।
அக்³னித³க்³தா⁴விமௌ பக்ஷௌ வ்ரணாஶ்சாபி ஶரீரகே ॥ 18 ॥
க்³ருத்⁴ரௌ த்³வௌ த்³ருஷ்டபூர்வௌ மே மாதரிஶ்வஸமௌ ஜவே ।
க்³ருத்⁴ராணாம் சைவ ராஜானௌ ப்⁴ராதரௌ காமரூபிணௌ ॥ 19 ॥
ஜ்யேஷ்டோ² ஹி த்வம் து ஸம்பாதே ஜடாயுரனுஜஸ்தவ ।
மானுஷம் ரூபமாஸ்தா²ய க்³ருஹ்ணீதாம் சரணௌ மம ॥ 2௦ ॥
கிம் தே வ்யாதி⁴ஸமுத்தா²னம் பக்ஷயோ: பதனம் கத²ம் ।
த³ண்டோ³யஞ்ச க்ருத: கேன ஸர்வமாக்²யாஹி ப்ருச்ச²த: ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஷஷ்டிதமஸ்ஸர்க:³ ॥
