ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகஷஷ்டிதமஸ்ஸர்க:³ ।
வனம் க³தே த⁴ர்மபரே ராமே ரமயதாம் வரே ।
கௌஸல்யா ருத³தீ ஸ்வார்தா ப⁴ர்தாரமித³மப்³ரவீத் ॥ 1 ॥
யத்³யபி த்ரிஷு லோகேஷு ப்ரதி²தம் தே மஹத்³யஶ: ।
ஸானுக்ரோஶோ வதா³ன்யஶ்ச ப்ரியவாதீ³ ச ராக⁴வ: ॥ 2 ॥
கத²ம் நரவரஶ்ரேஷ்ட² புத்ரௌ தௌ ஸஹ ஸீதயா ।
து³:கி²தௌ ஸுக²ஸம்வ்ருத்³தௌ⁴ வனே து³:க²ம் ஸஹிஷ்யத: ॥ 3 ॥
ஸா நூனம் தருணீ ஶ்யாமா ஸுகுமாரீ ஸுகோ²சிதா ।
கத²முஷ்ணம் ச ஶீதம் ச மைதி²லீ ப்ரஸஹிஷ்யதே ॥ 4 ॥
பு⁴க்த்வாஶனம் விஶாலாக்ஷீ ஸூபத³ம் ஶான்விதம் ஶுப⁴ம் ।
வன்யம் நைவாரமாஹாரம் கத²ம் ஸீதோபபோ⁴க்ஷ்யதே ॥ 5 ॥
கீ³தவாதி³த்ரனிர்கோ⁴ஷம் ஶ்ருத்வா ஶுப⁴மனிந்தி³தா ।
கத²ம் க்ரவ்யாத³ஸிம்ஹானாம் ஶப்³த³ம் ஶ்ரோஷ்யத்யஶோப⁴னம் ॥ 6 ॥
மஹேந்த்³ரத்⁴வஜஸங்காஶ: க்வ நு ஶேதே மஹாபு⁴ஜ: ।
பு⁴ஜம் பரிக⁴ஸங்காஶமுபதா⁴ய மஹாப³ல: ॥ 7 ॥
பத்³மவர்ணம் ஸுகேஶாந்தம் பத்³மனிஶ்ஶ்வாஸமுத்தமம் ।
கதா³ த்³ரக்ஷ்யாமி ராமஸ்ய வத³னம் புஷ்கரேக்ஷணம் ॥ 8 ॥
வஜ்ரஸாரமயம் நூனம் ஹ்ருத³யம் மே ந ஸம்ஶய: ।
அபஶ்யந்த்யா ந தம் யத்³வை ப²லதீத³ம் ஸஹஸ்ரதா⁴ ॥ 9 ॥
யத்த்வயாகருணம் கர்ம வ்யபோஹ்ய மம பா³ந்த⁴வா: ।
நிரஸ்தா: பரிதா⁴வந்தி ஸுகா²ர்ஹா: க்ருபணா வனே ॥ 1௦ ॥
யதி³ பஞ்சத³ஶே வர்ஷே ராக⁴வ: புனரேஷ்யதி ।
ஜஹ்யாத்³ராஜ்யம் ச கோஷம் ச ப⁴ரதோ நோபலக்ஷயதே ॥ 11 ॥
போ⁴ஜயந்தி கில ஶ்ராத்³தே⁴ கேசித்ஸ்வானேவ பா³ந்த⁴வான் ।
தத: பஶ்சாத்ஸமீக்ஷந்தே க்ருதகார்யா த்³விஜர்ஷபா⁴ன் ॥ 12 ॥
தத்ர யே கு³ணவந்தஶ்ச வித்³வாம்ஸஶ்ச த்³விஜாதய: ।
ந பஶ்சாத்தேபி⁴மன்யந்தே ஸுதா⁴மபி ஸுரோபமா: ॥ 13 ॥
ப்³ராஹ்மணேஷ்வபி த்ருப்தேஷு பஶ்சாத்³போ⁴க்தும் த்³விஜர்ஷபா⁴: ।
நாப்⁴யுபைதுமலம் ப்ராஜ்ஞா ஶ்ஶ்ருங்க³ச்சே²த³மிவர்ஷபா⁴: ॥ 14 ॥
ஏவம் கனீயஸா ப்⁴ராத்ரா பு⁴க்தம் ராஜ்யம் விஶாம்பதே ।
ப்⁴ராதா ஜ்யேஷ்டோ² வரிஷ்ட²ஶ்ச கிமர்த²ம் நாவமம்ஸ்யதே ॥ 15 ॥
ந பரேணாஹ்ருதம் ப⁴க்ஷ்யம் வ்யாக்⁴ர: கா²தி³துமிச்ச²தி ।
ஏவமேதன்னரவ்யாக்⁴ர: பரலீட⁴ம் ந மன்யதே ॥ 16 ॥
ஹவிராஜ்யம் புரோடா³ஶா: குஶா யூபாஶ்ச கா²தி³ரா: ।
நைதானி யாதயாமானி குர்வந்தி புனரத்⁴வரே ॥ 17 ॥
ததா² ஹ்யாத்தமித³ம் ராஜ்யம் ஹ்ருதஸாராம் ஸுராமிவ ।
நாபி⁴மந்துமலம் ராமோ நஷ்டஸோமமிவாத்⁴வரம் ॥ 18 ॥
ந சேமாம் த⁴ர்ஷணாம் ராம ஸங்க³ச்சே²த³த்யமர்ஷண: ।
தா³ரயேன்மந்த³ரமபி ஸ ஹி க்ருத்³த⁴ஶ்ஶிதைஶ்ஶரை: ॥ 19 ॥
த்வாம் து நோத்ஸஹதே ஹந்தும் மஹாத்மா பித்ருகௌ³ரவாத் ।
ஸஸோமார்கக்³ரஹக³ணம் நப⁴ஸ்தாராவிசித்ரிதம் ॥ 2௦ ॥
பாதயேத்³யோதி³வம் க்ருத்³த⁴ஸ்ஸத்வாம் ந வ்யதிவர்ததே ।
ப்ரக்ஷோப⁴யேத்³வாரயே த்³வா மஹீம் ஶைலஶதாசிதாம் ॥ 21 ॥
நைவம் வித⁴மஸத்காரம் ராக⁴வோ மர்ஷயிஷ்யதி ।
ப³லவானிவ ஶார்தூ³லோ வாலதே⁴ரபி⁴மர்ஶனம் ॥ 22 ॥
நைதஸ்ய ஸஹிதா லோகா ப⁴யம் குர்யுர்மஹாம்ருதே² ।
அத⁴ர்மந்த்விஹ த⁴ர்மாத்மா லோகம் த⁴ர்மேண யோஜயேத் ॥ 23 ॥
நன்வஸௌ காஞ்சனைர்பா³ணைர்மஹாவீர்யோ மஹாபு⁴ஜ: ।
யுகா³ந்த இவ பூ⁴தானி ஸாக³ரானபி நிர்த³ஹேத் ॥ 24 ॥
ஸ தாத்³ருஶஸ்ஸிம்ஹப³லோ வ்ருஷபா⁴க்ஷோ நரர்ஷப:⁴ ।
ஸ்வயமேவ ஹத: பித்ரா ஜலஜேனாத்மஜோ யதா² ॥ 25 ॥
த்³விஜாதிசரிதோ த⁴ர்மஶ்ஶாஸ்த்ரத்³ருஷ்டஸ்ஸனாதன: ।
யதி³ தே த⁴ர்மனிரதே த்வயா புத்ரே விவாஸிதே ॥ 26 ॥
க³திரேகா பதிர்னார்யா த்³விதீயா க³திராத்மஜ: ।
த்ருதீயா ஜ்ஞாதயோ ராஜம்ஶ்சதுர்தீ² நேஹ வித்³யதே ॥ 27 ॥
தத்ர த்வம் சைவ மே நாஸ்தி ராமஶ்ச வனமாஶ்ரித: ।
ந வனம் க³ந்துமிச்சா²மி ஸர்வதா² நிஹதா த்வயா ॥ 28 ॥
ஹதம் த்வயா ராஜ்யமித³ம் ஸராஷ்ட்ரம் ஹதஸ்ததா²த்மா ஸஹ மந்த்ரிபி⁴ஶ்ச ।
ஹதா ஸபுத்ராஸ்மி ஹதாஶ்ச பௌராஸ்ஸுத ஶ்ச பா⁴ர்யா ச தவ ப்ரஹ்ருஷ்டௌ ॥ 29 ॥
இமாம் கி³ரம் தா³ருணஶப்³த³ ஸம்ஶ்ரிதாம் நிஶம்ய ராஜாபி முமோஹ து³:கி²த: ।
தத ஸ்ஸ ஶோகம் ப்ரவிவேஶ பார்தி²வஸ்ஸ்வது³ஷ்க்ருதம் சாபி புனஸ்ததா³ ஸ்மரன் ॥ 3௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகஷஷ்டிதமஸ்ஸர்க:³ ॥
