ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்³வாஶீதிதமஸ்ஸர்க:³ ।
தாமார்யக³ணஸம்பூர்ணாம் ப⁴ரத: ப்ரக்³ரஹாம் ஸபா⁴ம் ।
த³த³ர்ஶ பு³த்³தி⁴ஸம்பன்ன: பூர்ணசந்த்³ரோ நிஶாமிவ ॥ 1 ॥
ஆஸனானி யதா²ன்யாயமார்யாணாம் விஶதாம் ததா³ ।
வஸ்த்ராங்க³ராக³ப்ரப⁴யா த்³யோதிதா ஸா ஸபோ⁴த்தமா ॥ 2 ॥
ஸா வித்³வஜ்ஜனஸம்பூர்ணா ஸபா⁴ ஸுருசிரா ததா³ ।
அத்³ருஶ்யத க⁴னாபாயே பூர்ணசந்த்³ரேவ ஶர்வரீ ॥ 3 ॥
ராஜ்ஞஸ்து ப்ரக்ருதீ ஸ்ஸர்வா ஸ்ஸமக்³ரா: ப்ரேக்ஷ்ய த⁴ர்மவித் ।
இத³ம் புரோஹிதோ வாக்யம் ப⁴ரதம் ம்ருது³ சாப்³ரவீத் ॥ 4 ॥
தாத ராஜா த³ஶரத² ஸ்ஸ்வர்க³தோ த⁴ர்மமாசரன் ।
த⁴னதா⁴ன்யவதீம் ஸ்பீ²தாம் ப்ரதா³ய ப்ருதி²வீம் தவ ॥ 5 ॥
ராமஸ்ததா² ஸத்யத்⁴ருதிஸ்ஸதாம் த⁴ர்மமனுஸ்மரன் ।
நாஜஹாத்பிதுராதே³ஶம் ஶஶீ ஜ்யோத்ஸ்னாமிவோதி³த: ॥ 6 ॥
பித்ரா ப்⁴ராத்ரா ச தே த³த்தம் ராஜ்யம் நிஹதகண்டகம் ।
தத்³பு⁴ங்க்ஷ்வ முதி³தாமாத்ய: க்ஷிப்ரமேவாபி⁴ஷேசய ॥ 7 ॥
உதீ³ச்யா ஶ்ச ப்ரதீச்யா ஶ்ச தா³க்ஷிணாத்யாஶ்ச கேவலா: ।
கோட்யாபராந்தாஸ்ஸாமுத்³ராரத்னான்யபி⁴ஹரந்துதே ॥ 8 ॥
தச்ச்²ருத்வா ப⁴ரதோ வாக்யம் ஶோகேனாபி⁴பரிப்லுத: ।
ஜகா³ம மனஸா ராமம் த⁴ர்மஜ்ஞோ த⁴ர்மகாங்க்ஷயா ॥ 9 ॥
ஸபா³ஷ்பகலயா வாசா கலஹம்ஸஸ்வரோ யுவா ।
விலலாப ஸபா⁴மத்⁴யே ஜக³ர்ஹே ச புரோஹிதம் ॥ 1௦ ॥
சரிதப்³ரஹ்மசர்யஸ்ய வித்³யாஸ்னாதஸ்ய தீ⁴மத: ।
த⁴ர்மே ப்ரயதமானஸ்ய கோ ராஜ்யம் மத்³விதோ⁴ ஹரேத் ॥ 11 ॥
கத²ம் த³ஶரதா²ஜ்ஜாதோ ப⁴வேத்³ராஜ்யாபஹாரக: ।
ராஜ்யம் சாஹம் ச ராமஸ்ய த⁴ர்மம் வக்துமிஹார்ஹஸி ॥ 12 ॥
ஜ்யேஷ்ட² ஶ்ஶ்ரேஷ்ட²ஶ்ச த⁴ர்மாத்மா தி³லீபனஹுஷோபம: ।
லப்³து⁴மர்ஹதி காகுத்ஸ்தோ² ராஜ்யம் த³ஶரதோ² யதா² ॥ 13 ॥
அனார்யஜுஷ்டமஸ்வர்க்³யம் குர்யாம் பாபமஹம் யதி³ ।
இக்ஷ்வாகூணாமஹம் லோகே ப⁴வேயம் குலபாம்ஸன: ॥ 14 ॥
யத்³தி⁴ மாத்ரா க்ருதம் பாபம் நாஹம் தத³பி ரோசயே ।
இஹஸ்தோ² வனது³ர்க³ஸ்த²ம் நமஸ்யாமி க்ருதாஞ்ஜலி: ॥ 15 ॥
ராமமேவானுக³ச்சா²மி ராஜா ஸ த்³விபதா³ம் வர: ।
த்ரயாணாமபி லோகானாம் ராஜ்யமர்ஹதி ராக⁴வ: ॥ 16 ॥
தத்³வாக்யம் த⁴ர்மஸம்யுக்தம் ஶ்ருத்வா ஸர்வே ஸபா⁴ஸத:³ ।
ஹர்ஷான்முமுசுரஶ்ரூணி ராமே நிஹிதசேதஸ: ॥ 17 ॥
யதி³ த்வார்யம் ந ஶக்ஷ்யாமி வினிவர்தயிதும் வனாத் ।
வனே தத்ரைவ வத்ஸ்யாமி யதா²ர்யோ லக்ஷ்மணஸ்ததா² ॥ 18 ॥
ஸர்வோபாயம் து வர்திஷ்யே வினிவர்தயிதும் ப³லாத் ।
ஸமக்ஷமார்யமிஶ்ராணாம் ஸாதூ⁴னாம் கு³ணவர்தினாம் ॥ 19 ॥
விஷ்டிகர்மாந்திகா ஸ்ஸர்வே மார்க³ஶோத⁴கரக்ஷகா: ।
ப்ரஸ்தா²பிதா மயா பூர்வம் யத்ராபி மம ரோசதே ॥ 2௦ ॥
ஏவமுக்த்வா து த⁴ர்மாத்மா ப⁴ரதோ ப்⁴ராத்ருவத்ஸல: ।
ஸமீபஸ்த²முவாசேத³ம் ஸுமந்த்ரம் மந்த்ரகோவித³ம் ॥ 21 ॥
தூர்ணமுத்தா²ய க³ச்ச² த்வம் ஸுமந்த்ர மம ஶாஸனாத் ।
யாத்ராமாஜ்ஞாபய க்ஷிப்ரம் ப³லம் சைவ ஸமானய ॥ 22 ॥
ஏவமுக்த ஸ்ஸுமந்த்ரஸ்து ப⁴ரதேன மஹாத்மனா ।
ஹ்ருஷ்டஸ்ததா³தி³ஶத்ஸர்வம் யதா²ஸந்தி³ஷ்டமிஷ்டவத் ॥ 23 ॥
தா: ப்ரஹ்ருஷ்டா: ப்ரக்ருதயோ ப³லாத்⁴யக்ஷா ப³லஸ்ய ச ।
ஶ்ருத்வா யாத்ராம் ஸமாஜ்ஞப்தாம் ராக⁴வஸ்ய நிவர்தனே ॥ 24 ॥
ததோ யோதா⁴ங்க³னா ஸ்ஸர்வா ப⁴ர்த்ரூன்ஸர்வான்க்³ருஹேக்³ருஹே ।
யாத்ராக³மனமாஜ்ஞாய த்வரயந்தி ஸ்ம ஹர்ஷிதா: ॥ 25 ॥
தே ஹயைர்கோ³ரதை²ஶ்ஶீக்⁴ரைஸ்ஸ்யந்த³னைஶ்ச மஹாஜவை: ஸஹ யோதை⁴ர்ப³லாத்⁴யக்ஷா ப³லம் ஸர்வமசோத³யன் ॥ 26 ॥
ஸஜ்ஜம் து தத்³ப³லம் த்³ருஷ்ட்வா ப⁴ரதோ கு³ருஸன்னிதௌ⁴ ।
ரத²ம் மே த்வரயஸ்வேதி ஸுமந்த்ரம் பார்ஶ்வதோப்³ரவீத் ॥ 27 ॥
ப⁴ரதஸ்ய து தஸ்யாஜ்ஞாம் ப்ரதிக்³ருஹ்ய ச ஹர்ஷித: ।
ரத²ம் க்³ருஹீத்வா ப்ரயயௌ யுக்தம் பரமவாஜிபி⁴: ॥ 28 ॥
ஸ ராக⁴வ ஸ்ஸத்யத்⁴ருதி: ப்ரதாபவான் ப்³ருவன் ஸுயுக்தம் த்³ருட⁴ஸத்யவிக்ரம: ।
கு³ரும் மஹாரண்யக³தம் யஶஸ்வினம் ப்ரஸாத³யிஷ்யன்ப⁴ரதோப்³ரவீத்ததா³ ॥ 29 ॥
தூர்ணம் ஸமுத்தா²ய ஸுமந்த்ர க³ச்ச² ப³லஸ்ய யோகா³ய ப³லப்ரதா⁴னான் ।
ஆனேதுமிச்சா²மி ஹி தம் வனஸ்த²ம் ப்ரஸாத்³ய ராமம் ஜக³தோ ஹிதாய ॥ 3௦ ॥
ஸஸூதபுத்ரோ ப⁴ரதேன ஸம்யகா³ஜ்ஞாபிதஸ்ஸம்பரிபூர்ணகாம: ।
ஶஶாஸ ஸர்வான்ப்ரக்ருதிப்ரதா⁴னான்ப³லஸ்ய முக்²யாம்ஶ்ச ஸுஹ்ருஜ்ஜனம் ச ॥ 31 ॥
தத ஸ்ஸமுத்தா²ய குலே குலே தே ராஜன்யவைஶ்யா வ்ருஷலாஶ்ச விப்ரா: ।
அயூயுஜன்னுஷ்ட்ரக²ரான்ரதா²ம்ஶ்ச நாகா³ன்ஹயாம்ஶ்சைவ குலப்ரஸூதான் ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்³வாஶீதிதமஸ்ஸர்க:³ ॥
