ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகத்ரிம்ஶஸ்ஸர்க:³ ।
த்வரமாணஸ்ததோ க³த்வா ஜனஸ்தா²னாத³கம்பன: ।
ப்ரவிஶ்ய லங்காம் வேகே³ன ராவணம் வாக்யமப்³ரவீத் ॥ 1 ॥
ஜனஸ்தா²னஸ்தி²தா ராஜன்ராக்ஷஸா ப³ஹவோ ஹதா: ।
க²ரஶ்ச நிஹதஸ்ஸங்க்²யே கத²ஞ்சித³ஹமாக³த: ॥ 2 ॥
ஏவமுக்தோ த³ஶக்³ரீவ: க்ருத்³த⁴ ஸ்ஸம்ரக்தலோசன: ।
அகம்பனமுவாசேத³ம் நிர்த³ஹன்னிவ சக்ஷுஷா ॥ 3 ॥
கேன ரம்யம் ஜனஸ்தா²னம் ஹதம் மம பராஸுனா ।
கோ ஹி ஸர்வேஷு லோகேஷு க³திம் சாதி⁴க³மிஷ்யதி ॥ 4 ॥
ந ஹி மே விப்ரியம் க்ருத்வா ஶக்யம் மக⁴வதா ஸுக²ம் ।
ப்ராப்தும் வைஶ்ரவணேனாபி ந யமேன ந விஷ்ணுனா ॥ 5 ॥
காலஸ்ய சாப்யஹம் காலோ த³ஹேயமபி பாவகம் ।
ம்ருத்யும் மரணத⁴ர்மேண ஸம்யோஜயிதுமுத்ஸஹே ॥ 6 ॥
த³ஹேயமபி ஸங்க்ருத்³த⁴ஸ்தேஜஸாதி³த்யபாவகௌ ।
வாதஸ்ய தரஸா வேக³ம் நிஹந்துமஹமுத்ஸஹே ॥ 7 ॥
ததா² க்ருத்³த⁴ம் த³ஶக்³ரீவம் க்ருதாஞ்ஜலிரகம்பன: ।
ப⁴யாத்ஸந்தி³க்³த⁴யா வாசா ராவணம் யாசதேப⁴யம் ॥ 8 ॥
த³ஶக்³ரீவோப⁴யம் தஸ்மை ப்ரத³தௌ³ ரக்ஷஸாம் வர: ।
ஸ விஸ்ரப்³தோ⁴ப்³ரவீத்³வாக்யமஸந்தி³க்³த⁴மகம்பன: ॥ 9 ॥
புத்ரோ த³ஶரத²ஸ்யாஸ்தி ஸிம்ஹஸம்ஹனநோ யுவா ।
ராமோ நாம வ்ருஷஸ்கந்தோ⁴ வ்ருத்தாயதமஹாபு⁴ஜ: ॥ 1௦ ॥
வீர: ப்ருது²யஶாஶ்ஶ்ரீமானதுல்யப³லவிக்ரம: ।
ஹதம் தேன ஜனஸ்தா²னம் க²ரஶ்ச ஸஹ தூ³ஷண: ॥ 11 ॥
அகம்பனவச ஶ்ருத்வா ராவணோ ராக்ஷஸாதி⁴ப: ।
நாகே³ந்த்³ர இவ நிஶ்வஸ்ய வசனம் சேத³மப்³ரவீத் ॥ 12 ॥
ஸ ஸுரேந்த்³ரேண ஸம்யுக்தோ ராமஸ்ஸர்வாமரைஸ்ஸஹ ।
உபயாதோ ஜனஸ்தா²னம் ப்³ரூஹி கச்சித³கம்பன ॥ 13 ॥
ராவணஸ்ய புனர்வாக்யம் நிஶம்ய தத³கம்பன: ।
ஆசசக்ஷே ப³லம் தஸ்ய விக்ரமம் ச மஹாத்மன: ॥ 14 ॥
ராமோ நாம மஹாதேஜா ஶ்ரேஷ்ட²ஸ்ஸர்வத⁴னுஷ்மதாம் ।
தி³வ்யாஸ்த்ரகு³ணஸம்பன்ன: புரந்த³ரஸமோ யுதி⁴ ॥ 15 ॥
தஸ்யானுரூபோ ப³லவான்ரக்தாக்ஷோ த³ந்து³பி⁴ஸ்வன: ।
கனீயான்லக்ஷ்மணோ நாம ப்⁴ராதா ஶஶினிபா⁴னந: ॥ 16 ॥
ஸ தேன ஸஹ ஸம்யுக்த: பாவகேனானிலோ யதா² ।
ஶ்ரீமான்ராஜவரஸ்தேன ஜனஸ்தா²னம் நிபாதிதம் ॥ 17 ॥
நைவ தே³வா மஹாத்மானோ நாத்ர கார்யா விசாரணா ।
ஶரா ராமேண தூத்ஸ்ருஷ்டா ருக்மபுங்கா²: பதத்ரிண: ॥ 18 ॥
ஸர்பா: பஞ்சானநா பூ⁴த்வா ப⁴க்ஷயந்தி ஸ்ம ராக்ஷஸான் ।
யேன யேன ச க³ச்ச²ந்தி ராக்ஷஸா ப⁴யகர்ஶிதா: ॥ 19 ॥
தேன தேன ஸ்ம பஶ்யந்தி ராமமேவாக்³ரத: ஸ்தி²தம் ।
இத்த²ம் வினாஶிதம் தேன ஜனஸ்தா²னம் தவானக⁴ ॥ 2௦ ॥
அகம்பனவசஶ்ருத்வா ராவணோ வாக்யமப்³ரவீத் ।
ஜனஸ்தா²னம் க³மிஷ்யாமி ஹந்தும் ராமம் ஸலக்ஷ்மணம் ॥ 21 ॥
அதை²வமுக்தே வசனே ப்ரோவாசேத³மகம்பன: ।
ஶ்ருணு ராஜன்யதா²வ்ருத்தம் ராமஸ்ய ப³லபௌருஷம் ॥ 22 ॥
அஸாத்⁴ய: குபிதோ ராமோ விக்ரமேண மஹாயஶா: ।
ஆபகா³யாஸ்ஸுபூர்ணாயா வேக³ம் பரிஹரேச்ச²ரை: ॥ 23 ॥
ஸதாரக்³ரஹனக்ஷத்ரம் நப⁴ஶ்சாப்யவஸாத³யேத் ।
அஸௌ ராமஸ்து ஸீத³ந்தீம் ஶ்ரீமானப்⁴யுத்³த⁴ரேன்மஹீம் ॥ 24 ॥
பி⁴த்த்வா வேலாம் ஸமுத்³ரஸ்ய லோகானாப்லாவயேத்³விபு⁴: ।
வேக³ம் வாபி ஸமுத்³ரஸ்ய வாயும் வா வித⁴மேச்ச²ரை: ॥ 25 ॥
ஸம்ஹ்ருத்ய வா புனர்லோகான்விக்ரமேண மஹாயஶா: ।
ஶக்தஸ்ஸபுருஷவ்யாக்⁴ர: ஸ்ரஷ்டும் புனரபி ப்ரஜா: ॥ 26 ॥
ந ஹி ராமோ த³ஶக்³ரீவ ஶக்யோ ஜேதும் த்வயா யுதி⁴ ।
ரக்ஷஸாம் வாபி லோகேன ஸ்வர்க:³ பாபஜனைரிவ ॥ 27 ॥
ந தம் வத்⁴யமஹம் மன்யே ஸர்வைர்தே³வாஸுரைரபி ।
அயம் தஸ்ய வதோ⁴பாயஸ்தன்மமைகமனாஶ்ஶ்ருணு ॥ 28 ॥
பா⁴ர்யா தஸ்யோத்தமா லோகே ஸீதா நாம ஸுமத்⁴யமா ।
ஶ்யாமா ஸமவிப⁴க்தாங்கீ³ ஸ்த்ரீரத்னம் ரத்னபூ⁴ஷிதா ॥ 29 ॥
நைவ தே³வீ ந க³ந்த⁴ர்வீ நாப்ஸரா நாபி தா³னவீ ।
துல்யா ஸீமந்தினீ தஸ்யா மானுஷீஷு குதோ ப⁴வேத் ॥ 3௦ ॥
தஸ்யாபஹர பா⁴ர்யாந்த்வம் ப்ரமத்²ய து மஹாவனே ।
ஸீதயா ரஹித: காமீ ராமோ ஹாஸ்யதி ஜீவிதம் ॥ 31 ॥
அரோசயத தத்³வாக்யம் ராவணோ ராக்ஷஸாதி⁴ப: ।
சிந்தயித்வா மஹாபா³ஹுரகம்பனமுவாச ஹ ॥ 32 ॥
பா³ட⁴ம் கால்யம் க³மிஷ்யாமி ஹ்யேகஸ்ஸாரதி²னா ஸஹ ।
ஆனயிஷ்யாமி வைதே³ஹீமிமாம் ஹ்ருஷ்டோ மஹாபுரீம் ॥ 33 ॥
அதை²வமுக்த்வா ப்ரயயௌ க²ரயுக்தேன ராவண: ।
ரதே²னாதி³த்யவர்ணேன தி³ஶஸ்ஸர்வா: ப்ரகாஶயன் ॥ 34 ॥
ஸ ரதோ² ராக்ஷஸேந்த்³ரஸ்ய நக்ஷத்ரபத²கோ³ மஹான் ।
ஸஞ்சார்யமாணஶ்ஶுஶுபே⁴ ஜலதே³ சந்த்³ரமா இவ ॥ 35 ॥
ஸ மாரீசாஶ்ரமம் ப்ராப்ய தாடகேயமுபாக³மத் ।
மாரீசேனார்சிதோ ராஜா ப⁴க்ஷ்யபோ⁴ஜ்யைரமானுஷை: ॥ 36 ॥
தம் ஸ்வயம் பூஜயித்வா து ஆஸனேனோத³கேன ச ।
அர்தோ²பஹிதயா வாசா மாரீசோ வாக்யமப்³ரவீத் ॥ 37 ॥
கச்சித்ஸுகுஶலம் ராஜன்லோகானாம் ராக்ஷஸேஶ்வர ।
ஆஶங்கே நாத² ஜானே த்வம் யதஸ்தூர்ணமிஹாக³த: ॥ 38 ॥
ஏவமுக்தோ மஹாதேஜா மாரீசேன ஸ ராவண: ।
தத: பஶ்சாதி³த³ம் வாக்யமப்³ரவீத்³வாக்யகோவித:³ ॥ 39 ॥
ஆரக்ஷோ மே ஹதஸ்தாத ராமேணாக்லிஷ்டகர்மணா ।
ஜனஸ்தா²னமவத்⁴ய தத்ஸர்வம் யுதி⁴ நிபாதிதம் ॥ 4௦ ॥
தஸ்ய மே குரு ஸாசிவ்யம் தஸ்ய பா⁴ர்யாபஹாரணே ।
ராக்ஷஸேந்த்³ரவசஶ்ஶ்ருத்வா மாரீசோ வாக்யமப்³ரவீத் ॥ 41 ॥
ஆக்²யாதா கேன ஸீதா ஸா மித்ரரூபேண ஶத்ருணா ।
த்வயா ராக்ஷஸஶார்தூ³ல கோ ந நந்த³தி நந்தி³த: ॥ 42 ॥
ஸீதாமிஹானயஸ்வேதி கோ ப்³ரவீதி ப்³ரவீஹி மே ।
ரக்ஷோலோகஸ்ய ஸர்வஸ்ய கஶ்ஶ்ருங்க³ம் சே²த்துமிச்ச²தி ॥ 43 ॥
ப்ரோத்ஸாஹயதி கஶ்ச த்வாம் ஸ ச ஶத்ருரஸம்ஶய: ।
அஶீவிஷமுகா²த்³த³ம்ஷ்ட்ராமுத்³த⁴ர்தும் சேச்ச²தி த்வயா ॥ 44 ॥
கர்மணா கேன கேனாஸி காபத²ம் ப்ரதிபாதி³த: ।
ஸுக²ஸுப்தஸ்ய தே ராஜன் ப்ரஹ்ருதம் கேன மூர்த⁴னி ॥ 45 ॥
விஶுத்³த⁴வம்ஶாபி⁴ஜனாக்³ரஹஸ்த ஸ்தேஜோமத³ஸ்ஸம்ஸ்தி²ததோ³ர்விஷாண: ।
உதீ³க்ஷிதும் ராவண நேஹ யுக்த: ஸ ஸம்யுகே³ ராக⁴வக³ந்த⁴ஹஸ்தீ ॥ 46 ॥
அஸௌ ரணாந்த: ஸ்தி²திஸந்தி⁴வாலோ வித³க்³த⁴ரக்ஷோம்ருக³ஹா ந்ருஸிம்ஹ: ।
ஸுப்தஸ்த்வயா போ³த⁴யிதும் ந யுக்த: ஶராங்க³பூர்ணோ நிஶிதாஸித³ம்ஷ்ட்ர: ॥ 47 ॥
சாபாபஹாரே பு⁴ஜவேக³பங்கே ஶரோர்மிமாலே ஸுமஹாஹவௌகே⁴ ।
ந ராமபாதாலமுகே²திகோ⁴ரே ப்ரஸ்கந்தி³தும் ராக்ஷஸராஜ யுக்தம் ॥ 48 ॥
ப்ரஸீத³ லங்கேஶ்வர ராக்ஷஸேந்த்³ர லங்காம் ப்ரஸன்னோ ப⁴வ ஸாது⁴ க³ச்ச² ।
த்வம் ஸ்வேஷு தா³ரேஷு ரமஸ்வ நித்யம் ராமஸ்ஸபா⁴ர்யோ ரமதாம் வனேஷு ॥ 49 ॥
ஏவமுக்தோ த³ஶக்³ரீவோ மாரீசேன ஸ ராவண: ।
ந்யவர்தத புரீம் லங்காம் விவேஶ ச க்³ருஹோத்தமம் ॥ 5௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகத்ரிம்ஶஸ்ஸர்க:³ ॥
