ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஸப்தத³ஶஸ்ஸர்க:³ ।
க்ருதாபி⁴ஷேகோ ராமஸ்து ஸீதா ஸௌமித்ரிரேவ ச ।
தஸ்மாத்³கோ³தா³வரீதீராத்ததோ ஜக்³முஸ்வமாஶ்ரமம் ॥ 1 ॥
ஆஶ்ரமம் தமுபாக³ம்ய ராக⁴வஸ்ஸஹ லக்ஷ்மண: ।
க்ருத்வா பௌர்வாஹ்ணிகம் கர்ம பர்ணஶாலாமுபாக³மத் ॥ 2 ॥
உவாஸ ஸுகி²தஸ்தத்ர பூஜ்யமானோ மஹர்ஷிபி⁴: ।
லக்ஷ்மணேன ஸஹ ப்⁴ராத்ரா சகார விவிதா⁴: கதா²: ॥ 3 ॥
ஸ ராம: பர்ணஶாலாயாமாஸீனஸ்ஸஹ ஸீதயா ।
விரராஜ மஹாபா³ஹுஶ்சித்ரயா சந்த்³ரமா: இவ ॥ 4 ॥
ததா³ஸீனஸ்ய ராமஸ்ய கதா²ஸம்ஸக்தசேதஸ: ।
தம் தே³ஶம் ராக்ஷஸீ காசிதா³ஜகா³ம யத்³ருச்ச²யா ॥ 5 ॥
ஸா து ஶூர்பணகா² நாம த³ஶக்³ரீவஸ்ய ராக்ஷஸ: ।
ப⁴கி³னீ ராமமாஸாத்³ய த³த³ர்ஶ த்ரித³ஶோபமம் ॥ 6 ॥
ஸிம்ஹோரஸ்கம் மஹாபா³ஹும் பத்³மபத்ரனிபே⁴க்ஷணம் ।
ஆஜானுபா³ஹும் தீ³ப்தாஸ்யமதீவ ப்ரியத³ர்ஶனம் ॥ 7 ॥
கஜ³விக்ராந்தக³மனம் ஜடாமண்ட³லதா⁴ரிணம் ।
ஸுகுமாரம் மஹாஸத்த்வம் பார்தி²வவ்யஞ்ஜனான்விதம் ॥ 8 ॥
ராமமிந்தீ³வரஶ்யாமம் கந்த³ர்பஸத்³ருஶப்ரப⁴ம் ।
ப³பூ⁴வேந்த்³ரோபமம் த்³ருஷ்ட்வா ராக்ஷஸீ காமமோஹிதா ॥ 9 ॥
ஸுமுக²ம் து³ர்முகீ² ராமம் வ்ருத்தமத்⁴யம் மஹோத³ரீ ।
விஶாலாக்ஷம் விரூபாக்ஷீ ஸுகேஶம் தாம்ரமூர்தஜ⁴ா ॥ 1௦ ॥
ப்ரீதிரூபம் விரூபா ஸா ஸுஸ்வரம் பை⁴ரவஸ்வரா ।
தருணம் தா³ருணா வ்ருத்³தா⁴ த³க்ஷிணம் வாமபா⁴ஷிணீ ॥ 11 ॥
ந்யாயவ்ருத்தம் ஸுது³ர்வ்ருத்தா ப்ரியமப்ரியத³ர்ஶனா ।
ஶரீரஜஸமாவிஷ்டா ராக்ஷஸீ வாக்யமப்³ரவீத் ॥ 12 ॥
ஜடீ தாபஸரூபேண ஸபா⁴ர்யஶ்ஶரசாபத்⁴ருத் ।
ஆக³தஸ்த்வமிமம் தே³ஶம் கத²ம் ராக்ஷஸஸேவிதம் ॥ 13 ॥
கிமாக³மனக்ருத்யம் தே தத்த்வமாக்²யாதுமர்ஹஸி ।
ஏவமுக்தஸ்து ராக்ஷஸ்யா ஶூர்பணக்²யா பரந்தப: ॥ 14 ॥
ருஜுபு³த்³தி⁴தயா ஸர்வமாக்²யாதுமுபசக்ரமே ।
அன்ருதம் ந ஹி ராமஸ்ய கதா³சித³பி ஸம்மதம் ॥ 15 ॥
விஶேஷேணாஶ்ரமஸ்த²ஸ்ய ஸமீபே ஸ்த்ரீஜனஸ்ய ச ।
ஆஸீத்³த⁴ஶரதோ² நாம ராஜா த்ரித³ஶவிக்ரம: ॥ 16 ॥
தஸ்யாஹமக்³ரஜ: புத்ரோ ராமோ நாம ஜனைஶ்ஶ்ருத: ।
ப்⁴ராதாயம் லக்ஷ்மணோ நாம யவீயான்மாமனுவ்ரத: ॥ 17 ॥
இயம் பா⁴ர்யா ச வைதே³ஹீ மம ஸீதேதி விஶ்ருதா ।
நியோகா³த் து நரேந்த்³ரஸ்ய பிதுர்மாதுஶ்ச யந்த்ரித: ॥ 18 ॥
த⁴ர்மார்த²ம் த⁴ர்மகாங்க்ஷீ ச வனம் வஸ்துமிஹாக³த: ।
த்வாம் து வேதி³துமிச்சா²மி கஸ்ய த்வம் காஸி கஸ்ய வா ॥ 19 ॥
த்வம் ஹி தாவன்மனோஜ்ஞாங்கீ³ ராக்ஷஸீ ப்ரதிபா⁴ஸி மே ।
இஹ வா கிம்னிமித்தம் த்வமாக³தா ப்³ரூஹி தத்த்வத: ॥ 2௦ ॥
ஸாப்³ரவீத்³ வசனம் ஶ்ருத்வா ராக்ஷஸீ மத³னார்தி³தா ।
ஶ்ரூயதாம் ராம வக்ஷ்யாமி தத்த்வார்த²ம் வசனம் மம ॥ 21 ॥
அஹம் ஶூர்பணகா² நாம ராக்ஷஸீ காமரூபிணீ ।
அரண்யம் விசராமீத³மேகா ஸர்வப⁴யங்கரா ॥ 22 ॥
ராவணோ நாம மே ப்⁴ராதா ப³லீயான்ராக்ஷஸேஶ்வர: ।
வீரோ விஶ்ரவஸ: புத்ரோ யதி³ தே ஶ்ரோத்ரமாக³த: ॥ 23 ॥
ப்ரவ்ருத்³த⁴னித்³ரஶ்ச ஸதா³ கும்ப⁴கர்ணோ மஹாப³ல: ।
விபீ⁴ஷணஸ்து த⁴ர்மாத்மா ந து ராக்ஷஸசேஷ்டித: ॥ 24 ॥
ப்ரக்²யாதவீர்யௌ ச ரணே ப்⁴ராதரௌ க²ரதூ³ஷணௌ ।
தானஹம் ஸமதிக்ராந்தா ராம த்வா பூர்வத³ர்ஶனாத் ॥ 25 ॥
ஸமுபேதாஸ்மி பா⁴வேன ப⁴ர்தாரம் புருஷோத்தமம் ।
அஹம் ப்ரபா⁴வஸம்பன்னா ஸ்வச்ச²ந்த³ப³லகா³மினீ ॥ 26 ॥
சிராய ப⁴வ மே ப⁴ர்தா ஸீதயா கிம் கரிஷ்யஸி ।
விக்ருதா ச விரூபா ச ந சேயம் ஸத்³ருஶீ தவ ॥ 27 ॥
அஹமேவானுரூபா தே பா⁴ர்யா ரூபேண பஶ்ய மாம் ।
இமாம் விரூபாமஸதீம் கராலாம் நிர்ணதோத³ரீம் ॥ 28 ॥
அனேன தே ஸஹ ப்⁴ராத்ரா ப⁴க்ஷயிஷ்யாமி மானுஷீம் ।
தத: பர்வதஶ்ருங்கா³ணி வனானி விவிதா⁴னி ச ॥ 29 ॥
பஶ்யன்ஸஹ மயா காந்த த³ண்ட³கான்விசரிஷ்யஸி ।
இத்யேவமுக்த: காகுத்ஸ்த:² ப்ரஹஸ்ய மதி³ரேக்ஷணாம் ॥ 3௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஸப்தத³ஶஸ்ஸர்க:³ ॥
