ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்³வாத்ரிம்ஶஸ்ஸர்க:³ ।
ததஶ்ஶாகா²ந்தரே லீனம் த்³ருஷ்ட்வா சலிதமானஸா ।
வேஷ்டிதார்ஜுனவஸ்த்ரம் தம் வித்³யுத்ஸங்கா⁴தபிங்க³லம் ॥ 1 ॥
ஸா த³த³ர்ஶ கபிம் தத்ர ப்ரஶ்ரிதம் ப்ரியவாதி³னம் ।
பு²ல்லாஶோகோத்கராபா⁴ஸம் தப்தசாமீகரேக்ஷணம் ॥ 2 ॥
மைதி²லீ சிந்தயாமாஸ விஸ்மயம் பரமம் க³தா ।
அஹோ பீ⁴மமித³ம் ரூபம் வானரஸ்ய து³ராஸத³ம் ॥ 3 ॥
து³ர்னிரீக்ஷமிதி ஜ்ஞாத்வா புனரேவ முமோஹ ஸா ।
விலலாப ப்⁴ருஶம் ஸீதா கருணம் ப⁴யமோஹிதா ॥ 4 ॥
ராமராமேதி து³:கா²ர்தா லக்ஷ்மணேதி ச பா⁴மினீ ।
ருரோத³ ப³ஹுதா⁴ ஸீதா மந்த³ம் மந்த³ஸ்வரா ஸதீ ॥ 5 ॥
ஸா தம் த்³ருஷ்ட்வா ஹரிஶ்ரேஷ்ட²ம் வினீதவது³பஸ்தி²தம் ।
மைதி²லீ சிந்தயாமாஸ ஸ்வப்னோயமிதி பா⁴மினீ ॥ 6 ॥
ஸா வீக்ஷமாணா ப்ருது²பு⁴க்³னவக்த்ரம் ஶாகா²ம்ருகே³ந்த்³ரஸ்ய யதோ²க்தகாரம் ।
த³த³ர்ஶ பிங்கா³தி⁴பதே ரமாத்யம் வாதாத்மஜம் பு³த்³தி⁴மதாம் வரிஷ்ட²ம் ॥ 7 ॥
ஸா தம் ஸமீக்ஷ்யைவ ப்⁴ருஶம் விஸஞ்ஜ்ஞா க³தாஸுகல்பேன ப³பூ⁴வ ஸீதா ।
சிரேண ஸஞ்ஜ்ஞாம் ப்ரதிலப்⁴ய பூ⁴யோ விசிந்தயாமாஸ விஶாலனேத்ரா ॥ 8 ॥
ஸ்வப்னே மயாயம் விக்ருதோத்³ய த்³ருஷ்டஶ்ஶாகா²ம்ருக³ஶ்ஶாஸ்த்ரக³ணைர்னிஷித்³த:⁴ ।
ஸ்வஸ்த்யஸ்து ராமாய ஸ லக்ஷ்மணாய ததா² பிதுர்மே ஜனகஸ்ய ராஜ்ஞ: ॥ 9 ॥
ஸ்வப்னோபி நாயம் நஹி மேஸ்தி நித்³ரா ஶோகேன து³:கே²ன ச பீடி³தாயா: ।
ஸுக²ம் ஹி மே நாஸ்தி யதோஸ்மி ஹீனா தேனேந்து³பூர்ணப்ரதிமானநேன ॥ 1௦ ॥
ராமேதி ராமேதி ஸதை³வ பு³த்³த்⁴யா விசிந்த்ய வாசா ப்³ருவதீ தமேவ ।
தஸ்யானுரூபாம் ச கதா²ம் தத³ர்த²மேவம் ப்ரபஶ்யாமி ததா² ஶ்ருணோமி ॥ 11 ॥
அஹம் ஹி தஸ்யாத்³ய மனோப⁴வேன ஸம்பீடி³தா தத்³க³தஸர்வபா⁴வா ।
விசிந்தயந்தீ ஸததம் தமேவ ததை²வ பஶ்யாமி ததா² ஶ்ருணோமி ॥ 12 ॥
மனோரத²ஸ்ஸ்யாதி³தி சிந்தயாமி ததா²பி பு³த்³த்⁴யா ச விதர்கயாமி ।
கிம் காரணம் தஸ்ய ஹி நாஸ்தி ரூபம் ஸுவ்யக்தரூபஶ்ச வத³த்யயம் மாம் ॥ 13 ॥
நமோஸ்து வாசஸ்பதயே ஸவஜ்ரிணே ஸ்வயம்பு⁴வே சைவ ஹுதாஶனாய ச ।
அனேன சோக்தம் யதி³த³ம் மமாக்³ரதோ வனௌகஸா தச்ச² ததா²ஸ்து நான்யதா² ॥ 14 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்³வாத்ரிம்ஶஸ்ஸர்க:³ ॥
