ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² அஷ்டஸப்ததிதமஸ்ஸர்க:³ ।
அத² யாத்ராம் ஸமீஹந்தம் ஶத்ருக்⁴னோ லக்ஷ்மணானுஜ: ।
ப⁴ரதம் ஶோகஸந்தப்தமித³ம் வசனமப்³ரவீத் ॥ 1 ॥
க³திர்ய ஸ்ஸர்வபூ⁴தானாம் து³:கே² கிம் புனராத்மன: ।
ஸ ராம ஸ்ஸத்த்வஸம்பன்ன: ஸ்த்ரியா ப்ரவ்ராஜிதோ வனம் ॥ 2 ॥
ப³லவான்வீர்யஸம்பன்னோ லக்ஷ்மணோ நாம யோப்யஸௌ ।
கிம் ந மோசயதே ராமம் க்ருத்வா ஸ்ம பித்ருனிக்³ரஹம் ॥ 3 ॥
பூர்வமேவ து நிக்³ராஹ்ய ஸ்ஸமவேக்ஷ்ய நயானயௌ ।
உத்பத²ம் யஸ்ஸமாரூடோ⁴ ராஜா நார்யா வஶம் க³த: ॥ 4 ॥
இதி ஸம்பா⁴ஷமாணே து ஶத்ருக்⁴னே லக்ஷ்மணானுஜே ।
ப்ராக்³த்³வாரேபூ⁴த்ததா³ குப்³ஜா ஸர்வாப⁴ரணபூ⁴ஷிதா ॥ 5 ॥
லிப்தா சந்த³னஸாரேண ராஜவஸ்த்ராணி பி³ப்⁴ரதீ ।
விவித⁴ம் விவிதை⁴ ஸ்தைஸ்தைர்பூ⁴ஷணைஶ்ச விபூ⁴ஷிதா ॥ 6 ॥
மேக²லாதா³மபி⁴ஶ்சித்ரைரன்யைஶ்ச ஶுப⁴பூ⁴ஷணை: ।
ப³பா⁴ஸே ப³ஹுபி⁴ர்ப³த்³தா⁴ ரஜ்ஜுப³த்³தே⁴வ வானரீ ॥ 7 ॥
தாம் ஸமீக்ஷ்ய ததா³ த்³வாஸ்ஸ்தா²ஸ்ஸுப்⁴ருஶம் பாபகாரிணீம் ।
க்³ருஹீத்வாகருணாம் குப்³ஜாம் ஶத்ருக்⁴னாய ந்யவேத³யன் ॥ 8 ॥
யஸ்யா: க்ருதே வனே ராமோ ந்யஸ்ததே³ஹஶ்ச வ: பிதா ।
ஸேயம் பாபா ந்ருஶம்ஸா ச தஸ்யா: குரு யதா²மதி ॥ 9 ॥
ஶத்ருக்⁴னஶ்ச ததா³ஜ்ஞாய வசனம் ப்⁴ருஶது³:கி²த: ।
அந்த:புரசரான்ஸர்வானித்யுவாச த்⁴ருத வ்ரத: ॥ 1௦ ॥
தீவ்ரமுத்பாதி³தம் து³:க²ம் ப்⁴ராத்ரூணாம் மே ததா² பிது: ।
யயா ஸேயம் ந்ருஶம்ஸஸ்ய கர்மண: ப²லமஶ்னுதாம் ॥ 11 ॥
ஏவமுக்த்வா து தேனாஶு ஸகீ²ஜனஸமாவ்ருதா ।
க்³ருஹீதா ப³லவத்குப்³ஜா ஸா தத்³க்³ருஹமனாத³யத் ॥ 12 ॥
தத ஸ்ஸுப்⁴ருஶஸந்தப்தஸ்தஸ்யா ஸ்ஸர்வ ஸ்ஸகீ²ஜன: ।
க்ருத்³த⁴மாஜ்ஞாய ஶத்ருக்⁴னம் விபலாயத ஸர்வஶ: ॥ 13 ॥
ஆமந்த்ரயத க்ருத்ஸ்ன ஶ்ச தஸ்யா ஸ்ஸர்வ ஸ்ஸகீ²ஜன: ।
யதா²யம் ஸமுபக்ராந்தோ நிஶ்ஶேஷாம் ந: கரிஷ்யதி ॥ 14 ॥
ஸானுக்ரோஶாம் வதா³ன்யாம் ச த⁴ர்மஜ்ஞாம் ச யஶஸ்வினீம் ।
கௌஸல்யாம் ஶரணம் யாம ஸா ஹி நோஸ்து த்⁴ருவா க³தி: ॥ 15 ॥
ஸ ச ரோஷேண தாம்ராக்ஷ ஶ்ஶத்ருக்⁴ன ஶ்ஶத்ருதாபன: ।
விசகர்ஷ ததா³ குப்³ஜாம் க்ரோஶந்தீம் த⁴ரணீதலே ॥ 16 ॥
தஸ்யா ஹ்யாக்ருஷ்யமாணாயா மந்த²ராயா ஸ்ததஸ்தத: ।
சித்ரம் ப³ஹுவித⁴ம் பா⁴ண்ட³ம் ப்ருதி²வ்யாம் தத்³வ்யஶீர்யத ॥ 17 ॥
தேன பா⁴ண்டே³ன ஸம்ஸ்தீர்ணம் ஶ்ரீமத்³ராஜனிவேஶனம் ।
அஶோப⁴த ததா³ பூ⁴ய: ஶாரத³ம் க³க³னம் யதா² ॥ 18 ॥
ஸ ப³லீ ப³லவத்க்ரோதா⁴த்³க்³ருஹீத்வா புருஷர்ஷப:⁴ ।
கைகேயீமபி⁴னிர்ப⁴ர்த்ஸ்ய ப³பா⁴ஷே பருஷம் வச: ॥ 19 ॥
தைர்வாக்யை: பருஷைர்து³:கை²: கைகேயீ ப்⁴ருஶது³:கி²தா ।
ஶத்ருக்⁴னப⁴யஸந்த்ரஸ்தா புத்ரம் ஶரணமாக³தா ॥ 2௦ ॥
தம் ப்ரேக்ஷ்ய ப⁴ரத: க்ருத்³த⁴ம் ஶத்ருக்⁴னமித³மப்³ரவீத் ।
அவத்⁴யா ஸ்ஸர்வபூ⁴தானாம் ப்ரமதா³: க்ஷம்யதாமிதி ॥ 21 ॥
ஹன்யாமஹமிமாம் பாபாம் கைகேயீம் து³ஷ்டசாரிணீம் ।
யதி³ மாம் தா⁴ர்மிகோ ராமோ நாஸூயேன்மாத்ருகா⁴தகம் ॥ 22 ॥
இமாமபி ஹதாம் குப்³ஜாம் யதி³ ஜானாதி ராக⁴வ: ।
த்வாம் ச மாம் ச ஹி த⁴ர்மாத்மா நாபி⁴பா⁴ஷிஷ்யதே த்⁴ருவம் ॥ 23 ॥
ப⁴ரதஸ்ய வசஶ்ஶ்ருத்வா ஶத்ருக்⁴னோ லக்ஷ்மணானுஜ: ।
ந்யவர்தத ததோ ரோஷாத்தாம் முமோச ச மந்த²ராம் ॥ 24 ॥
ஸா பாத³மூலே கைகேய்யா மந்த²ரா நிபபாத ஹ ।
நிஶ்ஶ்வஸந்தீ ஸுது³:கா²ர்தா க்ருபணம் விலலாப ச ॥ 25 ॥
ஶத்ருக்⁴னவிக்ஷேபவிமூட⁴ஸஞ்ஜ்ஞாம் ஸமீக்ஷ்ய குப்³ஜாம் ப⁴ரதஸ்ய மாதா ।
ஶனைஸ்ஸமாஶ்வாஸயதா³ர்தரூபாம் க்ரௌஞ்சீம் விலக்³னாமிவ வீக்ஷமாணாம் ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ அஷ்டஸப்ததிதமஸ்ஸர்க:³ ॥
