ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகஸப்ததிதமஸ்ஸர்க:³ ।
ஏவம் ப்³ருவாணம் ஜனக: ப்ரத்யுவாச க்ருதாஞ்ஜலி: ।
ஶ்ரோதுமர்ஹஸி ப⁴த்³ரம் தே குலம் ந: பரிகீர்திதம் ॥ 1 ॥
ப்ரதா³னே ஹி முனிஶ்ரேஷ்ட² குலம் நிரவஶேஷத: ।
வக்தவ்யம் குலஜாதேன தன்னிபோ³த⁴ மஹாமுனே ॥ 2 ॥
ராஜாபூ⁴த் த்ரிஷு லோகேஷு விஶ்ருத ஸ்ஸ்வேன கர்மணா ।
நிமி: பரமத⁴ர்மாத்மா ஸர்வஸத்த்வவதாம் வர: ॥ 3 ॥
தஸ்ய புத்ரோமிதி²ர்னாம மிதி²லா யேன நிர்மிதா ।
ப்ரத²மோ ஜனகோ நாம ஜனகாத³ப்யுதா³வஸு: ॥ 4 ॥
உதா³வஸோஸ்து த⁴ர்மாத்மா ஜாதோ வை நந்தி³வர்த⁴ன: ।
நந்தி³வர்த⁴னபுத்ரஸ்து ஸுகேதுர்னாம நாமத: ॥ 5 ॥
ஸுகேதோரபி த⁴ர்மாத்மா தே³வராதோ மஹாப³ல: ।
தே³வராதஸ்ய ராஜர்ஷேர்ப்³ருஹத்³ரத² இதி ஸ்ம்ருத: ॥ 6 ॥
ப்³ருஹத்³ரத²ஸ்ய ஶூரோபூ⁴ன்மஹாவீர: ப்ரதாபவான் ।
மஹாவீரஸ்ய த்⁴ருதிமான் ஸுத்⁴ருதிஸ்ஸத்யவிக்ரம: ॥ 7 ॥
ஸுத்⁴ருதேரபி த⁴ர்மாத்மா த்³ருஷ்டகேதுஸ்ஸுதா⁴ர்மிக: ।
த்³ருஷ்டகேதோஸ்து ராஜர்ஷேர்ஹர்யஶ்வ இதி விஶ்ருத: ॥ 8 ॥
ஹர்யஶ்வஸ்ய மரு: புத்ரோ மரோ: புத்ர: ப்ரதிந்த⁴க: ।
ப்ரதிந்த⁴கஸ்ய த⁴ர்மாத்மா ராஜா கீர்திரத²ஸ்ஸுத: ॥ 9 ॥
புத்ர: கீர்திரத²ஸ்யாபி தே³வமீட⁴ இதி ஸ்ம்ருத: ।
தே³வமீட⁴ஸ்ய விபு³தோ⁴ விபு³த⁴ஸ்ய மஹீத்⁴ரக: ॥ 1௦ ॥
மஹீத்⁴ரகஸுதோ ராஜா கீர்திராதோ மஹாப³ல: ।
கீர்திராதஸ்ய ராஜர்ஷேர்மஹாரோமா வ்யஜாயத ॥ 11 ॥
மஹாரோம்ணஸ்து த⁴ர்மாத்மா ஸ்வர்ணரோமா வ்யஜாயத ।
ஸ்வர்ணரோம்ணஸ்து ராஜர்ஷேர்ஹ்ரஸ்வரோமா வ்யஜாயத ॥ 12 ॥
தஸ்ய புத்ரத்³வயம் ஜஜ்ஞே த⁴ர்மஜ்ஞஸ்ய மஹாத்மன: ।
ஜ்யேஷ்டோ²ஹமனுஜோ ப்⁴ராதா மம வீர: குஶத்⁴வஜ: ॥ 13 ॥
மாம் து ஜ்யேஷ்ட²ம் பிதா ராஜ்யே ஸோபி⁴ஷிச்ய நராதி⁴ப: ।
குஶத்⁴வஜம் ஸமாவேஶ்ய பா⁴ரம் மயி வனம் க³த: ॥ 14 ॥
வ்ருத்³தே⁴ பிதரி ஸ்வர்யாதே த⁴ர்மேண து⁴ரமாவஹம் ।
ப்⁴ராதரம் தே³வஸங்காஶம் ஸ்னேஹாத்பஶ்யன் குஶத்⁴வஜம் ॥ 15 ॥
கஸ்ய சித்த்வத²காலஸ்ய ஸாங்காஶ்யாத³க³மத்புராத் ।
ஸுத⁴ன்வா வீர்யவான்ராஜா மிதி²லாமவரோத⁴க: ॥ 16 ॥
ஸ ச மே ப்ரேஷயாமாஸ ஶைவம் த⁴னுரனுத்தமம் ।
ஸீதா கன்யா ச பத்³மாக்ஷீ மஹ்யம் வை தீ³யதாமிதி ॥ 17 ॥
தஸ்யாப்ரதா³னாத்³ப்³ரஹ்மர்ஷே யுத்³த⁴மாஸீன்மயா ஸஹ ।
ஸ ஹதோபி⁴முகோ² ராஜா ஸுத⁴ன்வா து மயா ரணே ॥ 18 ॥
நிஹத்ய தம் முனிஶ்ரேஷ்ட² ஸுத⁴ன்வானம் நராதி⁴பம் ।
ஸாங்காஶ்யே ப்⁴ராதரம் வீரமப்⁴யஷிஞ்சம் குஶத்⁴வஜம் ॥ 19 ॥
கனீயானேஷ மே ப்⁴ராதா அஹம் ஜ்யேஷ்டோ² மஹாமுனே ।
த³தா³மி பரமப்ரீதோ வத்⁴வௌ தே முனிபுங்க³வ ॥ 2௦ ॥
ஸீதாம் ராமாய ப⁴த்³ரம் தே ஊர்மிலா லக்ஷ்மணாய ச ।
வீர்யஶுல்காம் மம ஸுதாம் ஸீதாம் ஸுரஸுதோபமாம் ॥ 21 ॥
த்³விதீயாமூர்மிலாம் சைவ த்ரிர்த³தா³மி ந ஸம்ஶய: ।
த³தா³மி பரமப்ரீதோ வத்⁴வௌ தே ரகு⁴னந்த³ன ॥ 22 ॥
ராமலக்ஷ்மணயோ ராஜன் கோ³தா³னம் காரயஸ்வ ஹ ।
பித்ருகார்யம் ச ப⁴த்³ரம் தே ததோ வைவாஹிகம் குரு ॥ 23 ॥
மகா² ஹ்யத்³ய மஹாபா³ஹோ த்ருதீயே தி³வஸே ப்ரபோ⁴ ।
ப²ல்கு³ன்யாமுத்தரே ராஜம்ஸ்தஸ்மின்வைவாஹிகம் குரு ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகஸப்ததிதமஸ்ஸர்க:³ ॥
