ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகாத³ஶஸ்ஸர்க:³ ।
தம் மன்மத²ஶரைர்வித்³த⁴மம் காமவேக³வஶானுக³ம் ।
உவாச ப்ருதி²வீபாலம் கைகேயீ தா³ருணம் வச: ॥ 1 ॥
நாஸ்மி விப்ரக்ருதாதே³வ கேனசின்னாவமானிதா ।
அபி⁴ப்ராயஸ்து மே கஶ்சித்தமிச்சா²மி த்வயா க்ருதம் ॥ 2 ॥
ப்ரதிஜ்ஞாம் ப்ரதிஜானீஷ்வ யதி³ த்வம் கர்துமிச்ச²ஸி ।
அத² தத்³வ்யாஹரிஷ்யாமி யத³பி⁴ப்ரார்தி²தம் மயா ॥ 3 ॥
தாமுவாச மஹாதேஜா: கைகேயீமீஷது³த்ஸ்மித: ।
காமீ ஹஸ்தேன ஸங்க்³ருஹ்ய மூர்தஜ⁴ேஷு ஶுசிஸ்மிதாம் ॥ 4 ॥
ஆவலிப்தே ந ஜானாஸி த்வத்த: ப்ரியதரோ மம ।
மனுஜோ மனுஜவ்யாக்⁴ராத்³ராமாத³ன்யோ ந வித்³யதே ॥ 5 ॥
தேனாஜய்யேன முக்²யேன ராக⁴வேண மஹாத்மனா ।
ஶபே தே ஜீவனார்ஹேண ப்³ரூஹி யன்மனஸேச்சா²ஸி ॥ 6 ॥
யம் முஹூர்தமபஶ்யம்ஸ்து ந ஜீவேயமஹம் த்⁴ருவம் ।
தேன ராமேண கைகேயி ஶபே தே வசனக்ரியாம் ॥ 7 ॥
ஆத்மனா வாத்மஜைஶ்சான்யைர்வ்ருணேயம் மனுஜர்ஷப⁴ம் ।
தேன ராமேண கைகேயி ஶபே தே வசனக்ரியாம் ॥ 8 ॥
ப⁴த்³ரே ஹ்ருத³யமப்யேதத³னும்ருஶோத்³த⁴ரஸ்வ மே ।
ஏதத்ஸமீக்ஷ்ய கைகேயி ப்³ரூஹி யத்ஸாது⁴ மன்யஸே ॥ 9 ॥
ப³லமாத்மனி ஜானந்தீ ந மாம் ஶங்கிதுமர்ஹஸி ।
கரிஷ்யாமி தவ ப்ரீதிம் ஸுக்ருதேனாபி தே ஶபே ॥ 1௦ ॥
ஸா தத³ர்த²மனா தே³வீ தமபி⁴ப்ராயமாக³தம் ।
நிர்மாத்⁴யஸ்த்²யாச்ச ஹர்ஷாச்ச ப³பா⁴ஷே து³ர்வசம் வச: ॥ 11 ॥
தேன வாக்யேன ஸம்ஹ்ருஷ்டா தமபி⁴ப்ராயமாக³தம் ।
வ்யாஜஹார மஹாகோ⁴ரமப்⁴யாக³தமிவாந்தகம் ॥ 12 ॥
யதா² க்ரமே ஶபஸி வரம் மம த³தா³ஸி ச ।
தச்ச்²ருண்வந்து த்ரயஸ்த்ரிம்ஶத்³தே³வாஸ்ஸாக்³னிபுரோக³மா: ॥ 13 ॥
சந்த்³ராதி³த்யௌ நப⁴ஶ்சைவ க்³ரஹா ராத்ர்யஹனீ தி³ஶ: ।
ஜக³ச்ச ப்ருதி²வீ சேயம் ஸக³ந்த⁴ர்வா ஸராக்ஷஸா ॥ 14 ॥
நிஶாசராணி பூ⁴தானி க்³ருஹேஷு க்³ருஹதே³வதா ।
யானி சான்யானி பூ⁴தானி ஜானீயுர்பா⁴ஷிதம் தவ ॥ 15 ॥
ஸத்யஸந்தோ⁴ மஹாதேஜா: த⁴ர்மஜ்ஞ: ஸுஸமாஹித: ।
வரம் மம த³தா³த்யேஷ தன்மே ஶ்ர்ருண்வந்து தை³வதா: ॥ 16 ॥
இதி தே³வீ மஹேஷ்வாஸம் பரிக்³ருஹ்யாபி⁴ஶஸ்ய ச ।
தத: பரமுவாசேத³ம் வரத³ம் காமமோஹிதம் ॥ 17 ॥
ஸ்மர ராஜன் புராவ்ருத்தம் தஸ்மின் தை³வாஸுரே ரணே ।
தத்ர சாச்யாவயச்ச²த்ருஸ்தவ ஜீவிதமந்தரா ॥ 18 ॥
தத்ர சாபி மயா தே³வ யத்த்வம் ஸமபி⁴ரக்ஷித: ।
ஜாக்³ரத்யா யதமானாயாஸ்ததோ மே ப்ராத³தா³ வரௌ ॥ 19 ॥
தௌ து த³த்தௌ வரௌ தே³வ நிக்ஷேபௌ ம்ருக³யாம்யஹம் ।
ததை²வ ப்ருதி²வீபால ஸகாஶே ஸத்யஸங்க³ர ॥ 2௦ ॥
தத் ப்ரதிஶ்ருத்ய த⁴ர்மேண ந சேத்³தா³ஸ்யஸி மே வரம் ।
அத்³யைவ ஹி ப்ரஹாஸ்யாமி ஜீவிதம் த்வத்³விமானிதா ॥ 21 ॥
வாங்மாத்ரேண ததா³ ராஜா கைகேய்யா ஸ்வவஶே க்ருத: ।
ப்ரசஸ்கந்த³ வினாஶாய பாஶம் ம்ருக³ இவாத்மன: ॥ 22 ॥
தத: பரமுவாசேத³ம் வரத³ம் காமமோஹிதம் ।
வரௌ யௌ மே த்வயா தே³வ ததா³ த³த்தௌ மஹீபதே ॥ 23 ॥
தௌ தாவத³ஹமத்³யைவ வக்ஷ்யாமி ஶ்ருணு மே வச: ।
அபி⁴ஷேகஸமாரம்போ⁴ ராக⁴வஸ்யோபகல்பித: ॥ 24 ॥
அனேனைவாபி⁴ஷேகேண ப⁴ரதோ மேபி⁴ஷிச்யதாம் ।
யோ த்³விதீயோ வரோ தே³வ த³த்த: ப்ரீதேன மே த்வயா ॥ 25 ॥
ததா³ தை³வாஸுரே யுத்³தே⁴ தஸ்ய காலோயமாக³த ।
நவ பஞ்ச ச வர்ஷாணி த³ண்ட³காரண்யமாஶ்ரித: ॥ 26 ॥
சீராஜினஜடாதா⁴ரீ ராமோ ப⁴வது தாபஸ: ।
ப⁴ரதோ பஜ⁴தாமத்³ய யௌவராஜ்யமகண்டகம் ॥ 27 ॥
ஏஷ மே பரம: காமோ த³த்தமேவ வரம் வ்ருணே ।
அத்³ய சைவ ஹி பஶ்யேயம் ப்ரயாந்தம் ராக⁴வம் வனம் ॥ 28 ॥
ஸ ராஜராஜ: ப⁴வ ஸத்யஸங்க³ர: குலம் ச ஶீலம் ச ஹி ரக்ஷ ஜன்ம ச ।
பரத்ரவாஸே ஹி வத³ந்த்யனுத்தமம் தபோத⁴னாஸ்ஸத்யவசோ ஹிதம் ந்ருணாம் ॥ 29 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகாத³ஶஸ்ஸர்க:³ ॥
