ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகாத³ஶஸ்ஸர்க:³ ।
ராமஸ்ய வசனம் ஶ்ருத்வா ஹர்ஷபௌருஷவர்த⁴னம் ।
ஸுக்³ரீவ: பூஜயாஞ்சக்ரே ராக⁴வம் ப்ரஶஶம்ஸ ச ॥ 1 ॥
அஸம்ஶயம் ப்ரஜ்வலிதைஸ்தீக்ஷ்ணைர்மர்மாதிகை³ஶ்ஶரை: ।
த்வம் த³ஹே: குபிதோ லோகான்யுகா³ந்த இவ பா⁴ஸ்கர: ॥ 2 ॥
வாலின: பௌருஷம் யத்தத்³யச்ச வீர்யம் த்⁴ருதிஶ்ச யா ।
தன்மமைகமனாஶ்ஶ்ருத்வா வித⁴த்ஸ்வ யத³னந்தரம் ॥ 3 ॥
ஸமுத்³ராத்பஶ்சிமாத்பூர்வம் த³க்ஷிணாத³பி சோத்தரம் ।
க்ராமத்யனுதி³தே ஸூர்யே வாலீ வ்யபக³தக்லம: ॥ 4 ॥
அக்³ராண்யாருஹ்ய ஶைலானாம் ஶிக²ராணி மஹாந்த்யபி ।
ஊர்த்⁴வமுத்க்ஷிப்ய தரஸா ப்ரதிக்³ருஹ்ணாதி வீர்யவான் ॥ 5 ॥
ப³ஹவஸ்ஸாரவந்தஶ்ச வனேஷு விவிதா⁴ த்³ருமா: ।
வாலினா தரஸா ப⁴க்³னா ப³லம் ப்ரத²யதாத்மன: ॥ 6 ॥
மஹிஷோ து³ந்து³பி⁴ர்னாம கைலாஸஶிக²ரப்ரப:⁴ ।
ப³லம் நாக³ஸஹஸ்ரஸ்ய தா⁴ரயாமாஸ வீர்யவான் ॥ 7 ॥
வீர்யோத்ஸேகேன து³ஷ்டாத்மா வரதா³னாச்ச மோஹித: ।
ஜகா³ம ஸுமஹாகாய ஸ்ஸமுத்³ரம் ஸரிதாம் பதிம் ॥ 8 ॥
ஊர்மிமந்தமபி⁴க்ரம்ய ஸாக³ரம் ரத்னஸஞ்சயம் ।
மஹ்யம் யுத்³த⁴ம் ப்ரயச்சே²தி தமுவாச மஹார்ணவம் ॥ 9 ॥
ததஸ்ஸமுத்³ரோ த⁴ர்மாத்மா ஸமுத்தா²ய மஹாப³ல: ।
அப்³ரவீத்³வசனம் ராஜன்னஸுரம் காலசோதி³தம் ॥ 1௦ ॥
ஸமர்தோ² நாஸ்மி தே தா³தும் யுத்³த⁴ம் யுத்³த⁴விஶாரத³ ।
ஶ்ரூயதாம் சாபி⁴தா⁴ஸ்யாமி யஸ்தே யுத்³த⁴ம் ப்ரதா³ஸ்யதி ॥ 11 ॥
ஶைலராஜோ மஹாரண்யே தபஸ்விஶரணம் பரம் ।
ஶங்கரஶ்வஶுரோ நாம்னா ஹிமவானிதி விஶ்ருத: ॥ 12 ॥
கு³ஹாப்ரஸ்ரவணோபேதோ ப³ஹுகந்த³ரனிர்த³ர: ।
ஸ ஸமர்த²ஸ்தவ ப்ரீதிமதுலாம் கர்துமாஹவே ॥ 13 ॥
தம் பீ⁴த இதி விஜ்ஞாய ஸமுத்³ரமஸுரோத்தம: ।
ஹிமவத்³வனமாக³ச்ச²ச்ச²ரஶ்சாபாதி³வ ச்யுத: ॥ 14 ॥
ததஸ்தஸ்ய கி³ரேஶ்ஶ்வேதா கஜ³ேந்த்³ரவிப்ரலாஶ்ஶிலா: ।
சிக்ஷேப ப³ஹுதா⁴ பூ⁴மௌ து³ந்து³பி⁴ர்வினநாத³ ச ॥ 15 ॥
ததஶ்ஶ்வேதாம்பு³தா³கார: ஸௌம்ய: ப்ரீதிகராக்ருதி: ।
ஹிமவானப்³ரவீத்³வாக்யம் ஸ்வே ஏவ ஶிக²ரே ஸ்தி²த: ॥ 16 ॥
க்லேஷ்டுமர்ஹஸி மாம் ந த்வம் து³ந்து³பே⁴ த⁴ர்மவத்ஸல ।
ரணகர்மஸ்வகுஶலஸ்தபஸ்விஶரணம் ஹ்யஹம் ॥ 17 ॥
தஸ்ய தத்³வசனம் ஶ்ருத்வா கி³ரிராஜஸ்ய தீ⁴மத: ।
உவாச து³ந்து³பி⁴ர்வாக்யம் க்ரோதா⁴த்ஸம்ரக்தலோசன: ॥ 18 ॥
யதி³ யுத்³தே⁴ஸமர்த²ஸ்த்வம் மத்³ப⁴யாத்³வா நிருத்³யம: ।
ஸமாசக்ஷ்வ ப்ரத³த்³யான்மே யோத்³ய யுத்³த⁴ம் யுயுத்ஸத: ॥ 19 ॥
ஹிமவானப்³ரவீத்³வாக்யம் ஶ்ருத்வா வாக்யவிஶாரத:³ ।
அனுக்தபூர்வம் த⁴ர்மாத்மா க்ரோதா⁴த்தமஸுரோத்தமம் ॥ 2௦ ॥
வாலீ நாம மஹாப்ராஜ்ஞஶ்ஶக்ரதுல்ய பராக்ரம: ।
அத்⁴யாஸ்தே வானரஶ்ஶ்ரீமான் கிஷ்கிந்தா⁴மதுலப்ரபா⁴ம் ॥ 21 ॥
ஸ ஸமர்தோ² மஹாப்ராஜ்ஞஸ்தவ யுத்³த⁴விஶாரத:³ ।
த்³வந்த்³வயுத்³த⁴ம் மஹத்³தா³தும் நமுசேரிவ வாஸவ: ॥ 22 ॥
தம் ஶீக்⁴ரமபி⁴க³ச்ச² த்வம் யதி³ யுத்³த⁴மிஹேச்ச²ஸி ।
ஸ ஹி து³ர்த⁴ர்ஷணோ நித்யம் ஶூரஸ்ஸமரகர்மணி ॥ 23 ॥
ஶ்ருத்வா ஹிமவதோ வாக்யம் கோதா⁴விஷ்டஸ்ஸ து³ந்து³பி⁴: ।
ஜகா³ம தாம் புரீம் தஸ்ய கிஷ்கிந்தா⁴ம் வாலினஸ்ததா³ ॥ 24 ॥
தா⁴ரயன்மாஹிஷம் ரூபம் தீக்ஷ்ணஶ்ருங்கோ³ ப⁴யாவஹ: ।
ப்ராவ்ருஷீவ மஹாமேக⁴ஸ்தோயபூர்ணோ நப⁴ஸ்ஸ்த²லே ॥ 25 ॥
ததஸ்து த்³வாரமாக³ம்ய கிஷ்கிந்தா⁴யா மஹாப³ல: ।
நனர்த³ கம்பயன்பூ⁴மிம் து³ந்து³பி⁴ர்து³ந்து³பி⁴ர்யதா² ॥ 26 ॥
ஸமீபஸ்தா²ந்த்³ருமான்ப⁴ஞ்ஜன்வஸுதா⁴ம் தா³ரயன்கு²ரை: ।
விஷாணேனோல்லிக²ன் த³ர்பாத்தத்³த்³வாரம் த்³விரதோ³ யதா² ॥ 27 ॥
அந்த:புரக³தோ வாலீ ஶ்ருத்வா ஶப்³த³மமர்ஷண: ।
நிஷ்பபாத ஸஹ ஸ்த்ரீபி⁴ஸ்தாராபி⁴ரிவ சந்த்³ரமா: ॥ 28 ॥
மிதம் வ்யக்தாக்ஷரபத³ம் தமுவாசாத² து³ந்து³பி⁴ம் ।
ஹரீணாமீஶ்வரோ வாலீ ஸர்வேஷாம் வனசாரிணாம் ॥ 29 ॥
கிமர்த²ம் நக³ரத்³வாரமித³ம் ருத்⁴த்³வா வினர்த³ஸி ।
து³ந்து³பே⁴ விதி³தோ மேஸி ரக்ஷப்ராணான்மஹாப³ல ॥ 3௦ ॥
தஸ்ய தத்³வசனம் ஶ்ருத்வா வானரேந்த்³ரஸ்ய தீ⁴மத: ।
உவாச து³ந்து³பி⁴ர்வாக்யம் ரோஷாத்ஸம்ரக்தலோசன: ॥ 31 ॥
ந த்வம் ஸ்த்ரீஸன்னிதௌ⁴ வீர வசனம் வக்துமர்ஹஸி ।
மம யுத்³த⁴ம் ப்ரயச்சா²த்³ய ததோ ஜ்ஞாஸ்யாமி தே ப³லம் ॥ 32 ॥
அத²வா தா⁴ரயிஷ்யாமி க்ரோத⁴மத்³ய நிஶாமிமாம் ।
க்³ருஹ்யதாமுத³யஸ்ஸ்வைரம் காமபோ⁴கே³ஷு வானர ॥ 33 ॥
தீ³யதாம் ஸம்ப்ரதா³னம் ச பரிஷ்வஜ்ய ச வானரான் ।
ஸர்வஶாகா²ம்ருகே³ந்த்³ர ஸ்த்வம் ஸம்ஸாத³ய ஸுஹ்ருஜ்ஜனான் ॥ 34 ॥
ஸுத்³ருஷ்டாம் குரு கிஷ்கிந்தா⁴ம் குருஷ்வாத்மஸமம் புரே ।
க்ரீட³ஸ்வ ச ஸஹ ஸ்த்ரீபி⁴ரஹம் தே த³ர்பனாஶன: ॥ 35 ॥
யோ ஹி மத்தம் ப்ரமத்தம் வா ஸுப்தம் வா ரஹிதம் ப்⁴ருஶம் ।
ஹன்யாத்ஸ ப்⁴ரூணஹா லோகே த்வத்³வித⁴ம் மத³மோஹிதம் ॥ 36 ॥
ஸ ப்ரஹஸ்யாப்³ரவீன்மந்த³ம் க்ரோதா⁴த்தமஸுரோத்தமம் ।
விஸ்ருஜ்ய தா: ஸ்த்ரியஸ்ஸர்வாஸ்தாராப்ரப்⁴ருதிகாஸ்ததா³ ॥ 37 ॥
மத்தோயமிதி மா மம்ஸ்தா² யத்³யபீ⁴தோஸி ஸம்யுகே³ ।
மதோ³யம் ஸம்ப்ரஹாரேஸ்மின்வீரபானம் ஸமர்த்²யதாம் ॥ 38 ॥
தமேவமுக்த்வா ஸங்க்ருத்³தோ⁴ மாலாமுத்க்ஷிப்ய காஞ்சனீம் ।
பித்ரா த³த்தாம் மஹேந்த்³ரேண யுத்³தா⁴ய வ்யவதிஷ்ட²த ॥ 39 ॥
விஷாணயோர்க்³ருஹீத்வா தம் து³ந்து³பி⁴ம் கி³ரிஸன்னிப⁴ம் ।
ஆவித்⁴யத ததா³ வாலீ வினத³ன்கபிகுஞ்ஜர: ॥ 4௦ ॥
வாலீ வ்யாபாதயாஞ்சக்ரே நனர்த³ ச மஹாஸ்வனம் ।
ஶ்ரோத்ராப்⁴யாமத² ரக்தம் து தஸ்ய ஸுஸ்ராவ பாத்யத: ॥ 41 ॥
தயோஸ்து க்ரோத⁴ஸம்ரம்பா⁴த்பரஸ்பரஜயைஷிணோ: ।
யுத்³த⁴ம் ஸமப⁴வத்³கோ⁴ரம் து³ந்து³பே⁴ர்வானரஸ்யச ॥ 42 ॥
அயுத்³த்⁴யத ததா³ வாலீ ஶக்ரதுல்யபராக்ரம: ।
முஷ்டிபி⁴ர்ஜானுபி⁴ஶ்சைவ ஶிலாபி⁴: பாத³பைஸ்ததா² ॥ 43 ॥
பரஸ்பரம் க்⁴னதோ ஸ்தத்ர வானராஸுரயோஸ்ததா³ ।
ஆஸீத³ஸுரோ யுத்³தே⁴ ஶக்ரஸூனுர்வ்யவர்த⁴த ॥ 44 ॥
வ்யாபாரவீர்யதை⁴ர்யைஶ்ச பரிக்ஷீணம் பராக்ரமை: ।
தம் து து³ந்து³பி⁴முத்³யம்ய த⁴ரண்யாமப்⁴யபாதயத் ॥ 45 ॥
யுத்³தே⁴ ப்ராணஹரே தஸ்மின்னிஷ்பிஷ்டோ து³ந்து³பி⁴ஸ்ததா³ ।
பபாத ச மஹாகாய: க்ஷிதௌ பஞ்சத்வமாக³த: ॥ 46 ॥
தம் தோலயித்வா பா³ஹுப்⁴யாம் க³தஸத்த்வமசேதனம் ।
சிக்ஷேப ப³லவான்வாலீ வேகே³னைகேன யோஜனம் ॥ 47 ॥
தஸ்ய வேக³ப்ரவித்³த⁴ஸ்ய வக்த்ராத்க்ஷதஜபி³ந்த³வ: ।
ப்ரபேதுர்மாருதோத்க்ஷிப்தா மதங்க³ப்யாஶ்ரமம் ப்ரதி ॥ 48 ॥
தாந்த்³ருஷ்ட்வா பதிதாம்ஸ்தஸ்ய முனிஶ்ஶோணிதவிப்ருஷ: ।
க்ருத்³த⁴ஸ்தத்ர மஹாபா⁴க³ஶ்சிந்தயாமாஸ கோன்வயம் ॥ 49 ॥
யேன அஹம் ஸஹஸா ஸ்ப்ருஷ்ட: ஶோணிதேன து³ராத்மனா ।
கோயம் து³ராத்மா து³ர் பு³த்³தி⁴: அக்ருதாத்மா ச பா³லிஶ: ॥ 5௦ ॥
இத்யுக்த்வாத² வினிஷ்க்ரம்ய த³த³ர்ஶ முனிஸத்தம: ।
மஹிஷம் பர்வதாகாரம் க³தாஸும் பதிதம் பு⁴வி ॥ 51 ॥
ஸ து விஜ்ஞாய தபஸா வானரேண க்ருதம் ஹி தத் ।
உத்ஸஸர்ஜ மஹாஶாபம் க்ஷேப்தாரம் வாலினம் ப்ரதி ॥ 52 ॥
இஹ தேனாப்ரவேஷ்டவ்யம் ப்ரவிஷ்டஸ்ய வதோ⁴ ப⁴வேத் ।
வனம் மத்ஸம்ஶ்ரயம் யேன தூ³ஷிதம் ருதி⁴ரஸ்ரவை: ॥ 53 ॥
ஸம்ப⁴க்³னா: பாத³பாஶ்சைமேக்ஷிபதேஹாஸுரீம் தனும் ।
ஸமந்தாதா³த்³யோஜனம் பூர்ணமாஶ்ரமம் மாமகம் யதி³ ॥ 54 ॥
ஆக³மிஷ்யதி து³ர்பு³த்³தி⁴ர்வ்யக்தம் ஸ ந ப⁴விஷ்யதி ।
யே சாபி ஸசிவா: ஸ்தஸ்ய ஸம்ஶ்ரிதா மாமகம் வனம் ॥ 55 ॥
ந ச தைரிஹ வஸ்தவ்யம் ஶ்ருத்வா யாந்து யதா²ஸுக²ம் ।
யதி³ தேபீ ஹ திஷ்ட²ந்தி ஶபிஷ்யே தானபி த்⁴ருவம் ॥ 56 ॥
வனேஸ்மின்மாமகே நித்யம் புத்ரவத்பரிரக்ஷிதே ।
பத்ராங்குரவினாஶாய ப²லமூலாப⁴வாய ச ॥ 57 ॥
தி³வஸஶ்சாஸ்ய மர்யாதா³ யம் த்³ரஷ்டா ஶ்வோஸ்மி வானரம் ।
ப³ஹுவர்ஷஸஹஸ்ராணி ஸ வை ஶைலோ ப⁴விஷ்யதி ॥ 58 ॥
ததஸ்தே வானராஶ்ஶ்ருத்வா கி³ரம் முனிஸமீரிதாம் ।
நிஶ்சக்ரமுர்வனாத்தஸ்மாத்தாந்த்³ருஷ்ட்வா வாலிரப்³ரவீத் ॥ 59 ॥
கிம் ப⁴வந்தஸ்ஸமஸ்தாஶ்ச மதங்க³வனவாஸின: ।
மத்ஸமீபமனுப்ராப்தா அபி ஸ்வஸ்தி வனௌகஸாம் ॥ 6௦ ॥
ததஸ்தே காரணம் ஸர்வம் ததா³ ஶாபம் ச வாலின: ।
ஶஶம்ஸுர்வானராஸ்ஸர்வே வாலினே ஹேமமாலினே ॥ 61 ॥
ஏதச்ச்²ருத்வா ததா³ வாலீ வசனம் வானரேரிதம் ।
ஸ மஹர்ஷிந்ததா³ஸாத்³ய யாசதே ஸ்ம க்ருதாஞ்ஜலி: ॥ 62 ॥
மஹர்ஷிஸ்தமனாத்³ருத்ய ப்ரவிவேஶாஶ்ரமம் ததா³ ।
ஶாபதா⁴ரணபீ⁴தஸ்து வாலீ விஹ்வலதாம் க³த: ॥ 63 ॥
ததஶ்ஶாபப⁴யாத்³பீ⁴த ருஶ்யமூகம் மஹாகி³ரிம் ।
ப்ரவேஷ்டும் நேச்ச²தி ஹரிர்த்³ரஷ்டும் வாபி நரேஶ்வர ॥ 64 ॥
தஸ்யாப்ரவேஶம் ஜ்ஞாத்வாஹமித³ம் ராம மஹாவனம் ।
விசராமி ஸஹாமாத்யோ விஷாதே³ன விவர்ஜித: ॥ 65 ॥
ஏஷோஸ்தி²னிசயஸ்தஸ்ய து³ந்து³பே⁴ஸ்ஸம்ப்ரகாஶதே ।
வீர்யோத்ஸேகான்னிரஸ்தஸ்ய கி³ரிகூடோபமோ மஹான் ॥ 66 ॥
இமே ச விபுலாஸ்ஸாலாஸ்ஸப்த ஶாகா²வலம்பி³ன: ।
யத்ரைகம் க⁴டதே வாலீ நிஷ்பத்ரயிதுமோஜஸா ॥ 67 ॥
ஏதத³ஸ்யாஸமம் வீர்யம் மயா ராம ப்ரகீர்திதம் ।
கத²ம் தம் வாலினம் ஹந்தும் ஸமரே ஶக்ஷ்யஸே ந்ருப ॥ 68 ॥
ததா² ப்³ருவாணம் ஸுக்³ரீவம் ப்ரஹஸன் லக்ஷ்மணோப்³ரவீத் ।
கஸ்மின்கர்மணி நிர்வ்ருத்தே ஶ்ரத்³த³த்⁴யா வாலினோ வத⁴ம் ॥ 69 ॥
தமுவாசாத² ஸுக்³ரீவஸ்ஸப்த ஸாலானிமான்புரா ।
ஏவமேகைகஶோ வாலீ விவ்யாதா²த² ஸ சாஸக்ருத் ॥ 7௦ ॥
ராமோபிதா³ரயேதே³ஷாம் பா³ணேனைகேன ச த்³ருமம் ।
வாலினம் நிஹதம் மன்யே த்³ருஷ்ட்வா ராமஸ்ய விக்ரமம் ॥ 71 ॥
ஹதஸ்ய மஹிஷஸ்யாஸ்தி² பாதே³னைகேன லக்ஷ்மண ।
உத்³யம்யாத² ப்ரக்ஷிபேச்சேத்தரஸா த்³வே த⁴னுஶ்ஶதே ॥ 72 ॥
ஏவமுக்த்வா து ஸுக்³ரீவோ ராமம் ரக்தாந்தலோசனம் ।
த்⁴யாத்வா முஹூர்தம் காகுத்ஸ்த²ம் புனரேவ வசோப்³ரவீத் ॥ 73 ॥
ஶூரஶ்ச ஶூரகா⁴தீ ச ப்ரக்²யாதப³லபௌருஷ: ।
ப³லவான்வானரோ வாலீ ஸம்யுகே³ஷ்வபராஜித: ॥ 74 ॥
த்³ருஶ்யந்தே சாஸ்ய கர்மாணி து³ஷ்கராணி ஸுரைரபி ।
யானி ஸஞ்சிந்த்ய பீ⁴தோஹம்ருஶ்யமூகம் ஸமாஶ்ரித: ॥ 75 ॥
தமஜய்யமத்⁴ருஷ்யம் ச வானரேந்த்³ரமமர்ஷணம் ।
விசிந்தயன்ன முஞ்சாமி ருஶ்யமூகமஹன்விமம் ॥ 76 ॥
உத்³விக்³னஶ்ஶங்கிதஶ்சாபி விசராமி மஹாவனே ।
அனுரக்தை: ஸஹாமாத்யைர்ஹனுமத்ப்ரமுகை²ர்வரை: ॥ 77 ॥
உபலப்³த⁴ம் ச மே ஶ்லாக்⁴யம் ஸன்மித்ரம் மித்ரவத்ஸல ।
த்வாமஹம் புருஷவ்யாக்⁴ர ஹிமவந்தமிவாஶ்ரித: ॥ 78 ॥
கிம் து தஸ்ய ப³லஜ்ஞோஹம் து³ர்ப்⁴ராதுர்ப³லஶாலின: ।
அப்ரத்யக்ஷம் து மே வீர்யம் ஸமரே தவ ராக⁴வ ॥ 79 ॥
ந க²ல்வஹம் த்வாம் துலயே நாவமன்யே ந பீ⁴ஷயே ।
கர்மபி⁴ஸ்தஸ்ய பீ⁴மைஸ்து காதர்யம் ஜனிதம் மம ॥ 8௦ ॥
காமம் ராக⁴வ தே வாணீ ப்ரமாணம் தை⁴ர்யமாக்ருதி: ।
ஸூசயந்தி பரம் தேஜோ ப⁴ஸ்மச்ச²ன்னமிவானலம் ॥ 81 ॥
தஸ்ய தத்³வசனம் ஶ்ருத்வா ஸுக்³ரீவஸ்ய மஹாத்மன: ।
ஸ்மிதபூர்வமதோ² ராம: ப்ரத்யுவாச ஹரிம் ப்ரபு⁴: ॥ 82 ॥
யதி³ ந ப்ரத்யயோஸ்மாஸு விக்ரமே தவ வானர ।
ப்ரத்யயம் ஸமரே ஶ்லாக்⁴யமஹமுத்பாத³யாமி தே ॥ 83 ॥
ஏவமுக்த்வா து ஸுக்³ரீவம் ஸாந்த்வம் லக்ஷ்மணபூர்வஜ: ।
ராக⁴வோ து³ந்து³பே⁴: காயம் பாதா³ங்கு³ஷ்டே²ன லீலயா ॥ 84 ॥
தோலயித்வா மஹாபா³ஹுஶ்சிக்ஷேப த³ஶயோஜனம் ।
அஸுரஸ்ய தனும் ஶுஷ்கம் பாதா³ங்கு³ஷ்டே²ன வீர்யவான் ॥ 85 ॥
க்ஷிப்தம் த்³ருஷ்ட்வா தத: காயம் ஸுக்³ரீவ: புனரப்³ரவீத் ।
லக்ஷ்மணஸ்யாக்³ரதோ ராமமித³ம் வசனமர்த²வத் ॥ 86 ॥
ஆர்த்³ரஸ்ஸமாம்ஸ: ப்ரத்யக்³ர: க்ஷிப்த: காய: புரா ஸகே² ॥ 87 ॥
லகு⁴ஸ்ஸம்ப்ரதி நிர்மாம்ஸ ஸ்த்ருணபூ⁴தஶ்ச ராக⁴வ ।
பரிஶ்ராந்தேன மத்தேன ப்⁴ராத்ரா மே வாலினா ததா³ ॥ 88 ॥
க்ஷிப்தமேவம் ப்ரஹர்ஷேண ப⁴வதா ரகு⁴னந்த³ன ।
நாத்ர ஶக்யம் ப³லம் ஜ்ஞாதும் தவ வா தஸ்ய வாதி⁴கம் ।
ஆர்த்³ரம் ஶுஷ்கமிதி ஹ்யேதத்ஸுமஹத்³ராக⁴வாந்தரம் ॥ 89 ॥
ஸ ஏவ ஸம்ஶயஸ்தாத தவ தஸ்ய ச யத்³ப³லே ॥ 9௦ ॥
ஸாலமேகம் து நிர்பி⁴த்³யா ப⁴வேத்³வ்யக்திர்ப³லாப³லே ।
க்ருத்வேத³ம் கார்முகம் ஸஜ்யம் ஹஸ்திஹஸ்த மிவாததம் ॥ 91 ॥
ஆகர்ணபூர்ணமாயம்ய விஸ்ருஜஸ்வ மஹாஶரம் ।
இமம் ஹி ஸாலம் ஸஹித ஸ்த்வயா ஶரோ ந ஸம்ஶயோத்ராஸ்தி விதா³ரயிஷ்யதி ।
அலம் விமர்ஶேன மம ப்ரியம் த்⁴ருவம் குருஷ்வ ராஜாத்மஜ ஶாபிதோ மயா ॥ 92 ॥
யதா² ஹி தேஜஸ்ஸு வரஸ்ஸதா³ ரவி ர்யதா² ஹி ஶைலோ ஹிமவான்மஹாத்³ரிஷு ।
யதா² சதுஷ்பாத்ஸு ச கேஸரீ வர ஸ்ததா² நரணாமஸி விக்ரமே வர: ॥ 93 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகாத³ஶஸ்ஸர்க:³ ॥
