ஶ்ரீமத்³வால்மீகீய ராமாயணே பா³லகாண்ட³ம் ।
அத² த்³விபஞ்சாஶஸ்ஸர்க:³ ।
ஸ த்³ருஷ்ட்வா பரமப்ரீதோ விஶ்வாமித்ரோ மஹாப³ல: ।
ப்ரணதோ வினயாத்³வீரோ வஸிஷ்ட²ம் ஜபதாம் வரம் ॥ 1 ॥
ஸ்வாக³தம் தவ சேத்யுக்தோ வஸிஷ்டே²ன மஹாத்மனா ।
ஆஸனம் சாஸ்ய ப⁴க³வான் வஸிஷ்டோ² வ்யாதி³தே³ஶ ஹ ॥ 2 ॥
உபவிஷ்டாய ச ததா³ விஶ்வாமித்ராய தீ⁴மதே ।
யதா²ன்யாயம் முனிவர: ப²லமூலமுபாஹரத் ॥ 3 ॥
ப்ரதிக்³ருஹ்ய து தாம் பூஜாம் வஸிஷ்டா²த்³ராஜஸத்தம: ।
தபோக்³னிஹோத்ரஶிஷ்யேஷு குஶலம் பர்யப்ருச்ச²த ॥ 4 ॥
விஶ்வாமித்ரோ மஹாதேஜா வனஸ்பதிக³ணே ததா² ।
ஸர்வத்ர குஶலம் சாஹ வஸிஷ்டோ² ராஜஸத்தமம் ॥ 5 ॥
ஸுகோ²பவிஷ்டம் ராஜானம் விஶ்வாமித்ரம் மஹாதபா: ।
பப்ரச்ச² ஜபதாம் ஶ்ரேஷ்டோ² வஸிஷ்டோ² ப்³ரஹ்மணஸ்ஸுத: ॥ 6 ॥
கச்சித்தே குஶலம் ராஜன் கச்சித்³த⁴ர்மேண ரஞ்ஜயன் ।
ப்ரஜா: பாலயஸே வீர ராஜவ்ருத்தேன தா⁴ர்மிக ॥ 7 ॥
கச்சித்தே ஸம்ப்⁴ருதா ப்⁴ருத்யா: கச்சித்திஷ்ட²ந்தி ஶாஸனே ।
கச்சித்தே விஜிதாஸ்ஸர்வே ரிபவோ ரிபுஸூத³ன ॥ 8 ॥
கச்சித்³ப³லேஷு கோஶேஷு மித்ரேஷு ச பரந்தப ।
குஶலம் தே நரவ்யாக்⁴ர புத்ரபௌத்ரே தவானக⁴ ॥ 9 ॥
ஸர்வத்ர குஶலம் ராஜா வஸிஷ்ட²ம் ப்ரத்யுதா³ஹரத் ।
விஶ்வாமித்ரோ மஹாதேஜா வஸிஷ்ட²ம் வினயான்வித: ॥ 1௦ ॥
க்ருத்வோபௌ⁴ ஸுசிரம் காலம் த⁴ர்மிஷ்டௌ² தா: கதா²: ஶுபா⁴: ।
முதா³ பரமயா யுக்தௌ ப்ரீயேதாம் தௌ பரஸ்பரம் ॥ 11 ॥
ததோ வஸிஷ்டோ² ப⁴க³வான் கதா²ந்தே ரகு⁴னந்த³ன ।
விஶ்வாமித்ரமித³ம் வாக்யமுவாச ப்ரஹஸன்னிவ ॥ 12 ॥
ஆதித்²யம் கர்துமிச்சா²மி ப³லஸ்யாஸ்ய மஹாப³ல ।
தவ சைவாப்ரமேயஸ்ய யதா²ர்ஹம் ஸம்ப்ரதீச்ச² மே ॥ 13 ॥
ஸத்க்ரியாம் து ப⁴வானேதாம் ப்ரதீச்ச²து மயோத்³யதாம் ।
ராஜா த்வமதிதி²ஶ்ரேஷ்ட:² பூஜனீய: ப்ரயத்னத: ॥ 14 ॥
ஏவமுக்தோ வஸிஷ்டே²ன விஶ்வாமித்ரோ மஹாமதி: ।
க்ருதமித்யப்³ரவீத்³ராஜா ப்ரியவாக்யேன மே த்வயா ॥ 15 ॥
ப²லமூலேன ப⁴க³வன் வித்³யதே யத்தவாஶ்ரமே ।
பாத்³யேனாசமனீயேன ப⁴க³வத்³த³ர்ஶனேன ச ॥ 16 ॥
ஸர்வதா² ச மஹாப்ராஜ்ஞ பூஜார்ஹேண ஸுபூஜித: ।
க³மிஷ்யாமி நமஸ்தேஸ்து மைத்ரேணேக்ஷஸ்வ சக்ஷுஷா ॥ 17 ॥
ஏவம் ப்³ருவந்தம் ராஜானம் வஸிஷ்ட:²புனரேவ ஹி ।
ந்யமந்த்ரயத த⁴ர்மாத்மா புன:புனருதா³ரதீ⁴: ॥ 18 ॥
பா³ட⁴மித்யேவ கா³தே⁴யோ வஸிஷ்ட²ம் ப்ரத்யுவாச ஹ ।
யதா² ப்ரியம் ப⁴க³வதஸ்ததா²ஸ்து முனிபுங்க³வ ॥ 19 ॥
ஏவமுக்தோ மஹாதேஜா வஸிஷ்டோ² ஜபதாம் வர: ।
ஆஜுஹாவ தத: ப்ரீத: கல்மாஷீம் தூ⁴தகல்மஷ: ॥ 2௦ ॥
ஏஹ்யேஹி ஶப³லே க்ஷிப்ரம் ஶ்ர்ருணு சாபி வசோ மம ।
ஸப³லஸ்யாஸ்ய ராஜர்ஷே:கர்தும் வ்யவஸிதோஸ்ம்யஹம் ॥ 21 ॥
போ⁴ஜனேன மஹார்ஹேண ஸத்காரம் ஸம்வித⁴த்ஸ்வ மே ।
யஸ்ய யஸ்ய யதா²காமம் ஷட்³ரஸேஷ்வபி⁴பூஜிதம் ।
தத்ஸர்வம் காமது⁴க்க்ஷிப்ரமபி⁴வர்ஷ க்ருதே மம ॥ 22 ॥
ரஸேனான்னேன பானேன லேஹ்யசோஷ்யேண ஸம்யுதம் ।
அன்னானாம் நிசயம் ஸர்வம் ஸ்ருஜஸ்வ ஶப³லே த்வர ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்³விபஞ்சாஶஸ்ஸர்க:³ ॥
