ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தசத்வாரிம்ஶஸ்ஸர்க:³ ।
ப்ரபா⁴தாயாம் து ஶர்வர்யாம் பௌராஸ்தே ராக⁴வம் வினா ।
ஶோகோபஹதனிஶ்சேஷ்டா ப³பூ⁴வுர்ஹதசேதஸ: ॥ 1 ॥
ஶோகஜாஶ்ருபரித்³யூனா வீக்ஷமாணாஸ்ததஸ்தத: ।
ஆலோகமபி ராமஸ்ய ந பஶ்யந்தி ஸ்ம து³:கி²தா: ॥ 2 ॥
தே விஷாதா³ர்தவத³னா ரஹிதாஸ்தேன தீ⁴மதா ।
க்ருபணா: கருணா வாசோ வத³ந்தி ஸ்ம மனஸ்வின: ॥ 3 ॥
தி⁴க³ஸ்து க²லு நித்³ராம் தாம் யயாபஹ்ருதசேதஸ: ।
நாத்³ய பஶ்யாமஹே ராமம் ப்ருதூ²ரஸ்கம் மஹாபு⁴ஜம் ॥ 4 ॥
கத²ம் நாம மஹாபா³ஹு ஸ்ஸ ததா²விதத²க்ரிய: ।
ப⁴க்தம் ஜனம் பரித்யஜ்ய ப்ரவாஸம் ராக⁴வோ க³த: ॥ 5 ॥
யோ ந: ஸதா³ பாலயதி பிதா புத்ரானிவௌரஸான் ।
கத²ம் ரகூ⁴ணாம் ஸ ஶ்ரேஷ்ட²ஸ்த்யக்த்வா நோ விபினம் க³த: ॥ 6 ॥
இஹைவ நித⁴னம் யாமோ மஹாப்ரஸ்தா²னமேவ வா ।
ராமேண ரஹிதானாம் ஹி கிமர்த²ம் ஜீவிதம் ஹி ந: ॥ 7 ॥
ஸந்தி ஶுஷ்காணி காஷ்டா²னி ப்ரபூ⁴தானி மஹாந்தி ச ।
தை: ப்ரஜ்வால்ய சிதாம் ஸர்வே ப்ரவிஶாமோத² பாவகம் ॥ 8 ॥
கிம் வக்ஷ்யாமோ மஹாபா³ஹுரனஸூய: ப்ரியம்வத:³ ।
நீத ஸ்ஸ ராக⁴வோஸ்மாபி⁴ரிதி வக்தும் கத²ம் க்ஷமம் ॥ 9 ॥
ஸா நூனம் நக³ரீ தீ³னா த்³ருஷ்ட்வாஸ்மான் ராக⁴வம் வினா ।
ப⁴விஷ்யதி நிரானந்தா³ ஸஸ்த்ரீபா³லவயோதி⁴கா ॥ 1௦ ॥
நிர்யாதாஸ்தேன வீரேண ஸஹ நித்யம் ஜிதாத்மனா ।
விஹீனாஸ்தேன ச புன: கத²ம் பஶ்யாம தாம் புரீம் ॥ 11 ॥
இதீவ ப³ஹுதா⁴ வாசோ பா³ஹுமுத்³யம்ய தே ஜனா: ।
விலபந்தி ஸ்ம து³:கா²ர்தா விவத்ஸா இவ தே⁴னவ: ॥ 12 ॥
ததோ மார்கா³னுஸாரேண க³த்வா கிஞ்சித் க்ஷணம் புன: ।
மார்க³னாஶாத்³விஷாதே³ன மஹதா ஸமபி⁴ப்லுதா: ॥ 13 ॥
ரத²ஸ்ய மார்க³னாஶேன ந்யவர்தந்த மனஸ்வின: ।
கிமித³ம் கிம் கரிஷ்யாமோ தை³வேனோபஹதா இதி ॥ 14 ॥
ததோ யதா²க³தேனைவ மார்கே³ண க்லாந்தசேதஸ: ।
அயோத்⁴யாமாக³மன்ஸர்வே புரீம் வ்யதி²தஸஜ்ஜனாம் ॥ 15 ॥
ஆலோக்ய நக³ரீம் தாம் ச க்ஷயவ்யாகுலமானஸா: ।
ஆவர்தயந்த தேஶ்ரூணி நயனை: ஶோகபீடி³தை: ॥ 16 ॥
ஏஷா ராமேண நக³ரீ ரஹிதா நாதிஶோப⁴தே ।
ஆபகா³ க³ருடே³னேவ ஹ்ரதா³து³த்³த்⁴ருதபன்னகா³ ॥ 17 ॥
சந்த்³ரஹீனமிவாகாஶம் தோயஹீனமிவார்ணவம் ।
அபஶ்யன்னிஹதானந்த³ம் நக³ரம் தே விசேதஸ: ॥ 18 ॥
தே தானி வேஶ்மானி மஹாத⁴னானி து³:கே²ன து³:கோ²பஹதா விஶந்த: ।
நைவ ப்ரஜஜ்ஞு: ஸ்வஜனம் ஜனம் வா நிரீக்ஷமாணா: ப்ரவினஷ்டஹர்ஷா: ॥ 19 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தசத்வாரிம்ஶஸ்ஸர்க:³ ॥
