ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² விம்ஶஸ்ஸர்க:³ ।
ஸ தாம் பரிவ்ருதாம் தீ³னாம் நிரானந்தா³ம் தபஸ்வினீம் ।
ஸாகாரைர்மது⁴ரைர்வாக்யைர்ன்யத³ர்ஶயத ராவண: ॥ 1 ॥
மாம் த்³ருஷ்ட்வா நாக³னாஸோரு கூ³ஹமானா ஸ்தனோத³ரம் ।
அத³ர்ஶனமிவாத்மானம் ப⁴யான்னேதும் த்வமிச்ச²ஸி ॥ 2 ॥
காமயே த்வாம் விஶாலாக்ஷி ப³ஹுமன்யஸ்வ மாம் ப்ரியே ।
ஸர்வாங்க³கு³ணஸம்பன்னே ஸர்வலோகமனோஹரே ॥ 3 ॥
நேஹ கேசின்மனுஷ்யா வா ராக்ஷஸா: காமரூபிண: ।
வ்யபஸர்பது தே ஸீதே ப⁴யம் மத்த: ஸமுத்தி²தம் ॥ 4 ॥
ஸ்வத⁴ர்மோ ரக்ஷஸாம் பீ⁴ரு ஸர்வதை²வ ந ஸம்ஶய: ।
க³மனம் வா பரஸ்த்ரீணாம் ஹரணம் ஸம்ப்ரமத்²ய வா ॥ 5 ॥
ஏவம் சைதத³காமாம் து ந த்வாம் ஸ்ப்ரக்ஷ்யாமி மைதி²லி ।
காமம் காம: ஶரீரே மே யதா²காமம் ப்ரவர்ததாம் ॥ 6 ॥
தே³வி நேஹ ப⁴யம் கார்யம் மயி விஶ்வஸி ஹி ப்ரியே ।
ப்ரணயஸ்வ ச தத்த்வேன மைவம் பூ⁴: ஶோகலாலஸா ॥ 7 ॥
ஏகவேணீ த⁴ராஶய்யா த்⁴யானம் மலினமம்ப³ரம் ।
அஸ்தா²னேப்யுபவாஸஶ்ச நைதான்யௌபயிகானி தே ॥ 8 ॥
விசித்ராணி ச மால்யானி சந்த³னான்யக³ரூணி ச ।
விவிதா⁴னி ச வாஸாம்ஸி தி³வ்யான்யாப⁴ரணானி ச ॥ 9 ॥
மஹார்ஹாணி ச பானானி ஶயனான்யாஸனானி ச ।
கீ³தம் ந்ருத்தம் ச வாத்³யம் ச லப⁴ மாம் ப்ராப்ய மைதி²லி ॥ 1௦ ॥
ஸ்த்ரீரத்னமஸி மைவம் பூ⁴: குரு கா³த்ரேஷு பூ⁴ஷணம் ।
மாம் ப்ராப்ய ஹி கத²ம் நு ஸ்வாஸ்த்வமனர்ஹா ஸுவிக்³ரஹே ॥ 11 ॥
இத³ம் தே சாரு ஸஞ்ஜாதம் யௌவனம் வ்யதிவர்ததே ।
யத³தீதம் புனர்னைதி ஸ்ரோத: ஶீக்⁴ரமபாமிவ ॥ 12 ॥
த்வாம் க்ருத்வோபரதோ மன்யே ரூபகர்தா ஸ விஶ்வஸ்ருக் ।
ந ஹி ரூபோபமா த்வன்யா தவாஸ்தி ஶுப⁴த³ர்ஶனே ॥ 13 ॥
த்வாம் ஸமாஸாத்³ய வைதே³ஹி ரூபயௌவனஶாலினீம் ।
க: புமானதிவர்தேத ஸாக்ஷாத³பி பிதாமஹ: ॥ 14 ॥
யத்³யத்பஶ்யாமி தே கா³த்ரம் ஶீதாம்ஶுஸத்³ருஶானநே ।
தஸ்மிம்ஸ்தஸ்மின் ப்ருது²ஶ்ரோணி சக்ஷுர்மம நிப³த்⁴யதே ॥ 15 ॥
ப⁴வ மைதி²லி பா⁴ர்யா மே மோஹமேனம் விஸர்ஜய ।
ப³ஹ்வீனாமுத்தமஸ்த்ரீணாமாஹ்ருதானாமிதஸ்தத: ॥ 16 ॥
ஸர்வாஸாமேவ ப⁴த்³ரம் தே மமாக்³ரமஹிஷீ ப⁴வ ।
லோகேப்⁴யோ யானி ரத்னானி ஸம்ப்ரமத்²யாஹ்ருதானி வை ॥ 17 ॥
தானி மே பீ⁴ரு ஸர்வாணி ராஜ்யம் சைதத³ஹம் ச தே ।
விஜித்ய ப்ருதி²வீம் ஸர்வாம் நானானக³ரமாலினீம் ॥ 18 ॥
ஜனகாய ப்ரதா³ஸ்யாமி தவ ஹேதோர்விலாஸினி ।
நேஹ பஶ்யாமி லோகேன்யம் யோ மே ப்ரதிப³லோ ப⁴வேத் ।
பஶ்ய மே ஸுமஹத்³வீர்யமப்ரதித்³வந்த்³வமாஹவே ॥ 19 ॥
அஸக்ருத்ஸம்யுகே³ ப⁴க்³னா மயா விம்ருதி³தத்⁴வஜா: ॥ 2௦ ॥
அஶக்தா: ப்ரத்யனீகேஷு ஸ்தா²தும் மம ஸுராஸுரா: ।
இச்ச² மாம் க்ரியதாமத்³ய ப்ரதிகர்ம தவோத்தமம் ॥ 21 ॥
ஸப்ரபா⁴ண்யவஸஜ்யந்தாம் தவாங்கே³ பூ⁴ஷணானி ச ।
ஸாது⁴ பஶ்யாமி தே ரூபம் ஸம்யுக்தம் ப்ரதிகர்மணா ॥ 22 ॥
ப்ரதிகர்மாபி⁴ஸம்யுக்தா தா³க்ஷிண்யேன வரானநே ।
பு⁴ங்க்ஷ்வ போ⁴கா³ன்யதா²காமம் பிப³ பீ⁴ரு ரமஸ்வ ச ॥ 23 ॥
யதே²ஷ்டம் ச ப்ரயச்ச² த்வம் ப்ருதி²வீம் வா த⁴னானி ச ।
லலஸ்வ மயி விஸ்ரப்³தா⁴ த்⁴ருஷ்டமாஜ்ஞாபயஸ்வ ச ॥ 24 ॥
மத்ப்ரஸாதா³ல்லலந்த்யாஶ்ச லலந்தாம் பா³ந்த⁴வாஸ்தவ ।
ருத்³தி⁴ம் மமானுபஶ்ய த்வம் ஶ்ரியம் ப⁴த்³ரே யஶஶ்ச மே ॥ 25 ॥
கிம் கரிஷ்யஸி ராமேண ஸுப⁴கே³ சீரவாஸஸா ।
நிக்ஷிப்தவிஜயோ ராமோ க³தஶ்ரீர்வனகோ³சர: ॥ 26 ॥
வ்ரதீ ஸ்த²ண்டி³லஶாயீ ச ஶங்கே ஜீவதி வா ந வா ।
ந ஹி வைதே³ஹி ராமஸ்த்வாம் த்³ரஷ்டும் வா ப்யுபலப்ஸ்யதே ।
புரோப³லாகைரஸிதைர்மேகை⁴ர்ஜ்யோத்ஸ்னாமிவாவ்ருதாம் ॥ 27 ॥
ந சாபி மம ஹஸ்தாத்த்வாம் ப்ராப்துமர்ஹதி ராக⁴வ: ॥ 28 ॥
ஹிரண்யகஶிபு: கீர்திமிந்த்³ரஹஸ்தக³தாமிவ ।
சாருஸ்மிதே சாருத³தி சாருனேத்ரே விலாஸினி ॥ 29 ॥
மனோ ஹரஸி மே பீ⁴ரு ஸுபர்ண: பன்னக³ம் யதா² ।
க்லிஷ்டகௌஶேயவஸனாம் தன்வீமப்யனலங்க்ருதாம் ॥ 3௦ ॥
த்வாம் த்³ருஷ்ட்வா ஸ்வேஷு தா³ரேஷு ரதிம் நோபலபா⁴ம்யஹம் ।
அந்த:புரனிவாஸின்ய: ஸ்த்ரிய: ஸர்வகு³ணான்விதா: ॥ 31 ॥
யாவந்த்யோ மம ஸர்வாஸாமைஶ்வர்யம் குரு ஜானகி ।
மம ஹ்யஸிதகேஶாந்தே த்ரைலோக்யப்ரவரா: ஸ்த்ரிய: ॥ 32 ॥
தாஸ்த்வாம் பரிசரிஷ்யந்தி ஶ்ரியமப்ஸரஸோ யதா² ।
யானி வைஶ்ரவணே ஸுப்⁴ரு ரத்னானி ச த⁴னானி ச ॥ 33 ॥
தானி லோகாம்ஶ்ச ஸுஶ்ரோணி மாம் ச பு⁴ங்க்ஷ்வ யதா²ஸுக²ம் ।
ந ராமஸ்தபஸா தே³வி ந ப³லேன ந விக்ரமை: ॥ 34 ॥
ந த⁴னேன மயா துல்யஸ்தேஜஸா யஶஸாபி வா ।
பிப³ விஹர ரமஸ்வ பு⁴ங்க்ஷ்வ போ⁴கா³ன் த⁴னநிசயம் ப்ரதி³ஶாமி மேதி³னீம் ச ।
மயி லல லலனே யதா²ஸுக²ம் த்வம் த்வயி ச ஸமேத்ய லலந்து பா³ந்த⁴வாஸ்தே ॥ 35 ॥
குஸுமிததருஜாலஸந்ததானி ப்⁴ரமரயுதானி ஸமுத்³ரதீரஜானி ।
கனகவிமலஹாரபூ⁴ஷிதாங்கீ³ விஹர மயா ஸஹ பீ⁴ரு கானநானி ॥ 36 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ விம்ஶஸ்ஸர்க:³ ॥
