ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகாத³ஶஸ்ஸர்க:³ ।
பூ⁴ய ஏவ ஹி ராஜேந்த்³ர ஶ்ருணு மே வசனம் ஹிதம் ।
யதா² ஸ தே³வப்ரவர: கதா²யாமேவமப்³ரவீத் ॥ 1 ॥
இக்ஷ்வாகூணாம் குலே ஜாதோ ப⁴விஷ்யதி ஸுதா⁴ர்மிக: ।
ராஜா த³ஶரதோ² நாம்னா ஶ்ரீமான்ஸத்யப்ரதிஶ்ரவ: ॥ 2 ॥
அங்க³ராஜேன ஸக்²யம் ச தஸ்ய ராஜ்ஞோ ப⁴விஷ்யதி ।
கன்யா சாஸ்ய மஹாபா⁴கா³ ஶாந்தா நாம ப⁴விஷ்யதி ॥ 3 ॥
புத்ரஸ்து ஸோங்க³ராஜஸ்ய ரோமபாத³ இதி ஶ்ருத: ।
தம் ஸ ராஜா த³ஶரதோ² க³மிஷ்யதி மஹாயஶா: ॥ 4 ॥
அனபத்யோஸ்மி த⁴ர்மாத்மன் ஶாந்தாப⁴ர்தா மம க்ரதும் ।
ஆஹரேத த்வயாஜ்ஞப்தஸ்ஸந்தானார்த²ம் குலஸ்ய ச ॥ 5 ॥
ஶ்ருத்வா ராஜ்ஞோத² தத்³வாக்யம் மனஸா ஸ விசிந்த்ய ச ।
ப்ரதா³ஸ்யதே புத்ரவந்தம் ஶாந்தாப⁴ர்தாரமாத்மவான் ॥ 6 ॥
ப்ரதிக்³ருஹ்ய ச தம் விப்ரம் ஸ ராஜா விக³தஜ்வர: ।
ஆஹரிஷ்யதி தம் யஜ்ஞம் ப்ரஹ்ருஷ்டேனாந்தராத்மனா ॥ 7 ॥
தம் ச ராஜா த³ஶரதோ² யஷ்டுகாம: க்ருதாஞ்ஜலி: ।
ருஶ்யஶ்ருங்க³ம் த்³விஜஶ்ரேஷ்ட²ம் வரயிஷ்யதி த⁴ர்மவித் ॥ 8 ॥
யஜ்ஞார்த²ம் ப்ரஸவார்த²ம் ச ஸ்வர்கா³ர்த²ம் ச நரேஶ்வர: ।
லப⁴தே ச ஸ தம் காமம் த்³விஜமுக்²யாத்³விஶாம்பதி: ॥ 9 ॥
புத்ராஶ்சாஸ்ய ப⁴விஷ்யந்தி சத்வாரோமிதவிக்ரமா: ।
வம்ஶப்ரதிஷ்டா²னகராஸ்ஸர்வலோகேஷு விஶ்ருதா: ॥ 1௦ ॥
ஏவம் ஸ தே³வப்ரவர: பூர்வம் கதி²தவான்கதா²ம் ।
ஸனத்குமாரோ ப⁴க³வான்புரா தே³வயுகே³ ப்ரபு⁴: ॥ 11 ॥
ஸ த்வம் புருஷஶார்தூ³ல தமானய ஸுஸத்க்ருதம் ।
ஸ்வயமேவ மஹாராஜ க³த்வா ஸப³லவாஹன: ॥ 12 ॥
அனுமான்ய வஸிஷ்ட²ம் ச ஸூதவாக்யம் நிஶம்ய ச ।
ஸாந்த:புரஸ்ஸஹாமாத்ய: ப்ரயயௌ யத்ர ஸ த்³விஜ: ॥ 13 ॥
வனானி ஸரிதஶ்சைவ வ்யதிக்ரம்ய ஶனைஶ்ஶனை: ।
அபி⁴சக்ராம தம் தே³ஶம் யத்ர வை முனிபுங்க³வ: ॥ 14 ॥
ஆஸாத்³ய தம் த்³விஜஶ்ரேஷ்ட²ம் ரோமபாத³ஸமீபக³ம் ।
ருஷிபுத்ரம் த³த³ர்ஶாதௌ³ தீ³ப்யமானமிவானலம் ॥ 15 ॥
ததோ ராஜா யதா²ன்யாயம் பூஜாம் சக்ரே விஶேஷத: ।
ஸகி²த்வாத்தஸ்ய வை ராஜ்ஞ: ப்ரஹ்ருஷ்டேனாந்தராத்மனா ॥ 16 ॥
ரோமபாதே³ன சாக்²யாதம்ருஷிபுத்ராய தீ⁴மதே ।
ஸக்²யம் ஸம்ப³ந்த⁴கம் சைவ ததா³ தம் ப்ரத்யபூஜயத் ॥ 17 ॥
ஏவம் ஸுஸத்க்ருதஸ்தேன ஸஹோஷித்வா நரர்ஷப:⁴ ।
ஸப்தாஷ்டதி³வஸான்ராஜா ராஜானமித³மப்³ரவீத் ॥ 18 ॥
ஶாந்தா தவ ஸுதா ராஜன் ஸஹ ப⁴ர்த்ரா விஶாம்பதே ।
மதீ³யனக³ரம் யாது கார்யம் ஹி மஹது³த்³யதம் ॥ 19 ॥
ததே²தி ராஜா ஸம்ஶ்ருத்ய க³மனம் தஸ்ய தீ⁴மத: ।
உவாச வசனம் விப்ரம் க³ச்ச² த்வம் ஸஹ பா⁴ர்யயா ॥ 2௦ ॥
ருஷிபுத்ர: ப்ரதிஶ்ருத்ய ததே²த்யாஹ ந்ருபம் ததா³ ।
ஸ ந்ருபேணாப்⁴யனுஜ்ஞாத: ப்ரயயௌ ஸஹ பா⁴ர்யயா ॥ 21 ॥
தாவன்யோன்யாஞ்ஜலிம் க்ருத்வா ஸ்னேஹாத்ஸம்ஶ்லிஷ்ய சோரஸா ।
நனந்த³துர்த³ஶரதோ² ரோமபாத³ஶ்ச வீர்யவான் ॥ 22 ॥
ததஸ்ஸுஹ்ருத³மாப்ருச்ச்²ய ப்ரஸ்தி²தோ ரகு⁴னந்த³ன: ।
பௌரேப்⁴ய: ப்ரேஷயாமாஸ தூ³தான்வை ஶீக்⁴ரகா³மின: ॥ 23 ॥
க்ரியதாம் நக³ரம் ஸர்வம் க்ஷிப்ரமேவ ஸ்வலங்க்ருதம் ।
தூ⁴பிதம் ஸிக்தஸம்ம்ருஷ்டம் பதாகாபி⁴ரலங்க்ருதம் ॥ 24 ॥
தத: ப்ரஹ்ருஷ்டா: பௌராஸ்தே ஶ்ருத்வா ராஜானமாக³தம் ।
ததா² ப்ரசக்ருஸ்தத்ஸர்வம் ராஜ்ஞா யத்ப்ரேஷிதம் ததா³ ॥ 25 ॥
ததஸ்ஸ்வலங்க்ருதம் ராஜா நக³ரம் ப்ரவிவேஶ ஹ ।
ஶங்க²து³ந்து³பி⁴னிர்கோ⁴ஷை: புரஸ்க்ருத்ய த்³விஜர்ஷப⁴ம் ॥ 26 ॥
தத: ப்ரமுதி³தாஸ்ஸர்வே த்³ருஷ்ட்வா தம் நாக³ரா த்³விஜம் ।
ப்ரவேஶ்யமானம் ஸத்க்ருத்ய நரேந்த்³ரேணேந்த்³ரகர்மணா ॥ 27 ॥
அந்த:புரம் ப்ரவேஶ்யைனம் பூஜாம் க்ருத்வா ச ஶாஸ்த்ரத: ।
க்ருதக்ருத்யம் ததா³த்மானம் மேனே தஸ்யோபவாஹனாத் ॥ 28 ॥
அந்த:புரஸ்த்ரியஸ்ஸர்வாஶ்ஶாந்தாம் த்³ருஷ்ட்வா ததா²க³தாம் ।
ஸஹ ப⁴ர்த்ரா விஶாலாக்ஷீம் ப்ரீத்யானந்த³முபாக³மன் ॥ 29 ॥
பூஜ்யமானா ச தாபி⁴ஸ்ஸா ராஜ்ஞா சைவ விஶேஷத: ।
உவாஸ தத்ர ஸுகி²தா கஞ்சித்காலம் ஸஹர்த்விஜா ॥ 3௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகாத³ஶஸ்ஸர்க:³ ॥
