ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகோனஷஷ்டிதமஸ்ஸர்க:³ ।
அதா²ஶ்ரமாது³பாவ்ருத்தமந்தரா ரகு⁴னந்த³ன: ।
பரிபப்ரச்ச² ஸௌமித்ரிம் ராமோ து³:கா²ர்தி³தம் புன: ॥ 1 ॥
தமுவாச கிமர்த²ம் த்வமாக³தோபாஸ்ய மைதி²லீம் ।
யதா³ ஸா தவ விஶ்வாஸாத்³வனே விரஹிதா மயா ॥ 2 ॥
த்³ருஷ்ட்வைவாப்⁴யாக³தம் த்வாம் மே மைதி²லீம் த்யஜ்ய லக்ஷ்மண ।
ஶங்கமானம் மஹத்பாபம் யத்ஸத்யம் வ்யதி²தம் மன: ॥ 3 ॥
ஸ்பு²ரதே நயனம் ஸவ்யம் பா³ஹுஶ்ச ஹ்ருத³யம் ச மே ।
த்³ருஷ்ட்வா லக்ஷ்மண தூ³ரே த்வாம் ஸீதாவிரஹிதம் பதி² ॥ 4 ॥
ஏவமுக்தந்து ஸௌமித்ரிர்லக்ஷ்மணஶ்ஶுப⁴லக்ஷண: ।
பூ⁴யோ து³:க²ஸமாவிஷ்டோ து³:கி²தம் ராமமப்³ரவீத் ॥ 5 ॥
ந ஸ்வயம் காமகாரேண தாம் த்யக்த்வாஹமிஹாக³த: ।
ப்ரசோதி³த ஸ்தயைவோக்³ரைஸ்த்வத்ஸகாஶமிஹாக³த: ॥ 6 ॥
ஆர்யேணேவ பராக்ருஷ்டம் ஹாஸீதே லக்ஷ்மணேதி ச ।
பரித்ராஹீதி யத்³வாக்யம் மைதி²ல்யாஸ்தச்ச்²ருதிம் க³தம் ॥ 7 ॥
ஸா தமார்தஸ்வரம் ஶ்ருத்வா தவ ஸ்னேஹேன மைதி²லீ ।
க³ச்ச² க³ச்சே²தி மாமாஹ ருத³ந்தீ ப⁴யவிஹ்வலா ॥ 8 ॥
ப்ரசோத்³யமானேன மயா க³ச்சே²தி ப³ஹுஶஸ்தயா ।
ப்ரத்யுக்தா மைதி²லீ வாக்யமித³ம் த்வத்ப்ரத்யயான்விதம் ॥ 9 ॥
ந தத்பஶ்யாம்யஹம் ரக்ஷோ யத³ஸ்ய ப⁴யமாவஹேத் ।
நிர்வ்ருதா ப⁴வ நாஸ்த்யேதத்கேனாப்யேவமுதா³ஹ்ருதம் ॥ 1௦ ॥
விக³ர்ஹிதம் ச நீசம் ச கத²மார்யோபி⁴தா⁴ஸ்யதி ।
த்ராஹீதி வசனம் ஸீதே யஸ்த்ராயேத்ரித³ஶானபி ॥ 11 ॥
கிம் நிமித்தம் து கேனாபி ப்⁴ராதுராலம்ப்³ய மே ஸ்வரம் ।
ராக்ஷஸேனேரிதம் வாக்யம் த்ராஹி த்ராஹீதி ஶோப⁴னே ॥ 12 ॥
விஸ்வரம் வ்யாஹ்ருதம் வாக்யம் லக்ஷ்மண த்ராஹி மாமிதி ।
ந ப⁴வத்யா வ்யதா² கார்யா குனாரீஜனஸேவிதா ॥ 13 ॥
அலம் வைக்லப்³யமாலம்ப்³ய ஸ்வஸ்தா² ப⁴வ நிருத்ஸுகா ।
ந ஸோஸ்தி த்ரிஷு லோகேஷு புமான்வை ராக⁴வம் ரணே ॥ 14 ॥
ஜாதோ வா ஜாயமானோ வா ஸம்யுகே³ ய: பராஜயேத் ।
ந ஜய்யோ ராக⁴வோ யுத்³தே⁴ தே³வைஶ்ஶக்ரபுரோக³மை: ॥ 15 ॥
ஏவமுக்தா து வைதே³ஹீ பரிமோஹிதசேதனா ।
உவாசாஶ்ரூணி முஞ்சந்தீ தா³ருணம் மாமித³ம் வச: ॥ 16 ॥
பா⁴வோ மயி தவாத்யர்த²ம் பாப ஏவ நிவேஶித: ।
வினஷ்டே ப்⁴ராதரி ப்ராப்தும் ந ச த்வம் மாமவாப்ஸ்யஸி ॥ 17 ॥
ஸங்கேதாத்³ப⁴ரதேன த்வம் ராமம் ஸமனுக³ச்ச²ஸி ।
க்ரோஶந்தம் ஹி யதா²த்யர்த²ம் நைவமப்⁴யவபத்³யஸே ॥ 18 ॥
ரிபு: ப்ரச்ச²ன்னசாரீ த்வம் மத³ர்த²மனுக³ச்ச²ஸி ।
ராக⁴வஸ்யாந்தரப்ரேப்ஸுஸ்ததை²னம் நாபி⁴பத்³யஸே ॥ 19 ॥
ஏவமுக்தோ ஹி வைதே³ஹ்யா ஸம்ரப்³தோ⁴ ரக்தலோசன: ।
க்ரோதா⁴த்ப்ரஸ்பு²ரமாணோஷ்ட² ஆஶ்ரமாத³பி⁴னிர்க³த: ॥ 2௦ ॥
ஏவம் ப்³ருவாணம் ஸௌமித்ரிம் ராமஸ்ஸந்தாபமோஹித: ।
அப்³ரவீத்³து³ஷ்க்ருதம் ஸௌம்ய தாம் வினா யத்த்வமாக³த: ॥ 21 ॥
ஜானந்னபி ஸமர்த²ம் மாம் ரக்ஷஸாம் வினிவாரணே ।
அனேன க்ரோத⁴வாக்யேன மைதி²ல்யா நிஸ்ஸ்ருதோ ப⁴வான் ॥ 22 ॥
ந ஹி தே பரிதுஷ்யாமி த்யக்த்வா யத்³யாஸி மைதி²லீம் ।
க்ருத்³தா⁴யா: பருஷம் ஶ்ருத்வா தாம் விஹாய த்வமாக³த: ॥ 23 ॥
ஸர்வதா² த்வவினீதம் தே ஸீதயா யத்ப்ரசோதி³த: ।
க்ரோத⁴ஸ்ய வஶமாபன்னோ நாகரோஶ்ஶாஸனம் மம ॥ 24 ॥
அஸௌ ஹி ராக்ஷஸஶ்ஶேதே ஶரேணாபி⁴ஹதோ மயா ।
ம்ருக³ரூபேண யேனாஹமாஶ்ரமாத³பவாஹித: ॥ 25 ॥
விக்ருஷ்ய சாபம் பரிதா⁴ய ஸாயகம் ஸலீலபா³ணேன ச தாடி³தோ மயா ।
மார்கீ³ம் தனும் த்யஜ்ய ஸ விக்லப³ஸ்வரோ ப³பூ⁴வ கேயூரத⁴ரஸ்ஸராக்ஷஸ: ॥ 26 ॥
ஶராஹதேனைவ ததா³ர்தயா கி³ரா ஸ்வரம் ஸமாலம்ப்³ய ஸுதூ³ரஸுஶ்ரவம் ।
உதா³ஹ்ருதம் தத்³வசனம் ஸுதா³ருணம் த்வமாக³தோ யேன விஹாய மைதி²லீம் ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகோனஷஷ்டிதமஸ்ஸர்க:³ ॥
