ஶ்ரீமத்³வால்மீகீய ராமாயணே பா³லகாண்ட³ம் ।
அத² த்ரயஸ்த்ரிம்ஶஸ்ஸர்க:³ ।
தஸ்ய தத்³வசனம் ஶ்ருத்வா குஶனாப⁴ஸ்ய தீ⁴மத: ।
ஶிரோபி⁴ஶ்சரணௌ ஸ்ப்ருஷ்ட்வா கன்யாஶதமபா⁴ஷத ॥ 1 ॥
வாயுஸ்ஸர்வாத்மகோ ராஜன் ப்ரத⁴ர்ஷயிதுமிச்ச²தி ।
அஶுப⁴ம் மார்க³மாஸ்தா²ய ந த⁴ர்மம் ப்ரத்யவேக்ஷதே ॥ 2 ॥
பித்ருமத்யஸ்ஸ்ம ப⁴த்³ரம் தே ஸ்வச்ச²ந்தே³ ந வயம் ஸ்தி²தா: ।
பிதரம் நோ வ்ருணீஷ்வ த்வம் யதி³ நோ தா³ஸ்யதே தவ ॥ 3 ॥
தேன பாபானுப³ந்தே⁴ன வசனம் ந ப்ரதீச்ச²தா ।
ஏவம் ப்³ருவந்த்யஸ்ஸர்வாஸ்ஸ்ம வாயுனா நிஹதா ப்⁴ருஶம் ॥ 4 ॥
தாஸாம் தத்³வசனம் ஶ்ருத்வா ராஜா பரமதா⁴ர்மிக: ।
ப்ரத்யுவாச மஹாதேஜா: கன்யாஶதமனுத்தமம் ॥ 5 ॥
க்ஷாந்தம் க்ஷமாவதாம் புத்ர்ய: கர்தவ்யம் ஸுமஹத்க்ருதம் ।
ஐகமத்யமுபாக³ம்ய குலம் சாவேக்ஷிதம் மம ॥ 6 ॥
அலங்காரோ ஹி நாரீணாம் க்ஷமா து புருஷஸ்ய வா ।
து³ஷ்கரம் தச்ச யத் க்ஷாந்தம் த்ரித³ஶேஷு விஶேஷத: ॥ 7 ॥
யாத்³ருஶீ வ: க்ஷமா புத்ர்யஸ்ஸர்வாஸாமவிஶேஷத: ।
க்ஷமா தா³னம் க்ஷமா யஜ்ஞ: க்ஷமா ஸத்யம் ஹி புத்ரிகா: ॥ 8 ॥
க்ஷமா யஶ: க்ஷமா த⁴ர்ம: க்ஷமயா நிஷ்டி²தம் ஜக³த் ।
விஸ்ருஜ்ய கன்யா: காகுத்ஸ்த² ராஜா த்ரித³ஶவிக்ரம: ॥ 9 ॥
மந்த்ரஜ்ஞோ மந்த்ரயாமாஸ ப்ரதா³னம் ஸஹ மந்த்ரிபி⁴: ।
தே³ஶகாலௌ ப்ரதா³னஸ்ய ஸத்³ருஶே ப்ரதிபாத³னம் ॥ 1௦ ॥
ஏதஸ்மின்னேவ காலே து சூலீ நாம மஹாதபா: ।
ஊர்த்⁴வரேதாஶ்ஶுபா⁴சாரோ ப்³ராஹ்மம் தப உபாக³மத் ॥ 11 ॥
தப்யந்தம் தம்ருஷிம் தத்ர க³ந்த⁴ர்வீ பர்யுபாஸதே ।
ஸோமதா³ நாம ப⁴த்³ரம் தே ஊர்மிலா தனயா ததா³ ॥ 12 ॥
ஸா ச தம் ப்ரணதா பூ⁴த்வா ஶுஶ்ரூஷணபராயணா ।
உவாஸ காலே த⁴ர்மிஷ்டா² தஸ்யாஸ்துஷ்டோப⁴வத்³கு³ரு: ॥ 13 ॥
ஸ ச தாம் காலயோகே³ன ப்ரோவாச ரகு⁴னந்த³ன ।
பரிதுஷ்டோஸ்மி ப⁴த்³ரம் தே கிம் கரோமி தவ ப்ரியம் ॥ 14 ॥
பரிதுஷ்டம் முனிம் ஜ்ஞாத்வா க³ந்த⁴ர்வீ மது⁴ரஸ்வரா ।
உவாச பரமப்ரீதா வாக்யஜ்ஞா வாக்யகோவித³ம் ॥ 15 ॥
லக்ஷ்ம்யா ஸமுதி³தோ ப்³ராஹ்ம்யா ப்³ரஹ்மபூ⁴தோ மஹாதபா: ।
ப்³ராஹ்மேண தபஸா யுக்தம் புத்ரமிச்சா²மி தா⁴ர்மிக ॥ 16 ॥
அபதிஶ்சாஸ்மி ப⁴த்³ரம் தே பா⁴ர்யா சாஸ்மி ந கஸ்யசித் ।
ப்³ராஹ்மேணோபக³தாயாஶ்ச தா³துமர்ஹஸி மே ஸுதம் ॥ 17 ॥
தஸ்யா: ப்ரஸன்னோ ப்³ரஹ்மர்ஷிர்த³தௌ³ புத்ரமனுத்தமம் ।
ப்³ரஹ்மத³த்த இதி க்²யாதம் மானஸம் சூலினஸ்ஸுதம் ॥ 18 ॥
ஸ ராஜா ஸௌமதே³யஸ்து புரீமத்⁴யவஸத்ததா³ ।
காம்பில்யாம் பரயா லக்ஷ்ம்யா தே³வராஜோ யதா² தி³வம் ॥ 19 ॥
ஸ பு³த்³தி⁴ம் க்ருதவான் ராஜா குஶனாப⁴ஸ்ஸுதா⁴ர்மிக: ।
ப்³ரஹ்மத³த்தாய காகுத்ஸ்த² தா³தும் கன்யாஶதம் ததா³ ॥ 2௦ ॥
தமாஹூய மஹாதேஜா ப்³ரஹ்மத³த்தம் மஹீபதி: ।
த³தௌ³ கன்யாஶதம் ராஜா ஸுப்ரீதேனாந்தராத்மனா ॥ 21 ॥
யதா²க்ரமம் தத: பாணீன் ஜக்³ராஹ ரகு⁴னந்த³ன ।
ப்³ரஹ்மத³த்தோ மஹீபாலஸ்தாஸாம் தே³வபதிர்யதா² ॥ 22 ॥
ஸ்ப்ருஷ்டமாத்ரே தத: பாணௌ விகுப்³ஜா விக³தஜ்வரா: ।
யுக்தா: பரமயா லக்ஷ்ம்யா ப³பு⁴: கன்யாஶதம் ததா³ ॥ 23 ॥
ஸ த்³ருஷ்ட்வா வாயுனா முக்தா: குஶனாபோ⁴ மஹீபதி: ।
ப³பூ⁴வ பரமப்ரீதோ ஹர்ஷம் லேபே⁴ புன:புன: ॥ 24 ॥
க்ருதோத்³வாஹம் து ராஜானம் ப்³ரஹ்மத³த்தம் மஹீபதி: ।
ஸதா³ரம் ப்ரேஷயாமாஸ ஸோபாத்⁴யாயக³ணம் ததா³ ॥ 25 ॥
ஸோமதா³பி ஸுஸம்ஹ்ருஷ்டா புத்ரஸ்ய ஸத்³ருஶீம் க்ரியாம் ।
யதா²ன்யாயம் ச க³ந்த⁴ர்வீ ஸ்னுஷாஸ்தா: ப்ரத்யனந்த³த ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்ரயஸ்த்ரிம்ஶஸ்ஸர்க:³ ॥
