ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகஸப்ததிதமஸ்ஸர்க:³ ।
புரா ராம மஹாபா³ஹோ மஹாப³லபராக்ரம ।
ரூபமாஸீன்மமா சிந்த்யம் த்ரிஷு லோகேஷு விஶ்ருதம் ॥ 1 ॥
யதா² ஸோமஸ்ய ஶக்ரஸ்ய ஸூர்யஸ்ய ச யதா² வபு: ।
ஸோஹம் ரூபமித³ம் க்ருத்வா லோகவித்ராஸனம் மஹத் ॥ 2 ॥
ருஷீன்வனக³தான்ராம த்ராஸயாமி ததஸ்தத: ।
ததஸ்ஸ்தூ²லஶிரா நாம மஹர்ஷி: கோபிதோ மயா ॥ 3 ॥
ஸஞ்சின்வன்விவித⁴ம் வன்யம் ரூபேணானேன த⁴ர்ஷித: ।
தேனாஹமுக்த: ப்ரேக்ஷ்யைவம் கோ⁴ரஶாபாபி⁴தா⁴யினா ॥ 4 ॥
ஏததே³வ ந்ருஶம்ஸம் தே ரூபமஸ்து விக³ர்ஹிதம் ।
ஸ மயா யாசித: க்ருத்³த⁴ஶ்ஶாபஸ்யோந்தோ ப⁴வேதி³தி ॥ 5 ॥
அபி⁴ஶாபக்ருதஸ்யேதி தேனேத³ம் பா⁴ஷிதம் வச: ।
யதா³ சி²த்த்வா பு⁴ஜௌ ராமஸ்த்வாம் த³ஹேத்³விஜனே வனே ॥ 6 ॥
ததா³ த்வம் ப்ராப்ஸ்யஸே ரூபம் ஸ்வமேவ விபுலம் ஶுப⁴ம் ।
ஶ்ரியா விராஜிதம் புத்ரம் த³னோஸ்த்வம் வித்³தி⁴ லக்ஷ்மண ॥ 7 ॥
இந்த்³ரகோபாதி³த³ம் ரூபம் ப்ராப்தமேவம் ரணாஜிரே ।
அஹம் ஹி தபஸோக்³ரேண பிதாமஹமதோஷயம் ॥ 8 ॥
தீ³ர்க⁴மாயுஸ்ஸ மே ப்ராதா³த்ததோ மாம் விப்⁴ரமோஸ்ப்ருஶத் ।
தீ³ர்க⁴மாயுர்மயா ப்ராப்தம் கிம் மே ஶக்ர: கரிஷ்யதி ॥ 9 ॥
இத்யேவம் பு³த்³தி⁴மாஸ்தா²ய ரணே ஶக்ரமத⁴ர்ஷயம் ।
தஸ்ய பா³ஹுப்ரயுக்தேன வஜ்ரேண ஶதபர்வணா ॥ 1௦ ॥
ஸக்தி²னீ சைவ மூர்தா⁴ ச ஶரீரே ஸம்ப்ரவேஶிதம் ।
ஸ மயா யாச்யமானஸ்ஸன்னானயத்³யமஸாத³னம் ॥ 11 ॥
பிதாமஹவசஸ்ஸத்யம் தத³ஸ்த்விதி மமாப்³ரவீத் ।
அனாஹார: கத²ம் ஶக்தோ ப⁴க்³னஸக்தி²ஶிரோமுக:² ॥ 12 ॥
வஜ்ரேணாபி⁴ஹத: காலம் ஸுதீ³ர்க⁴மபி ஜீவிதும் ।
ஏவமுக்தஸ்து மே ஶக்ரோ பா³ஹூ யோஜனமாயதௌ ॥ 13 ॥
ப்ராதா³தா³ஸ்யம் ச மே குக்ஷௌ தீக்ஷ்ணத³ம்ஷ்ட்ரமகல்பயத் ।
ஸோஹம் பு⁴ஜாப்⁴யாம் தீ³ர்கா⁴ப்⁴யாம் ஸங்க்ருஷ்யாஸ்மின்வனே சரான் ॥ 14 ॥
ஸிம்ஹவ்தி³பம்ருக³வ்யாக்⁴ரான் ப⁴க்ஷயாமி ஸமந்தத: ।
ஸ து மாமப்³ரவீதி³ந்த்³ரோ யதா³ ராமஸ்ஸலக்ஷ்மண: ॥ 15 ॥
சே²த்ஸ்யதே ஸமரே பா³ஹூ ததா³ ஸ்வர்க³ம் க³மிஷ்யஸி ।
அனேன வபுஷா ராம வனேஸ்மின்ராஜஸத்தம ॥ 16 ॥
யத்³யத்பஶ்யாமி ஸர்வஸ்ய க்³ரஹணம் ஸாது⁴ ரோசயே ।
அவஶ்யம் க்³ரஹணம் ராமோ மன்யேஹம் ஸமுபைஷ்யதி ॥ 17 ॥
இமாம் பு³த்³தி⁴ம் புரஸ்க்ருத்ய தே³ஹன்யாஸக்ருதஶ்ரம: ।
ஸ த்வம் ராமோஸி ப⁴த்³ரம் தே நாஹமன்யேன ராக⁴வ ॥ 18 ॥
ஶக்யோ ஹந்தும் யதா²தத்த்வமேவமுக்தம் மஹர்ஷிணா ।
அஹம் ஹி மதிஸாசிவ்யம் கரிஷ்யாமி நரர்ஷப⁴ ॥ 19 ॥
மித்ரம் சைவோபதே³க்ஷ்யாமி யுவாப்⁴யாம் ஸம்ஸ்க்ருதோக்³னினா ।
ஏவமுக்தஸ்து த⁴ர்மாத்மா த³னுனா தேன ராக⁴வ: ॥ 2௦ ॥
இத³ம் ஜகா³த³ வசனம் லக்ஷ்மணஸ்யோபஶ்ருண்வத: ।
ராவணேன ஹ்ருதா பா⁴ர்யா மம ஸீதா யஶஸ்ஸ்வினீ ॥ 21 ॥
நிஷ்க்ராந்தஸ்ய ஜனஸ்தா²னாத்ஸஹப்⁴ராத்ரா யதா²ஸுக²ம் ।
நாமமாத்ரம் து ஜானாமி ந ரூபம் தஸ்ய ரக்ஷஸ: ॥ 22 ॥
நிவாஸம் வா ப்ரபா⁴வம் வா வயம் தஸ்ய ந வித்³மஹே ।
ஶோகார்தானாமனாதா²னாமேவம் விபரிதா⁴வதாம் ॥ 23 ॥
காருண்யம் ஸத்³ருஶம் கர்துமுபகாரே ச வர்ததாம் ।
காஷ்டா²ன்யாதா³ய ஶுஷ்காணி காலே ப⁴க்³னானி குஞ்ஜரை: ॥ 24 ॥
த⁴க்ஷ்யாமஸ்த்வாம் வயம் வீர ஶ்வப்⁴ரே மஹதி கல்பிதே ।
ஸ த்வம் ஸீதாம் ஸமாசக்ஷ்வ யேன வா யத்ர வா ஹ்ருதா ॥ 25 ॥
குரு கல்யாணமத்யர்த²ம் யதி³ ஜானாஸி தத்த்வத: ।
ஏவமுக்தஸ்து ராமேண வாக்யம் த³னுரனுத்தமம் ॥ 26 ॥
ப்ரோவாச குஶலோ வக்தும் வக்தாரமபி ராக⁴வம் ।
தி³வ்யமஸ்தி ந மே ஜ்ஞானம் நாபி⁴ஜானாமி மைதி²லீம் ॥ 27 ॥
யஸ்தாம் ஜ்ஞாஸ்யதி தம் வக்ஷ்யே த³க்³த⁴ஸ்ஸ்வம் ரூபமாஸ்தி²த: ।
அத³க்³த⁴ஸ்ய து விஜ்ஞாதும் ஶக்திரஸ்தி ந மே ப்ரபோ⁴ ॥ 28 ॥
ராக்ஷஸம் தம் மஹாவீர்யம் ஸீதா யேன ஹ்ருதா தவ ।
விஜ்ஞானம் ஹி மம ப்⁴ரஷ்டம் ஶாபதோ³ஷேண ராக⁴வ ॥ 29 ॥
ஸ்வக்ருதேன மயா ப்ராப்தம் ரூபம் லோகவிக³ர்ஹிதம் ।
கிம் து யாவன்ன யாத்யஸ்தம் ஸவிதா ஶ்ராந்தவாஹன: ॥ 3௦ ॥
தாவன்மாமவடே க்ஷிப்த்வா த³ஹ ராம யதா²விதி⁴ ।
த³க்³த⁴ஸ்த்வயாஹமவடே ந்யாயேன ரகு⁴னந்த⁴ன ॥ 31 ॥
வக்ஷ்யாமி தமஹம் வீர யஸ்தம் ஜ்ஞாஸ்யதி ராக்ஷஸம் ।
தேன ஸக்²யம் ச கர்தவ்யம் ந்யாய்யவ்ருத்தேன ராக⁴வ ॥ 32 ॥
கல்பயிஷ்யதி தே ப்ரீதஸ்ஸாஹாய்யம் லகு⁴விக்ரம: ।
ந ஹி தஸ்யாஸ்த்யவிஜ்ஞாதம் த்ரிஷு லேகேஷு ராக⁴வ ॥ 33 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகஸப்ததிதமஸ்ஸர்க:³ ॥
