ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சனவதிதமஸ்ஸர்க:³ ।
அத² ஶைலாத்³வினிஷ்க்ரம்ய மைதி²லீம் கோஸலேஶ்வர: ।
அத³ர்ஶயச்சு²பஜ⁴லாம் ரம்யாம் மந்தா³கினீம் நதீ³ம் ॥ 1 ॥
அப்³ரவீச்ச வராரோஹாம் சாருசந்த்³ரனிபா⁴னநாம் ।
விதே³ஹராஜஸ்ய ஸுதாம் ராமோ ராஜீவலோசன: ॥ 2 ॥
விசித்ரபுலினாம் ரம்யாம் ஹம்ஸஸாரஸஸேவிதாம் ।
கமலைருபஸம்பன்னாம் பஶ்ய மந்தா³கினீம் நதீ³ம் ॥ 3 ॥
நானாவிதை⁴ஸ்தீரருஹை ர்வ்ருதாம் புஷ்பப²லத்³ருமை: ।
ராஜந்தீம் ராஜராஜஸ்ய நலினீமிவ ஸர்வத: ॥ 4 ॥
ம்ருக³யூத²னிபீதானி கலுஷாம்பா⁴ம்ஸி ஸாம்ப்ரதம் ।
தீர்தா²னி ரமணீயானி ரதிம் ஸஞ்ஜனயந்தி மே ॥ 5 ॥
ஜடாஜினத⁴ரா: காலே வல்கலோத்தரவாஸஸ: ।
ருஷய ஸ்த்வவகா³ஹந்தே நதீ³ம் மந்தா³கினீம் ப்ரியே ॥ 6 ॥
ஆதி³த்யமுபதிஷ்ட²ந்தே நியமாதூ³ர்த்⁴வபா³ஹவ: ।
ஏதே பரே விஶாலாக்ஷி முனய ஸ்ஸம்ஶிதவ்ரதா: ॥ 7 ॥
மாருதோத்³தூ⁴தஶிக²ரை: ப்ரன்ருத்த இவ பர்வத: ।
பாத³பை: பத்ரபுஷ்பாணி ஸ்ருஜத்³பி⁴ரபி⁴தோ நதீ³ம் ॥ 8 ॥
சின்மணினிகாஶோதா³ம் க்வசித்புலினஶாலினீம் ।
க்வசித்ஸித்³தஜ⁴னாகீர்ணாம் பஶ்ய மந்தா³கினீம் நதீ³ம் ॥ 9 ॥
நிர்தூ⁴தான்வாயுனா பஶ்ய விததான்புஷ்பஸஞ்சயான் ।
போப்லூயமானானபரான்பஶ்ய த்வம் ஜலமத்⁴யகா³ன் ॥ 1௦ ॥
தாம்ஶ்சாதிவல்கு³வசஸோ ரதா²ங்கா³ஹ்வயனா த்³விஜா: ।
அதி⁴ரோஹந்தி கல்யாணி நிஷ்கூஜந்த ஶ்ஶுபா⁴ கி³ர: ॥ 11 ॥
த³ர்ஶனம் சித்ரகூடஸ்ய மந்தா³கின்யாஶ்ச ஶோப⁴னே ।
அதி⁴கம் புரவாஸாச்ச மன்யே தவ ச த³ர்ஶனாத் ॥ 12 ॥
விதூ⁴தகலுஷை ஸ்ஸித்³தை⁴ஸ்தபோத³மஶமான்விதை: ।
நித்யவிக்ஷோபி⁴தஜலாம் விகா³ஹஸ்வ மயா ஸஹ ॥ 13 ॥
ஸகீ²வச்ச விகா³ஹஸ்வ ஸீதே மந்தா³கினீம் நதீ³ம் ।
கமலான்யவமஜ்ஜந்தீ புஷ்கராணி ச பா⁴மினி ॥ 14 ॥
த்வம் பௌரஜனவத்³வ்யாலானயோத்⁴யாமிவ பர்வதம் ।
மன்யஸ்வ வனிதே நித்யம் ஸரயூவதி³மாம் நதீ³ம் ॥ 15 ॥
லக்ஷ்மணஶ்சாபி த⁴ர்மாத்மா மன்னிதே³ஶே வ்யவஸ்தி²த: ।
த்வம் சானுகூலா வைதே³ஹி ப்ரீதிம் ஜனயதோ² மம ॥ 16 ॥
உபஸ்ப்ருஶம்ஸ்த்ரிஷவணம் மது⁴மூலப²லாஶன: ।
நாயோத்⁴யாயைன ராஜ்யாய ஸ்ப்ருஹயேத்³ய த்வயா ஸஹ ॥ 17 ॥
இமாம்ஹி ரம்யாம் ம்ருக³யூத²ஶாலினீம் நிபீததோயாம் கஜ³ஸிம்ஹவானரை: ।
ஸுபுஷ்பிதாம் புஷ்பப⁴ரைரலங்க்ருதாம் நஸோஸ்தி ய ஸ்ஸ்யான்ன க³தக்லம ஸ்ஸுகீ² ॥ 18 ॥
இதீவ ராமோ ப³ஹுஸங்க³தம் வச: ப்ரியாஸஹாய ஸ்ஸரிதம் ப்ரதி ப்³ருவன் ।
சசார ரம்யம் நயனாஞ்ஜனப்ரப⁴ம் ஸ சித்ரகூடம் ரகு⁴வம்ஶவர்த⁴ன: ॥ 19 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சனவதிதமஸ்ஸர்க:³ ॥
