ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தாஶீதிதமஸ்ஸர்க:³ ।
கு³ஹஸ்ய வசனம் ஶ்ருத்வா ப⁴ரதோ ப்⁴ருஶமப்ரியம் ।
த்⁴யானம் ஜகா³ம தத்ரைவ யத்ர தச்ச்²ருதமப்ரியம் ॥ 1 ॥
ஸுகுமாரோ மஹாஸத்த்வஸ்ஸிம்ஹஸ்கந்தோ⁴ மஹாபு⁴ஜ: ।
புண்ட³ரீகவிஶாலாக்ஷ ஸ்தருண: ப்ரியத³ர்ஶன: ॥ 2 ॥
ப்ரத்யாஶ்வஸ்ய முஹூர்தம் து காலம் பரமது³ர்மனா: ।
பபாத ஸஹஸா தோத்ரைர்ஹ்யதிவித்³த⁴ இவ த்³விப: ॥ 3 ॥
தத³வஸ்த²ம் து ப⁴ரதம் ஶத்ருக்⁴னோனந்தரஸ்தி²த: ।
பரிஷ்வஜ்ய ருரோதோ³ச்சைர்விஸஞ்ஜ்ஞஶ்ஶோககர்ஶித: ॥ 4 ॥
ததஸ்ஸர்வாஸ்ஸமாபேதுர்மாதரோ ப⁴ரதஸ்ய தா: ।
உபவாஸக்ருஶா தீ³னா ப⁴ர்த்ருவ்யஸனகர்ஶிதா: ॥ 5 ॥
தாஶ்ச தம் பதிதம் பூ⁴மௌ ருத³ந்த்ய: பர்யவாரயன் ।
கௌஸல்யா த்வனுஸ்ருத்யைனம் து³ர்மனா: பரிஷஸ்வஜே ॥ 6 ॥
வத்ஸலா ஸ்வம் யதா² வத்ஸமுபகூ³ஹ்ய தபஸ்வினீ ।
பரிபப்ரச்ச² ப⁴ரதம் ருத³ந்தீ ஶோகலாலஸா ॥ 7 ॥
புத்ர வ்யாதி⁴ர்ன தே கச்சிச்ச²ரீரம் பரிபா³த⁴தே ।
அத்³ய ராஜகுலஸ்யாஸ்ய த்வத³தீ⁴னம் ஹி ஜீவிதம் ॥ 8 ॥
த்வாம் த்³ருஷ்ட்வா புத்ர ஜீவாமி ராமே ஸப்⁴ராத்ருகேக³தே ।
வ்ருத்தே த³ஶரதே² ராஜ்ஞி நாத² ஏகஸ்த்வமத்³ய ந: ॥ 9 ॥
கச்சின்ன லக்ஷ்மணே புத்ர ஶ்ருதம் தே கிஞ்சத³ப்ரியம் ।
புத்ரே வாப்யேகபுத்ராயா ஸ்ஸஹபா⁴ர்யே வனம் க³தே ॥ 1௦ ॥
ஸ முஹூர்தம் ஸமாஶ்வஸ்ய ருத³ன்னேவ மஹாயஶா: ।
கௌஸல்யாம் பரிஸாந்த்வேத்³யம் கு³ஹம் வசனமப்³ரவீத் ॥ 11 ॥
ப்⁴ராதா மே க்வாவஸத்³ராத்ரௌ க்வ ஸீதா க்வ ச லக்ஷ்மண: ।
அஸ்வபச்ச²யனே கஸ்மின் கிம் பு⁴க்த்வா கு³ஹ ஶம்ஸ மே ॥ 12 ॥
ஸோப்³ரவீத்³ப⁴ரதம் ஹ்ருஷ்டோ நிஷாதா³தி⁴பதிர்கு³ஹ: ।
யத்³வித⁴ம் ப்ரதிபேதே³ ச ராமே ப்ரியஹிதேதிதௌ² ॥ 13 ॥
அன்னமுச்சாவசம் ப⁴க்ஷா: ப²லானி விவிதா⁴னி ச ।
ராமாயாப்⁴யவஹாரார்த²ம் ப³ஹுசோபஹ்ருதம் மயா ॥ 14 ॥
தத்ஸர்வம் ப்ரத்யனுஜ்ஞாஸீத்³ராம ஸ்ஸத்யபராக்ரம: ।
ந து தத்ப்ரத்யக்³ருஹ்ணாத்ஸ க்ஷத்ரத⁴ர்மமனுஸ்மரன் ॥ 15 ॥
ந ஹ்யஸ்மாபி⁴: ப்ரதிக்³ராஹ்யம் ஸகே² தே³யம் து ஸர்வதா³ ।
இதி தேன வயம் ராஜன்னநுனீதா மஹாத்மனா ॥ 16 ॥
லக்ஷ்மணேன ஸமானீதம் பீத்வா வாரி மஹாயஶா: ।
ஔபவாஸ்யம் ததா³கார்ஷீத்³ராக⁴வஸ்ஸஹ ஸீதயா ॥ 17 ॥
ததஸ்து ஜலஶேஷேண லக்ஷ்மணோப்யகரோத்ததா³ ।
வாக்³யதாஸ்தே த்ரய ஸ்ஸந்த்⁴யாம் ஸமுபாஸத ஸம்ஹிதா: ॥ 18 ॥
ஸௌமித்ரிஸ்து தத: பஶ்சாத³கரோத்ஸ்வாஸ்தரம் ஶுப⁴ம் ।
ஸ்வயமானீய ப³ர்ஹீம்ஷி க்ஷிப்ரம் ராக⁴வகாரணாத் ॥ 19 ॥
தஸ்மின்ஸமாவிஶத்³ராம ஸ்ஸ்வாஸ்தரே ஸஹ ஸீதயா ।
ப்ரக்ஷால்ய ச தயோ: பாதா³வபசக்ராம லக்ஷ்மண: ॥ 2௦ ॥
ஏதத்ததி³ங்கு³தீ³மூலமித³மேவ ச தத்த்ருணம் ।
யஸ்மின்ராமஶ்ச ஸீதா ச ராத்ரிம் தாம் ஶயிதாவுபௌ⁴ ॥ 21 ॥
நியம்ய ப்ருஷ்டே² து தலாங்கு³லித்ரவான் ஶரைஸ்ஸுபூர்ணாவிஷுதீ⁴ பரந்தப: ।
மஹாத்³த⁴னு ஸ்ஸஜ்யமுபோஹ்ய லக்ஷ்மணோ நிஶாமதிஷ்ட²த்பரிதோஸ்ய கேவலம் ॥ 22 ॥
தத ஸ்த்வஹஞ்சோத்தமபா³ணசாபத்⁴ருத் ஸ்தி²தோப⁴வம் தத்ர ஸ யத்ர லக்ஷ்மண: ।
அதந்த்³ரிதைர்ஜ்ஞாதிபி⁴ராத்தகார்முகைர்மஹேந்த்³ரகல்பம் பரிபாலயம்ஸ்ததா³ ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தாஶீதிதமஸ்ஸர்க:³ ॥
