ஶ்ரீமத்³வால்மீகீய ராமாயணே பா³லகாண்ட³ம் ।
அத² ஸப்தபஞ்சாஶஸ்ஸர்க:³ ।
ததஸ்ஸந்தப்தஹ்ருத³ய: ஸ்மரன்னிக்³ரஹமாத்மன: ।
வினிஶ்ஶ்வஸ்ய வினிஶ்ஶ்வஸ்ய க்ருதவைரோ மஹத்மனா ॥ 1 ॥
ஸ த³க்ஷிணாம் தி³ஶம் க³த்வா மஹிஷ்யா ஸஹ ராக⁴வ ।
ததாப பரமம் கோ⁴ரம் விஶ்வாமித்ரோ மஹத்தப: ॥ 2 ॥
ப²லமூலாஶனோ தா³ந்தஶ்சகார ஸுமஹத்தப: ।
அதா²ஸ்ய ஜஜ்ஞிரே புத்ராஸ்ஸத்யத⁴ர்மபராயணா: ।
ஹவிஷ்யந்தோ³ மது⁴ஷ்யந்தோ³ த்³ருட⁴னேத்ரோ மஹாரத:² ॥ 3 ॥
பூர்ணே வர்ஷஸஹஸ்ரே து ப்³ரஹ்மா லோகபிதாமஹ: ।
அப்³ரவீன்மது⁴ரம் வாக்யம் விஶ்வாமித்ரம் தபோத⁴னம் ॥ 4 ॥
சிதா ராஜர்ஷிலோகாஸ்தே தபஸா குஶிகாத்மஜ ।
அனேன தபஸா த்வாம் து ராஜர்ஷிரிதி வித்³மஹே ॥ 5 ॥
ஏவமுக்த்வா மஹாதேஜா ஜகா³ம ஸஹ தை³வதை: ।
த்ரிவிஷ்டபம் ப்³ரஹ்மலோகம் லோகானாம் பரமேஶ்வர: ॥ 6 ॥
விஶ்வாமித்ரோபி தச்ச்²ருத்வா ஹ்ரியா கிஞ்சித³வாங்முக:² ।
து³:கே²ன மஹதாவிஷ்டஸ்ஸமன்யுரித³மப்³ரவீத் ॥ 7 ॥
தபஶ்ச ஸுமஹத்தப்தம் ராஜர்ஷிரிதி மாம் விது³: ।
தே³வாஸ்ஸர்ஷிக³ணாஸ்ஸர்வே நாஸ்தி மன்யே தப:ப²லம் ॥ 8 ॥
இதி நிஶ்சித்ய மனஸா பூ⁴ய ஏவ மஹாதபா: ।
தபஶ்சகார காகுத்ஸ்த² பரமம் பரமாத்மவான் ॥ 9 ॥
ஏதஸ்மின்னேவ காலே து ஸத்யவாதீ³ ஜிதேந்த்³ரிய: ।
த்ரிஶங்குரிதி விக்²யாத இக்ஷ்வாகுகுலவர்த⁴ன: ॥ 1௦ ॥
தஸ்ய பு³த்³தி⁴ஸ்ஸமுத்பன்னா யஜேயமிதி ராக⁴வ ।
க³ச்சே²யம் ஸ்வஶரீரேண தே³வானாம் பரமாம் க³திம் ॥ 11 ॥
ஸ வஸிஷ்ட²ம் ஸமாஹூய கத²யாமாஸ சிந்திதம் ।
அஶக்யமிதி சாப்யுக்தோ வஸிஷ்டே²ன மஹாத்மனா ॥ 12 ॥
ப்ரத்யாக்²யாதோ வஸிஷ்டே²ன ஸ யயௌத³க்ஷிணாம் தி³ஶம் ।
ததஸ்தத்கர்மஸித்³த்⁴யர்த²ம் புத்ராம் ஸ்தஸ்ய க³தோ ந்ருப: ॥ 13 ॥
வாஸிஷ்டா² தீ³ர்க⁴தபஸஸ்தபோ யத்ர ஹி தேபிரே ।
த்ரிஶம்ங்குஸ்ஸுமஹாதேஜா ஶ்ஶதம் பரமபா⁴ஸ்வரம் ॥ 14 ॥
வஸிஷ்ட²புத்ரான் த³த்³ருஶே தப்யமானான் யஶஸ்வின: ।
ஸோபி⁴க³ம்ய மஹாத்மனஸ்ஸர்வானேவ கு³ரோஸ்ஸுதான் ॥ 15 ॥
அபி⁴வாத்³யானுபூர்வ்யேண ஹ்ரியா கிஞ்சித³வாங்முக:² ।
அப்³ரவீத்ஸுமஹாப⁴கா³ன்ஸர்வானேவ க்ருதாஞ்ஜலி: ॥ 16 ॥
ஶரணம் வ: ப்ரபத்³யேஹம் ஶரண்யான் ஶரணாக³த: ।
ப்ரத்யாக்²யாதோஸ்மி ப⁴த்³ரம் வோ வஸிஷ்டே²ன மஹாத்மனா ॥ 17 ॥
யஷ்டுகாமோ மஹாயஜ்ஞம் தத³னுஜ்ஞாதுமர்ஹத² ।
கு³ருபுத்ரானஹம் ஸர்வான்னமஸ்க்ருத்ய ப்ரஸாத³யே ॥ 18 ॥
ஶிரஸா ப்ரணதோ யாசே ப்³ராஹ்மணான் தபஸி ஸ்தி²தான் ।
தே மாம் ப⁴வந்தஸ்ஸித்³த்⁴யர்த²ம் யாஜயந்து ஸமாஹிதா: ॥ 19 ॥
ஸஶரீரோ யதா²ஹம் ஹி தே³வலோகமவாப்னுயாம் ।
ப்ரத்யாக்²யாதோ வஸிஷ்டே²ன க³திமன்யாம் தபோத⁴னா: ॥ 2௦ ॥
கு³ருபுத்ரான்ருதே ஸர்வான்னாஹம் பஶ்யாமி காஞ்சன ।
இக்ஷ்வாகூணாம் ஹி ஸர்வேஷாம் புரோதா⁴: பரமா க³தி: ॥ 21 ॥
புரோத⁴ஸஸ்து வித்³வாம்ஸஸ்தாரயந்தி ஸதா³ ந்ருபான் ।
தஸ்மாத³னந்தரம் ஸர்வே ப⁴வந்தோ தை³வதம் மம ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஸப்தபஞ்சாஶஸ்ஸர்க:³ ॥
