ஶ்ரீமத்³வால்மீகீய ராமாயணே பா³லகாண்ட³ம் ।
அத² ஷட்சத்வாரிம்ஶஸ்ஸர்க:³ ।
ஹதேஷு தேஷு புத்ரேஷு தி³தி: பரமது³:கி²தா ।
மாரீசம் காஶ்யபம் ராம ப⁴ர்தாரமித³மப்³ரவீத் ॥ 1 ॥
ஹதபுத்ராஸ்மி ப⁴க³வம்ஸ்தவ புத்ரைர்மஹாப³லை: ।
ஶக்ரஹந்தாரமிச்சா²மி புத்ரம் தீ³ர்க⁴தபோர்ஜிதம் ॥ 2 ॥
ஸாஹம் தபஶ்சரிஷ்யாமி க³ர்ப⁴ம் மே தா³துமர்ஹஸி ।
ஈஶ்வரம் ஶக்ரஹந்தாரம் த்வமனுஜ்ஞாதுமர்ஹஸி ॥ 3 ॥
தஸ்யாஸ்தத்³வசனம் ஶ்ருத்வா மாரீச: காஶ்யபஸ்ததா³ ।
ப்ரத்யுவாச மஹாதேஜா தி³திம் பரமது³:கி²தாம் ॥ 4 ॥
ஏவம் ப⁴வது, ப⁴த்³ரம் தே ஶுசிர்ப⁴வ தபோத⁴னே ।
ஜனயிஷ்யஸி புத்ரம் த்வம் ஶக்ரஹந்தாரமாஹவே ॥ 5 ॥
பூர்ணே வர்ஷஸஹஸ்ரே து ஶுசிர்யதி³ ப⁴விஷ்யஸி ।
புத்ரம் த்ரைலோக்யப⁴ர்தாரம் மத்தஸ்த்வம் ஜனயிஷ்யஸி ॥ 6 ॥
ஏவமுக்த்வா மஹாதேஜா: பாணினா ஸ மமார்ஜ தாம் ।
ஸமாலப்⁴ய ததஸ்ஸ்வஸ்தீத்யுக்த்வா ஸ தபஸே யயௌ ॥ 7 ॥
க³தே தஸ்மின்னரஶ்ஶ்ரேஷ்ட² தி³தி: பரமஹர்ஷிதா ।
குஶப்லவனமாஸாத்³ய தபஸ்தேபே ஸுதா³ருணம் ॥ 8 ॥
தபஸ்தஸ்யாம் ஹி குர்வந்த்யாம் பரிசர்யாம் சகார ஹ ।
ஸஹஸ்ராக்ஷோ நரஶ்ஶ்ரேஷ்ட² பரயா கு³ணஸம்பதா³ ॥ 9 ॥
அக்³னிம் குஶான் காஷ்ட²மப: ப²லம் மூலம் ததை²வ ச ।
ந்யவேத³யத்ஸஹஸ்ராக்ஷோ யச்சான்யத³பி காங்க்ஷிதம் ॥ 1௦ ॥
கா³த்ரஸம்வஹனஶ்சைவ ஶ்ரமாபனயனைஸ்ததா² ।
ஶக்ரஸ்ஸர்வேஷு காலேஷு தி³திம் பரிசசார ஹ ॥ 11 ॥
அத² வர்ஷஸஹஸ்ரே து த³ஶோனே ரகு⁴னந்த³ன ।
தி³தி: பரமஸம்ப்ரீதா ஸஹஸ்ராக்ஷமதா²ப்³ரவீத் ॥ 12 ॥
யாசிதேன ஸுரஶ்ரேஷ்ட² தவ பித்ரா மஹாத்மனா ।
வரோ வர்ஷஸஹஸ்ராந்தே த³த்தோ மம ஸுதம் ப்ரதி ॥ 13 ॥
தபஶ்சரந்த்யா வர்ஷாணி த³ஶ வீர்யவதாம் வர ।
அவஶிஷ்டானி ப⁴த்³ரம் தே ப்⁴ராதரம் த்³ரக்ஷ்யஸே தத: ॥ 14 ॥
தமஹம் த்வத்க்ருதே புத்ர ஸமாதா⁴ஸ்யே ஜயோத்ஸுகம் ।
த்ரைலோக்யவிஜயம் புத்ர ஸஹ போ⁴க்ஷ்யஸி விஜ்வர: ॥ 15 ॥
ஏவமுக்த்வா தி³திஶ்ஶக்ரம் ப்ராப்தே மத்⁴யம் தி³வாகரே ।
நித்³ரயாபஹ்ருதா தே³வீ பாதௌ³ க்ருத்வாத² ஶீர்ஷத: ॥ 16 ॥
த்³ருஷ்ட்வா தாமஶுசிம் ஶக்ர: பாத³த: க்ருதமூர்தஜ⁴ாம் ।
ஶிரஸ்ஸ்தா²னே க்ருதௌ பாதௌ³ ஜஹாஸ ச முமோத³ ச ॥ 17 ॥
தஸ்யாஶ்ஶரீரவிவரம் விவேஶ ச புரந்த³ர: ।
க³ர்ப⁴ம் ச ஸப்ததா⁴ ராம பி³பே⁴த³ பரமாத்மவான் ॥ 18 ॥
பி⁴த்³யமானஸ்ததோ க³ர்போ⁴ வஜ்ரேண ஶதபர்வணா ।
ருரோத³ ஸுஸ்வரம் ராம ததோ தி³திரபு³த்⁴யத ॥ 19 ॥
மா ருதோ³ மா ருத³ஶ்சேதி க³ர்ப⁴ம் ஶக்ரோப்⁴யபா⁴ஷத ।
பி³பே⁴த³ ச மஹாதேஜா ருத³ந்தமபி வாஸவ: ॥ 2௦ ॥
ந ஹந்தவ்யோ ந ஹந்தவ்ய இத்யேவம் தி³திரப்³ரவீத் ।
நிஷ்பபாத ததஶ்ஶக்ரோ மாதுர்வசனகௌ³ரவாத் ॥ 21 ॥
ப்ராஞ்ஜலிர்வஜ்ரஸஹிதோ தி³திம் ஶக்ரோப்⁴யபா⁴ஷத ।
அஶுசிர்தே³வி ஸுப்தாஸி பாத³யோ: க்ருதமூர்தஜ⁴ா ॥ 22 ॥
தத³ந்தரமஹம் லப்³த்⁴வா ஶக்ரஹந்தாரமாஹவே ।
அபி⁴த³ம் ஸப்ததா⁴ தே³வி தன்மே த்வம் க்ஷந்துமர்ஹஸி ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஷட்சத்வாரிம்ஶஸ்ஸர்க:³ ॥
