ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஷோட³ஶஸ்ஸர்க:³ ।
தாமேவம் ப்³ருவதீம் தாராம் தாராதி⁴பனிபா⁴னநாம் ।
வாலீ நிர்ப⁴ர்த்ஸயாமாஸ வசனம் சேத³மப்³ரவீத் ॥ 1 ॥
க³ர்ஜதோஸ்ய ச ஸுஸம்ப்⁴ரஶ்ச ப்⁴ராது: ஶத்ரோர்விஶேஷத: ।
மர்ஷயிஷ்யாம்யஹம் கேன காரணேன வரானநே ॥ 2 ॥
அத⁴ர்ஷிதானாம் ஶூராணாம் ஸமரேஷ்வனிவர்தினாம் ।
த⁴ர்ஷணாமர்ஷணம் பீ⁴ரு மரணாத³திரிச்யதே ॥ 3 ॥
ஸோடு⁴ம் ந ச ஸமர்தோ²ஹம் யுத்³த⁴காமஸ்ய ஸம்யுகே³ ।
ஸுக்³ரீவஸ்ய ச ஸம்ரம்ப⁴ம் ஹீனக்³ரீவஸ்ய க³ர்ஜத: ॥ 4 ॥
ந ச கார்யோ விஷாத³ஸ்தே ராக⁴வம் ப்ரதி மத்க்ருதே ।
த⁴ர்மஜ்ஞஶ்ச க்ருதஜ்ஞஶ்ச கத²ம் பாபம் கரிஷ்யதி ॥ 5 ॥
நிவர்தஸ்வ ஸஹ ஸ்த்ரீபி⁴: கத²ம் பூ⁴யோனுக³ச்ச²ஸி ।
ஸௌஹ்ருத³ம் த³ர்ஶிதம் தாரே மயி ப⁴க்தி: க்ருதா த்வயா ॥ 6 ॥
ப்ரதியோத்ஸ்யாம்யஹம் க³த்வா ஸுக்³ரீவம் ஜஹி ஸம்ப்⁴ரமம் ।
த³ர்பமாத்ரம் வினேஷ்யாமி ந ச ப்ராணைர்விமோக்ஷ்யதே ॥ 7 ॥
அஹம் ஹ்யாஜௌஸ்தி²தஸ்யாஸ்ய கரிஷ்யாமி யதே²ப்ஸிதம் ।
வ்ருக்ஷைர்முஷ்டிப்ரஹாரைஶ்ச பீடி³த: ப்ரதியாஸ்யதி ॥ 8 ॥
ந மே க³ர்விதமாயஸ்தம் ஸஹிஷ்யதி து³ராத்மவான் ।
க்ருதம் தாரே ஸஹாம்யத்வம் ஸௌஹ்ருத³ம் த³ர்ஶிதம் மயி ॥ 9 ॥
ஶாபிதாபி மம ப்ராணைர்னிவர்தஸ்வ ஜயேன ச ।
அஹம் ஜித்வா நிவர்திஷ்யே தமஹம் ப்⁴ராதரம் ரணே ॥ 1௦ ॥
தம் து தாரா பரிஷ்வஜ்ய வாலினம் ப்ரியவாதி³னீ ।
சகார ருத³தீ மந்த³ம் த³க்ஷிணா ஸா ப்ரத³க்ஷிணம் ॥ 11 ॥
தத: ஸ்வஸ்த்யயனம் க்ருத்வா மந்த்ரவித்³விஜயைஷிணீ ।
அந்த:புரம் ஸஹ ஸ்த்ரீபி⁴: ப்ரவிஷ்டா ஶோகமோஹிதா ॥ 12 ॥
ப்ரவிஷ்டாயாம் து தாராயாம் ஸஹ ஸ்த்ரீபி⁴ஸ்ஸ்வமாலயம் ।
நக³ரான்னிர்யயௌ க்ருத்³தோ⁴ மஹாஸர்ப இவ ஶ்வஸன் ॥ 13 ॥
ஸ நிஶ்ஶ்வஸ்ய மஹாதேஜா வாலீ பரமரோஷண: ।
ஸர்வதஶ்சாரயன் த்³ருஷ்டிம் ஶத்ருத³ர்ஶனகாங்க்ஷயா ॥ 14 ॥
ஸ த³த³ர்ஶ ததஶ்ஶ்ரீமான் ஸுக்³ரீவம் ஹேமபிங்க³லம் ।
ஸுஸம்வீதமவஷ்டப்³த⁴ம் தீ³ப்யமானமிவானலம் ॥ 15 ॥
ஸ தம் த்³ருஷ்ட்வா மஹாவீர்யம் ஸுக்³ரீவம் பர்யவஸ்தி²தம் ।
கா³ட⁴ம் பரித³தே⁴ வாஸோ வாலீ பரமரோஷண: ॥ 16 ॥
ஸ வாலீ கா³ட⁴ஸம்வீதோ முஷ்டிமுத்³யம்ய வீர்யவான் ।
ஸுக்³ரீவமேவாபி⁴முகோ² யயௌ யோத்³து⁴ம் க்ருதக்ஷண: ॥ 17 ॥
ஶ்லிஷ்டம் முஷ்டிம் ஸமுத்³யம்ய ஸம்ரப்³த⁴தரமாக³த: ।
ஸுக்³ரீவோபி ஸமுத்³தி³ஶ்ய வாலினம் ஹேமமாலினம் ॥ 18 ॥
தம் வாலீ க்ரோத⁴தாம்ராக்ஷஸ்ஸுக்³ரீவம் ரணபண்டி³தம் ।
ஆபதந்தம் மஹாவேக³மித³ம் வசனமப்³ரவீத் ॥ 19 ॥
ஏஷ முஷ்டிர்மயாப³த்³தோ⁴ கா³ட⁴ஸ்ஸன்னிஹிதாங்கு³லி: ।
மயா வேக³விமுக்தஸ்தே ப்ராணானாதா³ய யாஸ்யதி ॥ 2௦ ॥
ஏவமுக்தஸ்து ஸுக்³ரீவ: க்ருத்³தோ⁴ வாலினமப்³ரவீத் ।
தவைவ சா ஹரன்ப்ராணான்முஷ்டி: பதது மூர்த⁴னி ॥ 21 ॥
தாடி³தஸ்தேன ஸங்க்ருத்³த⁴ஸ்ஸமபி⁴க்ரம்ய வேகி³த: ।
அப⁴வச்சோ²ணிதோத்³கா³ரீ ஸோத்பீட³ இவ பர்வத: ॥ 22 ॥
ஸுக்³ரீவேண து நிஸ்ஸங்க³ம் ஸாலமுத்பாட்ய தேஜஸா ।
கா³த்ரேஷ்வபி⁴ஹதோ வாலீ வஜ்ரேணேவ மஹாகி³ரி: ॥ 23 ॥
ஸ து வாலீ ப்ரசலிதஸ்ஸாலதாட³னவிஹ்வல: ।
கு³ருபா⁴ரஸமாக்ராந்தோ நௌ ஸார்த² இவ ஸாக³ரே ॥ 24 ॥
தௌ பீ⁴மப³லவிக்ராந்தௌ ஸுபர்ணஸமவேகி³னௌ ।
ப்ரவ்ருத்³தௌ⁴ கோ⁴ரவபுஷௌ சந்த்³ரஸூர்யாவிவாம்ப³ரே ।
பரஸ்பரமமித்ரக்⁴னௌ ச்சி²த்³ரான்வேஷணதத்பரௌ ॥ 25 ॥
ததோவர்த⁴த வாலீ து ப³லவீர்யஸமன்வித: ।
ஸூர்யபுத்ரோ மஹாவீர்யஸ்ஸுக்³ரீவ: பரிஹீயதே ॥ 26 ॥
வாலினா ப⁴க்³னத³ர்பஸ்து ஸுக்³ரீவோ மந்த³விக்ரம: ।
வாலினம் ப்ரதி ஸாமர்ஷோ த³ர்ஶயாமாஸ லாக⁴வம் ॥ 27 ॥
வ்ருக்ஷை: ஸ்ஸஶாகை² ஸ்ஸஶிகை²ர்வஜ்ரகோடினிபை⁴ர்னகை²: ॥ 28 ॥
முஷ்டிபி⁴ர்ஜானுபி⁴: பத்³பி⁴ர்பா³ஹுபி⁴ஶ்ச புன: புன: ।
தயோர்யுத்³த⁴மபூ⁴த்³கோ⁴ரம் வ்ருத்ரவாஸவயோரிவ ॥ 29 ॥
தௌ ஶோணிதாக்தௌ யுத்⁴யேதாம் வானரௌ வனசாரிணௌ ।
மேகா⁴விவ மஹாஶப்³தை³ ஸ்தர்ஜமானௌ பரஸ்பரம் ॥ 3௦ ॥
ஹீயமானமதோ²பஶ்யத்ஸுக்³ரீவம் வானரேஶ்வரம் ।
வீக்ஷமாணம் தி³ஶஶ்சைவ ராக⁴வஸ்ஸ முஹுர்முஹு: ॥ 31 ॥
ததோ ராமோ மஹாதேஜா ஆர்தம் த்³ருஷ்ட்வா ஹரீஶ்வரம் ।
ஶரம் ச வீக்ஷதே வீரோ வாலினோ வத⁴காரணாத் ॥ 32 ॥
ததோ த⁴னுஷி ஸந்தா⁴ய ஶரமாஶீவிஷோபமம் ।
புரயாமாஸ தச்சாபம் காலசக்ரமிவாந்தக: ॥ 33 ॥
தஸ்ய ஜ்யாதலகோ⁴ஷேண த்ரஸ்தா: பத்ரரதே²ஶ்வரா: ।
ப்ரது³த்³ருவுர்ம்ருகா³ஶ்சைவ யுகா³ந்த இவ மோஹிதா: ॥ 34 ॥
முக்தஸ்து வஜ்ரனிர்கோ⁴ஷ: ப்ரதீ³ப்தாஶனிஸன்னிப:⁴ ।
ராக⁴வேண மஹாபா³ணோ வாலிவக்ஷஸி பாதித: ॥ 35 ॥
ததஸ்தேன மஹாதேஜா வீயௌடத்ஸிக்த: கபீஶ்வர: ।
வேகே³னாபி⁴ஹதோ வாலீ நிபபாத மஹீதலே ॥ 36 ॥
இந்த்³ரத்⁴வஜ இவோத்³தூ⁴த: பௌர்ணமாஸ்யாம் மஹீதலே ।
ஆஶ்வயுக்ஸமயே மாஸி க³தஶ்ரீகோ விசேதன: ॥ 37 ॥
நரோத்தம: காலயுகா³ந்தகோபமம் ஶரோத்தமம் காஞ்சனரூப்யபு⁴ஷிதம் ।
ஸஸர்ஜ தீ³ப்தம் தமமித்ரமர்த³னம் ஸதூ⁴மமக்³னிம் முக²தோ யதா² ஹர: ॥ 38 ॥
அதோ²க்ஷிதஶ்ஶோணிததோயவிஸ்ரவை ஸ்ஸுபுஷ்பிதாஶோக இவானிலோத்³த⁴த: ।
விசேதனோ வாஸவஸூனுராஹவே விப்⁴ரம்ஶிதேந்த்³ரத்⁴வஜவத்க்ஷிதிம் க³த: ॥ 39 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஷோட³ஶஸ்ஸர்க:³ ॥
