ஶ்ரீமத்³வால்மீகீய ராமாயணே பா³லகாண்ட³ம் ।
அத² அஷ்டத்ரிம்ஶஸ்ஸர்க:³ ।
தாம் கதா²ம் கௌஶிகோ ராமே நிவேத்³ய குஶிகாத்மஜ: ।
புனரேவாபரம் வாக்யம் காகுத்ஸ்த² மித³மப்³ரவீத் ॥ 1 ॥
அயோத்⁴யாதி⁴பதி ஶ்ஶூர: பூர்வமாஸீன்னராதி⁴ப: ।
ஸக³ரோ நாம த⁴ர்மாத்மா ப்ரஜாகாமஸ்ஸ சாப்ரஜ: ॥ 2 ॥
வைத³ர்ப⁴து³ஹிதா ராம கேஶினீ நாம நாமத: ।
ஜ்யேஷ்டா² ஸக³ரபத்னீ ஸா த⁴ர்மிஷ்டா² ஸத்யவாதி³னீ ॥ 3 ॥
அரிஷ்டனேமேர்து³ஹிதா ரூபேணாப்ரதிமா பு⁴வி ।
த்³விதீயா ஸக³ரஸ்யாஸீத்பத்னீ ஸுமதிஸஞ்ஜ்ஞிதா ॥ 4 ॥
தாப்⁴யாம் ஸஹ மஹாராஜ: பத்னீப்⁴யாம் தப்தவாம்ஸ்தப: ।
ஹிமவந்தம் ஸமாஸாத்³ய ப்⁴ருகு³ப்ரஸ்ரவணே கி³ரௌ ॥ 5 ॥
அத² வர்ஷஶதே பூர்ணே தபஸாராதி⁴தோ முனி: ।
ஸக³ராய வரம் ப்ராதா³த்³ப்⁴ருகு³ஸ்ஸத்யவதாம் வர: ॥ 6 ॥
அபத்யலாப⁴ஸ்ஸுமஹான் ப⁴விஷ்யதி தவானக⁴ ।
கீர்திம் சாப்ரதிமாம் லோகே ப்ராப்ஸ்யஸே புருஷர்ஷப⁴ ॥ 7 ॥
ஏகா ஜனயிதா தாத புத்ரம் வம்ஶகரம் தவ ।
ஷஷ்டி²ம் புத்ரஸஹஸ்ராணி அபரா ஜனயிஷ்யதி ॥ 8 ॥
பா⁴ஷமாணம் மஹாத்மானம் ராஜபுத்ர்யௌ ப்ரஸாத்³ய தம் ।
ஊசது: பரமப்ரீதே க்ருதாஞ்ஜலிபுடே ததா³ ॥ 9 ॥
ஏக: கஸ்யாஸ்ஸுதோ ப்³ரஹ்மன் கா ப³ஹூன் ஜனயிஷ்யதி ।
ஶ்ரோதுமிச்சா²வஹே ப்³ரஹ்மன் ஸத்யமஸ்து வசஸ்தவ ॥ 1௦ ॥
தயோஸ்தத்³வசனம் ஶ்ருத்வா ப்⁴ருகு³: பரமதா⁴ர்மிக: ।
உவாச பரமாம் வாணீம் ஸ்வச்ச²ந்தோ³த்ர விதீ⁴யதாம் ॥ 11 ॥
ஏகோ வம்ஶகரோ வாஸ்து ப³ஹவோ வா மஹாப³லா: ।
கீர்திமந்தோ மஹோத்ஸாஹா: கா வா கம் வரமிச்ச²தி ॥ 12 ॥
முனேஸ்து வசனம் ஶ்ருத்வா கேஶினீ ரகு⁴னந்த³ன ।
புத்ரம் வம்ஶகரம் ராம ஜக்³ராஹ ந்ருபஸன்னிதௌ⁴ ॥ 13 ॥
ஷஷ்டி²ம் புத்ரஸஹஸ்ராணி ஸுபர்ணப⁴கி³னீ ததா³ ।
மஹோத்ஸாஹான் கீர்திமதோ ஜக்³ராஹ ஸுமதி: ஸுதான் ॥ 14 ॥
ப்ரத³க்ஷிணம்ருஷிம் க்ருத்வா ஶிரஸாபி⁴ப்ரணம்ய ச ।
ஜகா³ம ஸ்வபுரம் ராஜா ஸபா⁴ர்யோ ரகு⁴னந்த³ன ॥ 15 ॥
அத² காலே க³தே தஸ்மின் ஜ்யேஷ்டா² புத்ரம் வ்யஜாயத ।
அஸமஞ்ஜ இதி க்²யாதம் கேஶினீ ஸக³ராத்மஜம் ॥ 16 ॥
ஸுமதிஸ்து நரவ்யாக்⁴ர க³ர்ப⁴தும்ப³ம் வ்யஜாயத ।
ஷஷ்டி²: புத்ரஸஹஸ்ராணி தும்ப³பே⁴தா³த்³வினி:ஸ்ருதா: ॥ 17 ॥
க்⁴ருதபூர்ணேஷு கும்பே⁴ஷு தா⁴த்ர்யஸ்தான் ஸமவர்த⁴யன் ।
காலேன மஹதா ஸர்வே யௌவனம் ப்ரதிபேதி³ரே ॥ 18 ॥
அத² தீ³ர்கே⁴ண காலேன ரூபயௌவனஶாலின: ।
ஷஷ்டி: புத்ரஸஹஸ்ராணி ஸக³ரஸ்யாப⁴வம்ஸ்ததா³ ॥ 19 ॥
ஸ ச ஜ்யேஷ்டோ² நரஶ்ரேஷ்ட² ஸக³ரஸ்யாத்மஸம்ப⁴வ: ।
பா³லான் க்³ருஹீத்வா து ஜலே ஸரய்வா ரகு⁴னந்த³ன ॥ 2௦ ॥
ப்ரக்ஷிப்ய ப்ரஹஸன்னித்யம் மஜ்ஜதஸ்தான் ஸமீக்ஷ்ய வை ।
ஏவம் பாபஸமாசாரஸ்ஸஜ்ஜனப்ரதிபா³த⁴க: ॥ 21 ॥
பௌராணாமஹிதே யுக்த: புத்ரோ நிர்வாஸித: புராத் ।
தஸ்ய புத்ரோம்ஶுமான்னாம அஸமஞ்ஜஸ்ய வீர்யவான் ॥ 22 ॥
ஸம்மத ஸ்ஸர்வலோகஸ்ய ஸர்வஸ்யாபி ப்ரியம்வத:³ ।
தத: காலேன மஹதா மதிஸ்ஸமபி⁴ஜாயத ॥ 23 ॥
ஸக³ரஸ்ய நரஶ்ரேஷ்ட² யஜேயமிதி நிஶ்சிதா ।
ஸ க்ருத்வா நிஶ்சயம் ராம ஸோபாத்⁴யாயக³ணஸ்ததா³ ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ அஷ்டத்ரிம்ஶஸ்ஸர்க:³ ॥
