ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சத³ஶஸ்ஸர்க:³ ।
தே து தாம் ரஜனீமுஷ்ய ப்³ராஹ்மணா வேத³பாரகா³: ।
உபதஸ்து²ருபஸ்தா²னம் ஸஹ ராஜபுரோஹிதா: ॥ 1 ॥
அமாத்யா ப³லமுக்²யாஶ்ச முக்²யா யே நிக³மஸ்ய ச ।
ராக⁴வஸ்யாபி⁴ஷேகார்தே² ப்ரியமாணாஸ்து ஸங்க³தா: ॥ 2 ॥
உதி³தே விமலே ஸூர்யே புஷ்யே சாப்⁴யாக³தேஹனி ।
லக்³னே கர்கடகே ப்ராப்தே ஜன்ம ராமஸ்ய ச ஸ்தி²தே ॥ 3 ॥
அபி⁴ஷேகாய ராமஸ்ய த்³விஜேந்த்³ரைருபகல்பிதம் ।
காஞ்சனா ஜலகும்பா⁴ஶ்ச ப⁴த்³ரபீட²ம் ஸ்வலங்க்ருதம் ।
2.15,4 ।
ரத:² ச ஸம்யகா³ஸ்தீர்ணோ பா⁴ஸ்வதா வ்யாக்⁴ரசர்மணா ।
க³ங்கா³யமுனயோ:புண்யாத்ஸங்க³மாதா³ஹ்ருதம் ஜலம் ॥ 4 ॥
யாஶ்சான்யா ஸ்ஸரித: புண்யா ஹ்ரதா³: கூபா ஸ்ஸராம்ஸி ச ।
ப்ராக்³வாஹாஶ்சோர்த்⁴வவாஹாஶ்ச திர்யக்³வாஹா ஸ்ஸமாஹிதா: ॥ 5 ॥
தாப்⁴யஶ்சைவாஹ்ருதம் தோயம் ஸமுத்³ரேப்⁴யஶ்ச ஸர்வஶ: ।
ஸலாஜா: க்ஷீரிபி⁴ஶ்ச²ன்னா க⁴டா: காஞ்சனராஜதா: ॥ 6 ॥
பத்³மோத்பலயுதா பா⁴ந்தி பூர்ணா: பரமவாரிணா ।
க்ஷௌத்³ரம் த³தி⁴ க்⁴ருதம் லாஜா த³ர்பா⁴ ஸ்ஸுமனஸ: பய: ॥ 7 ॥
வேஶ்யாஶ்சைவ ஶுபா⁴சாரா ஸ்ஸர்வாப⁴ரணபூ⁴ஷிதா: ।
சந்த்³ராம்ஶுவிகசப்ரக்²யம் காஞ்சனம் ரத்னபூ⁴ஷிதம் ॥ 8 ॥
ஸஜ்ஜம் திஷ்ட²தி ராமஸ்ய வாலவ்யஜனமுத்தமம் ।
சந்த்³ரமண்ட³லஸங்காஶமாதபத்ரம் ச பாண்டு³ரம் ॥ 9 ॥
ஸஜ்ஜம் த்³யுதிகரம் ஶ்ரீமத³பி⁴ஷேகபுரஸ்க்ருதம் ।
பாண்டு³ரஶ்ச வ்ருஷஸ்ஸஜ்ஜ: பாண்டு³ரோஶ்வஶ்ச ஸுஸ்தி²த: ॥ 1௦ ॥
ப்ரஸ்ருதஶ்ச கஜ³:ஶ்ரீமானௌபவாஹ்ய: ப்ரதீக்ஷதே ।
அஷ்டௌ ச கன்யா மாங்க³ல்யா ஸ்ஸர்வாப⁴ரணபூ⁴ஷிதா: ॥ 11 ॥
வாதி³த்ராணி ச ஸர்வாணி வந்தி³னஶ்ச ததா²பரே ।
இக்ஷ்வாகூணாம் யதா² ராஜ்யே ஸம்ப்⁴ரியேதாபி⁴ஷேசனம் ॥ 12 ॥
ததா²ஜாதீயமாதா³ய ராஜபுத்ராபி⁴ஷேசனம் ।
தே ராஜவசனாத்தத்ர ஸமவேதாமஹீபதிம் ॥ 13 ॥
அபஶ்யந்தோப்³ருவன் கோ நு ராஜ்ஞோ ந: ப்ரதிவேத³யேத் ।
ந பஶ்யாமஶ்ச ராஜானமுதி³தஶ்ச தி³வாகர: ॥ 14 ॥
யௌவராஜ்யாபி⁴ஷேகஶ்ச ஸஜ்ஜோ ராமஸ்ய தீ⁴மத: ।
இதி தேஷு ப்³ருவாணேஷு ஸார்வபௌ⁴மான் மஹீபதீன் ॥ 15 ॥
அப்³ரவீத்தானித³ம் ஸர்வான்ஸுமந்த்ரோ ராஜஸத்க்ருத: ।
ராமம் ராஜ்ஞோ நியோகே³ன த்வரயா ப்ரஸ்தி²தோஸ்ம்யஹம் ॥ 16 ॥
பூஜ்யா ராஜ்ஞோ ப⁴வந்தஸ்து ராமஸ்ய ச விஶேஷத: ।
அயம் ப்ருச்சா²மி வசனாத்ஸுக²மாயுஷ்மதாமஹம் ॥ 17 ॥
ராஜ்ஞ: ஸம்ப்ரதி பு³த்³த⁴ஸ்ய யச்சாக³மனகாரணம் ।
இத்யுக்த்வாந்த: புரத்³வாரமாஜகா³ம புராணவித் ॥ 18 ॥
ஸதா³ஸக்தம் ச தத்³வேஶ்ம ஸுமந்த்ர: ப்ரவிவேஶ ஹ ।
துஷ்டாவாஸ்ய ததா³ வம்ஶம் ப்ரவிஶ்ய ஸ விஶாம்பதே: ॥ 19 ॥
ஶயனீயம் நரேந்த்³ரஸ்ய ததா³ஸாத்³ய வ்யதிஷ்ட²த ।
ஸோத்யாஸாத்³ய து தத்³வேஶ்ம திரஸ்கரணிமந்தரா ॥ 2௦ ॥
ஆஶீர்பி⁴ர்கு³ணயுக்தாபி⁴ ரபி⁴துஷ்டாவ ராக⁴வம் ।
ஸோமஸூர்யௌ ச காகுத்ஸ்த² ஶிவவைஶ்ரவணாவபி ॥ 21 ॥
வருணஶ்சாக்³னிரிந்த்³ரஶ்ச விஜயம் ப்ரதி³ஶந்து தே ।
க³தா ப⁴க³வதீ ராத்ரிரஹ: ஶிவமுபஸ்தி²தம் ॥ 22 ॥
பு³த்³த்⁴யஸ்வ ந்ருபஶார்தூ³ல குரு கார்யமனந்தரம் ।
ப்³ராஹ்மணா ப³லமுக்²யாஶ்ச நைக³மாஶ்சாக³தா ந்ருப ॥ 23 ॥
த³ர்ஶனம் தேபி⁴காங்க்ஷந்தே ப்ரதிபு³த்⁴யஸ்வ ராக⁴வ ।
ஸ்துவந்தம் தம் ததா³ ஸூதம் ஸுமந்த்ரம் மந்த்ரகோவித³ம் ॥ 24 ॥
ப்ரதிபு³த்⁴ய ததோ ராஜா இத³ம் வசனமப்³ரவீத் ।
ராமமானய ஸூதேதி யத³ஸ்யபி⁴ஹிதோனயா ॥ 25 ॥
கிமித³ம் காரணம் யேன மமாஜ்ஞா ப்ரதிஹன்யதே ।
ந சைவ ஸம்ப்ரஸுப்தோஹமானயேஹாஶு ராக⁴வம் ॥ 26 ॥
இதி ராஜா த³ஶரத² ஸ்ஸூதம் தத்ரான்வஶாத்புன: ।
ஸ ராஜவசனம் ஶ்ருத்வா ஶிரஸா ப்ரதிபூஜ்ய தம் ॥ 27 ॥
நிர்ஜகா³ம ந்ருபாவாஸான்மன்யமான: ப்ரியம் மஹத் ।
ப்ரஸன்னோ ராஜமார்க³ம் ச பதாகாத்⁴வஜஶோபி⁴தம் ॥ 28 ॥
ஹ்ருஷ்ட: ப்ரமுதி³த ஸ்ஸூதோ ஜகா³மாஶு விலோகயன் ।
ஸ ஸூதஸ்தத்ர ஶுஶ்ராவ ராமாதி⁴கரணா: கதா²: ॥ 29 ॥
அபி⁴ஷேசனஸம்யுக்தாஸ்ஸர்வலோகஸ்ய ஹ்ருஷ்டவத் ।
ததோ த³த³ர்ஶ ருசிரம் கைலாஸஶிக²ரப்ரப⁴ம் ॥ 3௦ ॥
ராமவேஶ்ம ஸுமந்த்ரஸ்து ஶக்ரவேஶ்மஸமப்ரப⁴ம் ।
மஹாகவாடவிஹிதம் விதர்தி³ஶதஶோபி⁴தம் ॥ 31 ॥
காஞ்சனப்ரதிமைகாக்³ரம் மணிவித்³ருமதோரணம் ।
ஶாரதா³ப்⁴ரக⁴னப்ரக்²யம் தீ³ப்தம் மேருகு³ஹோபமம் ॥ 32 ॥
மணிபி⁴ர்வரமால்யானாம் ஸமுஹத்³பி⁴ரலங்க்ருதம் ।
முக்தாமணிபி⁴ராகீர்ணம் சந்த³னாக³ரூதூ⁴பிதம் ॥ 33 ॥
க³ந்தா⁴ன்மனோஜ்ஞான் விஸ்ருஜத்³தா³ர்து³ரம் ஶிக²ரம் யதா² ।
ஸாரஸைஶ்ச மயூரைஶ்ச வினத³த்³பி⁴ர்விராஜிதம் ॥ 34 ॥
ஸுக்ருதேஹாம்ருகா³கீர்ணம் ஸுகீர்ணம் ப⁴க்திபி⁴ஸ்ததா² ।
மனஶ்சக்ஷுஶ்ச பூ⁴தானாமாத³த³த்திக்³மதேஜஸா ॥ 35 ॥
சந்த்³ரபா⁴ஸ்கரஸங்காஶம் குபே³ரப⁴வனோபமம் ।
மஹேந்த்³ரதா⁴மப்ரதிமம் நானாபக்ஷிஸமாகுலம் ॥ 36 ॥
மேருஶ்ருங்க³ஸமம் ஸூதோ ராமவேஶ்ம த³த³ர்ஶ ஹ ।
உபஸ்தி²தை:ஸமாகீர்ணம் ஜனைரஞ்ஜலிகாரிபி⁴: ॥ 37 ॥
உபாதா³ய ஸமாக்ராந்தைஸ்ததா² ஜானபதை³ர்ஜனை: ।
ராமாபி⁴ஷேகஸுமுகை²ருன்முகை²ஸ்ஸமலங்க்ருதம் ॥ 38 ॥
மஹாமேக⁴ஸமப்ரக்²யமுத³க்³ரம் ஸுவிபூ⁴ஷிதம் ।
நானாரத்னஸமாகீர்ணம் குப்³ஜகைராதகாவ்ருதம் ॥ 39 ॥
ஸ வாஜியுக்தேன ரதே²ன ஸாரதி²: நராகுலம் ராஜகுலம் விராஜயன் ।
வரூதி²னா ராமக்³ருஹாபி⁴பாதினா புரஸ்ய ஸர்வஸ்ய மனாம்ஸி ஹர்ஷயன் ॥ 4௦ ॥
ததஸ்ஸமாஸாத்³ய மஹாத⁴னம் மஹத் ப்ரஹ்ருஷ்டரோமா ஸ ப³பூ⁴ப³ ஸாரதி²: ।
ம்ருர்கை³ர்மயூரைஶ்ச ஸமாகுலோல்ப³ணம் க்³ருஹம் வரார்ஹஸ்ய ஶசீபதேரிவ ॥ 41 ॥
ஸ தத்ர கைலாஸனிபா⁴ஸ்ஸ்வலங்க்ருதா: ப்ரவிஶ்ய கக்ஷ்யாஸ்த்ரித³ஶாலயோபமா: ।
ப்ரியான்வரான் ராமமதே ஸ்தி²தான் ப³ஹூன் வ்யபோஹ்ய ஶுத்³தா⁴ந்தமுபஸ்தி²தோ ரதீ² ॥ 42 ॥
ஸ தத்ர ஶுஶ்ராவ ச ஹர்ஷயுக்தா: ராமாபி⁴ஷேகார்த²க்ருதா ஜனானாம் ।
நரேந்த்³ரஸூனோரபி⁴மங்க³லார்தா²: ஸர்வஸ்ய லோகஸ்ய கி³ர: ப்ரஹ்ருஷ்ட: ॥ 43 ॥
மஹேந்த்³ரஸத்³மப்ரதிமம் து வேஶ்ம ராமஸ்ய ரம்யம் ம்ருக³பக்ஷி ஜுஷ்டம் ।
த³த³ர்ஶ மேரோரிவ ஶ்ருங்க³முச்சம் விப்⁴ராஜமானம் ப்ரப⁴யா ஸுமந்த்ர: ॥ 44 ॥
உபஸ்தி²தைரஞ்ஜலிகாரகைஶ்ச ஸோபாயனைர்ஜானபதை³ர்ஜனைஶ்ச ।
கோட்யா பரார்தை⁴ஶ்ச விமுக்தயானை: ஸமாகுலம் த்³வாரபத²ம் த³த³ர்ஶ ॥ 45 ॥
ததோ மஹாமேக⁴மஹீத⁴ராப⁴ம் ப்ரபி⁴ன்னமத்யங்குஶமத்யஸஹ்யம் ।
ராமௌபவாஹ்யம் ருசிரம் த³த³ர்ஶ ஶத்ருஞ்ஜயம் நாக³முத³க்³ரகாயம் ॥ 46 ॥
ஸ்வலங்க்ருதான் ஸாஶ்வரதா²ன் ஸகுஞ்ஜரா நமாத்ய முக்²யாம்ஶ்ச த³த³ர்ஶ வல்லபா⁴ன் ।
வ்யபோஹ்ய ஸூதஸ்ஸஹிதான் ஸமந்தத: ஸம்ருத்³த⁴மந்த:புரமாவிவேஶ ஹ ॥ 47 ॥
தத³ந்த்³ரிகூடாசலமேக⁴ஸன்னிப⁴ம் மஹாவிமானோபமவேஶ்மஸம்யுதம் ।
அவார்யமாண: ப்ரவிவேஶ ஸாரதி²: ப்ரபூ⁴தரத்னம் மகரோ யதா²ர்ணவம் ॥ 48 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சத³ஶஸ்ஸர்க:³ ॥
