ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தனவதிதமஸ்ஸர்க:³ ।
ஸுஸம்ரப்³த⁴ம் து ஸௌமித்ரிம் லக்ஷ்மணம் க்ரோத⁴மூர்சி²தம் ।
ராமஸ்து பரிஸாந்த்வ்யாத² வசனம் சேத³மப்³ரவீத் ॥ 1 ॥
கிமத்ர த⁴னுஷா கார்யமஸினா வா ஸசர்மணா ।
மஹேஷ்வாஸே மஹாப்ராஜ்ஞே ப⁴ரதே ஸ்வயமாக³தே ॥ 2 ॥
பிதுஸ்ஸத்யம் ப்ரதிஶ்ருத்ய ஹத்வா ப⁴ரதமாக³தம் ।
கிம் கரிஷ்யாமி ராஜ்யேன ஸாபவாதே³ன லக்ஷ்மண ॥ 3 ॥
யத்³த்³ரவ்யம் பா³ந்த⁴வானாம் வா மித்ராணாம் வா க்ஷயே ப⁴வேத் ।
நாஹம் தத்ப்ரதிக்³ருஹ்ணீயாம் ப⁴க்ஷான்விஷக்ருதானிவ ॥ 4 ॥
த⁴ர்மமர்த²ம் ச காமம் ச ப்ருதி²வீம் சாபி லக்ஷ்மண ।
இச்சா²மி ப⁴வதாமர்தே² ஏதத் ப்ரதிஶ்ருணோமி தே ॥ 5 ॥
ப்⁴ராத்ரூணாம் ஸங்க்³ரஹார்த²ம் ச ஸுகா²ர்த²ம் சாபி லக்ஷ்மண ।
ராஜ்யமப்யஹமிச்சா²மி ஸத்யேனாயுத⁴மாலபே⁴ ॥ 6 ॥
நேயம் மம மஹீ ஸௌம்ய து³ர்லபா⁴ ஸாக³ராம்ப³ரா ।
ந ஹீச்சே²யமத⁴ர்மேண ஶக்ரத்வமபி லக்ஷ்மண ॥ 7 ॥
யத்³வினா ப⁴ரதம் த்வாம் ச ஶத்ருக்⁴னம் சாபி மானத³ ।
ப⁴வேன்மம ஸுக²ம் கிஞ்சித்³ப⁴ஸ்ம தத்குருதாம் ஶிகீ² ॥ 8 ॥
மன்யேஹமாக³தோயோத்⁴யாம் ப⁴ரதோ ப்⁴ராத்ருவத்ஸல: ।
மம ப்ராணாத்ப்ரியதர: குலத⁴ர்மமனுஸ்மரன் ॥ 9 ॥
ஶ்ருத்வா ப்ரவ்ராஜிதம் மாம் ஹி ஜடாவல்கலதா⁴ரிணம் ।
ஜானக்யாஸஹிதம் வீர த்வயா ச புருஷர்ஷப⁴ ॥ 1௦ ॥
ஸ்னேஹேனாக்ராந்தஹ்ருத³ய ஶ்ஶோகேனாகுலிதேந்த்³ரிய: ।
த்³ரஷ்டுமப்⁴யாக³தோ ஹ்யேஷ ப⁴ரதோ நான்யதா²க³த: ॥ 11 ॥
அம்பா³ம் ச கைகயீம் ருஷ்ய பருஷம் சாப்ரியம் வத³ன் ।
ப்ரஸாத்³ய பிதரம் ஶ்ரீமார்னாஜ்யம் மே தா³துமாக³த: ॥ 12 ॥
ப்ராப்தகாலம் யதே³ஷோஸ்மான்ப⁴ரதோ த்³ரஷ்டுமிச்ச²தி ।
அஸ்மாஸு மனஸாப்யேஷ நாப்ரியம் கிஞ்சிதா³சரேத் ॥ 13 ॥
விப்ரியம் க்ருதபூர்வம் தே ப⁴ரதேன கதா³ நு கிம் ।
ஈத்³ருஶம் வா ப⁴யம் தேத்³ய ப⁴ரதம் யோத்ர ஶங்கஸே ॥ 14 ॥
ந ஹி தே நிஷ்டு²ரம் வாச்யோ ப⁴ரதோ நாப்ரியம் வச: ।
அஹம் ஹ்யப்ரியமுக்த ஸ்ஸ்யாம் ப⁴ரதஸ்யாப்ரியே க்ருதே ॥ 15 ॥
கத²ம் நு புத்ரா: பிதரம் ஹன்யு: கஸ்யாம் சிதா³பதி³ ।
ப்⁴ராதா வா ப்⁴ராதரம் ஹன்யாத்ஸௌமித்ரே ப்ராணமாத்மன: ॥ 16 ॥
யதி³ ராஜ்யஸ்ய ஹேதோஸ்த்வமிமாம் வாசம் ப்ரபா⁴ஷஸே ।
வக்ஷ்யாமி ப⁴ரதம் த்³ருஷ்ட்வா ராஜ்யமஸ்மை ப்ரதீ³யதாம் ॥ 17 ॥
உச்யமானோபி ப⁴ரதோ மயா லக்ஷ்மண தத்³வச: ।
ராஜ்யமஸ்மை ப்ரயச்சே²தி பா³ட⁴மித்யேவ வக்ஷ்யதி ॥ 18 ॥
ததோ²க்தோ த⁴ர்மஶீலேன ப்⁴ராத்ரா தஸ்ய ஹிதே ரத: ।
லக்ஷ்மண: ப்ரவிவேஶேவ ஸ்வானி கா³த்ராணி லஜ்ஜயா ॥ 19 ॥
தத்³வாக்யம் லக்ஷ்மண ஶ்ஶ்ருத்வா வ்ரீலித: ப்ரத்யுவாச ஹ ।
த்வாம் மன்யே த்³ரஷ்டுமாயாத: பிதா த³ஶரத² ஸ்ஸ்வயம் ॥ 2௦ ॥
வ்ரீலிதம் லக்ஷ்மணம் த்³ருஷ்ட்வா ராக⁴வ: ப்ரத்யுவாச ஹ ।
ஏஷ மன்யே மஹாபா³ஹுரிஹாஸ்மாந்த்³ரஷ்டுமாக³த: ॥ 21 ॥
அத²வா நௌ த்⁴ருவம் மன்யே மன்யமான ஸ்ஸுகோ²சிதௌ ।
வனவாஸமனுத்⁴யாய க்³ருஹாய ப்ரதினேஷ்யதி ॥ 22 ॥
இமாம் வாப்யேஷ வைதே³ஹீமத்யந்தஸுக²ஸேவினீம் ।
பிதா மே ராக⁴வ ஶ்ஶ்ரீமான்வனாதா³தா³ய யாஸ்யதி ॥ 23 ॥
ஏதௌ தௌ ஸம்ப்ரகாஶேதே கோ³த்ரவந்தௌ மனோரமௌ ।
வாயுவேக³ஸமௌ வீர ஜவனௌ துரகோ³த்தமௌ ॥ 24 ॥
ஸ ஏஷ ஸுமஹாகாய: கம்பதே வாஹினீமுகே² ।
நாக³ஶ்ஶத்ருஞ்ஜயோ நாம வ்ருத்³த⁴ஸ்தாதஸ்ய தீ⁴மத: ॥ 25 ॥
ந து பஶ்யாமி தச்ச²த்ரம் பாண்டு³ரம் லோகஸத்க்ருதம் । பிதுர்தி³வ்யம் மஹாபா³ஹோ ஸம்ஶயோ ப⁴வதீஹ மே ॥ 26 ॥
வ்ருக்ஷாக்³ராத³வரோஹ த்வம் குரு லக்ஷ்மண மத்³வச: ।
இதீவ ராமோ த⁴ர்மாத்மா ஸௌமித்ரிம் தமுவாச ஹ ॥ 27 ॥
அவதீர்ய து ஸாலாக்³ராத்தஸ்மாத்ஸ ஸமிதிஞ்ஜய: ।
லக்ஷ்மண: ப்ராஞ்ஜலிர்பூ⁴த்வா தஸ்தௌ² ராமஸ்ய பார்ஶ்வத: ॥ 28 ॥
ப⁴ரதேனாபி ஸந்தி³ஷ்டா ஸம்மர்தோ³ ந ப⁴வேதி³தி ।
ஸமந்தாத்தஸ்ய ஶைலஸ்ய ஸேனா வாஸமகல்பயத் ॥ 29 ॥
அத்⁴யர்த⁴மிக்ஷ்வாகுசமூர்யோஜனம் பர்வதஸ்ய ஸா ।
பார்ஶ்வே ந்யவிஶதா³வ்ருத்ய கஜ³வாஜிரதா²குலா ॥ 3௦ ॥
ஸா சித்ரகூடே ப⁴ரதேன ஸேனா த⁴ர்மம் புரஸ்க்ருத்ய விதூ⁴ய த³ர்பம் ।
ப்ரஸாத³னார்த²ம் ரகு⁴னந்த³னஸ்ய விராஜதே நீதிமதா ப்ரணீதா ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தனவதிதமஸ்ஸர்க:³ ॥
