ஶ்ரீமத்³வால்மீகீய ராமாயணே பா³லகாண்ட³ம் ।
அத² அஷ்டபஞ்சாஶஸ்ஸர்க:³ ।
ததஸ்த்ரிஶங்கோர்வசனம் ஶ்ருத்வா க்ரோத⁴ஸமன்விதம் ।
ருஷிபுத்ரஶதம் ராம ராஜானமித³மப்³ரவீத் ॥ 1 ॥
ப்ரத்யாக்²யாதோ ஹி து³ர்பு³த்³தே⁴ கு³ருணா ஸத்யவாதி³னா ।
தம் கத²ம் ஸமதிக்ரம்ய ஶாகா²ந்தரமுபேயிவான் ॥ 2 ॥
இக்ஷ்வாகூணாம் ஹி ஸர்வேஷாம் புரோதா⁴: பரமோ கு³ரு: ।
ந சாதிக்ரமிதும் ஶக்யம் வசனம் ஸத்யவாதி³ன: ॥ 3 ॥
அஶக்யமிதி சோவாச வஸிஷ்டோ² ப⁴க³வான்ருஷி: ।
தம் வயம் வை ஸமாஹர்தும் க்ரதும் ஶக்தா:கத²ம் தவ ॥ 4 ॥
பா³லிஶஸ்த்வம் நரஶ்ரேஷ்ட² க³ம்யதாம் ஸ்வபுரம் புன: ।
யாஜனே ப⁴க³வாஞ்ச²க்தஸ்த்ரைலோக்யஸ்யாபி பார்தி²வ ॥ 5 ॥
அவமானம் ச தத்கர்தும் தஸ்ய ஶக்ஷ்யாமஹே கத²ம் ।
தேஷாம் தத்³வசனம் ஶ்ருத்வா க்ரோத⁴பர்யாகுலாக்ஷரம் ॥ 6 ॥
ஸ ராஜா புனரேவைதானித³ம் வசனமப்³ரவீத் ।
ப்ரத்யாக்²யாதோஸ்மி கு³ருணா கு³ருபுத்ரைஸ்ததை²வ ச ॥ 7 ॥
அன்யாம் க³திம் க³மிஷ்யாமி ஸ்வஸ்தி வோஸ்து தபோத⁴னா: ।
ருஷிபுத்ராஸ்து தச்ச்²ருத்வா வாக்யம் கோ⁴ராபி⁴ஸம்ஹிதம் ॥ 8 ॥
ஶேபு: பரமஸங்க்ருத்³தா⁴ஶ்சண்டா³லத்வம் க³மிஷ்யஸி ।
ஏவமுக்த்வா மஹாத்மனோ விவிஶுஸ்தே ஸ்வமாஶ்ரமம் ॥ 9 ॥
அத² ராத்ர்யாம் வ்யதீதாயாம் ராஜா சண்டா³லதாம் க³த: ।
நீலவஸ்த்ரத⁴ரோ நீல: புருஷோ த்⁴வஸ்தமூர்தஜ⁴: ॥ 1௦ ॥
சித்யமால்யானுலேபஶ்ச ஆயஸாப⁴ரணோப⁴வத் ।
தம் த்³ருஷ்டவா மந்த்ரிணஸ்ஸர்வே த்யஜ்ய சண்டா³லரூபிணம் ॥ 11 ॥
ப்ராத்³ரவன் ஸஹிதா ராம பௌரா யேஸ்யானுகா³மின: ।
ஏகோ ஹி ராஜா காகுத்ஸ்த² ஜகா³ம பரமாத்மவான் ॥ 12 ॥
த³ஹ்யமானோ தி³வாராத்ரம் விஶ்வாமித்ரம் தபோனிதி⁴ம் ।
விஶ்வாமித்ரஸ்து தம் த்³ருஷ்ட்வா ராஜானம் விப²லீக்ருதம் ।
சண்டா³லரூபிணம் ராம முனி: காருண்யமாக³த: ॥ 13 ॥
காருண்யாத்ஸ மஹாதேஜா வாக்யம் பரமதா⁴ர்மிக: ।
இத³ம் ஜகா³த³ ப⁴த்³ரம் தே ராஜானம் கோ⁴ரரூபிணம் ॥ 14 ॥
கிமாக³மனகார்யம் தே ராஜபுத்ர மஹாப³ல ।
அயோத்⁴யாதி⁴பதே வீர ஶாபாச்சண்டா³லதாம் க³த: ॥ 15 ॥
அத² தத்³வாக்யமாஜ்ஞாய ராஜா சண்டா³லதாம் க³த: ।
அப்³ரவீத்ப்ராஞ்ஜலிர்வாக்யம் வாக்யஜ்ஞோ வாக்யகோவித³ம் ॥ 16 ॥
ப்ரத்யாக்²யாதோஸ்மி கு³ருணா கு³ருபுத்ரைஸ்ததை²வ ச ।
அனவாப்யைவ தம் காமம் மயா ப்ராப்தோ விபர்யய: ॥ 17 ॥
ஸஶரீரோ தி³வம் யாயாமிதி மே ஸௌம்யத³ர்ஶனம் ।
மயா சேஷ்டம் க்ரதுஶதம் தச்ச நாவாப்யதே ப²லம் ॥ 18 ॥
அன்ருதம் நோக்தபூர்வம் மே ந ச வக்ஷ்யே கதா³சன ।
க்ருச்ச்²ரேஷ்வபி க³த ஸ்ஸௌம்ய க்ஷத்ரத⁴ர்மேண தே ஶபே ॥ 19 ॥
யஜ்ஞைர்ப³ஹுவிதை⁴ரிஷ்டம் ப்ரஜா த⁴ர்மேண பாலிதா: ॥ 2௦ ॥
கு³ரவஶ்ச மஹாத்மான ஶ்ஶீலவ்ருத்தேன தோஷிதா: ।
த⁴ர்மே ப்ரயதமானஸ்ய யஜ்ஞம் சாஹர்துமிச்ச²த: ॥ 21 ॥
பரிதோஷம் ந க³ச்ச²ந்தி கு³ரவோ முனிபுங்க³வ ।
தை³வமேவ பரம் மன்யே பௌருஷம் து நிரர்த²கம் ॥ 22 ॥
தை³வேனாக்ரம்யதே ஸர்வம் தை³வம் ஹி பரமா க³தி: ।
தஸ்ய மே பரமார்தஸ்ய ப்ரஸாத³மபி⁴காங்க்ஷத: ॥ 23 ॥
கர்துமர்ஹஸி ப⁴த்³ரம் தே தை³வோபஹதகர்மண: ।
நான்யாம் க³திம் க³மிஷ்யாமி நான்யஶ்ஶரணமஸ்தி மே ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ அஷ்டபஞ்சாஶஸ்ஸர்க:³ ॥
