ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்³விபஞ்சாஶஸ்ஸர்க:³ ।
தஸ்ய தத்³வசனம் ஶ்ருத்வா வானரஸ்ய மஹாத்மன: ।
ஆஜ்ஞாபயத்³வத⁴ம் தஸ்ய ராவண: க்ரோத⁴மூர்சி²த: ॥ 1 ॥
வதே⁴ தஸ்ய ஸமாஜ்ஞப்தே ராவணேன து³ராத்மனா ।
நிவேதி³தவதோ தௌ³த்யம் நானுமேனே விபீ⁴ஷண: ॥ 2 ॥
தம் ரக்ஷோதி⁴பதிம் க்ருத்³த⁴ம் தச்ச கார்யமுபஸ்தி²தம் ।
விதி³த்வா சிந்தயாமாஸ கார்யம் கார்யவிதௌ⁴ ஸ்தி²த: ॥ 3 ॥
நிஶ்சிதார்த²ஸ்ததஸ்ஸாம்னா பூஜ்யம் ஶத்ருஜித³க்³ரஜம் ।
உவாச ஹிதமத்யர்த²ம் வாக்யம் வாக்யவிஶாரத:³ ॥ 4 ॥
க்ஷமஸ்வ ரோஷம் த்யஜ ராக்ஷஸேந்த்³ர ப்ரஸீத³ மத்³வாக்யமித³ம் ஶ்ருணுஷ்வ ।
வத⁴ம் ந குர்வந்தி பராவரஜ்ஞா தூ³தஸ்ய ஸந்தோ வஸுதா⁴தி⁴பேந்த்³ரா: ॥ 5 ॥
ராஜத⁴ர்மவிருத்³த⁴ம் ச லோகவ்ருத்தேஶ்ச க³ர்ஹிதம் ।
தவ சாஸத்³ருஶம் வீர கபேரஸ்ய ப்ரமாபணம் ॥ 6 ॥
த⁴ர்மஜ்ஞஶ்ச க்ருதஜ்ஞஶ்ச ராஜத⁴ர்மவிஶாரத:³ ।
பராவரஜ்ஞோ பூ⁴தானாம் த்வமேவ பரமார்த²வித் ॥ 7 ॥
க்³ருஹ்யந்தே யதி³ ரோஷேண த்வாத்³ருஶோபி விசக்ஷண: ।
தத ஶ்ஶாஸ்த்ரவிபஶ்சித்த்வம் ஶ்ரம ஏவ ஹி கேவலம் ॥ 8 ॥
தஸ்மாத்ப்ரஸீத³ ஶத்ருக்⁴ன ராக்ஷஸேந்த்³ர து³ராஸத³ ।
யுக்தாயுக்தம் வினிஶ்சித்ய தூ³தத³ண்டோ³ விதீ⁴யதாம் ॥ 9 ॥
விபீ⁴ஷணவச: ஶ்ருத்வா ராவணோ ராக்ஷஸேஶ்வர: ।
ரோஷேண மஹதாவிஷ்டோ வாக்யமுத்தரமப்³ரவீத் ॥ 1௦ ॥
ந பாபானாம் வதே⁴ பாபம் வித்³யதே ஶத்ருஸூத³ன ।
தஸ்மாதே³னம் வதி⁴ஷ்யாமி வானரம் பாபசாரிணம் ॥ 11 ॥
அத⁴ர்மமூலம் ப³ஹுதோ³ஷயுக்தமனார்யஜுஷ்டம் வசனம் நிஶம்ய ।
உவாச வாக்யம் பரமார்த²தத்த்வம் விபீ⁴ஷணோ பு³த்³தி⁴மதாம் வரிஷ்ட:² ॥ 12 ॥
ப்ரஸீத³ லங்கேஶ்வர ராக்ஷஸேந்த்³ர த⁴ர்மார்த²யுக்தம் வசனம் ஶ்ருணுஷ்வ ।
தூ³தானவத்⁴யான் ஸமயேஷு ராஜன் ஸர்வேஷு ஸர்வத்ர வத³ந்தி ஸந்த: ॥ 13 ॥
அஸம்ஶயம் ஶத்ருரயம் ப்ரவ்ருத்³த:⁴ க்ருதம் ஹ்யனேனாப்ரியமப்ரமேயம் ।
ந தூ³தவத்⁴யாம் ப்ரவத³ந்தி ஸந்தோ தூ³தஸ்ய த்³ருஷ்டா ப³ஹவோ ஹி த³ண்டா³: ॥ 14 ॥
வைரூப்யமங்கே³ஷு கஶாபி⁴கா⁴தோ மௌண்ட்³யம் ததா² லக்ஷணஸன்னிபாத: ।
ஏதான் ஹி தூ³தே ப்ரவத³ந்தி த³ண்டா³ன் வத⁴ஸ்து தூ³தஸ்ய ந ந: ஶ்ருதோஸ்தி ॥ 15 ॥
கத²ம் ச த⁴ர்மார்த²வினீதபு³த்³தி⁴: பராவரப்ரத்யயனிஶ்சிதார்த:² ।
ப⁴வத்³வித:⁴ கோபவஶே ஹி திஷ்டே²த் கோபம் நியச்ச²ந்தி ஹி ஸத்த்வவந்த: ॥ 16 ॥
ந த⁴ர்மவாதே³ ந ச லோகவ்ருத்தே ந ஶாஸ்த்ரபு³த்³தி⁴க்³ரஹணேஷு சாபி ।
வித்³யேத கஶ்சித்தவ வீர துல்ய ஸ்த்வம்ஹ்யுத்தமஸ்ஸர்வஸுராஸுராணாம் ॥ 17 ॥
ஶூரேண வீரேண நிஶாசரேந்த்³ர ஸுராஸுராணாமபி து³ர்ஜயேன ।
த்வயா ப்ரக³ல்பா⁴: ஸுரதை³த்யஸங்கா⁴ ஜிதாஶ்ச யுத்³தே⁴ஷ்வஸக்ருன்னரேந்த்³ரா: ॥ 18 ॥
ந சாப்யஸ்ய கபேர்கா⁴தே கஞ்சித்பஶ்யாம்யஹம் கு³ணம் ।
தேஷ்வயம் பாத்யதாம் த³ண்டோ³ யைரயம் ப்ரேஷித: கபி: ॥ 19 ॥
ஸாது⁴ர்வா யதி³ வாஸாது⁴: பரைரேஷ ஸமர்பித: ।
ப்³ருவன் பரார்த²ம் பரவான்ன தூ³தோ வத⁴மர்ஹதி ॥ 2௦ ॥
அபி சாஸ்மின் ஹதே ராஜன்னான்யம் பஶ்யாமி கே²சரம் ।
இஹ ய: புனராக³ச்சே²த்பரம் பாரம் மஹோத³தே⁴: ॥ 21 ॥
தஸ்மான்னாஸ்ய வதே⁴ யத்ன: கார்ய: பரபுரஞ்ஜய ।
ப⁴வான் ஸேந்த்³ரேஷு தே³வேஷு யத்னமாஸ்தா²துமர்ஹதி ॥ 22 ॥
அஸ்மின்வினஷ்டே ந ஹி வீரமன்யம் பஶ்யாமி யஸ்தௌ வரராஜபுத்ரௌ ।
யுத்³தா⁴ய யுத்³த⁴ப்ரியது³ர்வினீதாவுத்³யோஜயேத்³தீ⁴ர்க⁴பதா²வருத்³தௌ⁴ ॥ 23 ॥
பராக்ரமோத்ஸாஹமனஸ்வினாம் ச ஸுராஸுராணாமபி து³ர்ஜயேன ।
த்வயா மனோனந்த³ன நைதானாம் யுத்³தா⁴யதிர்னாஶயதும் ந யுக்தா ॥ 24 ॥
ஹிதாஶ்ச ஶூராஶ்ச ஸமாஹிதாஶ்ச குலேஷு ஜாதாஶ்ச மஹாகு³ணேஷு ।
மனஸ்வினஶ்ஶஸ்த்ரப்⁴ருதாம் வரிஷ்டா²: கோட்யக்³ரதஸ்தே ஸுப்⁴ருதாஶ்ச யோதா⁴: ॥ 25 ॥
ததே³கதே³ஶேன ப³லஸ்ய தாவத்கேசித்தவாதே³ஶக்ருதோபி⁴யாந்து தௌ ராஜபுத்ரௌ வினிக்³ருஹ்ய மூடௌ⁴ பரேஷு தே பா⁴வயிதும் ப்ரபா⁴வம் ॥ 26 ॥
நிஶாசராணாமதி⁴போனுஜஸ்ய விபீ⁴ஷணஸ்யோத்தமவாக்யமிஷ்டம் ।
ஜக்³ராஹ பு³த்³த்⁴யா ஸுரலோகஶத்ரு ர்மஹாப³லோ ராக்ஷஸராஜமுக்²ய: ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்³விபஞ்சாஶஸ்ஸர்க:³ ॥
