ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² அஷ்டபஞ்சாஶஸ்ஸர்க:³ ।
ததஸ்தஸ்ய கி³ரே: ஶ்ருங்கே³ மஹேந்த்³ரஸ்ய மஹாப³லா: ।
ஹனுமத்ப்ரமுகா²: ப்ரீதிம் ஹரயோ ஜக்³முருத்தமாம் ॥ 1 ॥
தம் தத: ப்ரீதிஸம்ஹ்ருஷ்ட: ப்ரீதிமந்தம் மஹாகபிம் ।
ஜாம்ப³வான்கார்யவ்ருத்தாந்தமப்ருச்ச²த³னிலாத்மஜம் ॥ 2 ॥
கத²ம் த்³ருஷ்டா த்வயா தே³வீ கத²ம் வா தத்ர வர்ததே ।
தஸ்யாம் வா ஸ கத²ம்வ்ருத்த: க்ரூரகர்மா த³ஶானந: ॥ 3 ॥
தத்த்வதஸ்ஸர்வமேதன்ன: ப்ரப்³ரூஹி த்வம் மஹாகபே ।
ஶ்ருதார்தா²ஶ்சிந்தயிஷ்யாமோ பூ⁴ய: கார்யவினிஶ்சயம் ॥ 4 ॥
யஶ்சார்த²ஸ்தத்த்ர வக்தவ்யோ க³தைரஸ்மாபி⁴ராத்மவான் ।
ரக்ஷிதவ்யம் ச யத்தத்ர தத்³ப⁴வான்வ்யாகரோது ந: ॥ 5 ॥
ஸ நியுக்தஸ்ததஸ்தேன ஸம்ப்ரஹ்ருஷ்டதனூருஹ: ।
ப்ரணம்ய ஶிரஸா தே³வ்யை ஸீதாயை ப்ரத்யபா⁴ஷத ॥ 6 ॥
ப்ரத்யக்ஷமேவ ப⁴வதாம் மஹேந்த்³ராக்³ராத்கா²மாப்லுத: ।
உத³தே⁴ர்த³க்ஷிணம் பாரம் காங்க்ஷமாண ஸ்ஸமாஹித: ॥ 7 ॥
க³ச்ச²தஶ்ச ஹி மே கோ⁴ரம் விக்⁴னரூபமிவாப⁴வத் ।
காஞ்சனம் ஶிக²ரம் தி³வ்யம் பஶ்யாமி ஸுமனோஹரம் ॥ 8 ॥
ஸ்தி²தம் பந்தா⁴னமாவ்ருத்ய மேனே விக்⁴னம் ச தம் நக³ம் ।
உபஸங்க³ம்ய தம் தி³வ்யம் காஞ்சனம் நக³ஸத்தமம் ॥ 9 ॥
க்ருதா மே மனஸா பு³த்³தி⁴ர்பே⁴த்தவ்யோயம் மயேதி ச ।
ப்ரஹதம் ச மயா தஸ்ய லாங்கூ³லேன மஹாகி³ரே: ॥ 1௦ ॥
ஶிக²ரம் ஸூர்யஸங்காஶம் வ்யஶீர்யத ஸஹஸ்ரதா⁴ ।
வ்யவஸாயம் ச தம் பு³த்³த்⁴வா ஸ ஹோவாச மஹாகி³ரி: ॥ 11 ॥
புத்த்ரேதி மது⁴ராம் வாணீம் மன: ப்ரஹ்லாத³யன்னிவ ।
பித்ருவ்யம் சாபி மாம் வித்³தி⁴ ஸகா²யம் மாதரிஶ்வன: ॥ 12 ॥
மைனாகமிதி விக்²யாதம் நிவஸந்தம் மஹோத³தௌ⁴ ।
பக்ஷவந்த: புரா புத்த்ர ப³பூ⁴வு: பர்வதோத்தமா: ॥ 13 ॥
ச²ந்த³த: ப்ருதி²வீம் சேருர்பா³த⁴மானா: ஸமந்தத: ।
ஶ்ருத்வா நகா³னாம் சரிதம் மஹேந்த்³ர: பாகஶாஸன: ॥ 14 ॥
சிச்சே²த³ ப⁴க³வான் பக்ஷான்வஜ்ரேணைஷாம் ஸஹஸ்ரஶ: ।
அஹம் து மோக்ஷிதஸ்தஸ்மாத்தவ பித்ரா மஹாத்மனா ॥ 15 ॥
மாருதேன ததா³ வத்ஸ ப்ரக்ஷிப்தோஸ்மி மஹார்ணவே ।
ராமஸ்ய ச மயா ஸாஹ்யே வர்திதவ்யமரிந்த³ம ॥ 16 ॥
ராமோ த⁴ர்மப்⁴ருதாம் ஶ்ரேஷ்டோ² மஹேந்த்³ரஸமவிக்ரம: ।
ஏதச்ச்²ருத்வா வசஸ்தஸ்ய மைனாகஸ்ய மஹாத்மன: ॥ 17 ॥
கார்யமாவேத்³ய து கி³ரேருத்³யதம் ச மனோ மம ।
தேன சாஹமனுஜ்ஞாதோ மைனாகேன மஹாத்மனா ॥ 18 ॥
ஸ சாப்யந்தர்ஹித: ஶைலோ மானுஷேண வபுஷ்மதா ।
ஶரீரேண மஹாஶைல: ஶைலேன ச மஹோத³தௌ⁴ ॥ 19 ॥
உத்தமம் ஜவமாஸ்தா²ய ஶேஷம் பந்தா²னமாஸ்தி²த: ।
ததோஹம் ஸுசிரம் காலம் வேகே³னாப்⁴யாக³மம் பதி² ॥ 2௦ ॥
தத: பஶ்யாம்யஹம் தே³வீம் ஸுரஸாம் நாக³மாதரம் ।
ஸமுத்³ரமத்⁴யே ஸா தே³வீ வசனம் மாமபா⁴ஷத ॥ 21 ॥
மம ப⁴க்ஷ: ப்ரதி³ஷ்டஸ்த்வமமரைர்ஹரிஸத்தம ।
அதஸ்த்வாம் ப⁴க்ஷயிஷ்யாமி விஹிதஸ்த்வம் சிரஸ்ய மே ॥ 22 ॥
ஏவமுக்த ஸ்ஸுரஸயா ப்ராஞ்ஜலி: ப்ரணத: ஸ்தி²த: ।
விவர்ணவத³னோ பூ⁴த்வா வாக்யம் சேத³முதீ³ரயம் ॥ 23 ॥
ராமோ தா³ஶரதி²: ஶ்ரீமான் ப்ரவிஷ்டோ த³ண்ட³காவனம் ।
லக்ஷ்மணேன ஸஹ ப்⁴ராத்ரா ஸீதயா ச பரந்தப: ॥ 24 ॥
தஸ்ய ஸீதா ஹ்ருதா பா⁴ர்யா ராவணேன து³ராத்மனா ।
தஸ்யா ஸ்ஸங்காஶம் தூ³தோஹம் க³மிஷ்யே ராமஶாஸனாத் ॥ 25 ॥
கர்துமர்ஹஸி ராமஸ்ய ஸாஹாய்யம் விஷயே ஸதீ ।
அத²வா மைதி²லீம் த்³ருஷ்ட்வா ராமம் சாக்லிஷ்டகாரிணம் ॥ 26 ॥
ஆக³மிஷ்யாமி தே வக்த்ரம் ஸத்யம் ப்ரதிஶ்ருணோமி தே ।
ஏவமுக்தா மயா ஸா து ஸுரஸா காமரூபிணீ ॥ 27 ॥
அப்³ரவீன்னாதிவர்தேத கஶ்சிதே³ஷ வரோ மம ।
ஏவமுக்தஸ்ஸுரஸயா த³ஶயோஜனமாயத: ॥ 28 ॥
ததோர்த²கு³ணவிஸ்தாரோ ப³பூ⁴வாஹம் க்ஷணேன து ।
மத்ப்ரமாணானுரூபம் ச வ்யாதி³தம் ச முக²ம் தயா ॥ 29 ॥
தத்³த்³ருஷ்ட்வா வ்யாதி³தம் சாஸ்யம் ஹ்ரஸ்வம் ஹ்யகரவம் வபு: ।
தஸ்மின்முஹூர்தே ச புனர்ப³பூ⁴வாங்கு³ஷ்ட²மாத்ரக: ॥ 3௦ ॥
அபி⁴பத்யாஶு தத்³வக்த்ரம் நிர்க³தோஹம் தத: க்ஷணாத் ।
அப்³ரவீத்ஸுரஸா தே³வீ ஸ்வேன ரூபேண மாம் புன: ॥ 31 ॥
அர்த²ஸித்³த்⁴யை ஹரிஶ்ரேஷ்ட² க³ச்ச² ஸௌம்ய யதா²ஸுக²ம் ।
ஸமானய ச வைதே³ஹீம் ராக⁴வேண மஹாத்மனா ॥ 32 ॥
ஸுகீ² ப⁴வ மஹாபா³ஹோ ப்ரீதாஸ்மி தவ வானர ।
ததோஹம் ஸாது⁴ ஸாத்⁴விதி ஸர்வபூ⁴தை: ப்ரஶம்ஸித: ॥ 33 ॥
ததோந்தரிக்ஷம் விபுலம் ப்லுதோஹம் க³ருடோ³ யதா² ।
சா²யா மே நிக்³ருஹீதா ச ந ச பஶ்யாமி கிஞ்சன ॥ 34 ॥
ஸோஹம் விஹதவேக³ஸ்து தி³ஶோ த³ஶ விலோகயன் ।
ந கிஞ்சித்தத்ர பஶ்யாமி யேன மேபஹ்ருதா க³தி: ॥ 35 ॥
ததோ மே பு³த்³தி⁴ருத்பன்னா கின்னாம க³க³னே மம ।
ஈத்³ருஶோ விக்⁴ன உத்பன்னோ ரூபம் யத்ர ந த்³ருஶ்யதே ॥ 36 ॥
அதோ⁴பா⁴கே³ன மே த்³ருஷ்டி ஶ்ஶோசதா பாதிதா மயா ।
ததோத்³ராக்ஷமஹம் பீ⁴மாம் ராக்ஷஸீம் ஸலிலேஶயாம் ॥ 37 ॥
ப்ரஹஸ்ய ச மஹானாத³முக்தோஹம் பீ⁴மயா தயா ।
அவஸ்தி²தமஸம்ப்⁴ராந்தமித³ம் வாக்யமஶோப⁴னம் ॥ 38 ॥
க்வாஸி க³ந்தா மஹாகாய க்ஷுதி⁴தாயா மமேப்ஸித: ।
ப⁴க்ஷ: ப்ரீணய மே தே³ஹம் சிரமாஹாரவர்ஜிதம் ॥ 39 ॥
பா³ட⁴மித்யேவ தாம் வாணீம் ப்ரத்யக்³ருஹ்ணாமஹம் தத: ।
அஸ்யப்ரமாணாத³தி⁴கம் தஸ்யா: காயமபூரயம் ॥ 4௦ ॥
தஸ்யாஶ்சாஸ்யம் மஹத்³பீ⁴மம் வர்த⁴தே மம ப⁴க்ஷணே ।
ந ச மாம் ஸாது⁴ பு³பு³தே⁴ மம வா விக்ருதம் க்ருதம் ॥ 41 ॥
ததோஹம் விபுலம் ரூபம் ஸங்க்ஷிப்ய நிமிஷாந்தராத் ।
தஸ்யா ஹ்ருத³யமாதா³ய ப்ரபதாமி நப:⁴ஸ்த²லம் ॥ 42 ॥
ஸா விஸ்ருஷ்டபு⁴ஜா பீ⁴மா பபாத லவணாம்ப⁴ஸி ।
மயா பர்வதஸங்காஶா நிக்ருத்தஹ்ருத³யா ஸதீ ॥ 43 ॥
ஶ்ருணோமி க²க³தானாம் ச ஸித்³தா⁴னாம் சாரணைஸ்ஸஹ ।
ராக்ஷஸீ ஸிம்ஹிகா பீ⁴மா க்ஷிப்ரம் ஹனுமதா ஹதா ॥ 44 ॥
தாம் ஹத்வா புனரேவாஹம் க்ருத்யமாத்யயிகம் ஸ்மரன் ।
க³த்வா சாஹ மஹத்⁴வானம் பஶ்யாமி நக³மண்டி³தம் ॥ 45 ॥
த³க்ஷிணம் தீரமுத³தே⁴ர்லங்கா யத்ர ச ஸா புரீ ।
அஸ்தம் தி³னகரே யாதே ரக்ஷஸாம் நிலயம் புரம் ॥ 46 ॥
ப்ரவிஷ்டோஹமவிஜ்ஞாதோ ரக்ஷோபி⁴ர்பீ⁴மவிக்ரமை: ।
தத்ர ப்ரவிஶதஶ்சாபி கல்பாந்தக⁴னஸன்னிபா⁴ ॥ 47 ॥
அட்டஹாஸம் விமுஞ்சந்தீ நாரீ காப்யுத்தி²தா புர: ।
ஜிகா⁴ம்ஸந்தீம் ததஸ்தாம் து ஜ்வலத³க்³னிஶிரோருஹாம் ॥ 48 ॥
ஸவ்யமுஷ்டிப்ரஹாரேண பராஜித்ய ஸுபை⁴ரவாம் ।
ப்ரதோ³ஷகாலே ப்ரவிஶம் பீ⁴தயாஹம் தயோதி³த: ॥ 49 ॥
அஹம் லங்காபுரீ வீர நிர்ஜிதா விக்ரமேண தே ।
யஸ்மாத்தஸ்மாத்³விஜேதாஸி ஸர்வரக்ஷாம்ஸ்யஶேஷத: ॥ 5௦ ॥
தத்ராஹம் ஸர்வராத்ரம் து விசின்வன் ஜனகாத்மஜாம் ।
ராவணாந்த:புரக³தோ ந சாபஶ்யம் ஸுமத்⁴யமாம் ॥ 51 ॥
தத ஸ்ஸீதாமபஶ்யம்ஸ்து ராவணஸ்ய நிவேஶனே ।
ஶோகஸாக³ரமாஸாத்³ய ந பாரமுபலக்ஷயே ॥ 52 ॥
ஶோசதா ச மயா த்³ருஷ்டம் ப்ராகாரேண ஸமாவ்ருதம் ।
காஞ்சனேன விக்ருஷ்டேன க்³ருஹோபவனமுத்தமம் ॥ 53 ॥
ஸ ப்ராகாரமவப்லுத்ய பஶ்யாமி ப³ஹுபாத³பம் ।
அஶோகவனிகாமத்⁴யே ஶிம்ஶுபாபாத³போ மஹான் ॥ 54 ॥
தமாருஹ்ய ச பஶ்யாமி காஞ்சனம் கத³லீவனம் ।
அதூ³ரே ஶிம்ஶுபாவ்ருக்ஷாத்பஶ்யாமி வரவர்ணினீம் ॥ 55 ॥
ஶ்யாமாம் கமலபத்ராக்ஷீமுபவாஸக்ருஶானநாம் ।
ததே³கவாஸஸ்ஸம்வீதாம் ரஜோத்⁴வஸ்தஶிரோருஹாம் ॥ 56 ॥
ஶோகஸந்தாபதீ³னாங்கீ³ம் ஸீதாம் ப⁴ர்த்ருஹிதே ஸ்தி²தாம் ।
ராக்ஷஸீபி⁴ர்விரூபாபி⁴: க்ரூராபி⁴ரபி⁴ஸம்வ்ருதாம் ॥ 57 ॥
மாம்ஸஶோணிதப⁴க்ஷாபி⁴ர்வ்யாக்⁴ரீபி⁴ர்ஹரிணீமிவ ।
ஸா மயா ராக்ஷஸீமத்⁴யே தர்ஜ்யமானா முஹுர்முஹு: ॥ 58 ॥
ஏகவேணீத⁴ரா தீ³னா ப⁴ர்த்ருசிந்தாபராயணா ।
பூ⁴மிஶய்யா விவர்ணாங்கீ³ பத்³மினீவ ஹிமாக³மே ॥ 59 ॥
ராவணாத்³வினிவ்ருத்தார்தா² மர்தவ்யக்ருதனிஶ்சயா ।
கத²ஞ்சின்ம்ருக³ஶாபா³க்ஷீ தூர்ணமாஸாதி³தா மயா ॥ 6௦ ॥
தாம் த்³ருஷ்ட்வா தாத்³ருஶீம் நாரீம் ராமபத்னீம் யஶஸ்வினீம் ।
தத்ரைவ ஶிம்ஶுபாவ்ருக்ஷே பஶ்யன்னஹமவஸ்தி²த: ॥ 61 ॥
ததோ ஹலஹலாஶப்³த³ம் காஞ்சீனூபுரமிஶ்ரிதம் ।
ஶ்ருணோம்யதி⁴கக³ம்பீ⁴ரம் ராவணஸ்ய நிவேஶனே ॥ 62 ॥
ததோஹம் பரமோத்³விக்³ன: ஸ்வம் ரூபம் ப்ரத்யஸம்ஹரம் ।
அஹம் து ஶிம்ஶுபாவ்ருக்ஷே பக்ஷீவ க³ஹனே ஸ்தி²த: ॥ 63 ॥
ததோ ராவணதா³ராஶ்ச ராவணஶ்ச மஹாப³ல: ।
தம் தே³ஶம் ஸமனுப்ராப்தா யத்ர ஸீதாப⁴வத் ஸ்தி²தா ॥ 64 ॥
தம் த்³ருஷ்ட்வாத² வராரோஹா ஸீதா ரக்ஷோக³ணேஶ்வரம் ।
ஸங்குச்யோரூஸ்தனௌ பீனௌ பா³ஹுப்⁴யாம் பரிரப்⁴ய ச ॥ 65 ॥
வித்ரஸ்தாம் பரமோத்³விக்³னாம் வீக்ஷமாணாம் ததஸ்தத: ।
த்ராணம் கிஞ்சித³பஶ்யந்தீம் வேபமானாம் தபஸ்வினீம் ॥ 66 ॥
தாமுவாச த³ஶக்³ரீவஸ்ஸீதாம் பரமது³:கி²தாம் ।
அவாக்சிரா: ப்ரபதிதோ ப³ஹுமன்யஸ்வ மாமிதி ॥ 67 ॥
யதி³ சேத்த்வம் து த³ர்பான்மாம் நாபி⁴னந்த³ஸி க³ர்விதே ।
த்³வௌ மாஸாவந்தரம் ஸீதே பாஸ்யாமி ருதி⁴ரம் தவ ॥ 68 ॥
ஏதச்ச்²ருத்வா வசஸ்தஸ்ய ராவணஸ்ய து³ராத்மன: ।
உவாச பரமக்ருத்³தா⁴ ஸீதா வசனமுத்தமம் ॥ 69 ॥
ராக்ஷஸாத⁴ம ராமஸ்ய பா⁴ர்யாமமிததேஜஸ: ।
இக்ஷ்வாகுகுலனாத²ஸ்ய ஸ்னுஷாம் த³ஶரத²ஸ்ய ச ॥ 7௦ ॥
அவாச்யம் வத³தோ ஜிஹ்வா கத²ம் ந பதிதா தவ ।
கிஞ்சித்³வீர்யம் தவானார்ய யோ மாம் ப⁴ர்துரஸன்னிதௌ⁴ ॥ 71 ॥
அபஹ்ருத்யாக³த: பாப தே நாத்³ருஷ்டோ மஹாத்மனா ।
ந த்வம் ராமஸ்ய ஸத்³ருஶோ தா³ஸ்யேப்யஸ்ய ந யுஜ்யஸே ॥ 72 ॥
யஜ்ஞீய ஸ்ஸத்யவாதீ³ ச ரணஶ்லாகீ⁴ ச ராக⁴வ: ।
ஜானக்யா பருஷம் வாக்யமேவமுக்தோ த³ஶானந: ॥ 73 ॥
ஜஜ்வால ஸஹஸா கோபாச்சிதாஸ்த² இவ பாவக: ।
விவ்ருத்ய நயனே க்ரூரே முஷ்டிமுத்³யம்ய த³க்ஷிணம் ॥ 74 ॥
மைதி²லீம் ஹந்துமாரப்³த:⁴ ஸ்த்ரீபி⁴ர்ஹாஹாக்ருதம் ததா³ ।
ஸ்த்ரீணாம் மத்⁴யாத்ஸமுத்பத்ய தஸ்ய பா⁴ர்யா து³ராத்மன: ॥ 75 ॥
வரா மந்தோ³த³ரீ நாம தயா ஸ ப்ரதிஷேதி⁴த: ।
உக்தஶ்ச மது⁴ராம் வாணீம் தயா ஸ மத³னார்தி³த: ॥ 76 ॥
ஸீதயா தவ கிம் கார்யம் மஹேந்த்³ரஸமவிக்ரம: ।
தே³வக³ந்த⁴ர்வகன்யாபி⁴ர்யக்ஷகன்யாபி⁴ரேவ ச ॥ 77 ॥
ஸார்த⁴ம் ப்ரபோ⁴ ரமஸ்வேஹ ஸீதயா கிம் கரிஷ்யஸி ।
ததஸ்தாபி⁴ஸ்ஸமேதாபி⁴ர்னாரீபி⁴ஸ்ஸ மஹாப³ல: ॥ 78 ॥
ப்ரஸாத்³ய ஸஹஸா நீதோ ப⁴வனம் ஸ்வம் நிஶாசர: ।
யாதே தஸ்மின் த³ஶக்³ரீவே ராக்ஷஸ்யோ விக்ருதானநா: ॥ 79 ॥
ஸீதாம் நிர்ப⁴ர்த்ஸயாமாஸுர்வாக்யை: க்ரூரைஸ்ஸுதா³ருணை: ।
த்ருணவத்³பா⁴ஷிதம் தாஸாம் க³ணயாமாஸ ஜானகீ ॥ 8௦ ॥
க³ர்ஜிதம் ச ததா³ தாஸாம் ஸீதாம் ப்ராப்ய நிரர்த²கம் ।
வ்ருதா²க³ர்ஜிதனிஶ்சேஷ்டா ராக்ஷஸ்ய: பிஶிதாஶனா: ॥ 81 ॥
ராவணாய ஶஶம்ஸுஸ்தா: ஸீதாத்⁴யவஸிதம் மஹத் ।
ததஸ்தாஸ்ஸஹிதாஸ்ஸர்வா நிஹதாஶா நிருத்³யமா: ॥ 82 ॥
பரிக்ஷிப்ய ஸமந்தாத்தாம் நித்³ராவஶமுபாக³தா: ।
தாஸு சைவ ப்ரஸுப்தாஸு ஸீதா ப⁴ர்த்ருஹிதே ரதா ॥ 83 ॥
விலப்ய கருணம் தீ³னா ப்ரஶுஶோச ஸுது³:கி²தா ।
தாஸாம் மத்⁴யாத்ஸமுத்தா²ய த்ரிஜடா வாக்யமப்³ரவீத் ॥ 84 ॥
ஆத்மானம் கா²த³த க்ஷிப்ரம் ந ஸீதா வினஶிஷ்யதி ।
ஜனகஸ்யாத்மஜா ஸாத்⁴வீ ஸ்னுஷா த³ஶரத²ஸ்ய ச ॥ 85 ॥
ஸ்வப்னோ ஹ்யத்³ய மயா த்³ருஷ்டோ தா³ருணோ ரோமஹர்ஷண: ।
ரக்ஷஸாம் ச வினாஶாய ப⁴ர்துரஸ்யா ஜயாய ச ॥ 86 ॥
அலமஸ்மாத்பரித்ராதும் ராக⁴வாத்³ராக்ஷஸீக³ணம் ।
அபி⁴யாசாம வைதே³ஹீமேதத்³தி⁴ மம ரோசதே ॥ 87 ॥
யஸ்யா ஹ்யேவம்வித⁴ஸ்ஸ்வப்னோ து³:கி²தாயா: ப்ரத்³ருஶ்யதே ।
ஸா து³:கை²ர்விவிதை⁴ர்முக்தா ஸுக²மாப்னோத்யனுத்தமம் ॥ 88 ॥
ப்ரணிபாதப்ரஸன்னா ஹி மைதி²லீ ஜனகாத்மஜா ।
ததஸ்ஸா ஹ்ரீமதீ பா³லா ப⁴ர்துர்விஜயஹர்ஷிதா ॥ 89 ॥
அவோசத்³யதி³ தத்தத்²யம் ப⁴வேயம் ஶரணம் ஹி வ: ।
தாம் சாஹம் தாத்³ருஶீம் த்³ருஷ்ட்வா ஸீதாயா தா³ருணாம் த³ஶாம் ।
சிந்தயாமாஸ விக்ராந்தோ ந ச மே நிர்வ்ருதம் மன: ॥ 9௦ ॥
ஸம்பா⁴ஷணார்த²ம் ச மயா ஜானக்யாஶ்சிந்திதோ விதி⁴: ॥ 91 ॥
இக்ஷ்வாகூணாம் ஹி வம்ஶஸ்து ததோ மம புரஸ்க்ருத: ।
ஶ்ருத்வா து க³தி³தாம் வாசம் ராஜர்ஷிக³ணபூஜிதாம் ॥ 92 ॥
ப்ரத்யபா⁴ஷத மாம் தே³வீ பா³ஷ்பை: பிஹிதலோசனா ।
கஸ்த்வம் கேன கத²ம் சேஹ ப்ராப்தோ வானரபுங்க³வ: ॥ 93 ॥
கா ச ராமேண தே ப்ரீதிஸ்தன்மே ஶம்ஸிதுமர்ஹஸி ।
தஸ்யாஸ்தத்³வசனம் ஶ்ருத்வா ஹ்யஹமப்யப்³ருவம் வச: ॥ 94 ॥
தே³வி ராமஸ்ய ப⁴ர்துஸ்தே ஸஹாயோ பீ⁴மவிக்ரம: ।
ஸுக்³ரீவோ நாம விக்ராந்தோ வானரேந்த்³ரோ மஹாப³ல: ॥ 95 ॥
தஸ்ய மாம் வித்³தி⁴ ப்⁴ருத்யம் த்வம் ஹனுமந்தமிஹாக³தம் ।
ப⁴ர்த்ராஹம் ப்ரேஷிதஸ்துப்⁴யம் ராமேணாக்லிஷ்டகர்மணா ॥ 96 ॥
இத³ம் ச புருஷவ்யாக்⁴ர: ஶ்ரீமான் தா³ஶரதி²: ஸ்வயம் ।
அங்கு³லீயமபி⁴ஜ்ஞானமதா³த்துப்⁴யம் யஶஸ்வினி ॥ 97 ॥
ததி³ச்சா²மி த்வயாஜ்ஞப்தம் தே³வி கிம் கரவாண்யஹம் ।
ராமலக்ஷ்மணயோ: பார்ஶ்வம் நயாமி த்வாம் கிமுத்தரம் ॥ 98 ॥
ஏதச்ச்²ருத்வா விதி³த்வா ச ஸீதா ஜனகனந்தி³னீ ।
ஆஹராவணமுத்ஸாத்³ய ராக⁴வோ மாம் நயத்விதி ॥ 99 ॥
ப்ரணம்ய ஶிரஸா தே³வீம் மஹமார்யாமனிந்தி³தாம் ।
ராக⁴வஸ்ய மனோஹ்லாத³மபி⁴ஜ்ஞானமயாசிஷம் ॥ 1௦௦ ॥
அத² மாமப்³ரவீத்ஸீதா க்³ருஹ்யதாமயமுத்தம: ।
மணிர்யேன மஹாபா³ஹூ ராமஸ்த்வாம் ப³ஹுமன்யதே ॥ 1௦1 ॥
இத்யுக்த்வா து வராரோஹா மணிப்ரவரமத்³பு⁴தம் ।
ப்ராயச்ச²த்பரமோத்³விக்³னா வாசா மாம் ஸந்தி³தே³ஶஹ ॥ 1௦2 ॥
ததஸ்தஸ்யை ப்ரணம்யாஹம் ராஜபுத்ர்யை ஸமாஹித: ।
ப்ரத³க்ஷிணம் பரிக்ராமமிஹாப்⁴யுத்³க³தமானஸ: ॥ 1௦3 ॥
உக்தோஹம் புனரேவேத³ம் நிஶ்சித்ய மனஸா தயா ।
ஹனுமன்மம வ்ருத்தாந்தம் வக்துமர்ஹஸி ராக⁴வே ॥ 1௦4 ॥
யதா² ஶ்ருத்வைவ ந சிராத்தாவுபௌ⁴ ராமலக்ஷ்மணௌ ।
ஸுக்³ரீவஸஹிதௌ வீராவுபேயாதாம் ததா² குரு ॥ 1௦5 ॥
யத்³யன்யதா² ப⁴வேதே³தத்³த்³வௌ மாஸௌ ஜீவிதம் மம ।
ந மாம் த்³ரக்ஷ்யதி காகுத்ஸ்தோ² ம்ரியே ஸாஹமனாத²வத் ॥ 1௦6 ॥
தச்ச்²ருத்வா கருணம் வாக்யம் க்ரோதோ⁴ மாமப்⁴யவர்தத ।
உத்தரம் ச மயா த்³ருஷ்டம் கார்யஶேஷமனந்தரம் ॥ 1௦7 ॥
ததோவர்த⁴த மே காயஸ்ததா³ பர்வதஸன்னிப:⁴ ।
யுத்³த⁴காங்க்ஷீ வனம் தச்ச வினாஶயிதுமாரபே⁴ ॥ 1௦8 ॥
தத்³ப⁴க்³னம் வனஷண்ட³ம் து ப்⁴ராந்தத்ரஸ்தம்ருக³த்³விஜம் ।
ப்ரதிபு³த்³தா⁴ நிரீக்ஷந்தே ராக்ஷஸ்யோ விக்ருதானநா: ॥ 1௦9 ॥
மாம் ச த்³ருஷ்ட்வா வனே தஸ்மின் ஸமாக³ம்ய ததஸ்தத: ।
தா ஸ்ஸமப்⁴யாக³தா: க்ஷிப்ரம் ராவணாயாசசக்ஷிரே ॥ 11௦ ॥
ராஜஸ்வனமித³ம் து³ர்க³ம் தவ ப⁴க்³னம் து³ராத்மனா ।
வானரேண ஹ்யவிஜ்ஞாய தவ வீர்யம் மஹாப³ல ॥ 111 ॥
து³ர்பு³த்³தே⁴ஸ்தஸ்ய ராஜேந்த்³ர தவ விப்ரியகாரிண: ।
வத⁴மாஜ்ஞாபய க்ஷிப்ரம் யதா²ஸௌ விலயம் வ்ரஜேத் ॥ 112 ॥
தச்ச்²ருத்வா ராக்ஷஸேந்த்³ரேண விஸ்ருஷ்டா ப்⁴ருஶது³ர்ஜயா: ।
ராக்ஷஸா: கிங்கரா நாம ராவணஸ்ய மனோனுகா³: ॥ 113 ॥
தேஷாமஶீதிஸாஹஸ்ரம் ஶூலமுத்³க³ரபாணினாம் ।
மயா தஸ்மின்வனோத்³தே³ஶே பரிகே⁴ண நிஷூதி³தம் ॥ 114 ॥
தேஷாம் து ஹதஶேஷா யே தே க³த்வா லகு⁴விக்ரமா: ।
நிஹதம் ச மஹத்ஸைன்யம் ராவணாயாசசக்ஷிரே ॥ 115 ॥
ததோ மே பு³த்³தி⁴ருத்பன்னா சைத்யப்ராஸாத³மாக்ரமம் ।
தத்ரஸ்தா²ன்ராக்ஷஸான் ஹத்வா ஶதம் ஸ்தம்பே⁴ன வை புன: ॥ 116 ॥
லலாமபூ⁴தோ லங்காயாஸ்ஸ வை வித்⁴வம்ஸிதோ மயா ।
தத: ப்ரஹஸ்தஸ்ய ஸுதம் ஜம்பு³மாலினமாதி³ஶத் ॥ 117 ॥
ராக்ஷஸைர்ப³ஹுபி⁴ஸ்ஸார்த⁴ம் கோ⁴ரரூபைர்ப⁴யானகை: ।
தம் மஹாப³லஸம்பன்னம் ராக்ஷஸம் ரணகோவித³ம் ॥ 118 ॥
பரிகே⁴ணாதிகோ⁴ரேண ஸூத³யாமி ஸஹானுக³ம் ।
தச்ச்²ருத்வா ராக்ஷஸேந்த்³ரஸ்து மந்த்ரிபுத்த்ரான்மஹாப³லான் ॥ 119 ॥
பதா³திப³லஸம்பன்னான் ப்ரேஷயாமாஸ ராவண: ।
பரிகே⁴ணைவ தான் ஸர்வான்னயாமி யமஸாத³னம் ॥ 12௦ ॥
மந்த்ரிபுத்த்ரான்ஹதான்ச்ச்²ருத்வா ஸமரேலகு⁴விக்ரமான் ।
பஞ்ச ஸேனாக்³ரகா³ச்ச்²ரூரான்ப்ரேஷயாமாஸ ராவண: ॥ 121 ॥
தானஹம் ஸஹஸைன்யான்வை ஸர்வானேவாப்⁴யஸூத³யம் ।
தத: புனர்த³ஶக்³ரீவ: புத்ரமக்ஷம் மஹாப³லம் ॥ 122 ॥
ப³ஹுபீ⁴ ராக்ஷஸைஸ்ஸார்த⁴ம் ப்ரேஷயாமாஸ ராவண: ।
தம் து மந்தோ³த³ரீபுத்த்ரம் குமாரம் ரணபண்டி³தம் ॥ 123 ॥
ஸஹஸா க²ம் ஸமுத்க்ராந்தம் பாத³யோஶ்ச க்³ருஹீதவான் ।
சர்மாஸினம் ஶதகு³ணம் ப்⁴ராமயித்வா வ்யபேஷயம் ॥ 124 ॥
தமக்ஷமாக³தம் ப⁴க்³னம் நிஶம்ய ஸ த³ஶானந: ।
தத இந்த்³ரஜிதம் நாம த்³விதீயம் ராவணஸ்ஸுதம் ॥ 125 ॥
வ்யாதி³தே³ஶ ஸுஸங்க்ருத்³தோ⁴ ப³லினம் யுத்³த⁴து³ர்மத³ம் ।
தச்சாப்யஹம் ப³லம் ஸர்வம் தம் ச ராக்ஷஸபுங்க³வம் ॥ 126 ॥
நஷ்டௌஜஸம் ரணே க்ருத்வா பரம் ஹர்ஷமுபாக³மம் ।
மஹதாபி மஹாபா³ஹு: ப்ரத்யயேன மஹாப³ல: ॥ 127 ॥
ப்ரேஷிதோ ராவணேனைவ ஸஹ வீரைர்மதோ³த்கடை: ।
ஸோவிஷஹ்யம் ஹி மாம் பு³த்³த்⁴வா ஸ்வம் ப³லம் சாவமர்தி³தம் ॥ 128 ॥
ப்³ராஹ்மணாஸ்த்ரேண ஸ து மாம் ப்ராப³த்⁴னாச்சா²திவேகி³த: ।
ரஜ்ஜுபி⁴ஶ்சாபி⁴ப³த்⁴னந்தி ததோ மாம் தத்ர ராக்ஷஸா: ॥ 129 ॥
ராவணஸ்ய ஸமீபம் ச க்³ருஹீத்வா மாமுபானயன் ।
த்³ருஷ்ட்வா ஸம்பா⁴ஷிதஶ்சாஹம் ராவணேன து³ராத்மனா ॥ 13௦ ॥
ப்ருஷ்டஶ்ச லங்காக³மனம் ராக்ஷஸானாம் ச தம் வத⁴ம் ।
தத்ஸர்வம் ச மயா தத்ர ஸீதார்த²மிதி ஜல்பிதம் ॥ 131 ॥
அஸ்யாஹம் த³ர்ஶனாகாங்க்ஷீ ப்ராப்தஸ்த்வத்³ப⁴வனம் விபோ⁴ ।
மாருதஸ்யௌரஸ: புத்ரோ வானரோ ஹனுமானஹம் ॥ 132 ॥
ராமதூ³தம் ச மாம் வித்³தி⁴ ஸுக்³ரீவஸசிவம் கபிம் ।
ஸோஹம் தூ³த்யேன ராமஸ்ய த்வத்ஸகாஶமிஹாக³த: ॥ 133 ॥
ஸுக்³ரீவஶ்ச மஹாதேஜாஸ்ஸத்வாம் குஶலமப்³ரவீத் ।
த⁴ர்மார்த²காமஸஹிதம் ஹிதம் பத்²யமுவாச ச ॥ 134 ॥
வஸதோ ருஶ்யமூகே மே பர்வதே விபுலத்³ருமே ।
ராக⁴வோ ரணவிக்ராந்தோ மித்த்ரத்வம் ஸமுபாக³த: ॥ 135 ॥
தேன மே கதி²தம் ராஜ்ஞா பா⁴ர்யா மே ரக்ஷஸா ஹ்ருதா ।
தத்ர ஸாஹாய்யமஸ்மாகம் கார்யம் ஸர்வாத்மனா த்வயா ॥ 136 ॥
மயா ச கதி²தம் தஸ்மை வாலினஶ்ச வத⁴ம் ப்ரதி ।
தத்ர ஸாஹாய்யஹேதோர்மே ஸமயம் கர்துமர்ஹஸி ॥ 137 ॥
வாலினா ஹ்ருதராஜ்யேன ஸுக்³ரீவேண மஹாப்ரபு⁴: ।
சக்ரேக்³னிஸாக்ஷிகம் ஸக்²யம் ராக⁴வஸ்ஸஹ லக்ஷ்மண: ॥ 138 ॥
தேன வாலினமுத்பாட்ய ஶரேணைகேன ஸம்யுகே³ ।
வானராணாம் மஹாராஜ: க்ருதஸ்ஸ ப்லவதாம் ப்ரபு⁴: ॥ 139 ॥
தஸ்ய ஸாஹாய்யமஸ்மாபி⁴: கார்யம் ஸர்வாத்மனா த்விஹ ।
தேன ப்ரஸ்தா²பிதஸ்துப்⁴யம் ஸமீபமிஹ த⁴ர்மத: ॥ 14௦ ॥
க்ஷிப்ரமானீயதாம் ஸீதா தீ³யதாம் ராக⁴வாய ச ।
யாவன்ன ஹரயோ வீரா வித⁴மந்தி ப³லம் தவ ॥ 141 ॥
வானராணாம் ப்ரபா⁴வோ ஹி ந கேன விதி³த: புரா ।
தே³வதானாம் ஸங்காஶம் ச யே க³ச்ச²ந்தி நிமந்த்ரிதா: ॥ 142 ॥
இதி வானரராஜஸ்த்வாமாஹேத்யபி⁴ஹிதோ மயா ।
மாமைக்ஷத தத: க்ருத்³த⁴ஶ்சக்ஷுஷா ப்ரத³ஹன்னிவ ॥ 143 ॥
தேன வத்⁴யோஹமாஜ்ஞப்தோ ரக்ஷஸா ரௌத்³ரகர்மணா ।
மத்ப்ரபா⁴வமவிஜ்ஞாய ராவணேன து³ராத்மனா ॥ 144 ॥
ததோ விபீ⁴ஷணோ நாம தஸ்ய ப்⁴ராதா மஹாமதி: ।
தேன ராக்ஷஸராஜோஸௌ யாசிதோ மம காரணாத் ॥ 145 ॥
நைவம் ராக்ஷஸஶார்தூ³ல த்யஜ்யதாமேஷ நிஶ்சய: ।
ராஜஶாஸ்த்ரவ்யபேதோ ஹி மார்க:³ ஸம்ஸேவ்யதே த்வயா ॥ 146 ॥
தூ³தவத்⁴யா ந த்³ருஷ்டா ஹி ராஜஶாஸ்த்ரேஷு ராக்ஷஸ ।
தூ³தேன வேதி³தவ்யம் ச யதா²ர்த²ம் ஹிதவாதி³னா ॥ 147 ॥
ஸுமஹத்யபராதே⁴பி தூ³தஸ்யாதுலவிக்ரம: ।
விரூபகரணம் த்³ருஷ்டம் ந வதோ⁴ஸ்தீதி ஶாஸ்த்ரத: ॥ 148 ॥
விபீ⁴ஷணேனைவமுக்தோ ராவணஸ்ஸந்தி³தே³ஶ தான் ।
ராக்ஷஸானேததே³வாஸ்ய லாங்கூ³லம் த³ஹ்யதாமிதி ॥ 149 ॥
ததஸ்தஸ்ய வச: ஶ்ருத்வா மம புச்ச²ம் ஸமந்தத: ।
வேஷ்டிதம் ஶணவல்கைஶ்ச ஜீர்ணை: கார்பாஸஜை: படை: ॥ 15௦ ॥
ராக்ஷஸா: ஸித்³த⁴ஸன்னாஹாஸ்ததஸ்தே சண்ட³விக்ரமா: ।
ததா³த³ஹ்யந்த மே புச்ச²ம் நிக்⁴னந்த: காஷ்ட²முஷ்டிபி⁴: ॥ 151 ॥
ப³த்³த⁴ஸ்ய ப³ஹுபி⁴: பாஶைர்யந்த்ரிதஸ்ய ச ராக்ஷஸை: ।
ததஸ்தே ராக்ஷஸாஶ்ஶூரா ப³த்³த⁴ம் மாமக்³னிஸம்வ்ருதம் ॥ 152 ॥
அகோ⁴ஷயன்ராஜமார்கே³ நக³ரத்³வாரமாக³தா: ।
ததோஹம் ஸுமஹத்³ரூபம் ஸங்க்ஷிப்ய புனராத்மன: ॥ 153 ॥
விமோசயித்வா தம் ப³ந்த⁴ம் ப்ரக்ருதிஸ்த:² ஸ்தி²த: புன: ।
ஆயஸம் பரிக⁴ம் க்³ருஹ்ய தானி ரக்ஷாம்ஸ்யஸூத³யம் ॥ 154 ॥
ததஸ்தன்னக³ரத்³வாரம் வேகே³னாப்லுதவானஹம் ।
புச்சே²ன ச ப்ரதீ³ப்தேன தாம் புரீம் ஸாட்டகோ³புராம் ॥ 155 ॥
த³ஹாம்யஹமஸம்ப்⁴ராந்தோ யுகா³ந்தாக்³னிரிவ ப்ரஜா: ।
வினஷ்டா ஜானகீ வ்யக்தம் ந ஹ்யத³க்³த:⁴ ப்ரத்³ருஶ்யதே ॥ 156 ॥
லங்காயாம் கஶ்சிது³த்³தே⁴ஶ: ஸர்வா ப⁴ஸ்மீக்ருதா புரீ ।
த³ஹதா ச மயா லங்காம் த³க்³தா⁴ ஸீதா ந ஸம்ஶய: ॥ 157 ॥
ராமஸ்ய ஹி மஹத்கார்யம் மயேத³ம் விததீ²க்ருதம் ।
இதி ஶோகஸமாவிஷ்டஶ்சிந்தாமஹமுபாக³த: ॥ 158 ॥
அதா²ஹம் வாசமஶ்ரௌஷம் சாரணானாம் ஶுபா⁴க்ஷராம் ।
ஜானகீ ந ச த³க்³தே⁴தி விஸ்மயோத³ந்தபா⁴ஷிணாம் ॥ 159 ॥
ததோ மே பு³த்³தி⁴ருத்பன்னா ஶ்ருத்வா தாமத்³பு⁴தாம் கி³ரம் ।
அத³க்³தா⁴ ஜானகீத்யேவம் நிமித்தைஶ்சோபலக்ஷிதா ॥ 16௦ ॥
தீ³ப்யமானே து லாங்கூ³லே ந மாம் த³ஹதி பாவக: ।
ஹ்ருத³யம் ச ப்ரஹ்ருஷ்டம் மே வாதாஸ்ஸுரபி⁴க³ந்தி⁴ன: ॥ 161 ॥
தைர்னிமித்தைஶ்ச த்³ருஷ்டாதை²: காரணைஶ்ச மஹாகு³ணை: ।
ருஷிவாக்யைஶ்ச ஸித்³தா⁴ர்தை²ரப⁴வம் ஹ்ருஷ்டமானஸ: ॥ 162 ॥
புனர்த்³ருஷ்ட்வா ச வைதே³ஹீம் விஸ்ருஷ்டஶ்ச தயா புன: ।
தத: பர்வதமாஸாத்³ய தத்ராரிஷ்டமஹம் புன: ॥ 163 ॥
ப்ரதிப்லவனமாரேபே⁴ யுஷ்மத்³த⁴ர்ஶனகாங்க்ஷயா ।
தத: பவனசந்த்³ரார்கஸித்³த⁴க³ந்த⁴ர்வஸேவிதம் ॥ 164 ॥
பந்தா²னமஹமாக்ரம்ய ப⁴வதோ த்³ருஷ்டவானிஹ ।
ராக⁴வஸ்ய ப்ரபா⁴வேண ப⁴வதாம் சைவ தேஜஸா ॥ 165 ॥
ஸுக்³ரீவஸ்ய ச கார்யார்த²ம் மயா ஸர்வமனுஷ்டி²தம் ।
ஏதத்ஸர்வம் மயா தத்ர யதா²வது³பபாதி³தம் ॥ 166 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ அஷ்டபஞ்சாஶஸ்ஸர்க:³ ॥
