ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² விம்ஶஸ்ஸர்க:³ ।
தஸ்மிம்ஸ்து புருஷவ்யாக்⁴ரே நிஷ்க்ராமதி க்ருதாஞ்ஜலௌ ।
ஆர்தஶப்³தோ³ மஹான் ஜஜ்ஞே ஸ்த்ரீணாமந்த:புரே ததா³ ॥ 1 ॥
க்ருத்யேஷ்வசோதி³த: பித்ரா ஸர்வஸ்யாந்த:புரஸ்ய ச ।
க³திர்யஶ்ஶரணம் சாபி ஸ ராமோத்³ய ப்ரவத்ஸ்யதி ॥ 2 ॥
கௌஶல்யாயாம் யதா² யுக்தோ ஜனந்யாம் வர்ததே ஸதா³ ।
ததை²வ வர்ததேஸ்மாஸு ஜன்மப்ரப்⁴ருதி ராக⁴வ: ॥ 3 ॥
ந க்ருத்⁴யத்யபி⁴ஶப்தோபி க்ரோத⁴னீயானி வர்ஜயன் ।
க்ருத்³தா⁴ன்ப்ரஸாத³யன்ஸர்வான் ஸ இதோத்³ய ப்ரவத்ஸ்யதி ॥ 4 ॥
அபு³த்³தி⁴ர்ப³த நோ ராஜா ஜீவலோகம் சரத்யயம் ।
யோ க³திம் ஸர்வபூ⁴தானாம் பரித்யஜதி ராக⁴வம் ॥ 5 ॥
இதி ஸர்வா மஹிஷ்யஸ்தா விவத்ஸா இவ தே⁴னவ: ।
பதிமாசுக்ருஶுஶ்சைவ ஸஸ்வரம் சாபி சுக்ருஶு: ॥ 6 ॥
ஸ ஹி சாந்த:புரே கோ⁴ரமார்தஶப்³த³ம் மஹீபதி: ।
புத்ரஶோகாபி⁴ஸந்தப்த: ஶ்ருத்வா வ்யாலீயதாஸனே ॥ 7 ॥
ராமஸ்து ப்⁴ருஶமாயஸ்தோ நிஶ்ஶ்வஸன்னிவ குஞ்ஜர: ।
ஜகா³ம ஸஹிதோ ப்⁴ராத்ரா மாதுரந்த:புரம் வஶீ ॥ 8 ॥
ஸோபஶ்யத்புருஷம் தத்ர வ்ருத்³த⁴ம் பரமபூஜிதம் ।
உபவிஷ்டம் க்³ருஹத்³வாரி திஷ்ட²தஶ்சாபரான்ப³ஹூன் ॥ 9 ॥
த்³ருஷ்ட்வைவ து ததா³ ராமம் தே ஸர்வே ஸஹஸோத்தி²தா: ।
ஜயேன ஜயதாம் ஶ்ரேஷ்ட²ம் வர்த⁴யந்தி ஸ்ம ராக⁴வம் ॥ 1௦ ॥
ப்ரவிஶ்ய ப்ரத²மாம் கக்ஷ்யாம் த்³விதீயாயாம் த³த³ர்ஶ ஸ: ।
ப்³ராஹ்மணான்வேத³ஸம்பன்னான்வ்ருத்³தா⁴ன்ராஜ்ஞாபி⁴ஸத்க்ருதான் ॥ 11 ॥
ப்ரணம்ய ராமஸ்தான்விப்ராம்ஸ்த்ருதீயாயாம் த³த³ர்ஶ ஸ: ।
ஸ்த்ரியோ வ்ருத்³தா⁴ஸ்ததா² பா³லா த்³வாரரக்ஷணதத்பரா: ॥ 12 ॥
வர்த⁴யித்வா ப்ரஹ்ருஷ்டாஸ்தா: ப்ரவிஶ்ய ச க்³ருஹம் ஸ்த்ரிய: ।
ந்யவேத³யந்த த்வரிதா ராமமாது: ப்ரியம் ததா³ ॥ 13 ॥
கௌஶல்யாபி ததா³ தே³வீ ராத்ரிம் ஸ்தி²த்வா ஸமாஹிதா ।
ப்ரபா⁴தே த்வகரோத்பூஜாம் விஷ்ணோ: புத்ரஹிதைஷிணீ ॥ 14 ॥
ஸா க்ஷௌமவஸனா ஹ்ருஷ்டா நித்யம் வ்ரதபராயணா ।
அக்³னிம் ஜுஹோதி ஸ்ம ததா³ மந்த்ரவத்க்ருதமங்க³லா ॥ 15 ॥
ப்ரவிஶ்ய ச ததா³ ராமோ மாதுரந்த:புரம் ஶுப⁴ம் ।
த³த³ர்ஶ மாதரம் தத்ர ஹாவயந்தீம் ஹுதாஶனம் ॥ 16 ॥
தே³வகார்யனிமித்தம் ச தத்ராபஶ்யத்ஸமுத்³யதம் ।
த³த்⁴யக்ஷதம் க்⁴ருதம் சைவ மோத³கான்ஹவிஷஸ்ததா² ॥ 17 ॥
லாஜான்மால்யானி ஶுக்லானி பாயஸம் க்ருஸரம் ததா² ।
ஸமித:⁴ பூர்ணகும்பா⁴ம்ஶ்ச த³த³ர்ஶ ரகு⁴னந்த³ன: ॥ 18 ॥
தாம் ஶுக்லக்ஷௌமஸம்வீதாம் வ்ரதயோகே³ன கர்ஶிதாம் ।
தர்பயந்தீம் த³த³ர்ஶாத்³பி⁴ர்தே³வதாம் தே³வவர்ணினீம் ॥ 19 ॥
ஸா சிரஸ்யாத்மஜம் த்³ருஷ்ட்வா மாத்ருனந்த³னமாக³தம் ।
அபி⁴சக்ராம ஸம்ஹ்ருஷ்டா கிஶோரம் ப³ட³பா³ யதா² ॥ 2௦ ॥
ஸ மாதரமபி⁴க்ராந்தாமுபஸங்க்³ருஹ்ய ராக⁴வ: ।
பரிஷ்வக்தஶ்ச பா³ஹுப்⁴யாமுபாக்⁴ராதஶ்ச மூர்த⁴னி ॥ 21 ॥
தமுவாச து³ராத⁴ர்ஷம் ராக⁴வம் ஸுதமாத்மன: ।
கௌஶல்யா புத்ரவாத்ஸல்யாதி³த³ம் ப்ரியஹிதம் வச: ॥ 22 ॥
வ்ருத்³தா⁴னாம் த⁴ர்மஶீலானாம் ராஜர்ஷீணாம் மஹாத்மனாம் ।
ப்ராப்னுஹ்யாயுஶ்ச கீர்திம் ச த⁴ர்மம் சோபஹிதம் குலே ॥ 23 ॥
ஸத்யப்ரதிஜ்ஞம் பிதரம் ராஜானம் பஶ்ய ராக⁴வ ।
அத்³யைவ ஹி த்வாம் த⁴ர்மாத்மா யௌவராஜ்யேபி⁴ஷேக்ஷ்யதி ॥ 24 ॥
த³த்தமாஸனமாலப்⁴ய போ⁴ஜனேன நிமந்த்ரித: ।
மாதரம் ராக⁴வ: கிஞ்சித்³வ்ரீடா³த்ப்ரஸார்யாஞ்ஜலிமப்³ரவீத் ॥ 25 ॥
ஸ ஸ்வபா⁴வவினீதஶ்ச கௌ³ரவாச்ச ததா³ நத: ।
ப்ரஸ்தி²தோ த³ண்ட³காரண்யமாப்ரஷ்டுமுபசக்ரமே ॥ 26 ॥
தே³வி நூனம் ந ஜானீஷே மஹத்³ப⁴யமுபஸ்தி²தம் ।
இத³ம் தவ ச து³:கா²ய வைதே³ஹ்யா லக்ஷ்மணஸ்ய ச ॥ 27 ॥
க³மிஷ்யே த³ண்ட³காரண்யம் கிமனேனாஸனேன மே ।
விஷ்டராஸனயோக்³யோ ஹி காலோயம் மாமுபஸ்தி²த: ॥ 28 ॥
சதுர்த³ஶ ஹி வர்ஷாணி வத்ஸ்யாமி விஜனே வனே ।
மது⁴மூலப²லைர்ஜீவன்ஹித்வா முனிவதா³மிஷம் ॥ 29 ॥
ப⁴ரதாய மஹாராஜோ யௌவராஜ்யம் ப்ரயச்ச²தி ।
மாம் புனர்த³ண்ட³காரண்யே விவாஸயதி தாபஸம் ॥ 3௦ ॥
ஸ ஷட்சாஷ்டௌ ச வர்ஷாணி வத்ஸ்யாமி விஜனே வனே ।
ஆஸேவமானோ வன்யானி ப²லமூலைஶ்ச வர்தயன் ॥ 31 ॥
ஸா நிக்ருத்தேவ ஸாலஸ்ய யஷ்டி: பரஶுனா வனே ।
பபாத ஸஹஸா தே³வீ தே³வதேவ தி³வஶ்ச்யுதா ॥ 32 ॥
தாமது³:கோ²சிதாம் த்³ருஷ்ட்வா பதிதாம் கத³லீமிவ ।
ராமஸ்தூத்தா²பயாமாஸ மாதரம் க³தசேதஸம் ॥ 33 ॥
உபாவ்ருத்த்யோத்தி²தாம் தீ³னாம் ப³ட³பா³மிவ வாஹிதாம் ।
பாம்ஸுகுண்டி²தஸர்வாங்கீ³ம் விமமர்ஶ ச பாணினா ॥ 34 ॥
ஸா ராக⁴வமுபாஸீனமஸுகா²ர்தா ஸுகோ²சிதா ।
உவாச புருஷவ்யாக்⁴ரமுபஶ்ருண்வதி லக்ஷ்மணே ॥ 35 ॥
யதி³ புத்ர ந ஜாயேதா² மம ஶோகாய ராக⁴வ ।
ந ஸ்ம து³:க²மதோ பூ⁴ய: பஶ்யேயமஹமப்ரஜா: ॥ 36 ॥
ஏக ஏவ ஹி வந்த்⁴யாயா ஶ்ஶோகோ ப⁴வதி மானஸ: ।
அப்ரஜாஸ்மீதி ஸந்தாபோ ந ஹ்யன்ய: புத்ர வித்³யதே ॥ 37 ॥
ந த்³ருஷ்டபூர்வம் கல்யாணம் ஸுக²ம் வா பதிபௌருஷே ।
அபி புத்ரே பி பஶ்யேயமிதி ராமாஸ்தி²தம் மயா ॥ 38 ॥
ஸா ப³ஹூன்யமனோஜ்ஞானி வாக்யானி ஹ்ருத³யச்சி²தா³ம் ।
அஹம் ஶ்ரோஷ்யே ஸபத்னீனாமவராணாம் வரா ஸதீ ॥ 39 ॥
அதோ து³:க²தரம் கிம் நு ப்ரமதா³னாம் ப⁴விஷ்யதி ।
மம ஶோகோ விலாபஶ்ச யாத்³ருஶோயமனந்தக: ॥ 4௦ ॥
த்வயி ஸன்னிஹிதேப்யேவமஹமாஸம் நிராக்ருதா ।
கிம் புன: ப்ரோஷிதே தாத த்⁴ருவம் மரணமேவ மே ॥ 41 ॥
அத்யந்தனிக்³ருஹீதாஸ்மி ப⁴ர்துர்னித்யமதந்த்ரிதா ।
பரிவாரேண கைகேய்யா ஸ்ஸமா வாப்யத²வாவரா ॥ 42 ॥
யோஹி மாம் ஸேவதே கஶ்சித³த²வாப்யனுவர்ததே ।
கைகேய்யா: புத்ரமன்வீக்ஷ்ய ஸ்வஶ்சி ஜனோ நாபி⁴பா⁴ஷதே ॥ 43 ॥
நித்யக்ரோத⁴தயா தஸ்யா: கத²ம் நு க²ரவாதி³தத் ।
கைகேய்யா வத³னம் த்³ரஷ்டும் புத்ர ஶக்ஷ்யாமி து³ர்க³தா ॥ 44 ॥
த³ஶ ஸப்த ச வர்ஷாணி ஜாதஸ்ய தவ ராக⁴வ அதிதானி ப்ரகாங்க்ஷந்த்யா மயா து³:க²பரிக்ஷயம் ॥ 45 ॥
தத³க்ஷயம் மஹத்³து³:க²ம் நோத்ஸஹே ஸஹிதும் சிரம் ।
விப்ரகாரம் ஸபத்னீனாமேவம் ஜீர்ணாபி ராக⁴வ ॥ 46 ॥
அபஶ்யந்தீ தவ முக²ம் பரிபூர்ணஶஶிப்ரப⁴ம் ।
க்ருபணா வர்தயிஷ்யாமி கத²ம் க்ருபணஜீவிகாம் ॥ 47 ॥
உபவாஸைஶ்ச யோகை³ஶ்ச ப³ஹுபி⁴ஶ்ச பரிஶ்ரமை: ।
து³:க²ம் ஸம்வர்தி⁴தோ மோக⁴ம் த்வம் ஹி து³ர்க³தயா மயா ॥ 48 ॥
ஸ்தி²ரம் து ஹ்ருத³யம் மன்யே மமேத³ம் யன்ன தீ³ர்யதே ।
ப்ராவ்ருஷீவ மஹானத்³யா ஸ்ப்ருஷ்டம் கூலம் நவாம்ப⁴ஸா ॥ 49 ॥
மமைவ நூனம் மரணம் ந வித்³யதே ந சாவகாஶோஸ்தி யமக்ஷயேமம ।
யத³ந்தகோத்³யைவ ந மாம் ஜிஹீர்ஷதி ।
ப்ரஸஹ்ய ஸிம்ஹோ ருத³தீம் ம்ருகீ³மிவ ॥ 5௦ ॥
ஸ்தி²ரம் ஹி நூனம் ஹ்ருத³யம் மமாயஸம் ந பி⁴த்³யதே யத்³பு⁴வி நாவதீ³ர்யதே ।
அனேன து³:கே²ன ச தே³ஹமர்பிதம் த்⁴ருவம் ஹ்யகாலே மரணம் ந வித்³யதே ॥ 51 ॥
இத³ம் ஹி து³:க²ம் யத³னர்த²கானி மே வ்ரதானி தா³னானி ச ஸம்யமாஶ்ச ஹி ।
தபஶ்ச தப்தம் யத³பத்யகாரணா த்ஸுனிஷ்ப²லம் பீ³ஜமிவோப்தமூஷரே ॥ 52 ॥
யதி³ ஹ்யகாலே மரணம் ஸ்வயேச்ச²யா லபே⁴த கஶ்சித்³கு³ருது³:க²கர்ஶித: ।
க³தாஹமத்³யைவ பரேதஸம்ஸத³ம் வினா த்வயா தே⁴னுரிவாத்மஜேன வை ॥ 53 ॥
அதா²பி கிம் ஜீவிதமத்³ய மே வ்ருதா² த்வயா வினா சந்த்³ரனிபா⁴னநப்ரப⁴ ।
அனுவ்ரஜிஷ்யாமி வனம் த்வயைவ கௌ³ ஸ்ஸுது³ர்ப³லா வத்ஸமிவானுகாங்க்ஷயா ॥ 54 ॥
ப்⁴ருஶமஸுக²மமர்ஷிதா ததா³ ப³ஹு விலலாப ஸமீக்ஷ்ய ராக⁴வம் ।
வ்யஸனமுபனிஶம்ய ஸா மஹ த்ஸுதமிவ ப³த்³த⁴மவேக்ஷ்ய கின்னரீ ॥ 55 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ விம்ஶஸ்ஸர்க:³ ॥
