ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² அஷ்டனவதிதமஸ்ஸர்க:³ ।
நிவேஶ்ய ஸேனாம் து விபு⁴: பத்³ப்⁴யாம் பாத³வதாம் வர: ।
அபி⁴க³ந்தும் ஸ காகுத்த்²ஸமியேஷ கு³ருவர்தகம் ॥ 1 ॥
நிவிஷ்டமாத்ரே ஸைன்யே து யதோ²த்³தே³ஶம் வினீதவத் ।
ப⁴ரதோ ப்⁴ராதரம் வாக்யம் ஶத்ருக்⁴னமித³மப்³ரவீத் ॥ 2 ॥
க்ஷிப்ரம் வனமித³ம் ஸௌம்ய நரஸங்கை⁴ ஸ்ஸமந்தத: ।
லுப்³தை⁴ஶ்ச ஸஹிதைரேபி⁴ ஸ்த்வமன்வேஷிதுமர்ஹஸி ॥ 3 ॥
கு³ஹோ ஜ்ஞாதிஸஹஸ்ரேண ஶரசாபாஸிதா⁴ரிணா ।
ஸமன்வேஷது காகுத்ஸ்த²மஸ்மின் பரிவ்ருதஸ்ஸ்வயம் ॥ 4 ॥
அமாத்யை ஸ்ஸஹ பௌரைஶ்ச கு³ருபி⁴ஶ்ச த்³விஜாதிபி⁴: ।
வனம் ஸர்வம் சரிஷ்யாமி பத்³ப்⁴யாம் பரிவ்ருத ஸ்ஸ்வயம் ॥ 5 ॥
யாவன்ன ராமம் த்³ரக்ஷ்யாமி லக்ஷ்மணம் வா மஹாப³லம் ।
வைதே³ஹீம் ச மஹாபா⁴கா³ம் ந மே ஶாந்திர்ப⁴விஷ்யதி ॥ 6 ॥
யாவன்ன சந்த்³ரஸங்காஶம் த்³ரக்ஷ்யாமி ஶுப⁴மானநம் ।
ப்⁴ராது: பத்³மபலாஶாக்ஷம் ந மே ஶாந்திர்ப⁴விஷ்யதி ॥ 7 ॥
யாவன்ன சரணௌ ப்⁴ராது: பார்தி²வவ்யஞ்ஜனான்விதௌ ।
ஶிரஸா தா⁴ரயிஷ்யாமி ந மே ஶாந்திர்ப⁴விஷ்யதி ॥ 8 ॥
யாவன்ன ராஜ்யே ராஜ்யார்ஹ: பித்ருபைதாமஹே ஸ்தி²த: ।
அபி⁴ஷேகஜலக்லின்னோ ந மே ஶாந்திர்ப⁴விஷ்யதி ॥ 9 ॥
ஸித்³தா⁴ர்த:² க²லு ஸௌமித்ரிர்யஶ்சந்த்³ரவிமலோபமம் ।
முக²ம் பஶ்யதி ராமஸ்ய ராஜீவாக்ஷம் மஹாத்³யுதி ॥ 1௦ ॥
க்ருதக்ருத்யா மஹாபா⁴கா³ வைதே³ஹீ ஜனகாத்மஜா ।
ப⁴ர்தாரம் ஸாக³ராந்தாயா: ப்ருதி²வ்யா யானுக³ச்ச²தி ॥ 11 ॥
ஸுப⁴க³ஶ்சித்ரகூடோஸௌ கி³ரிராஜோபமோ கி³ரி: ।
யஸ்மின்வஸதி காகுத்ஸ்த:² குபே³ர இவ நந்த³னே ॥ 12 ॥
க்ருதகார்யமித³ம் து³ர்க³ம் வனம் வ்யாலனிஷேவிதம் ।
யத³த்⁴யாஸ்தே மஹாதேஜா ராம ஶ்ஶஸ்த்ரப்⁴ருதாம் வர: ॥ 13 ॥
ஏவமுக்த்வா மஹாதேஜா ப⁴ரத: புரஷர்ஷப:⁴ ।
பத்³ப்⁴யாமேவ மஹாபா³ஹு: ப்ரவிவேஶ மஹாத்³வனம் ॥ 14 ॥
ஸ தானி த்³ருமஜாலானி ஜாதானி கி³ரிஸானுஷு ।
புஷ்பிதாக்³ராணி மத்⁴யேன ஜகா³ம வத³தாம் வர: ॥ 15 ॥
ஸ கி³ரேஶ்சித்ரகூடஸ்ய ஸாலமாஸாத்³ய புஷ்பிதம் ।
ராமாஶ்ரமக³தஸ்யாக்³னேர்த³த³ர்ஶ த்⁴வஜமுச்ச்²ரிதம் ॥ 16 ॥
தம் த்³ருஷ்ட்வா ப⁴ரத ஶ்ரீமான்முமோத³ ஸஹ பா³ந்த⁴வ: ।
அத்ர ராம இதி ஜ்ஞாத்வா க³த: பாரமிவாம்ப⁴ஸ: ॥ 17 ॥
ஸ சித்ரகூடே து கி³ரௌ நிஶம்யவ ராமாஶ்ரமம் புண்யஜனோபபன்னம் ।
கு³ஹேன ஸார்த⁴ம் த்வரிதோ ஜகா³ம புனர்னிவேஶ்யைவ சமூம் மஹாத்மா ॥ 18 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ அஷ்டனவதிதமஸ்ஸர்க:³ ॥
