ஶ்ரீமத்³வால்மீகீய ராமாயணே பா³லகாண்ட³ம் ।
அத² ஸப்தசத்வாரிம்ஶஸ்ஸர்க:³ ।
ஸப்ததா⁴து க்ருதே க³ர்பே⁴ தி³தி: பரமது³:கி²தா ।
ஸஹஸ்ராக்ஷம் து³ராத⁴ர்ஷம் வாக்யம் ஸானுனயாப்³ரவீத் ॥ 1 ॥
மமாபராதா⁴த்³க³ர்போ⁴யம் ஸப்ததா⁴ விப²லீக்ருத: ।
நாபராதோ⁴ஸ்தி தே³வேஶ தவாத்ர ப³லஸூத³ன ॥ 2 ॥
ப்ரியம் து கர்துமிச்சா²மி மம க³ர்ப⁴விபர்யயே ।
மருதாம் ஸப்தஸப்தானாம் ஸ்தா²னபாலா ப⁴வந்த்விமே ॥ 3 ॥
வாதஸ்கந்தா⁴: இமே ஸப்த சரந்து தி³வி புத்ரக ।
மாருதா இதி விக்²யாதா தி³வ்யரூபா மமாத்மஜா: ॥ 4 ॥
ப்³ரஹ்மலோகம் சரத்வேக இந்த்³ரலோகம் ததா²பர: ।
தி³வி வாயுரிதி க்²யாதஸ்த்ருதீயோபி மஹாயஶா: ॥ 5 ॥
சத்வாரஸ்து ஸுரஶ்ரேஷ்ட² தி³ஶோ வை தவ ஶாஸனாத் ।
ஸஞ்சரிஷ்யந்து ப⁴த்³ரம் தே தே³வபூ⁴தா மமாத்மஜா: ॥ 6 ॥
தஸ்யாஸ்தத்³வசனம் ஶ்ருத்வா ஸஹஸ்ராக்ஷ: புரந்த³ர: ।
உவாச ப்ராஞ்ஜலிர்வாக்யம் தி³திம் ப³லனிஷூத³ன: ॥ 7 ॥
ஸர்வமேதத்³யதோ²க்தம் தே ப⁴விஷ்யதி ந ஸம்ஶய: ।
விசரிஷ்யந்தி ப⁴த்³ரம் தே தே³வபூ⁴தாஸ்தவாத்மஜா: ॥ 8 ॥
ஏவம் தௌ நிஶ்சயம் க்ருத்வா மாதாபுத்ரௌ தபோவனே ।
ஜக்³மதுஸ்த்ரிதி³வம் ராம க்ருதார்தா²விதி நஶ்ஶ்ருதம் ॥ 9 ॥
ஏஷ தே³ஶஸ்ஸ காகுத்ஸ்த² மஹேந்த்³ராத்⁴யுஷித: புரா ।
தி³திம் யத்ர தபஸ்ஸித்³தா⁴மேவம் பரிசசார ஸ: ॥ 1௦ ॥
இக்ஷ்வாகோஸ்து நரவ்யாக்⁴ர புத்ர: பரமதா⁴ர்மிக: ॥ 11 ॥
அலம்பு³ஷாயாமுத்பன்னோ விஶால இதி விஶ்ருத: ।
தேன சாஸீதி³ஹ ஸ்தா²னே விஶாலேதி புரீ க்ருதா ॥ 12 ॥
இக்ஷ்வாகோஸ்து நரவ்யாக்⁴ர புத்ர: பரமதா⁴ர்மிக: ॥ 13 ॥
அலம்பு³ஷாயாமுத்பன்னோ விஶால இதி விஶ்ருத: ।
தேன சாஸீதி³ஹ ஸ்தா²னே விஶாலேதி புரீ க்ருதா ॥ 14 ॥
விஶாலஸ்ய ஸுதோ ராம ஹேமசந்த்³ரோ மஹாப³ல: ।
ஸுசந்த்³ர இதி விக்²யாத: ஹேமசந்த்³ராத³னந்தர: ॥ 15 ॥
ஸுசந்த்³ரதனயோ ராம தூ⁴ம்ராஶ்வ இதி விஶ்ருத: ।
தூ⁴ம்ராஶ்வதனயஶ்சாபி ஸஞ்ஜயஸ்ஸமபத்³யத ॥ 16 ॥
ஸஞ்ஜயஸ்ய ஸுதஶ்ஶ்ரீமான் ஸஹதே³வ: ப்ரதாபவான் ।
குஶாஶ்வஸ்ஸஹதே³வஸ்ய புத்ர: பரமதா⁴ர்மிக: ॥ 17 ॥
குஶாஶ்வஸ்ய மஹாதேஜா ஸோமத³த்த: ப்ரதாபவான் ।
ஸோமத³த்தஸ்ய புத்ரஸ்து காகுத்ஸ்த² இதி விஶ்ருத: ॥ 18 ॥
தஸ்ய புத்ரோ மஹாதேஜா: ஸம்ப்ரத்யேஷ புரீமிமாம் ।
ஆவஸத்யமரப்ரக்²யஸ்ஸுமதிர்னாம து³ர்ஜய: ॥ 19 ॥
இக்ஷ்வாகோஸ்து ப்ரஸாதே³ன ஸர்வே வைஶாலிகா ந்ருபா: ।
தீ³ர்கா⁴யுஷோ மஹாத்மானோ வீர்யவந்தஸ்ஸுதா⁴ர்மிகா: ॥ 2௦ ॥
இஹாத்³ய ரஜனீம் ராம ஸுக²ம் வத்ஸ்யாமஹே வயம் ।
ஶ்வ: ப்ரபா⁴தே நரஶ்ரேஷ்ட² ஜனகம் த்³ரஷ்டுமர்ஹஸி ॥ 21 ॥
ஸுமதிஸ்து மஹாதேஜா விஶ்வாமித்ரமுபாக³தம் ।
ஶ்ருத்வா நரவரஶ்ரேஷ்ட:² ப்ரத்யுத்³க³ச்ச²ன்மஹாயஶா: ॥ 22 ॥
பூஜாம் ச பரமாம் க்ருத்வா ஸோபாத்⁴யாயஸ்ஸபா³ந்த⁴வ: ।
ப்ராஞ்ஜலி: குஶலம் ப்ருஷ்ட்வா விஶ்வாமித்ரமதா²ப்³ரவீத் ॥ 23 ॥
த⁴ன்யோஸ்ம்யனுக்³ருஹீதோஸ்மி யஸ்ய மே விஷயம் முனி: ।
ஸம்ப்ராப்தோ த³ர்ஶனம் சைவ நாஸ்தி த⁴ன்யதரோ மம ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஸப்தசத்வாரிம்ஶஸ்ஸர்க:³ ॥
