ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகோனவிம்ஶத்யதி⁴கஶததமஸ்ஸர்க:³ ।
அனஸூயா து த⁴ர்மஜ்ஞா ஶ்ருத்வா தாம் மஹதீம் கதா²ம் ।
பர்யஷ்வஜத பா³ஹுப்⁴யாம் ஶிரஸ்யாக்⁴ராய மைதி²லீம் ॥ 1 ॥
வ்யக்தாக்ஷரபத³ம் சித்ரம் பா⁴ஷிதம் மது⁴ரம் த்வயா ।
யதா² ஸ்வயம்வரம் வ்ருத்தம் தத்ஸர்வம் ஹி ஶ்ருதம் மயா ॥ 2 ॥
ரமேஹம் கத²யா தே து த்³ருட⁴ம் மது⁴ரபா⁴ஷிணி ।
ரவிரஸ்தங்க³தஶ்ஶ்ரீமானுபோஹ்ய ரஜனீம் ஶிவாம் ॥ 3 ॥
தி³வஸம் ப்ரதிகீர்ணானாமாஹாரார்த²ம் பதத்ரிணாம் ।
ஸந்த்⁴யாகாலே நிலீனானாம் நித்³ரார்த²ம் ஶ்ரூயதே த்⁴வனி: ॥ 4 ॥
ஏதே சாப்யபி⁴ஷேகார்த்³ரா முனய: கலஶோத்³யதா: ।
ஸஹிதா உபவர்தந்தே ஸலிலாப்லுதவல்கலா: ॥ 5 ॥
ருஷீணாமக்³னிஹோத்ரேஷு ஹுதேஷு விதி⁴பூர்வகம் ।
கபோதாங்கா³ருணோ தூ⁴மோ த்³ருஶ்யதே பவனோத்³த⁴த: ॥ 6 ॥
அல்பபர்ணா ஹி தரவோ க⁴னீபூ⁴தாஸ்ஸமந்தத: ।
விப்ரக்ருஷ்டேந்த்³ரியே தே³ஶேஸ்மின்ன ப்ரகாஶந்தி வை தி³ஶ: ॥ 7 ॥
ரஜனீசரஸத்த்வானி ப்ரசரந்தி ஸமந்தத: ।
தபோவனம்ருகா³ ஹ்யேதே வேதி³தீர்தே²ஷு ஶேரதே ॥ 8 ॥
ஸம்ப்ரவ்ருத்தானிஶா ஸீதே நக்ஷத்ரஸமலங்க்ருதா ।
ஜ்யோத்ஸ்னாப்ராவரணஶ்சந்த்³ரோ த்³ருஶ்யதேப்⁴யுதி³தோம்ப³ரே ॥ 9 ॥
க³ம்யதாமனுஜானாமி ராமஸ்யானுசரீ ப⁴வ ।
கதா²யந்த்யா ஹி மது⁴ரம் த்வயாஹம் பரிதோஷிதா ॥ 1௦ ॥
அலங்குரு ச தாவத்த்வம் ப்ரத்யக்ஷம் மம மைதி²லி ।
ப்ரீதிம் ஜனய மே வத்ஸே தி³வ்யாலங்காரஶோபி⁴தா ॥ 11 ॥
ஸா ததா² ஸமலங்க்ருத்ய ஸீதா ஸுரஸுதோபமா ।
ப்ரணம்ய ஶிரஸா தஸ்யை ராமம் த்வபி⁴முகீ² யயௌ ॥ 12 ॥
ததா² து பூ⁴ஷிதாம் ஸீதாம் த³த³ர்ஶ வத³தாம் வர: ।
ராக⁴வ: ப்ரீதிதா³னேன தபஸ்வின்யா ஜஹர்ஷ ச ॥ 13 ॥
ந்யவேத³யத்ததஸ்ஸர்வம் ஸீதா ராமாய மைதி²லீ ।
ப்ரீதிதா³னம் தபஸ்வின்யா வஸனாப⁴ரணஸ்ரஜம் ॥ 14 ॥
ப்ரஹ்ருஷ்டஸ்த்வப⁴வத்³ராமோ லக்ஷ்மணஶ்ச மஹாரத:² ।
மைதி²ல்யாஸ்ஸத்க்ரியாம் த்³ருஷ்ட்வா மானுஷேஷு ஸுது³ர்லபா⁴ம் ॥ 15 ॥
ததஸ்தாம் ஶர்வரீம் ப்ரீத: புண்யாம் ஶஶினிபா⁴னந: ।
அர்சிதஸ்தாபஸை ஸ்ஸித்³தை⁴ருவாஸ ரகு⁴னந்த³ன: ॥ 16 ॥
தஸ்யாம் ராத்ர்யாம் வ்யதீதாயாமபி⁴ஷிச்ய ஹுதாக்³னிகான் ।
ஆப்ருச்சே²தாம் நரவ்யாக்⁴ரௌ தாபஸான்வனகோ³சரான் ॥ 17 ॥
தாவூசுஸ்தே வனசராஸ்தாபஸா த⁴ர்மசாரிண: ।
வனஸ்ய தஸ்ய ஸஞ்சாரம் ராக்ஷஸைஸ்ஸமபி⁴ப்லுதம் ॥ 18 ॥
ரக்ஷாம்ஸி புருஷாதா³னி நானாரூபாணி ராக⁴வ ।
வஸந்த்யஸ்மின்மஹாரண்யே வ்யாலாஶ்ச ருதி⁴ராஶனா: ॥ 19 ॥
உச்சி²ஷ்டம் வா ப்ரமத்தம் வா தாபஸம் த⁴ர்மசாரிணம் ।
அத³ந்த்யஸ்மின்மஹாரண்யே தான்னிவாரய ராக⁴வ ॥ 2௦ ॥
ஏஷ பந்தா² மஹர்ஷீணாம் ப²லான்யாஹரதாம் வனே ।
அனேன து வனம் து³ர்க³ம் க³ந்தும் ராக⁴வ தே க்ஷமம் ॥ 21 ॥
இதீவ தை: ப்ராஞ்ஜலிபி⁴ஸ்தபஸ்விபி⁴ர்த்³விஜை: க்ருதஸ்வஸ்த்யயன: பரந்தப: ।
வனம் ஸபா⁴ர்ய: ப்ரவிவேஶ ராக⁴வஸ்ஸலக்ஷ்மணஸ்ஸூர்ய இவாப்⁴ரமண்ட³லம் ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகோனவிம்ஶத்யதி⁴கஶததமஸ்ஸர்க:³ ॥
