ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகோனத்ரிம்ஶஸ்ஸர்க:³ ।
ததா²க³தாம் தாம் வ்யதி²தாமனிந்தி³தாம் வ்யபேதஹர்ஷாம் பரிதீ³னமானஸாம் ।
ஶுபா⁴ம் நிமித்தானி ஶுபா⁴னி பே⁴ஜிரே நரம் ஶ்ரியா ஜுஷ்டமிவோபஜீவின: ॥ 1 ॥
தஸ்யா: ஶுப⁴ம் வாமமராலபக்ஷ்ம ராஜீவ்ருதம் க்ருஷ்ணவிஶாலஶுக்லம் ।
ப்ராஸ்பந்த³தைகம் நயனம் ஸுகேஶ்யா மீனாஹதம் பத்³மமிவாபி⁴தாம்ரம் ॥ 2 ॥
பு⁴ஜஶ்ச சார்வஞ்சிதபீனவ்ருத்த: பரார்த்²யகாலாக³ருசந்த³னார்ஹ: ।
அனுத்தமேனாத்⁴யுஷித: ப்ரியேண சிரேண வாம: ஸமவேபதாஶு ॥ 3 ॥
கஜ³ேந்த்³ரஹஸ்தப்ரதிமஶ்ச பீன ஸ்தயோர்த்³வயோ: ஸம்ஹதயோ: ஸுஜாத: ।
ப்ரஸ்பந்த³மான: புனரூருரஸ்யா ராமம் புரஸ்தாத் ஸ்தி²தமாசசக்ஷே ॥ 4 ॥
ஶுப⁴ம் புனர்ஹேமஸமானவர்ண மீஷத்³ரஜோத்⁴வஸ்தமிவாமலாக்ஷ்யா: ।
வாஸ ஸ்ஸ்தி²தாயா ஶ்ஶிக²ராக்³ரத³ந்த்யா: கிஞ்சித்பரிஸ்ரம்ஸத சாருகா³த்ய்ரா: ॥ 5 ॥
ஏதைர்னிமித்தைரபரைஶ்ச ஸுப்⁴ரூ: ஸம்போ³தி⁴தா ப்ராக³பி ஸாது⁴ ஸித்³தை⁴: ।
வாதாதபக்லாந்தமிவ ப்ரணஷ்டம் வர்ஷேண பீ³ஜம் ப்ரதிஸஞ்ஜஹர்ஷ ॥ 6 ॥
தஸ்யா: புனர்பி³ம்ப³ப²லாத⁴ரோஷ்ட²ம் ஸ்வக்ஷிப்⁴ருகேஶாந்தமராலபக்ஷ்ம ।
வக்த்ரம் ப³பா⁴ஸே ஸிதஶுக்லத³ம்ஷ்ட்ரம் ராஹோர்முகா²ச்சந்த்³ர இவ ப்ரமுக்த: ॥ 7 ॥
ஸா வீதஶோகா வ்யபனீததந்த்³ரீ ஶாந்தஜ்வரா ஹர்ஷவிபு³த்³த⁴ஸத்த்வா ।
அஶோப⁴தார்யா வத³னேன ஶுக்லே ஶீதாம்ஶுனா ராத்ரிரிவோதி³தேன ॥ 8 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகோனத்ரிம்ஶஸ்ஸர்க:³ ॥
