ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்³வாத³ஶஸ்ஸர்க:³ ।
ததஶ்ஶ்ருத்வா மஹாராஜ: கைகேய்யா தா³ருணம் வச: ।
சிந்தாமபி⁴ஸமாபேதே³ முஹூர்தம் ப்ரததாப ச ॥ 1 ॥
கின்னு மே யதி³ வா ஸ்வப்னஶ்சித்தமோஹோபி வா மம ।
அனுபூ⁴தோபஸர்கோ³ வா மனஸோ வாப்யுபத்³ரவ: ॥ 2 ॥
இதி ஸஞ்சிந்த்ய தத்³ராஜா நாத்⁴யக³ச்ச²த்ததா³ஸுக²ம் ।
ப்ரதிலப்⁴ய சிராத்ஸஞ்ஜ்ஞாம் கைகேயீவாக்யதாடி³த: ॥ 3 ॥
வ்யதி²தோ விக்லப³ஶ்சைவ வ்யாக்⁴ரீம் த்³ருஷ்ட்வா யதா² ம்ருக:³ ।
அஸம்வ்ருதாயாமாஸீனோ ஜக³த்யாம் தீ³ர்க⁴முச்ச²வஸன் ॥ 4 ॥
மண்ட³லே பன்னகோ³ ருத்³தோ⁴ மந்த்ரைரிவ மஹாவிஷ: ।
அஹோ தி⁴கி³தி ஸாமர்ஷோ வாசமுக்த்வா நராதி⁴ப: ॥ 5 ॥
மோஹமாபேதி³வான்பூ⁴ய ஶ்ஶோகோபஹதசேதன: ।
சிரேண து ந்ருப ஸ்ஸஞ்ஜ்ஞாம் ப்ரதிலப்⁴ய ஸுது³:கி²த: ॥ 6 ॥
கைகேயீமப்³ரவீத்க்ருத்³த:⁴ப்ரத³ஹன்னிவ சக்ஷுஷா ।
ந்ருஶம்ஸே து³ஷ்டசாரித்ரே குலஸ்யாஸ்ய வினாஶினி ॥ 7 ॥
கிம் க்ருதம் தவ ராமேண பாபம் பாபே மயாபி வா ।
யதா³ தே ஜனநீதுல்யாம் வ்ருத்திம் வஹதி ராக⁴வ: ॥ 8 ॥
தஸ்யைவ த்வமனர்தா²ய கிம்னிமித்தமிஹோத்³யதா ।
த்வம் மயாத்மவினாஶார்த²ம் ப⁴வனம் ஸ்வம் ப்ரவேஶிதா ॥ 9 ॥
அவிஜ்ஞானான்ன்ருபஸுதா வ்யாலீ தீக்ஷ்ணவிஷா யதா² ।
ஜீவலோகோ யதா³ ஸர்வோ ராமஸ்யாஹ கு³ணஸ்தவம் ॥ 1௦ ॥
அபராத⁴ம் கிமுத்³தி³ஶ்ய த்யக்ஷ்யாமீஷ்டமஹம் ஸுதம் ।
கௌஸல்யாம் வா ஸுமித்ராம் வா த்யஜேயமபி வா ஶ்ரியம் ॥ 11 ॥
ஜீவிதம் வாத்மனோ ராமம் ந த்வேவ பித்ருவத்ஸலம் ।
பரா ப⁴வதி மே ப்ரீதிர்த்³ருஷ்ட்வா தனயமக்³ரஜம் ॥ 12 ॥
அபஶ்யதஸ்து மே ராமம் நஷ்டா ப⁴வதி சேதனா ।
திஷ்டே²ல்லோகோ வினா ஸூர்யம் ஶஸ்யம் வா ஸலிலம் வினா ॥ 13 ॥
ந து ராமம் வினா தே³ஹே திஷ்டே²த்து மம ஜீவிதம் ।
தத³லம் த்யஜ்யதாமேஷ நிஶ்சய: பாபனிஶ்சயே ॥ 14 ॥
அபி தே சரணை மூர்த்⁴னா ஸ்ப்ருஶாம்யேஷ ப்ரஸீத³ மே ।
கிமித³ம் சிந்திதம் பாபே த்வயா பரமதா³ருணம் ॥ 15 ॥
அத² ஜிஜ்ஞாஸஸே மாம் த்வம் ப⁴ரதஸ்ய ப்ரியாப்ரியே ।
அஸ்து யத்தத்த்வயா பூர்வம் வ்யாஹ்ருதம் ராக⁴வம் ப்ரதி ॥ 16 ॥
ஸ மே ஜ்யேஷ்ட²ஸ்ஸுத ஶ்ரீமாந்த⁴ர்மஜ்யேஷ்ட² இதீவ மே ।
தத்த்வயா ப்ரியவாதி³ன்யா ஸேவார்த²ம் கதி²தம் ப⁴வேத் ॥ 17 ॥
தச்ச்²ருத்வா ஶோகஸந்தப்தா ஸந்தாபயஸி மாம் ப்⁴ருஶம் ।
ஆவிஷ்டாஸி க்³ருஹம் ஶூன்யம் ஸா த்வம் பரவஶம் க³தா ॥ 18 ॥
இக்ஷ்வாகூணாம் குலே தே³வி ஸம்ப்ராப்தஸ்ஸுமஹானயம் ।
அனயோ நயஸம்பன்னே யத்ர தே விக்ருதா மதி: ॥ 19 ॥
நஹி கிஞ்சித³யுக்தம் வா விப்ரியம் வா புரா மம ।
அகரோஸ்த்வம் விஶாலாக்ஷி தேன ந ஶ்ரத்³த³தா⁴ம்யஹம் ॥ 2௦ ॥
நனு தே ராக⁴வஸ்துல்யோ ப⁴ரதேன மஹாத்மனா ।
ப³ஹுஶோ ஹி ஸுபா³லே த்வம் கதா²: கத²யஸே மம ॥ 21 ॥
தஸ்ய த⁴ர்மாத்மனோ தே³வி வனவாஸம் யஶஸ்வின: ।
கத²ம் ரோசயஸே பீ⁴ரு நவ வர்ஷாணி பஞ்ச ச ॥ 22 ॥
அத்யந்தஸுகுமாரஸ்ய தஸ்ய த⁴ர்மே த்⁴ருதாத்மன: ।
கத²ம் ரோசயஸே வாஸமரண்யே ப்⁴ருஶதா³ருணே ॥ 23 ॥
ரோசயஸ்யபி⁴ராமஸ்ய ராமஸ்ய ஶுப⁴லோசனே ।
தவ ஶுஶ்ரூஷமாணஸ்ய கிமர்த²ம் விப்ரவாஸனம் ॥ 24 ॥
ராமோ ஹி ப⁴ரதாத்³பூ⁴யஸ்தவ ஶுஶ்ரூஷதே ஸதா³ ।
விஶேஷம் த்வயி தஸ்மாத்து ப⁴ரதஸ்ய ந லக்ஷயே ॥ 25 ॥
ஶுஶ்ரூஷாம் கௌ³ரவம் சைவ ப்ரமாணம் வசனக்ரியாம் ।
கஸ்தே பூ⁴யஸ்தரம் குர்யாத³ன்யத்ர மனுஜர்ஷபா⁴த் ॥ 26 ॥
ப³ஹூனாம் ஸ்த்ரீஸஹஸ்ராணாம் ப³ஹூனாம் சோபஜீவினாம் ।
பரிவாதோ³பவாதோ³ வா ராக⁴வே நோபபத்³யதே ॥ 27 ॥
ஸாந்த்வயன்ஸர்வபூ⁴தானி ராம ஶ்ஶுத்³தே⁴ன சேதஸா ।
க்³ருஹ்ணாதி மனுஜவ்யாக்⁴ர ப்ரியைர்விஷயவாஸின: ॥ 28 ॥
ஸத்யேன லோகான் ஜயதி தீ³னான் தா³னேன ராக⁴வ: ।
கு³ரூஞ்சு²ஶ்ரூஷயா வீரோ த⁴னுஷா யுதி⁴ ஶாத்ரவான் ॥ 29 ॥
ஸத்யம் தா³னம் தபஸ்த்யாகோ³ மித்ரதா ஶௌசமார்ஜவம் ।
வித்³யா ச கு³ருஶுஶ்ரூஷா த்⁴ருவாண்யேதானி ராக⁴வே ॥ 3௦ ॥
தஸ்மின்னார்ஜவஸம்பன்னே தே³வி தே³வோபமே கத²ம் ।
பாபமாஶம்ஸஸே ராமே மஹர்ஷிஸமதேஜஸி ॥ 31 ॥
ந ஸ்மராம்யப்ரியம் வாக்யம் லோகஸ்ய ப்ரியவாதி³ன: ।
ஸ கத²ம் த்வத்க்ருதே ராமம் வக்ஷ்யாமி ப்ரியமப்ரியம் ॥ 32 ॥
க்ஷமா யஸ்மிந்த³மஸ்த்யாக³ ஸத்யம் த⁴ர்ம: க்ருதஜ்ஞதா ।
அப்யஹிம்ஸா ச பூ⁴தானாம் தம்ருதே கா க³திர்மம ॥ 33 ॥
மம வ்ருத்³த⁴ஸ்ய கைகேயி க³தாந்தஸ்ய தபஸ்வின: ।
தீ³னம் லாலப்யமானஸ்ய காருண்யம் கர்துமர்ஹஸி ॥ 34 ॥
ப்ருதி²வ்யாம் ஸாக³ராந்தாயாம் யத்கிஞ்சித³தி⁴க³ம்யதே ।
தத்ஸர்வம் தவ தா³ஸ்யாமி மா ச த்வாம் மன்யுராவிஶேத் ॥ 35 ॥
அஞ்ஜலிம் கரோமி கைகேயி பாதௌ³ சாபி ஸ்ப்ருஶாமி தே ।
ஶரணம் ப⁴வ ராமஸ்ய மாத⁴ர்மோ மாமிஹ ஸ்ப்ருஶேத் ॥ 36 ॥
இதி து³:கா²பி⁴ஸந்தப்தம் விலபந்தமசேதனம் ।
கூ⁴ர்ணமானம் மஹாராஜம் ஶோகேன ஸமபி⁴ப்லுதம் ॥ 37 ॥
பாரம் ஶோகார்ணவஸ்யாஶு ப்ரார்த²யந்தம் புன: புன: ।
ப்ரத்யுவாசாத² கைகேயீ ரௌத்³ரா ரௌத்³ரதரம் வச: ॥ 38 ॥
யதி³ த³த்த்வா வரௌ ராஜன்புன: ப்ரத்யனுதப்யஸே ।
தா⁴ர்மிகத்வம் கத²ம் வீர ப்ருதி²வ்யாம் கத²யிஷ்யஸி ॥ 39 ॥
யதா³ ஸமேதா ப³ஹவஸ்த்வயா ராஜர்ஷய ஸ்ஸஹ ।
கத²யிஷ்யந்தி த⁴ர்மஜ்ஞ தத்ர கிம் ப்ரதிவக்ஷ்யஸி ॥ 4௦ ॥
யஸ்யா: ப்ரஸாதே³ ஜீவாமி யா ச மாமப்⁴யபாலயத் ।
தஸ்யா: க்ருதம் மயா மித்²யா கைகேய்யா இதி வக்ஷயஸி ॥ 41 ॥
கில்பி³ஷத்வம் நரேந்த்³ராணாம் கரிஷ்யஸி நராதி⁴ப ।
யோ த³த்வா வரமத்³யைவ புனரன்யானி பா⁴ஷஸே ॥ 42 ॥
ஶைப்³யஶ்ஶ்யேனகபோதீயே ஸ்வமாம்ஸம் பக்ஷிணே த³தௌ³ ।
அலர்கஶ்சக்ஷுஷீ த³த்வா ஜகா³ம க³திமுத்தமாம் ॥ 43 ॥
ஸாக³ரஸ்ஸமயம் க்ருத்வா ந வேலாமதிவர்ததே ।
ஸமயம் மான்ருதம் கார்ஷீ: பூர்வவ்ருத்தமனுஸ்மரன் ॥ 44 ॥
ஸ த்வம் த⁴ர்மம் பரித்யஜ்ய ராமம் ராஜ்யேபி⁴ஷிச்ய ச ।
ஸஹ கௌஸல்யயா நித்யம் ரந்துமிச்ச²ஸி து³ர்மதே ॥ 45 ॥
ப⁴வத்வத⁴ர்மோ த⁴ர்மோ வா ஸத்யம் வா யதி³ வான்ருதம் ।
யத்த்வயா ஸம்ஶ்ருதம் மஹ்யம் தஸ்ய நாஸ்தி வ்யதிக்ரம: ॥ 46 ॥
அஹம் ஹி விஷமத்³யைவ பீத்வா ப³ஹு தவாக்³ரத: ।
பஶ்யதஸ்தே மரிஷ்யாமி ராமோ யத்³யபி⁴ஷிச்யதே ॥ 47 ॥
ஏகாஹமபி பஶ்யேயம் யத்³யஹம் ராமமாதரம் ।
அஞ்ஜலிம் ப்ரதிக்³ருஹ்ணந்தீம் ஶ்ரேயோ நனு ம்ருதிர்மம ॥ 48 ॥
ப⁴ரதேனாத்மனா சாஹம் ஶபே தே மனுஜாதி⁴ப ।
யதா² நான்யேன துஷ்யேயம்ருதே ராமவிவாஸனாத் ॥ 49 ॥
ஏதாவது³க்த்வா வசனம் கைகேயீ விரராம ஹ ।
விலபந்தம் ச ராஜானம் ந ப்ரதிவ்யாஜஹார ஸா ॥ 5௦ ॥
ஶ்ருத்வா து ராஜா கைகேய்யா வ்ருதம் பரமஶோப⁴னம் ।
ராமஸ்ய ச வனே வாஸமைஶ்வர்யம் ப⁴ரதஸ்ய ச ॥ 51 ॥
நாப்⁴யபா⁴ஷத கைகேயீம் முஹூர்தம் வ்யாகுலேந்த்³ரிய: ।
ப்ரைக்ஷதானிமிஷோ தே³வீம் ப்ரியாமப்ரியவாதி³னீம் ॥ 52 ॥
தாம் ஹி வஜ்ரஸமாம் வாசமாகர்ண்ய ஹ்ருத³யாப்ரியாம் ।
து³:க²ஶோகமயீம் கோ⁴ராம் ராஜா ந ஸுகி²தோப⁴வத் ॥ 53 ॥
ஸ தே³வ்யா வ்யவஸாயம் ச கோ⁴ரம் ச ஶபத²ம் க்ருதம் ।
த்⁴யாத்வா ராமேதி நிஶ்ஶ்வஸ்ய சி²ன்ன ஸ்தருரிவாபதத் ॥ 54 ॥
நஷ்டசித்தோ யதோ²ன்மத்தோ விபரீதோ யதா²துர: ।
ஹ்ருததேஜா யதா² ஸர்போ ப³பூ⁴வ ஜக³தீபதி: ॥ 55 ॥
தீ³னயா து கி³ரா ராஜா இதி ஹோவாச கைகயீம் ।
அனர்த²மிமமர்தா²ப⁴ம் கேன த்வமுபத³ர்ஶிதா ॥ 56 ॥
பூ⁴தோபஹதசித்தேவ ப்³ருவந்தீ மாம் ந லஜ்ஜஸே ।
ஶீலவ்யஸனமேதத்தே நாபி⁴ஜானாம்யஹம் புரா ॥ 57 ॥
பா³லாயாஸ்தத்த்விதிதா³னீம் தே லக்ஷயே விபரீதவத் ।
குதோ வா தே ப⁴யம் ஜாதம் யா த்வமேவம்வித⁴ம் வரம் ॥ 58 ॥
ராஷ்ட்ரே ப⁴ரதமாஸீனம் வ்ருணீஷே ராக⁴வம் வனே ।
விரமைதேன பா⁴வேன த்வமேதேனான்ருதேன வா ॥ 59 ॥
யதி³ ப⁴ர்து: ப்ரியம் கார்யம் லோகஸ்ய ப⁴ரதஸ்ய ச ।
ந்ருஶம்ஸே பாபஸங்கல்பே க்ஷுத்³ரே து³ஷ்க்ருதகாரிணி ॥ 6௦ ॥
கின்னு து³க²மலீகம் வா மயி ராமே ச பஶ்யஸி ।
ந கத²ஞ்சித்³ருதே ராமாத்³ப⁴ரதோ ராஜ்யமாவஸேத் ॥ 61 ॥
ராமாத³பி ஹி தம் மன்யே த⁴ர்மதோ ப³லவத்தரம் ।
கத²ம் த்³ரக்ஷ்யாமி ராமஸ்ய வனம் க³ச்சே²தி பா⁴ஷிதே ॥ 62 ॥
முக²வர்ணம் விவர்ணம் து தம் யதை²வேந்து³முபப்லுதம் ।
தாம் ஹி மே ஸுக்ருதாம் பு³த்³தி⁴ம் ஸுஹ்ருத்³பி⁴ஸ்ஸஹ நிஶ்சிதாம் ॥ 63 ॥
கத²ம் த்³ரக்ஷ்யாம்யபாவ்ருத்தாம் பரைரிவ ஹதாம் சமூம் ।
கிம் மாம் வக்ஷ்யந்தி ராஜானோ நானாதி³க்³ப்⁴ய ஸ்ஸமாக³தா: ॥ 64 ॥
பா³லோ ப³தாயமைக்ஷ்வாகஶ்சிரம் ராஜ்யமகாரயத் ।
யதா³ து ப³ஹவோ வ்ருத்³தா⁴ கு³ணவந்தோ ப³ஹுஶ்ருதா: ॥ 65 ॥
பரிப்ரக்ஷ்யந்தி காகுத்ஸ்த²ம் வக்ஷ்யாமி கிமஹம் ததா³ ।
கைகேய்யா க்லிஶ்யமானேன ராம: ப்ரவ்ராஜிதோ மயா ॥ 66 ॥
யதி³ ஸத்யம் ப்³ரவீம்யேதத்தத³ஸத்யம் ப⁴விஷ்யதி ।
கிம் மாம் வக்ஷ்யதி கௌஶல்யா ராக⁴வே வனமாஸ்தி²தே ॥ 67 ॥
கிம் சைனாம் ப்ரதிவக்ஷ்யாமி க்ருத்வா விப்ரியமீத்³ருஶம் ।
யதா³ யதா³ ஹி கௌஶல்யா தா³ஸீவச்ச ஸகீ²வ ச ॥ 68 ॥
பா⁴ர்யாவத்³ப⁴கி³னீவச்ச மாத்ருவச்சோபதிஷ்ட²தி ।
ஸததம் ப்ரியகாமா மே ப்ரியபுத்ரா ப்ரியம்வதா³ ॥ 69 ॥
ந மயா ஸத்க்ருதா தே³வீ ஸத்காரார்ஹா க்ருதே தவ ।
இதா³னீம் தத்தபதி மாம் யன்மயா ஸுக்ருதம் த்வயி ॥ 7௦ ॥
அபத்²யவ்யஞ்ஜனோபேதம் பு⁴க்தமன்னமிவாதுரம் ।
விப்ரகாரம் ச ராமஸ்ய ஸம்ப்ரயாணம் வனஸ்ய ச ॥ 71 ॥
ஸுமித்ரா ப்ரேக்ஷ்ய வை பீ⁴தா கத²ம் மே விஶ்வஸிஷ்யதி ।
க்ருபணம் ப³த வைதே³ஹீ ஶ்ரோஷ்யதி த்³வயமப்ரியம் ॥ 72 ॥
மாம் ச பஞ்சத்வமாபன்னம் ராமம் ச வனமாஶ்ரிதம் ।
வைதே³ஹீ ப³த மே ப்ராணான்ஶோசந்தீ க்ஷபயிஷ்யதி ॥ 73 ॥
ஹீனா ஹிமவத: பார்ஶ்வே கின்னரேணேவ கின்னரீ ।
ந ஹி ராமமஹம் த்³ருஷ்ட்வா ப்ரவஸந்தம் மஹாவனே ॥ 74 ॥
சிரம் ஜீவிதுமாஶம்ஸே ருத³ந்தீம் சாபி மைதி²லீம் ।
ஸா நூனம் வித⁴வா ராஜ்யம் ஸபுத்ரா காரயிஷ்யஸி ॥ 75 ॥
ந ஹி ப்ரவ்ராஜிதே ராமே தே³வி ஜீவிதுமுத்ஸஹே ।
ஸதீம் த்வாமஹமத்யந்தம் வ்யவஸ்யாம்யஸதீம் ஸதீம் ।
ரூபிணீம் விஷஸம்யுக்தாம் பீத்வேவ மதி³ராம் நர: ॥ 76 ॥
அன்ருதைர்ப³ஹு மாம் ஸாந்த்வை ஸ்ஸாந்த்வயந்தீ ஸ்ம பா⁴ஷஸே ।
கீ³தஶப்³தே³ன ஸம்ருத்⁴ய லுப்³தோ⁴ ம்ருக³மிவாவதீ⁴: ॥ 77 ॥
அனார்ய இதி மாமார்யா: புத்ரவிக்ராயகம் த்⁴ருவம் ।
தி⁴க்கரிஷ்யந்தி ரத்²யாஸு ஸுராபம் ப்³ராஹ்மணம் யதா² ॥ 78 ॥
அஹோ து³:க²மஹோ க்ருச்ச்²ரம் யத்ர வாச: க்ஷமே தவ ।
து³:க²மேவம்வித⁴ம் ப்ராப்தம் புராக்ருதமிவாஶுப⁴ம் ॥ 79 ॥
சிரம் க²லு மயா பாபே த்வம் பாபேனாபி⁴ரக்ஷிதா ।
அஜ்ஞானாது³பஸம்பன்னா ரஜ்ஜுருத்³ப³ந்தி⁴னீ யதா² ॥ 8௦ ॥
ரமமாணஸ்த்வயா ஸார்த⁴ம் ம்ருத்யும் த்வாம் நாபி⁴லக்ஷயே ।
பா³லோ ரஹஸி ஹஸ்தேன க்ருஷ்ணஸர்பமிவாஸ்ப்ருஶம் ॥ 81 ॥
மயா ஹ்யபித்ருக: புத்ர ஸ்ஸமஹாத்மா து³ராத்மனா ।
தம் து மாம் ஜீவலோகோயம் நூனமாக்ரோஷ்டுமர்ஹதி ॥ 82 ॥
பா³லிஶோ ப³த காமாத்மா ராஜா த³ஶரதோ² ப்⁴ருஶம் ।
ய: ஸ்த்ரீக்ருதே ப்ரியம் புத்ரம் வனம் ப்ரஸ்தா²பயிஷ்யதி ॥ 83 ॥
வ்ரதைஶ்ச ப்³ரஹ்மசர்யைஶ்ச கு³ருபி⁴ஶ்சோபகர்ஶித: ।
போ⁴க³காலே மஹத்க்ருச்ச்²ரம் புனரேவ ப்ரபத்ஸ்யதே ॥ 84 ॥
நாலம் த்³விதீயம் வசனம் புத்ரோ மாம் ப்ரதிபா⁴ஷிதும் ।
ஸ வனம் ப்ரவ்ரஜேத்யுக்தோ பா³ட⁴மித்யேவ வக்ஷ்யதி ॥ 85 ॥
யதி³ மே ராக⁴வ: குர்யாத்³வனம் க³ச்சே²தி சோதி³த: ।
ப்ரதிகூலம் ப்ரியம் மே ஸ்யான்ன து வத்ஸ: கரிஷ்யதி ॥ 86 ॥
ஶுத்³த⁴பா⁴வோ ஹி பா⁴வம் மே ந து ஜ்ஞாஸ்யதி ராக⁴வ: ॥ 87 ॥
ஸ வனம் ப்ரப்³ரஜே த்யுக்தோ பா³ட⁴ மித்யேவ வக்ஷயதி ।
ராக⁴வே ஹி வனம் ப்ராப்தே ஸர்வலோகஸ்ய தி⁴க்க்ருதம் ॥ 88 ॥
ம்ருத்யுரக்ஷமணீயம் மாம் நயிஷ்யதி யமக்ஷயம் ।
ம்ருதே மயி க³தே ராமே வனம் மனுஜபுங்க³வே ॥ 89 ॥
இஷ்டே மம ஜனே ஶேஷே கிம் பாபம் ப்ரதிபத்ஸ்யஸே ।
கௌஶல்யா மாம் ச ராமம் ச புத்ரௌ ச யதி³ ஹாஸ்யதி ॥ 9௦ ॥
து³:கா²ன்யஸஹதீ தே³வீ மாமேவானுமரிஷ்யதி ।
கௌஸல்யாம் ச ஸுமித்ராம் ச மாம் ச புத்ரைஸ்த்ரிபி⁴ஸ்ஸஹ ॥ 91 ॥
ப்ரக்ஷிப்ய நரகே ஸா த்வம் கைகேயி ஸுகி²தா ப⁴வ ।
மயா ராமேண ச த்யக்தம் ஶாஶ்வதம் ஸத்க்ருதம் கு³ணை: ॥ 92 ॥
இக்ஷ்வாகுகுலமக்ஷோப்⁴யமாகுலம் பாலயிஷ்யஸி ।
ப்ரியம் சேத்³ப⁴ரதஸ்யைதத்³ராமப்ரவ்ராஜனம் ப⁴வேத் ॥ 93 ॥
மா ஸ்ம மே ப⁴ரத: கார்ஷீத்ப்ரேதக்ருத்யம் க³தாயுஷ: ।
ஹந்தானார்யே மமாமித்ரே ஸகாமா ப⁴வ கைகயி ॥ 94 ॥
ம்ருதே மயி க³தே ராமே வனம் புருஷபுங்க³வே ।
ஸேதா³னீம் வித⁴வா ராஜ்யம் ஸபுத்ரா காரயிஷ்யஸி ॥ 95 ॥
த்வம் ராஜபுத்ரீவாதே³ன ந்யவஸோ மம வேஶ்மனி ।
அகீர்திஶ்சாதுலா லோகே த்⁴ருவ: பரிப⁴வஶ்ச மே ॥ 96 ॥
ஸர்வபூ⁴தேஷு சாவஜ்ஞா யதா² பாபக்ருதஸ்ததா² ।
கத²ம் ரதை²ர்விபு⁴ர்யாத்வா கஜ³ாஶ்வைஶ்ச முஹுர்முஹு: ॥ 97 ॥
பத்³ப்⁴யாம் ராமோ மஹாரண்யே வத்ஸோ மே விசரிஷ்யதி ।
யஸ்ய த்வாஹாரஸமயே ஸூதா³: குண்ட³லதா⁴ரிண: ॥ 98 ॥
அஹம்பூர்வா: பசந்தி ஸ்ம ப்ரஶஸ்தம் பானபோ⁴ஜனம் ।
ஸ கத²ன்னு கஷாயாணி திக்தானி கடுகானி ச ॥ 99 ॥
ப⁴க்ஷயன்வன்யமாஹாரம் ஸுதோ மே வர்தயிஷ்யதி ।
மஹார்ஹவஸ்த்ரஸம்வீதோ பூ⁴த்வா சிரஸுகோ²ஷித: ॥ 1௦௦ ॥
காஷாயபரிதா⁴னஸ்து கத²ம் பூ⁴மௌனிவத்ஸ்யதி ।
கஸ்யைதத்³தா⁴ருணம் வாக்யமேவம்வித⁴மசிந்திதம் ॥ 1௦1 ॥
ராமஸ்யாரண்யக³மனம் ப⁴ரதஸ்யாபி⁴ஷேசனம் ।
தி⁴க³ஸ்து யோஷிதோ நாம ஶடா² ஸ்ஸ்வார்த²பராஸ்ஸதா³ ।
ந ப்³ரவீமி ஸ்த்ரிய ஸ்ஸர்வா ப⁴ரதஸ்யைவ மாதரம் ॥ 1௦2 ॥
அனர்த²பா⁴வேர்த²பரே ந்ருஶம்ஸே மமானுதாபாய நிவிஷ்டபா⁴வே ।
கிமப்ரியம் பஶ்யஸி மன்னிமித்தம் ஹிதானுகாரிண்யத²வாபி ராமே ॥ 1௦3 ॥
பரித்யஜேயு: பிதரோ ஹி புத்ரான்பா⁴ர்யா: பதீம்ஶ்சாபி க்ருதானுராகா³: ।
க்ருத்ஸ்னம் ஹி ஸர்வம் குபிதம் ஜக³த்ஸ்யாத்³த்³ருஷ்ட்வைவ ராமம் வ்யஸனே நிமக்³னம் ॥ 1௦4 ॥
அஹம் புனர்தே³வகுமாரரூபமலங்க்ருதம் தம் ஸுதமாவ்ரஜந்தம் ।
நந்தா³மி பஶ்யன்னபி த³ர்ஶனேன ப⁴வாமி த்³ருஷ்ட்வைவ ச புனர்யுவேவ ॥ 1௦5 ॥
வினாபி ஸூர்யேண ப⁴வேத்ப்ரவ்ருத்திரவர்ஷதா வஜ்ரத⁴ரேண வாபி ।
ராமம் து க³ச்ச²ந்தமித ஸ்ஸமீக்ஷ்ய ஜீவேன்ன கஶ்சித்த்விதி சேதனா மே ॥ 1௦6 ॥
வினாஶகாமாமஹிதாமமித்ராமாவாஸயம் ம்ருத்யுமிவாத்மனஸ்த்வாம் ।
சிரம் ப³தாங்கேன த்⁴ருதாஸி ஸர்பீ மஹாவிஷா தேன ஹதோஸ்மி மோஹாத் ॥ 1௦7 ॥
மயா ச ராமேண ச லக்ஷ்மணேன ப்ரஶாஸ்து ஹீனோ ப⁴ரதஸ்த்வயா ஸஹ ।
புரம் ச ராஷ்ட்ரம் ச நிஹத்ய பா³ந்த⁴வான் மமாஹிதானாம் ச ப⁴வாபி⁴ஹர்ஷிணீ ॥ 1௦8 ॥
ந்ருஶம்ஸவ்ருத்தே வ்யஸனப்ரஹாரிணி ப்ரஸஹ்ய வாக்யம் யதி³ஹாத்³ய பா⁴ஷஸே ।
ந நாம தே கேன முகா²த்பதந்த்யதோ⁴ விஶீர்யமாணா த³ஶனா ஸ்ஸஹஸ்ரதா⁴ ॥ 1௦9 ॥
ந கிஞ்சிதா³ஹாஹிதமப்ரியம் வசோ ந வேத்தி ராம: பருஷாணி பா⁴ஷிதும் ।
கத²ன்னு ராமே ஹ்யபி⁴ராமவாதி³னி ப்³ரவீஷி தோ³ஷான்கு³ணனித்யஸம்மதே ॥ 11௦ ॥
ப்ரதாம்ய வா ப்ரஜ்வல வா ப்ரணஶ்ய வா ஸஹஸ்ரஶோ வா ஸ்பு²டிதா மஹீம் வ்ரஜ ।
ந தே கரிஷ்யாமி வச ஸ்ஸுதா³ருணம் மமாஹிதம் கேகயராஜபாம்ஸனி ॥ 111 ॥
க்ஷுரோபமாம் நித்யமஸத்ப்ரியம்வதா³ம் ப்ரது³ஷ்டபா⁴வாம் ஸ்வகுலோபகா⁴தினீம் ।
ந ஜீவிதும் த்வாம் விஷஹேமனோரமாம் தி³த⁴க்ஷமாணாம் ஹ்ருத³யம் ஸப³ந்த⁴னம் ।
2.12,112 ।
ந ஜீவிதம் மேஸ்தி புன:குத ஸ்ஸுக²ம் வினாத்மஜேனாத்மவத: குதோ ரதி: ।
மமாஹிதம் தே³வி ந கர்துமர்ஹஸி ஸ்ப்ருஶாமி பாதா³வபி தே ப்ரஸீத³ மே ॥ 112 ॥
ஸ பூ⁴மிபாலோ விலபன்னநாத²வத்ஸ்த்ரியா க்³ருஹீதோ ஹ்ருத³யேதிமாத்ரயா ।
பபாத தே³வ்யாஶ்சரணௌ ப்ரஸாரிதாவுபா⁴வஸம்ஸ்ப்ருஶ்ய யதா²துரஸ்ததா² ॥ 113 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்³வாத³ஶஸ்ஸர்க:³ ॥
