ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஷட்ஷஷ்டிதமஸ்ஸர்க:³ ।
தம் ததா² ஶோகஸந்தப்தம் விலபந்தமனாத²வத் ।
மோஹேன மஹதாவிஷ்டம் பரித்³யூனமசேதனம் ॥ 1 ॥
ததஸ்ஸௌமித்ரிராஶ்வாஸ்ய முஹூர்தாதி³வ லக்ஷ்மண: ।
ராமம் ஸம்போ³த⁴யாமாஸ சரணௌ சாபி⁴பீட³யன் ॥ 2 ॥
மஹதா தபஸா ராம மஹதா சாபி கர்மணா ।
ராஜ்ஞா த³ஶரதே²னாஸி லப்³தோ⁴ம்ருதமிவாமரை: ॥ 3 ॥
தவ சைவ கு³ணைர்ப³த்³த⁴ஸ்த்வத்³வியோகா³ன்மஹீபதி: ।
ராஜா தே³வத்வமாபன்னோ ப⁴ரதஸ்ய யதா²ஶ்ருதம் ॥ 4 ॥
யதி³ து³:க²மித³ம் ப்ராப்தம் காகுத்ஸ்த² ந ஸஹிஷ்யஸே ।
ப்ராக்ருதஶ்சால்பஸத்த்வஶ்ச இதர: கஸ்ஸஹிஷ்யதி ॥ 5 ॥
து³:கி²தோ ஹி ப⁴வான்லோகாம்ஸ்தேஜஸா யதி³ த⁴க்ஷ்யதே ।
ஆர்தா: ப்ரஜா நரவ்யாக்⁴ர க்வ நு யாஸ்யந்தி நிர்வ்ருதிம் ॥ 6 ॥
லோகஸ்வபா⁴வ ஏவைஷ யயாதிர்னஹுஷாத்மஜ: ।
க³தஶ்ஶக்ரேண ஸாலோக்யமனயஸ்தம் ஸமஸ்ப்ருஶத் ॥ 7 ॥
மஹர்ஷிர்யோ வஸிஷ்ட²ஸ்து ய: பிதுர்ன: புரோஹித: ।
அஹ்னா புத்ரஶதம் ஜஜ்ஞே ததை²வாஸ்ய புனர்ஹதம் ॥ 8 ॥
யா சேயம் ஜக³தாம் மாதா தே³வீ லோகனமஸ்க்ருதா ।
அஸ்யாஶ்ச சலனம் பூ⁴மேர்த்³ருஶ்யதே ஸத்யஸம்ஶ்ரவ ॥ 9 ॥
யௌ த⁴ர்மௌ ஜக³தாம் நேத்ரௌ யத்ர ஸர்வம் ப்ரதிஷ்டி²தம் ।
ஆதி³த்யசந்த்³ரௌ க்³ரஹணமப்⁴யுபேதௌ மஹாப³லௌ ॥ 1௦ ॥
ஸுமஹாந்த்யபி பூ⁴தானி தே³வாஶ்ச புருஷர்ஷப⁴ ।
ந தை³வஸ்ய ப்ரமுஞ்சந்தி ஸர்வபூ⁴தானி தே³ஹின: ॥ 11 ॥
ஶக்ராதி³ஷ்வபி தே³வேஷு வர்தமானௌ நயானயௌ ।
ஶ்ரூயேதே நரஶார்தூ³ல ந த்வம் ஶோசிதுமர்ஹஸி ॥ 12 ॥
நஷ்டாயாமபி வைதே³ஹ்யாம் ஹ்ருதாயாமபி சானக⁴ ஶோசிதும் நார்ஹஸே வீர யதா²ன்ய: ப்ராக்ருதஸ்ததா² ॥ 13 ॥
த்வவ்தி³தா⁴ ந ஹி ஶோசந்தி ஸததம் ஸத்யத³ர்ஶின: ।
ஸுமஹத்ஸ்வபி க்ருச்ச்²ரேஷு ராமானிர்விண்ணத³ர்ஶனா: ॥ 14 ॥
தத்த்வதோ ஹி நரஶ்ரேஷ்ட² பு³த்³த்⁴யா ஸமனுசிந்தய ।
பு³த்⁴த்³யா யுக்தா மஹாப்ராஜ்ஞா விஜானந்தி ஶுபா⁴ஶுபே⁴ ॥ 15 ॥
அத்³ருஷ்டகு³ணதோ³ஷாணாமத்⁴ருவாணாம் து கர்மணாம் ।
நாந்தரேண க்ரியாம் தேஷாம் ப²லமிஷ்டம் ப்ரவர்ததே ॥ 16 ॥
த்வமேவ ஹி புரா ராம மாமேவம் ப³ஹுஶோன்வஶா: ।
அனுஶிஷ்யாத்³தி⁴ கோ நு த்வாமபி ஸாக்ஷாத்³ப்³ருஹஸ்பதி: ॥ 17 ॥
பு³த்³தி⁴ஶ்ச தே மஹாப்ராஜ்ஞ தே³வைரபி து³ரன்வயா ।
ஶோகேனாபி⁴ப்ரஸுப்தம் தே ஜ்ஞானம் ஸம்போ³த⁴யாம்யஹம் ॥ 18 ॥
தி³வ்யம் ச மானுஷம் ச த்வமாத்மனஶ்ச பராக்ரமம் ।
இக்ஷ்வாகுவ்ருஷபா⁴வேக்ஷ்ய யதஸ்வ த்³விஷதாம் வதே⁴ ॥ 19 ॥
கிம் தேன ஸர்வனாஶேன க்ருதேன புருஷர்ஷப⁴ ।
தமேவ த்வம் ரிபும் பாபம் விஜ்ஞாயோத்³த⁴ர்துமர்ஹஸி ॥ 2௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஷட்ஷஷ்டிதமஸ்ஸர்க:³ ॥
