ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² பஞ்சத்ரிம்ஶஸ்ஸர்க:³ ।
ததா² ப்³ருவாணம் ஸௌமித்ரிம் ப்ரதீ³ப்தமிவ தேஜஸா ।
அப்³ரவீல்லக்ஷ்மணம் தாரா தாராதி⁴பனிபா⁴னநா ॥ 1 ॥
நைவம் லக்ஷ்மண வக்தவ்யோ நாயம் பருஷமர்ஹதி ।
ஹரீணாமீஶ்வரஶ்ஶ்ரோதும் தவ வக்த்ராத்³விஶேஷத: ॥ 2 ॥
நைவாக்ருதஜ்ஞஸ்ஸுக்³ரீவோ ந ஶடோ² நாபி தா³ருண: ।
நைவான்ருதகதோ² வீர ந ஜிஹ்மஶ்ச கபீஶ்வர: ॥ 3 ॥
உபகாரம் க்ருதம் வீரோ நாப்யயம் விஸ்ம்ருத: கபி: ।
ராமேண வீர ஸுக்³ரீவோ யத³ன்யைர்து³ஷ்கரம் ரணே ॥ 4 ॥
ராமப்ரஸாதா³த்கீர்திஞ்ச கபிராஜ்யம் ச ஶாஶ்வதம் ।
ப்ராப்தவானிஹ ஸுக்³ரீவோ ருமாம் மாம் ச பரந்தப ॥ 5 ॥
ஸுது³:க²ம் ஶயித: பூர்வம் ப்ராப்யேத³ம் ஸுக²முத்தமம் ।
ப்ராப்தகாலம் ந ஜானீதே விஶ்வாமித்ரோ யதா² முனி: ॥ 6 ॥
க்⁴ருதாச்யாம் கில ஸம்ஸக்தோ த³ஶவர்ஷாணி லக்ஷ்மண ।
அஹோமன்யத த⁴ர்மாத்மா விஶ்வாமித்ரோ மஹாமுனி: ॥ 7 ॥
ஸ ஹி ப்ராப்தம் ந ஜானீதே காலம் காலவிதா³ம் வர: ।
விஶ்வாமித்ரோ மஹாதேஜா: கிம் புனர்ய: ப்ருத²க்³ஜன: ॥ 8 ॥
தே³ஹத⁴ர்மம் க³தஸ்யாஸ்ய பரிஶ்ராந்தஸ்ய லக்ஷ்மண ।
அவித்ருப்தஸ்ய காமேஷு காமம் க்ஷந்துமிஹார்ஹஸி ॥ 9 ॥
ந ச ரோஷவஶம் தாத க³ந்துமர்ஹஸி லக்ஷ்மண ।
நிஶ்சயார்த²மவிஜ்ஞாய ஸஹஸா ப்ராக்ருதோ யதா² ॥ 1௦ ॥
ஸத்த்வயுக்தா ஹி புருஷாஸ்த்வத்³விதா⁴: புருஷர்ஷப⁴ ।
அவிம்ருஶ்ய ந ரோஷஸ்ய ஸஹஸா யாந்தி வஶ்யதாம் ॥ 11 ॥
ப்ரஸாத³யே த்வாம் த⁴ர்மஜ்ஞ ஸுக்³ரீவார்தே² ஸமாஹிதா ।
மஹான்ரோஷஸமுத்பன்ன ஸ்ஸம்ரம்ப⁴ஸ்த்யஜ்யதாமயம் ॥ 12 ॥
ருமாம் மாம் கபி ராஜ்யம் ச த⁴னதா⁴ன்யவஸூனி ச ।
ராமப்ரியார்த²ம் ஸுக்³ரீவஸ்த்யஜேதி³தி மதிர்மம ॥ 13 ॥
ஸமானேஷ்யதி ஸுக்³ரீவ ஸ்ஸீதயா ஸஹ ராக⁴வம் ।
ஶஶாங்கமிவ ரோஹிண்யா நிஹத்வா ராவணம் ரணே ॥ 14 ॥
ஶதகோடிஸஹஸ்ராணி லங்காயாம் கில ராக்ஷஸா: ।
ஆயுதானி ச ஷட்த்ரிம்ஶத்ஸஹஸ்ராணி ஶதானி ச ॥ 15 ॥
அஹத்வா தாம்ஶ்ச து³ர்த⁴ர்ஷான்ராக்ஷஸான்காமரூபிண: ।
ந ஶக்யோ ராவணோ ஹந்தும் யேன ஸா மைதி²லீ ஹ்ருதா ॥ 16 ॥
தே ந ஶக்யா ரணே ஹந்துமஸஹாயேன லக்ஷ்மண ।
ராவண: க்ரூரகர்மா ச ஸுக்³ரீவேண விஶேஷத: ॥ 17 ॥
ஏவமாக்²யாதவான்வாலீ ஸ ஹ்யபி⁴ஜ்ஞோ ஹரீஶ்வர: ।
ஆக³மஸ்து ந மே வ்யக்தஶ்ஶ்ரவாத்தஸ்மாத்³ப்³ரவீம்யஹம் ॥ 18 ॥
த்வத்ஸஹாயனிமித்தம் வை ப்ரேஷிதா ஹரிபுங்க³வா: ।
ஆனேதும் வானரான்யுத்³தே⁴ ஸுப³ஹூன்ஹரியூத⁴பான் ॥ 19 ॥
தாம்ஶ்ச ப்ரதீக்ஷமாணோயம் விக்ராந்தாத்ஸுமஹாப³லான் ।
ராக⁴வஸ்யார்த²ஸித்⁴யர்த²ம் ந நிர்யாதி ஹரீஶ்வர: ॥ 2௦ ॥
க்ருதா து ஸம்ஸ்தா² ஸௌமித்ரே ஸுக்³ரீவேண புரா யதா² ।
அத்³ய தைர்வானரைஸ்ஸர்வைராக³ந்தவ்யம் மஹாப³லை: ॥ 21 ॥
ருக்ஷகோடிஸஹஸ்ராணி கோ³லாங்கூ³லஶதானி ச ।
அத்³ய த்வாமுபயாஸ்யந்தி ஜஹி கோபமரிந்த³ம ।
கோட்யோனேகாஸ்து காகுத்ஸ்த² கபீனாம் தீ³ப்ததேஜஸாம் ॥ 22 ॥
தவ ஹி முக²மித³ம் நிரீக்ஷ்ய கோபாத் க்ஷதஜனிபே⁴ நயனே நிரீக்ஷமாணா: ।
ஹரிவரவனிதா ந யாந்தி ஶாந்திம் ப்ரத²மப⁴யஸ்ய ஹி ஶங்கிதாஸ்து ஸர்வா: ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ பஞ்சத்ரிம்ஶஸ்ஸர்க:³ ॥
