ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² அஷ்டாத³ஶஸ்ஸர்க:³ ।
ததா² விப்ரேக்ஷ்யமாணஸ்ய வனம் புஷ்பிதபாத³பம் ।
விசின்வதஶ்ச வைதே³ஹீம் கிஞ்சிச்சே²ஷா நிஶாப⁴வத் ॥ 1 ॥
ஷட³ங்க³வேத³விது³ஷாம் க்ரதுப்ரவரயாஜினாம் ।
ஶுஶ்ராவ ப்³ரஹ்மகோ⁴ஷாம்ஶ்ச ஸ விராத்ரே ப்³ரஹ்மரக்ஷஸாம் ॥ 2 ॥
அத² மங்க³லவாதி³த்ரஶப்³தை³: ஶ்ருதிமனோஹரை: ।
ப்ராபு³த்⁴யத மஹாபா³ஹுர்த³ஶக்³ரீவோ மஹாப³ல: ॥ 3 ॥
விபு³த்⁴யது யதா²காலம் ராக்ஷஸேந்த்³ர: ப்ரதாபவான் ।
ஸ்ரஸ்தமால்யாம்ப³ரத⁴ரோ வைதே³ஹீமன்வசிந்தயத் ॥ 4 ॥
ப்⁴ருஶம் நியுக்தஸ்தஸ்யாம் ச மத³னேன மதோ³த்கட: ।
ந ஸ தம் ராக்ஷஸ: காமம் ஶஶாகாத்மனி கூ³ஹிதும் ॥ 5 ॥
ஸ ஸர்வாப⁴ரணைர்யுக்தோ பி³ப்⁴ரச்ச்²ரியமனுத்தமாம் ।
தாம் நகை³ர்ப³ஹுபி⁴ர்ஜுஷ்டாம் ஸர்வபுஷ்பப²லோபகை³: ॥ 6 ॥
வ்ருதாம் புஷ்கரிணீபி⁴ஶ்ச நானாபுஷ்போபஶோபி⁴தாம் ।
ஸதா³ மதை³ஶ்ச விஹகை³ர்விசித்ராம் பரமாத்³பு⁴தாம் ॥ 7 ॥
ஈஹாம்ருகை³ஶ்ச விவிதை⁴ர்ஜுஷ்டாம் த்³ருஷ்டிமனோஹரை: ।
வீதீ⁴: ஸம்ப்ரேக்ஷமாணஶ்ச மணிகாஞ்சனதோரணா: ॥ 8 ॥
நானாம்ருக³க³ணாகீர்ணாம் ப²லை: ப்ரபதிதைர்வ்ருதாம் ।
அஶோகவனிகாமேவ ப்ராவிஶத்ஸந்ததத்³ருமாம் ॥ 9 ॥
அங்க³னாஶதமாத்ரம் து தம் வ்ரஜந்தமனுவ்ரஜத் ।
மஹேந்த்³ரமிவ பௌலஸ்த்யம் தே³வக³ந்த⁴ர்வயோஷித: ॥ 1௦ ॥
தீ³பிகா: காஞ்சனீ: காஶ்சிஜ்ஜக்³ருஹுஸ்தத்ர யோஷித: ।
வாலவ்யஜனஹஸ்தாஶ்ச தாலவ்ருந்தானி சாபரா: ॥ 11 ॥
காஞ்சனைரபி ப்⁴ருங்கா³ரைர்ஜஹ்ரு: ஸலிலமக்³ரத: ।
மண்ட³லாக்³ரான் ப்³ருஸீஶ்சாபி க்³ருஹ்யான்யா: ப்ருஷ்ட²தோ யயு: ॥ 12 ॥
காசித்³ரத்னமயீம் ஸ்தா²லீம் பூர்ணாம் பானஸ்ய பா⁴மினீ ।
த³க்ஷிணா த³க்ஷிணேனைவ ததா³ ஜக்³ராஹ பாணினா ॥ 13 ॥
ராஜஹம்ஸப்ரதீகாஶம் ச²த்ரம் பூர்ணஶஶிப்ரப⁴ம் ।
ஸௌவர்ணத³ண்ட³மபரா க்³ருஹீத்வா ப்ருஷ்ட²தோ யயௌ ॥ 14 ॥
நித்³ராமத³பரீதாக்ஷ்யோ ராவணஸ்யோத்தமா: ஸ்த்ரிய: ।
அனுஜக்³மு: பதிம் வீரம் க⁴னம் வித்³யுல்லதா இவ ॥ 15 ॥
வ்யாவித்³த⁴ஹாரகேயூரா: ஸமாம்ருதி³தவர்ணகா: ।
ஸமாகள³ிதகேஶாந்தா: ஸஸ்வேத³வத³னாஸ்ததா² ॥ 16 ॥
கூ⁴ர்ணந்த்யோ மத³ஶேஷேண நித்³ரயா ச ஶுபா⁴னநா: ।
ஸ்வேத³க்லிஷ்டாங்க³குஸுமாஸ்ஸுமால்யாகுலமூர்தஜ⁴ா: ॥ 17 ॥
ப்ரயாந்தம் நைருதபதிம் நார்யோ மதி³ரலோசனா: ।
ப³ஹுமானாச்ச காமாச்ச ப்ரியா பா⁴ர்யாஸ்தமன்வயு: ॥ 18 ॥
ஸ ச காமபராதீ⁴ன: பதிஸ்தாஸாம் மஹாப³ல: ।
ஸீதாஸக்தமனா மந்தோ³ மந்தா³ஞ்சிதக³திர்ப³பௌ⁴ ॥ 19 ॥
தத: காஞ்சீனினாத³ம் ச நூபுராணாம் ச நிஸ்வனம் ।
ஶுஶ்ராவ பரமஸ்த்ரீணாம் ஸ கபிர்மாருதாத்மஜ: ॥ 2௦ ॥
தம் சாப்ரதிமகர்மாணமசிந்த்யப³லபௌருஷம் ।
த்³வாரதே³ஶமனுப்ராப்தம் த³த³ர்ஶ ஹனுமான் கபி: ॥ 21 ॥
தீ³பிகாபி⁴ரனேகாபி⁴: ஸமந்தாத³வபா⁴ஸிதம் ।
க³ந்த⁴தைலாவஸிக்தாபி⁴ர்த்⁴ரியமாணாபி⁴ரக்³ரத: ॥ 22 ॥
காமத³ர்பமதை³ர்யுக்தம் ஜிஹ்மதாம்ராயதேக்ஷணம் ।
ஸமக்ஷமிவ கந்த³ர்பமபவித்³த⁴ஶராஸனம் ॥ 23 ॥
மதி²தாம்ருதபே²னாப⁴மரஜோவஸ்த்ரமுத்தமம் ।
ஸலீலமனுகர்ஷந்தம் விமுக்தம் ஸக்தமங்க³தே³ ॥ 24 ॥
தம் பத்ரவிடபே லீன: பத்ரபுஷ்பக⁴னாவ்ருத: ।
ஸமீபமிவ ஸங்க்ராந்தம் நித்⁴யாதுமுபசக்ரமே ॥ 25 ॥
அவேக்ஷமாணஸ்து ததோ த³த³ர்ஶ கபிகுஞ்ஜர: ।
ரூபயௌவனஸம்பன்னா ராவணஸ்ய வரஸ்த்ரிய: ॥ 26 ॥
தாபி⁴: பரிவ்ருதோ ராஜா ஸுரூபாபி⁴ர்மஹாயஶா: ।
தன்ம்ருக³த்³விஜஸங்கு⁴ஷ்டம் ப்ரவிஷ்ட: ப்ரமதா³வனம் ॥ 27 ॥
க்ஷீபோ³ விசித்ராப⁴ரண: ஶங்குகர்ணோ மஹாப³ல: ।
தேன விஶ்ரவஸ: புத்ர: ஸ த்³ருஷ்டோ ராக்ஷஸாதி⁴ப: ॥ 28 ॥
வ்ருத: பரமனாரீபி⁴ஸ்தாராபி⁴ரிவ சந்த்³ரமா: ।
தம் த³த³ர்ஶ மஹாதேஜாஸ்தேஜோவந்தம் மஹாகபி: ॥ 29 ॥
ராவணோயம் மஹாபா³ஹுரிதி ஸஞ்சிந்த்ய வானர: ।
அவப்லுதோ மஹாதேஜா ஹனுமான்மாருதாத்மஜ: ॥ 3௦ ॥
ஸ ததா²ப்யுக்³ரதேஜா: ஸன்னிர்தூ⁴தஸ்தஸ்ய தேஜஸா ।
பத்ரகு³ஹ்யாந்தரே ஸக்தோ ஹனுமான் ஸம்வ்ருதோப⁴வத் ॥ 31 ॥
ஸ தாமஸிதகேஶாந்தாம் ஸுஶ்ரோணீம் ஸம்ஹதஸ்த்னீம் ।
தி³த்³ருக்ஷுரஸிதாபாங்கா³முபாவர்தத ராவண: ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ அஷ்டாத³ஶஸ்ஸர்க:³ ॥
